MunduXaime

Los vaqueiros son un grupiechu étnicu del oucidente d'Asturias, anque tamién d'outras partes del país. La sua nota carauterística ía que na Edá Media yeran ganadeiros, mentes que los Xaldos sacabanlo de la tierra, yeran agricultores (non mineiros). Ya cumo trashumaban, diban dende las suas brañas de Salas fasta Somiedu, L.laciana ou Las Babias, prauticaban l'arriería, trayendo aceite ya vinu. Dedicabanse al comerciu, nuna época en que la Ilexa condergaba el comerciu ya la usura. Polo que aquesta fía-l.lys mala publicidá. Ya que negociu fai anguanu la Banca Vaticana, ya cola la P2 (ups... que se m'escapa... si ciertu concechal de Salas l.liera aquesto...)

Labels: SaLaS

Vaya un entamu ¿eh? Pero fusilome ehí George Lucas. Ya me lu copiara nantias de you nacer. ¿Cúmo? Col DeLorean de Regresu al Futuru, cumo en Holiywood tol mundu se conoz... ¿Nun vos lo creyeis? Puéis ía verdá. Lo que pasa ía que George Lucas (Xeorxiu Lluques) yera de Mieres (tien tola pinta d'un prexubiláu d'HUNOSA afiliáu al SOMA, polo de la barba ya'l mostachón), ya cumo Mieres ta n'antes d'Ayer...
En fin, pouca xente entiende esti ripiu (dalgún ibiense).

El casu ía que diba cuntar una hestoria sou un tipu mui malu que yera Ye-Dá-y (polas hostias que daba... en fín). Daquién que tea lliendo estas lletras pensará "esti rapacín ía mediu fatu". Nun-y culpo; lleva della razón. Pero ensin embargo... ensin embargo'l tema esti de los Jedai fai que me venga al maxín el de los celtas (nun sei por quéi).

Cuando escribí'l guión d'StarWars, al crear el rol de Jadai camientéi nuna idealización del ser humanu, d'un ser humanu perfecta, mística, diferente... bohemia. Bohemía ía la lletra. Col Mayestru Yoda algaméi'l cumal cimeiru. Cola sou verborrea grandilocuente, con esi falaxe asincopáu que, anguaño, constitúi xunto col élficu el tueru llingüísticu freak.

Esto vien a cuentu por mor del tema'l celtismu, en concretu'l celtismu n'Asturias. Ya séi que a dalgún esto vei mancá-y. H.e h.e. La pallabra celta remanez, pa dalgunos, del griegu "Kelthoi" col significáu de foriatu. Outros, afirman que vién de la propia llingua celta, cumo llingua independiente, col significáu de caballeiru (cel= rellativu a caballu, asina celdon ou Tieldu, caballu, yera una castra antigua de caballos -que non ponis- asturianos).

Pa daquién los celtas son los nuesos páis, altos, rubios, de güeyos azulones, que toucan la gaita ya tienen el xeniu ya'l rixu de Braveheart ya la virilidá del Rocco Sigfredi. Pa outros los celtas son como'l Ziritione, un reclamu publicitariu, una idealización, en definitiva; nun esiesten nin esistieron enxamás. Pa esta xente los celtas son una gran mentira pa, seique, esplicar d'una mena entendible las poblaciones indoeuropeas non grecullatinas, nin xermánicas, nin eslavas. A los pueblos de la ribera atlántica.

Pa min los celtas son cumo'l Bin Laden. Tol día na bouca la xente pero naide los véu nunca. Tan... ou nun tan. De toas maneras ía lo miesmo, a min lo miesmu me da, que la xente que vivíu en Llinares foran Celtas que Paesicos, que romanos.

Lo que si, que nun yeran Yedáis. Por que los Yedáis inventelos you. Ya amái, tal tema las nueiches celtas. Manteiga. ¿A quién nun-y prestan? ía cumo una fiesta prau con bona música ya col golor d'una Ilexa cuando dempués de facer el sacramentu del Santu Ofertoriu.

# ¡Las cousas qu'acontecen nesti mundu! "Poro, la realidá soupera la ficción" Diestru @ 9:30 pm 6 comments

YÁ NUN HAI RESPETU, LOS NUEVOS NUN TIENEN CONSIDERACIÓN NENGUNA

You al menos tou fartucu sentir esto. Que si los xóvenes talo, que si los xóvenes cualo. Buó, ya digo you, ¿Ya los mayores que ía, ho?

Cumo diz el dicho d'au nun hai nun se puei sacar. Esto ía, falta motivación. ¡NUN ME CHOCA UN RES!

Cumo ando daquéi folgáu vou amosar una opinión. You pienso que parte de que los guah.es d'agora tean cumo tan ía polos debuxos animaos.

La nuesa xeneración criouse con debuxos Manga Anime. Asina, tocounos ver Bola de Dragón, con Songoku ya Piccolo; Caballeros del Zodiaco que nos introduxo de llen na cultura clásica griega. Oliver y Benji, que sabiamente tornaron anguaño reponer. Por cierto, you camiento cumo sedría esti últimu mundial si Xapón xugara con Oliver y Lenders alantre... Seriu candidatu. Lo que fou, ya que nun llegaron a promocionar. Lenders metéuse a monxe budista (ía que tenía muncho calter), Benji cambióu de sexu ya trabaya un llocal d'alterne ne Cuallotu, ya Oliver sigui n'Arxentina a la gueta sou mai, col sou monu Amedio.

