20/06/2007

 

L'Asturianu, llingua al marxe

INCONSTITUCIONALIDÁ PA LA NUESA LLINGUA YÁ D'UNA VEZ, CUOÑU!!!



Agora yá nun solo nun veimos tener oficialidá, nin siquiera a desarrollar la Llei d'Usu, porque quieren quitánosla: Vein poné-y un recursu d'inconstitucionalidá. Tócate los maitos!

Ía un tema curiosu. La Izquierda $ocialdemócrata Asturiana (P$OE), sí, la que gobierna pa tolos asturianos, nun solo nun vei a nun contemplar la llingua del País cumo llingua Oficial, d'alcuerdo cono qu'asocez nel restu España, sinon que pa encima, un xuez quier declaranos la nuesa Llei d'Usu (que cumo pasóu col Plan de Normalización, nun se desendolcóu) ensinon que quier tornalla.

A dalgunos paece-ys una "Oficialidá Encubierta". Cuoñu. "Oficialidá Clandestina" diría you. Entós, claro, cumo ía l'Estatutu d'Autonomía quien tien que dicir si la llingua ía oficial ou non, una Llei nun nos val.

Conque digo you, agora que se vei camudar l'Estatutu, ou facer outru nuevu... ¿Nun podíamos intentar tracamundiar la Constitución pa torgar l'artículu 3 de la miesma, l'archiconocíu del tema llingüísticu?

Digo you. Cataluña tien un pesu mui grande nel Estáu. Ía una de las Comunidades más dinámicas en tolos aspeutos. Las opiniones de Cataluña (por identidá, demografía, puxu económicu ya políticu... etc) son sentidas en toda España ya Europa.

Asturias nun ía menos. Col nuesu Presidente Tini, ya'l sou fiel escudeiru "Llastra" ha facer valir el pesu identitariu, demográficu, económicu ya políticu... etc d'Asturias. Tenía que dir a Madrid a defender el nuesu estatutu ya intentar modificar la Constitución.





Quien lu vería!!! Diciendo eso de que "nós tolo que nun sía castellanu sofitámoslu, pero fasta la llende la oficialidá, porque supuen siempre obligatoriedá". A ver lo que dicían los probinos catalanes, Vascos, Gallegos, Valencianos, Navarros ya Baleares... En fin, la España económicamente más atrasada.

Porque Asturias ía la Tierra del Grandonismu. Eso ta claro. Poro, el nuesu Estatutu vei basase nel d'Aragón. Cumo la tresferencia de Sanidá. Cumo se feixera cola aragonesa. Asina nós vei!!!

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 6:29 pm
Comments:
pero ye qu´en realidá naide fala en "bable" nesta "región". Si yá lo dixo Lastra en Les Noticies esta selmana, la sociedá asturiana ye castellanofalante -debío ser q nun s´enteró del idioma nel q taba escritu´l periodicu-.

Lo meyor yera metenos a tolos bablistes nuna cueva -en plan museu etnográficu- y que vinieran los madrilanos a sacanos semeyes, eso sí, con conexón a interné pa poder engarranos ente nós nos foros d´Asturies.com, nun vaya ser q nun mos pongamos pingando los unos colos otros y entamemos a facer coses pola "región" y garrar pesu políticu.

Aisss, menudu país...
# posted by Anonymous Anonymous : 11:14 pm
 
Post a Comment



<< Home

This page is powered by Blogger. Isn't yours?