07/08/2008

 

El Toucín de las Almorranas

Había un cura en Llinares que tenía un ama, ya vinieran de la parte Galicia ya eran los dos mui galleguinos. Ya acordanon llamar a unu d'ahí que llamaban Cándido L... C... pa cava-ys el güertu. Ya fou p'allá. Ya cuando llegóu la hora xintar diz ella:

-Á señor Cándido, lle voi a dar unhas sopas que aínda lle han de gustar. ¿Usté las quiere al retorzón o al mordiscón?

Diz él:
-Buó, al retorzón.

Ya empezóu a retorcer así, ya a tirar en cazu, ya a retorcer así ya a tirar en casu [arrancando cachinos a un pan, con movimientu de torsión]

Ya diz él:

-¡Cuoñu, non! Démelas al mordiscón.

Entós mordía'l pan ya tiraba'l mordiscu en cazu, ya mordía ya tiraba'l mordiscu en cazu. Ya él quedouse así... ya bueno, ella dio-y las sopas, púso-y el platu na mesa, ya ella mentres tanto garróu 'l cubu ya marchóu pa la fonte. Ya él entós garróu'l platu ya tiróu las sopas pola ventana. Aquellas sopas ¿quién las comía?

Tiróulas pola venta. Ya mentres tanto anduvo buscando por ellí a ver si encontraba dalgo que comer, porque claro, quedara ensin comer. Ya entós atoupóu un cachu toucín ellí nel armariu, nun platu ya comióulu.

Ya nesto llega ella de la fonte, posa'l cubu ya empieza a buscar por allí, a buscar, ya buscaba'l tocín que comiera él. Ya diz ella:

-Á señor Cándido, ¿Usté non me vería por aquí un cacho tocín que tenía nun plato?

Ya él, claro, diose cuenta que fuera'l qu'él comiera, pero cumo lo garrara sin pidilu nun dá-ylo pues dixo que non, que nun lu viera.

Ya diz ella:

-¡Ai de mí probiña probe si nun lo encuentro! ¡Era el del señor cura untar as almorranas!





Esto, que pue ser l'entamu d'una peli de Quentin Tarantino -atención al especial veraniegu "Que te Quentin, Tarantino" del blogue www.lagueyadacritica.blogspot.com) yía un cuentu medieval, que cuntava la mía buela Nélida, que según ella arreglaralu'l sou padre, que lu sintiera n'América.


Paez ser que yía un cuentu, cumo tanta lliteratura española ya portuguesa d'orixe mouru, nel sen de mouru cumo pueblu semíticu; non nel sen de mouru cumo pueblu prerromanu.Espero que vos preste, ya si queréis, ehí ta'l llibru: "Cuentos medievales en la tradición oral de Asturias", del salense Jesús Suárez López. [Hai cuentos de toda Asturias, ya'l trabayu financialu'l Conceyu Xixón ya'l Gobiernu d'Asturias... pero préstame poner...etc. ¿sabéis?]

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 3:52 pm
Comments:
This comment has been removed by the author.
# posted by Blogger Diestru : 3:59 pm
 
Pa esas cousas sou un vagu, pero a los mious buelos vien los esprimienon Suso, Ambás ya outros...


Si tenéis buelos, habéis compatir estas cousas, ya facer mayor el Tesoru Cultural del Pueblu Asturianu. Yía de todos, ya bono, dicir que presta, ya presta ver estas cousas cuando van p'alantre.


xXx
# posted by Blogger Diestru : 3:59 pm
 
Llevo riéndome un cachu. Un cuentu mui prestosu.
# posted by Blogger Lluis de Turiellos : 7:50 pm
 
yeezys
kobe shoes
adidas stan smith
adidas ultra boost
louboutin outlet
hermes birkin
supreme new york
nike shox
adidas ultra
cheap jordans

# posted by Blogger yanmaneee : 5:56 am
 
Post a Comment



<< Home

This page is powered by Blogger. Isn't yours?