MunduXaime: Gaiteiros Arguyu Freak

27/07/2006

Gaiteiros Arguyu Freak

Ya enllazando colo anterior, vou dicibos que teo una gran avería dientro la testa. Home, teo munchas, eso ía verdá, ya reconozolo. Pero la peor de todas ía que sou gaiteiru.

Too escomencipióu una lluviosa tarde d'esas d'Agostu. Taba con mióu güelu, ya you tenía 8 ou 9 años, pero yá cola personalidá d'ún de 25 (Cumo diz miou mai cada vegada pior...). Miou güelu miroume a los güeyos. Garrou del aire. Adoutou semblante grave. Ya tou esfoutáu cuntoume'l significáu de la lletra "pataca". Numái cuntamelo españou too nun mare de llarimas... ¡que emoción!. ¡Que sensación!. ¡Que fuerte!

Esa nueiche cuando me deitéi apareceuseme en suañu la "Vaca Gaitera"... Bou, en realidá ía una especie de touru, con un maichu numái, d'áu-y cuelgan cuatru pendulas...

Entós cantoume "Campanines de mio Aldea", cola voz del Presi. Ya llou comprendí que llegara la houra d'entamar a toucar la gaita.

La Vaca Gaitera ía daquéi asina cumo Alá pa los musulmanes, ou el "Juanca" pa los monárquicos, ou la RTPA pa los de la F$A. El tótem áu siempre s'acude cuando las vacas tan flacas, valga la redundancia.

Cuando lo dixe en casa, miou mai casí pesca una depresión. Miou pái deixarame un tiempu de falame. Nun yera you, nun me deixaba aconseyar por naide. Pero you aneciéi entós ya sigui col tema la gaita p'alantre, pa desgracia de mious vecinos. Cuando me saludan, dempués de la houra la siesta faenlo apretando los dientes. Un espectáculu, anque a min ponme, dacuando, un poucoñín nerviousu. Miou ma, camiento que pa consolame, diz qu'ellos inda tan más nerviosos.

Cola gaita entréi de cabeza nel Universu Freak. ¿Qué asturianu nunca fou a esi conciertu d'un gaiteiru irlandés na plaza la Catedral, pa Samateo n'Uviéu, ya véu na primera fila 275 gaiteiros ensín parpadexar, cola baba cayendose-ys, atentos fasta l'últimu vibratu? Llou de toucar el gaiteiru, hai quimera, porque feixo un trinu con ¡tres batidas! Eso ía mui grave porque pasouse. ¡Áu se víu tala cousa! Probe, pola nueite vei apaecése-y la Vaca Gaitera, ya vei tirase-y a los sous pías, a morde-ylos. Ya al día siguiente tolos gaiteiros d'Asturias fain trinos con tres batidas. Asturias, esi benditu páis pal humor, áu a las cousas nun hai que busca-ys xacíu dengún!!!

# ¡Las cousas qu'acontecen nesti mundu! "Poro, la realidá soupera la ficción" Diestru @ 9:37 pm