30/06/2007

 

Esi color verde

POLIGONU INDUSTRIAL DE LA RODRIGA: ÁU DAMOS, ACERTAMOS


La Rodriga ía una d'esas aldeyas del Conceyu Salas que partenecen a la parte la Veiga'l Narcea. Ía zona fluvial ya ta cerca de la villa Corniana.

Resulta que la veiga La Rodriga ía una veiga amplia, llana, grande, solana, ya con esa tierra negra que deixan las crecidas del Ríu Narcea.

Pos bien, el Conceyu Salas creye qu'esi ía'l sitiu más idoneu pa facer un polígonu industrial. Ya digo you, ¿pa premiar el tradicional espíritu empresarial de la zona? ou seique, sicasí pa ¿fomentallu?

Nun sei. You sou de la opinión que de facellu habia que ponellu a la salida Corniana camín de Salas, eillí las tierras son llanas tamién, pero de peor calidá. Amai nun hai salmones (nesi tramu del Ríu Nonaya).

Ya finalmente, la xente Corniana camienta que polo menos el polígonu deixara pa la villa bayura no económicu anque "namái sía polos cafes que la xente que trabayará eillí gastará nos chigres de Corni".

Si ho, los coyones de... Scooby-Doo. La xente que venga trabayar dende Xixón... ¿qué vei dar la vuelta, metese en Corniana ya parar pa tomar un café? Colas autovías, la xente en seguida vei llantase en Xixón, Mieres, Uviéu, Gráu, Pravia ou Avilés... A Corniana, ¿a quéi?

Probinos. Vein quedar ensín veiga ya ensín porgüeyu.

Labels:


Comments:
Nós ía que pa dalgo que facemos, cagámosla. Tabamos (ya falo casi en nome del Aytu. meyor quietos)
 
Pero buono rapaz, ¿inda nun t'enteraste qu'eso yia'l progresu?
¿Nun ves qu'un práu verde con vacas ya güertos/güertas (mira, salióume cumo a Ibarretxe) yia cousa de paletos?
 
You creo que meyor inda facían un campu de pruebas nucleares en La Espina, ya un cementeriu nuclear en Corniana...

Había qu'enterase, pero cumo vean que dea munchos cuartos... xúrote que puenenla.

En cuanto a las vacas, las altas instancias de nós paez que-ys tienen alerxa...
 
Post a Comment



<< Home

This page is powered by Blogger. Isn't yours?