MunduXaime: ATENTOS AL BACALÁU

27/07/2006

ATENTOS AL BACALÁU

MANCAMUNIDÁ D'ESCELENCIA TURÍSTICA "COMARCA VAQUEIRA"
ACOYONÁI QUE YOU TAMIÉN QUIERO PILLAR CACHU!!!

Puéis sí. Tola vida caguéi pa los vaqueiros. Cumo los mious machores. Cumo nel miou pueblu. Buóu ya soumos moderaos. Porque na vil.la Salas fou un cachu pior. En Salas trataban a los xaldos, a los de la Outeda cumo nos a los vaqueiros, entós, imaxinái cumo tratarían a los vaqueiros...

Los vaqueiros son un grupiechu étnicu del oucidente d'Asturias, anque tamién d'outras partes del país. La sua nota carauterística ía que na Edá Media yeran ganadeiros, mentes que los Xaldos sacabanlo de la tierra, yeran agricultores (non mineiros). Ya cumo trashumaban, diban dende las suas brañas de Salas fasta Somiedu, L.laciana ou Las Babias, prauticaban l'arriería, trayendo aceite ya vinu. Dedicabanse al comerciu, nuna época en que la Ilexa condergaba el comerciu ya la usura. Polo que aquesta fía-l.lys mala publicidá. Ya que negociu fai anguanu la Banca Vaticana, ya cola la P2 (ups... que se m'escapa... si ciertu concechal de Salas l.liera aquesto...)

Colos años, muerre Franco, chega la democracia, la OTAN, Europa... Europa. Europa, cumo l'estáu taba a la cola la Unión,pónnos muitas perras. Pero'l problema d'España nun ía por falta cuartos, ensinon pola mala alministración.

Asina pasa en cinco conceichos del Ouciente: Ayande, Tinéu, Valdés, Cuideiru ya Salas. Naquestos concechos, dempuéis de machacar los vaqueiros durante sieglos polas bravas, agora feimoslo de mena rapiega. Cumo la rapiega. Los alcaldes ponen la sua mechor cara, vién el Presidente del "Principado de Oviedo", un paisanu campechanu que fala cumo los del pueblu (ái non, confundime) chamáu Areces ya entaman l'espoliu d'aquesti pueblu.

Agora, usan la marca identitaria que durante sieglos pisaran: la del pueblu vaqueiru. Pero aqueso sí, ai non, aquestos vein siguir siendo vaqueiros... por que nós colos vaqueiros nun queremos nada. Nun nos presta amestanos con el.los. En realidá xubir a las brañas ía bastante fastidiu, ta mui pindiu ya hai muitas curvas... ¡¡Parques Eólicos!! Aquesa ía la solución.

Porque ouru nun hai...pero facer un gran parque Eólicu dende'l Valledor n'Ayande fasta Castañéu en Cuideiru.
Los vaqueiros... probe "raza", cumo a el.los-l.lys prestaba denominase. Los de las vil.las veimos espolia-l.lys cumo nun lo fixeramos nantes. ¡¡¡Tolo que pódamos ya más...!!! Ya si na Outeda los montes del pueblu, la vecera, los respetamos, nas Brañas vei ser lo primeiru a rapiegar... pa chantar los Aeroxeneradores. Cumo ocurríu en Boudenaya.

Ai, you polo menos yá teo la conciencia tranquila, por que polo menos fui honestu. Nun valgo pa la F$A...

Labels: SaLaS

# ¡Las cousas qu'acontecen nesti mundu! "Poro, la realidá soupera la ficción" Diestru @ 10:08 pm

Comments:

Nun te preocupes, que cuando se nos acaben las brañas, vamos faer la macro-cantera esa dende "Puentevega" a Villamar, pasando por "Camuño", "Santullano" ya "Llinares"... de más de 10 km2.

Si vendimos el nuestru pueblu, ¡que nun fairemos colos demás!

Eh...! Picaste nenu, picaste... non las canteras esas pa esta legislatura nun se van facer...

...pero pa las siguientes ¡sí!. ¿Óu se vió que nun se pudiera esfarrapar cuatro parroquias pa enriquecese media doucena de paisanos que nun son d'ellas? ¡Nel Conceyu Salas!

# posted by

Anonymous : 12:02 pm

COMUNICÁU D'ÚLTIMA HOURA

L'Equipu d'esta "Revista de Variedades" vei lluchar agora ya siempre por que esas canteras nun se faigan, a lo menos nas Outedas (Llinares, Santuyanu, Villamar... val tampouco en Camuuuuñu).

L'Alcalde Salas se quixo desfarrapar el sou pueblu, haya él. Caún ía llibre fer lo que quiera na sua Casa. Anque veiga escontra los vecinos ya la opinión pública.

Pero en Llinares, mandamos los terrucos, "los llinarenses". Ya nós nun queremos canteras. Gústanos la parroquia cumo ta. Inclusive s'iguaran las carreteras más. Inclusive se restauraran la Ilexa de San Andrés. Inclusive s'escarvaran el Castru Las Cogollas... Pero nun queremos que nos estrocen el pueblu que dende fai lo menos 1000 años ta habitáu polos nuesos antepasaos, n'especial pa enriquecer áu más a unos SINVERGÜENZAS que nun viven nin miran nin pa Llinares nin pa la sua xente.

# posted by