Qué malos somos los Españoles non castellanofalantes!!!
Cuoñu vi la lluz!!! Non, miento la lluz, non la verdá, la sacra, inmaculada ya nidia verdá. Más de cinco sieglos (dende 1492), ya inda sigue habiendo malos españoles:
-Unos falan asturianu, gallegu, catalán, vascu...
-Outros son xudíos, musulmanes, budistas, protestantes... ou inclusive ateos.
-Agora hailos hasta negros ya chinos...
You yera antias ún dellos. Digo d'esi tipu d'españoles. Agora vi'l documental "Ciudadanos de Segunda", de TeleMadrid. Tou rehabilitáu. Tenían que castigar a tolos malos españoles con esi documental.
Bono, val, esplico'l documental.
"Ciudadanos de Segunda" ía un documental totalmente perniciosu ya maliciosu que feixo TeleMadrid sou la situación llingüística en Cataluña. Resulta qu'en Cataluña... ¡fálase Catalán! Cuoñu!!!
Pero veimos ver. Con cual dreichu vei una televisión autonómica pagada por una CA, a dicir en Cataluña que tienen que falar ou que nun tienen que falar. ¿Qué vein cuntar de Cataluña, que siempre fou un bastión demócrata n'España?
Pero veimos ver. ¿Qué pensarían si la TV3 fai un documental diciendo qu'en Madrid fálase castellanu, ya qu'un home de Tarrega nun pue escolarizar a la sou fiya en Madrid, na sua llingua materna: el catalán?
Na TV madrilana dicen que los hispanoamericanos tienen problemas en Cataluña por mor de la llingua; ya qu'en Cataluña estudianse los paises catalanes... Cuoñu, ¡el mercáu de llingua Catalana!
Porque la TV Madrilana nun fala de lo de siempre. De lo qu'hai que falar. De que n'Arxentina gobierna una panda de mafiosos. Que por munchu castellanu que falen... la cousa vei siguir gafa. Que nos países catalanes esiesti un compromisu social, económicu ya políticu mui desarrolláu ya mui bono en definitiva. En realidá ía un modelu a nivel europeu.
Pero en fin, si la xente fala catalán... depréndese catalán. Si ties que dir a trabayar a Dinamarca... deprendese danés... ou llamas a la TV Madrilana.
En fin, el documental ía demasiao perniciosu, ía mui mui parcialón pa colo Castellanu, que, cuoñu, coíncide col aria cultural Madrilana... Que vengan p'Asturias!!!
Labels: Mundu Mundial
# ¡Las cousas qu'acontecen nesti mundu! "Poro, la realidá soupera la ficción" Diestru @ 4:52 pm
2 comments
Vaya por Dious. Morreu'l DICTADOR chilenu ensín pode-y enxuiciar por dar un güelpe d'estáu, deponer un gobiernu llexítimu ya mandar matar ciudadanos chilenos ya d'outras partes.
Pinochet gobernou en Chile 17 años, de manera dictatorial ya tiránica, ya reprendeu a tolos que nun taban con él, ou pensaban de xeitu estremáu. Houbo torturas, xuicios amañaos, muerte terror... Güéi munchos chilenos creen que llevou'l progresu a Chile; nada más llonxe, retrasou'l progresu, con un gobiernu siempre favoratible a los EEXX.
Pinochet (you vou poner Pinochete, que suename más asturianu) yara un Sanguinariu-Dictador-Psicópta-Tontu del exe del Bien, frutu de la estratexa "Cóndor" (los cóndores son unos páxaros d'América que someyan el pitu del escudu de la España Franquista).
Esto teo qu'aclarallo. Hai Dictadores-Sanguinarios-Psicópatas-Tontu (DSPT) bonos ya malos. Por exemplu, son bonos Pinochete ya'l de Guinea, primeiru Española, llou Ecuatorial, ya agora Obiang. Teodoro Obiang ía un DSPT (DÉSPOTA) bono. Anque mate xente, bien a España ya recibese colos brazos abiertos. Ya bien abiertos. Numái los malos españoles nun lu quieren nel Congresu Diputaos ¿un dictador nuna cámara democrática? Non, gracias. Nel Congresu presta que la xente entre por mediu'l votu, ou en calidá de ciudadanos. Non dictadores que basan el sou gobiernu na represíón ya na imposición. Anque buó, al Guineanu cumo se-y cayera'l bigote. Dixo con tola cara que "eso son problemas internos de los españoles". ¡Tócate los güevos!
Por cierto. Que pena que nun saliera G.Bueno dando-y la razón. Atacando a los grupos nacionalistas (CIU, PNV, CHA, BNG, CA... ) col tema las metralletas ou l'atavismu. Non, nun creo. Esti home vese más al dellau del Guineanu, polo de la pena muerte, cousa mui filósofica, polo de la razón.
Outros dictadores (anque nun seyan dictarores da lo miesmo) son malos. Por exemplu, Fidel Castro. Esi ía malu. Cumo Hugo Chávez ou Evo Morales, estos elexíos ya relexios nel sou casu democráticamente. Vaya. Hugo Chávez lo que pasa ía que nun quier regalanos el sou petróleu cumo feixera nel sou día'l bufón arxentín de Menem. Esi prefier vendellu pol sou xustu preciu pa gastar los cuartos (ou una parte d'ellos) en dar de comer al famélicu pueblu venezolanu. Ou pa regalallu, a Cuba, al pueblu Cubanu (ou a Fidel, seique...)
Pinochete yara de los que daba'l cobre chilenu a Americanos, a cambeu de proteición, ya dellos sofitos p'apoltronase nel mandu. Al preciu que fora. Ya eso sí, colas sobras Chile ía, anguaño, el país más desarrollau d'América Llatina. Pero porque Chile ía un país inmensamente ricu. Pinochete nun feixo outra cousa qu'atrasallu unos añinos más, fundiendo los dereichos constitucionales del pueblu chilenu nun araz de delincuencia gubernamental.
Pinochete, cumo Videla, yara d'estos dictadores sudamericanos títeres almiradores de Franco. De dalguien que tea cumo faru a Fraco nun veimos poner nada. Lo únicu dicir que todos los almiradores sudamericanos yaran más cobardes, patéticos ya en xeneral peores, imitaciones baratas de Franco. Esperemos que xulguen a Pinochete áu tea, ya que-y faigan xusticia, ya non xuicios cumo los que se facian nel Chile que matóu a Victor Jara. Ya que outros dictadores nun volvan nin a Chile, nin a Arxentina, nin a nengun outru país. Na memoria, non de Pinochet, senon, d'Allende (non Ayande) ya de las Víctimas del Réxime Pinochetista.
Labels: Mundu Mundial
# ¡Las cousas qu'acontecen nesti mundu! "Poro, la realidá soupera la ficción" Diestru @ 9:08 pm
3 comments
![](http://www.alianzo.com/ranking-blogs/boton.php?url="htpp://www.munduxaime.blogspot.com")
