13/11/2007

 

Cumal "Olé"

EL REI YA CHÁVEZ


Cumal Ibero-americanu en Chile esta selmana pasada.

A min paeceume un pouco Salsa Rosa... Dígolo más que nada pol espeutáculu montáu por Xuan Carlos I, de profesión Rei d'España ya Hugo Chávez, de profesión Revolucionariu Bolivarianu.

Ía cousa prestosa ver al Rei d'España perdiendo los papeles con un líder del Tercer Mundu, cumo ía Chávez. Cumo'l restu los estadistas quedan asoraos... Nun solo los presentes, sinon tamién los de la UE.

De lo más prestosu ver a la ex-muyer de Chávez diciendo dalgo asina cumo que metiera la llingua en culu. Eso fou un momentu Tómbola... Karmele ya Mariñas.

Anque bono. En realidá la frase Tómbola fou el "¿Por qué no te callas?". El Rei. Bono anda, Borbón ya cuenta nueva. Ha ha. Qué chispa teo.

Bono. Polo menos salíu l'espertu Rioxanu de turnu (el miesmu de siempre) diciendo lo miesmu de siempre (ía que quería dicir... áu dixo X, víase que quería dicir). Ya los empresarios, ¡Puxa'l Rei! El verdadeiru defensor d'España ya los valores constitucionales... ¡¡¡Viva Franco, que fou quién lu enchufóu na Xefatura del Estáu!!!

¿Ya Hugo Chávez? Un populista. Meyor que'l Rei, por supuesto: A Chávez polo menos vótanlu. You si fora Venezolanu nun lu diba votar, pero cumo nun sou venezolanu, pos aguantome. A min mentes nun prohiba a los indíxenas falar asturianu ou la llingua que tean cumo propia nin bombardee Iraq nin las Dorigas... que faiga lu que-y preste.

You que quieren que diga. A min el Rei... mirái pa que val. Pa facer el tontu por fora, cuando se xunta con outru cumo él pa deixar al Estáu polos suelos. Cumo si fora Tómbola. You si se presentara pa las eleiciones a xefe d'Estáu nun lu diba votar... porque pa espeutáculos tenemos al Tomate yá.

Labels:


Comments: Post a Comment



<< Home

This page is powered by Blogger. Isn't yours?