18/03/2007

 

Isa lingua galega!!!




Esta ía una d'esas noticias paranormales qu'asoceden n'Asturias. Resulta qu'un funcionariu del Principáu unvía una tramitación pa sou, pa la sanidá asturiana, ya dicen-y que nun pue tramitar pa sou na sanidá asturiana, you nun sei si por tar n'asturianu, ser funcionariu ou ser asturianu. Eso nun lo teo claro.

A esta riestra concurrencias a nivel xuridicu-alministrativu-asturianu you llámolu la "paradoxa del ciudadanu n'Asturias". Porque n'Asturias ser ciudadanu ía una cousa... chocante.

Na Zapatilla Verde (esti nome inventelu you) ún pue tramitar en catalá ou en galego una solicitú pa ingresar nun hospital pa que te miren la didona, pero nun lo pue facer nas llinguas llariegas, asturianu ya eonaviegu. Primera paradoxa.

Tamien, noutras rexones d'esti Reinu tan Real los funcionarios suelen poder tramitar las solicitudes pa usar las intituciones ou servicios públicos de la sua autonomía correspondiente na sou llingua llariega (gallegu, catalán, Vascu, aranés ya Castellanu), a nun ser que seyan asturianos, que cumo'l restu la población asturiana nun pue solicitallo nas sous llinguas llariegas: asturianu ya eonaviegu outra vuelta. Segunda paradoxa.

Finalemente, los funcionarios suelen tener polo menos tantos dereichos cumo'l restu ciudadanos (por ser ciudadanos a fin de cuentas) n'Andalucía, Lleón, Madrid, Aragón, Murcia... etc, menos n'Asturias, que nesti sen nun puen usar (cumo'l restu los ciudadanos d'Asturias) las llinguas propias d'Asturias, que nun vou volver dicir que son l'Asturianu yal eonaviegu. Tercera paradoxa.

Bono. A estas alturas del xuegu a min esto nun me sorprende res, claro. Pero bono, hai xente que vien de fora ya, pue chocái. Mao, non ía mentira claro que me choca. ¡¡¡¡Fasta a LA NUEVA ESPAÑA-y choca yá esto!!!!

Cono que camiento que pa la prósima reforma estatutaria, el nuevu estatutu asturianu tenía que poner nel sou aparatáu pa la llingua:




Artículo 4 Futuru:
1. Las llinguas propias d'Asturias son l'asturianu ya'l eonaviegu.
2. Numái l'idioma castellanu ía oficial n'Asturias ya toos tienen el dereichu de conocellu ya usallu, ya inda más, la obligación.
3. Los poderes públicos d'Asturias garantizarán l'usu normal ya oficial del castellanu ya potenciaran el sou usu ya difusión na Rexón.
4. La xente podrá ser discriminada por mor de la llingua.


Copíai ya difundí preí!!!

Amiguinos, esto vei por esti camín... Asina qu'a resignase ya fodeses... xuntos ou xebraos


Labels:


Comments:
¿Ya esto que tien que ver col gallegu en particular? (digo eu)

Eiquí en Barcelona faime muncha gracia que los caxeros automáticos de La Caixa tán en (dique) tolas llinguas de l'Estáu: catalán, valencianu, gallegu, vascu. Ya en rumanu.

Cumo dixera l'outru, manda güevos.
 
Sedrá qu'Asturias nun ía parte del estáu???
 
Post a Comment



<< Home

This page is powered by Blogger. Isn't yours?