27/07/2006

 

LAS COUSAS POL EMPIEZU...

Pravia, 1983 ¡que mal añu pa nacer... ya pal sitiu d'óu!. Poro, en 1984, ya en Llinares decidí que yá yera houra salir a ver el mundu.

You naciera sorpresivamente, na mía casa nun m'esperaban. Cumo la miou mai nun taba, you naciera solo. Entós la vecina que vivía arriba casa, veume ehí solo ya dixome "que faes!", ya you retrucara "cuoñu, señora, nacer nun me vei vusté". Ella dixo "anda, anda, que seya la última vede que naces solo" ya diume de mamare... Pouco, nin pa un cortáu (la probe yá taba mayor). Llou col pasu de los tiempos púnxeme a estudiar.
Nel añu de 1988 entréi nel colexu públicu de Salas, ya tras años d'estudiu ya sacrificiu acabéi "párvulos", algamando popularidá ya convirtiendome en un párvulu nomáu en tol conceyu.
Las ansias d'aventura fervianme el sangre, polo que a la edá d'ochu años dexo Llinares (au naciera) ya tras un abegosu viaxe llego a Santuyanu. La mia estancia en Santuyanu dura poucu, por qu'esqueiciera matar el llume; asina que recuerru en tiempu record los tres quilómetros que separdian Llinares de Santuyanu. Ya regresu pa Santuyanu.
En Santuyanu'l tema los párvulos andaba esqueicíu (Santuyanu ía un pueblu de refinamientu ya cultura). Poro, metime a monaguillu. Yera'l meyor. Cumo toucaba las campanas, madre mía. Hasta xente d'Uviéu ya Xixón venía a veme repicar... Entós fou cuando la fama me consumíu ya engancheime entós a las naranxas. Comía cuatru al día.
Tuve que dexar el miou oficiu de monaguillu, por mor de las naranxas, que numái pensaba nellas. Pero cola inestimable aída de los mious llogréi baltiar la fame zume.
Entós tuve una visión. Baxando una vegada'l puertu la Vallina que xebra Llinares con Camuñu cola bicicleta, aparecéuseme Elvis Presley ya Bob Marley subios a un troncomóvil. Nunca más fuméi cousas raras.
Eso quería dicir que yera'l momento de crear una nueva relixón (El xaimismu). Yera una rellixón mui fácil de siquir. Numái había que:

Buóu, pos inda ando esperando los vuesos donativos... asina que yá sabéis se necesitais aída espiritual... Nun duldades en Chamame!!!


Comments: Post a Comment



<< Home

This page is powered by Blogger. Isn't yours?