13/08/2008

 

Somos Necios: 5.000 personas dan la cara pola oficialidá

Con esta noticia: http://www.lavozdeasturias.es/noticias/noticia.asp?pkid=438266 esconsona Asturias güei, noticia sacada en La Voz d'Ellos. ¿De quién? De los de siempres.




Conque vienome a la cabecina aquella frase d'aquel políticu vascu, nun remembro'l sou nome, pero lo miesmo dea: Los Vascos, al igual que los asturianos, antes de doblar partimos.

Ya bona verdá yía. La principal carauterística del asturianu tien nome n'asturianu, pero non en castellanu: Ya nun yía outra cousa que la neciura. Con tolos nuesos vecinos compartimos dalgo: la llingua colos llioneses, la gaita colos gallegos, Furaco colos cántabros... pero la neciura yía cousa nuestra. Somos testeirones cumo los razcañeiros. Cumo los gochos.

Ya yía verdá. Na mía casa somos mui, pero que mui necios. Davezu nun hai con quien falar. Ya bono, teo na mente al miou buelu, mirándome solemne, ya sentenciando con esi aire tan británicu, tan del norte diciendo a mou de verdá universal, ente dientes ya con un amiestu ente cariñu, almiración ya "quita p'allá que t'estrapayo": Xaimín, tu yías el más neciu de toos. Lo cual, pa un bon asturianu yía motivu d'arguyu.

Somos necios na mia casa, pero supuengo que cumo en todas. Nas de Salas de xuru. Na villa Salas, col sou conceyu, cuando se nos mete dalgo na cabeza... pufff. Entama a xubinos de la cintura p'arriba una sensación qu'antes que llegue hasta'l pescuezu ya nun somos nós miesmos. Somos outra persona. You miesmu, cuando m'esfouto en dalgo nun atiendo a razones. Yá nun sou you...

Que dicir del restu de los asturianos. Ya eso que n'Asturias hai sitios célebres pola neciura. Yá pienso en Somiedu, ya pienso nos ayeranos, pienso nos de Tinéu... los vaqueiros, que naide s'engañe, anque seique paeza que vienen suavinos ya cola sorrisina son cuadriculaos.... pero na marina, na cuenca... Nel Oriente tamién...

Conque sí. Bono, llou hai necios de campeonatu. Veo al filólogu GarcíaArias que, reconocío'l sou llabor profesional, tolo que tien de llingüísta tienlo de neciu. Diba dicir que nun yía más neciu porque nun hai un "Neciodromu" unde entrenar, pero ta l'Academia de la Llingua, que ta formada por necios ilustres, pero necios al fin ya al cabo. Tolos asturianos aspiran nel fondu a entrar n'Academia ya que los reconozan polo necio.



Lóxicamente hai más necios: Los de la Fundación Belenos, un aquelarre de Necios, los de l'Arribada Llitararia, que son necios de Xixón, los de la Tertulia Cultural el Garrapiellu, que tamién son de Xixón, pero non por ello son menos necios... Esti finde en Carabanzo (Co. L.lena) ficieron un homenax a los Ástures, un pueblu que vivíu n'Asturias antes que los romanos, ya que son recordaos pola sua esceicional neciura. Por cierto, que'l pueblu llenara de necios actuales, llatinizaos, pero n'esencia igual de cuadriculaos

Tamién tán cumo necios de campeonatu los trabayadores de Radio Sele, Onda Peñes, Radio Parpayuela, Les Noticies, los diarios eleutrónicos n'asturianu, un carráu d'ellos que nun puengo, pero que teo enllazaos... La Xunta pola Defensa de la Llingua ya'l CAO, qu'aglutina munchas mentes bramente necias, nun esqueizo.



Conque efeutivamente Asturias yía un pueblu de necios. Namás hai que ver los deportistas asturianos: Fernando Alonso, David Villa, Samuel Sánchez... sua mayor cualidá yía que son mui asturianos, mui necios.

Asina que, ¿cumo veis l'alderique de la oficialidá?








["Parece que la batalla por el reconocimiento del asturiano podría mantenerse". ¿Chamos un pulsu a ver quien puede más?] Si quies sofitar la causa, la tua semeya faidrá d'encontu en www.doilacara.net

Labels: ,


Comments:
ye verda ostia ! nesti momentu murniu nun ta mal recordalo ,,, resistir y a por ellos ,,, nada que perder ( excepto enerxia y tenemos abonda ;-) ) y muncho que ganar ... a por ello ,,,
 
Me extraña que tengais enlazado a EL COMENTARIO TV porque es el sitio donde he defendido la lengua asturiana y me han llamado terrorista por ello.
La defenderé siempre pero duele ver que en un blog como este se enlaza el sitio donde la machacan.
Siento no escribir en asturiano porque no lo se, soy vasca.
Un saludo
 
Tranquila, tranquila, no pasa nada.

Sí, está enlazado, no es un sitio muy digamos, progresista, Juan Vega no es precisamente zurdo, pero me tiene él enlazado (o me tuvo hace bastante que no entro, la verdad).

De todas maneras también está enlazada La Nueva España y La Voz de Asturias... que no precisamente son diarios muy proasturiano (como idioma).

Ellos se lo pierden, porque tendrán que tragar (pronto) con todo.

Muchas gracias por tu comentario "anónima vasca"; hasta la victoria siempre!!!

Un abrazu
 
Tranquila, tranquila, no pasa nada.

Sí, está enlazado, no es un sitio muy digamos, progresista, Juan Vega no es precisamente zurdo, pero me tiene él enlazado (o me tuvo hace bastante que no entro, la verdad).

De todas maneras también está enlazada La Nueva España y La Voz de Asturias... que no precisamente son diarios muy proasturiano (como idioma).

Ellos se lo pierden, porque tendrán que tragar (pronto) con todo.

Muchas gracias por tu comentario "anónima vasca"; hasta la victoria siempre!!!

Un abrazu
 
Post a Comment



<< Home

This page is powered by Blogger. Isn't yours?