Güéi los guah.es ven los Lunnys. Los Lunnys nun tienen nin oreyas nin ñaride. A min metenme miéu abondo. You tou pensando una nueiche borrina, en Llinares, pol Tayón (cementeriu de Llinares), cuando garro'l ramal pa miou casa, un soníu cumo una oveya berrando, arimar la vista a la puerta'l cementeriu ya ver salir d'una tumba a Lulila... Anonadáu numái de pensallo.

Val qu'Espinete fora un putu razcañeiru rousa, con voz de chapeiru ya mentalidá d'infraser. Pero polo menos ñariz teníala. ía verdá que conservaba esi aspeutu d'enxendru radiautivu modificáu xeneticamente, pero yera más... más fallu de la ciencia, error humanu, non error de la natura.

LAS SUPERNENAS y DEXTER. ¿Por qué tan cutres? ¿En seriu los guh.es d'agora merecen esto? ¿Por qué cuoñu los ponen ensín saber falar?

Numái se salvan Shin Chan (qu'ía una someya Chicho Terremoto), ya Futurama, que por eso yá lu quitaron.

La tortura a los guah.es nun conoz llende, nin tampouco llingua. Porque tamién n'asturianu ponen programación infantil (N.A. VERÍDICU).

Una conocida mía, socia lista pa más señas, dixérame esfotáu por mor de lo de la RTPA (Radiu Televisión Pa Areces, TeleTini pa los d'eiquí), que la programación n'asturianu nun diba tener acoyida. "Si hombre, ¿no viste la que subvencionamos (por lo de las aídas a las emisiones n'asturianu) en TeleAsturias, de los barquitos esos """"pa nenos"""" ?" Por cierto, ¿por qué agora tolos miembros de la FSA cuando falan de la TV autonómica (TA ou RTPA) tuercen el focicu?

You retrucara que milagru, colo bono que taban los putos barcos... menuda puñalada a la llingua. ía que si los ponen en Castellán tampouco los van ver. Veimos ho, que son guah.es non sounormales!!!

You remembro de guah.e ver dalgún debuxo na Gallega. La señal yera mui mala. Ya taban en Gallegu. Pero pagaba la pena ver Bola de Dragón. Llou tamién en Castellán. Ya si los ponen n'asturianu tamién tedrían esitu.

Ía, poro, polo que pido que pongan bona programación infantil na tele, pa los guah.es ya pa los que nun soumos tan guah.es (Porque ía lo únicu que val daquéi de la tele... )

Labels: SaLaS

You naciera sorpresivamente, na mía casa nun m'esperaban. Cumo la miou mai nun taba, you naciera solo. Entós la vecina que vivía arriba casa, veume ehí solo ya dixome "que faes!", ya you retrucara "cuoñu, señora, nacer nun me vei vusté". Ella dixo "anda, anda, que seya la última vede que naces solo" ya diume de mamare... Pouco, nin pa un cortáu (la probe yá taba mayor). Llou col pasu de los tiempos púnxeme a estudiar.

Nel añu de 1988 entréi nel colexu públicu de Salas, ya tras años d'estudiu ya sacrificiu acabéi "párvulos", algamando popularidá ya convirtiendome en un párvulu nomáu en tol conceyu.
Las ansias d'aventura fervianme el sangre, polo que a la edá d'ochu años dexo Llinares (au naciera) ya tras un abegosu viaxe llego a Santuyanu. La mia estancia en Santuyanu dura poucu, por qu'esqueiciera matar el llume; asina que recuerru en tiempu record los tres quilómetros que separdian Llinares de Santuyanu. Ya regresu pa Santuyanu.

En Santuyanu'l tema los párvulos andaba esqueicíu (Santuyanu ía un pueblu de refinamientu ya cultura). Poro, metime a monaguillu. Yera'l meyor. Cumo toucaba las campanas, madre mía. Hasta xente d'Uviéu ya Xixón venía a veme repicar... Entós fou cuando la fama me consumíu ya engancheime entós a las naranxas. Comía cuatru al día.
Tuve que dexar el miou oficiu de monaguillu, por mor de las naranxas, que numái pensaba nellas. Pero cola inestimable aída de los mious llogréi baltiar la fame zume.
Entós tuve una visión. Baxando una vegada'l puertu la Vallina que xebra Llinares con Camuñu cola bicicleta, aparecéuseme Elvis Presley ya Bob Marley subios a un troncomóvil. Nunca más fuméi cousas raras.

• 1.Adorar a Xaime cumo a ti mesmu ou más (sou tou si'l suxetu ía maniacodepresivu).
  
• 2.Nun dirás el nome de Xaime en Vanu (Esto diba por esos sábados de resaca dirixíu a mia mai) .
  
• 2.5. Lo qu'haiga que fer que lo faiga la tou harmana
  
• 3. Buo, lo típicu, ya que suelen dicir tolas relixones monoteístas: Nun matarás, nun roubarás, nun pegarás, sedrás bon... (La parte'l Márquetin puru ya duru)
  
• 4. Donarás al Cabezaleiru tolo que tea dientro las tous posibilidades.

Buóu, pos inda ando esperando los vuesos donativos... asina que yá sabéis se necesitais aída espiritual... Nun duldades en Chamame!!!