MunduXaime: LA HOURA DE LA VERDÁ

23/02/2007

LA HOURA DE LA VERDÁ

PRE-ELLEICIONES!!!

Arímanse las elleiciones al Parllamentu Asturiana, la Xunta Xeneral, áu tolos asturianos tamos representaos. Bono, esti añu parez que las cousas vein tar mui clarinas. Vein participar cuatru grandes partíos, ou cuatru grandes bloques, de magar outros partíos tamién concurran nas urnas. Los partíos sedrán:

-Dende la más rancia dereichona, heriedes del Franquismu, defensores de la Santa Unidá de la Nación Española Indestructible pola gracia de Dióus, ya del Llibre Mercáu pola gracia'l Euru, el P€P€ (Partíu Popular).

-Dende la Izquierda Virtual (dereicha tamién, digan lo que digan), heriedes del Franquismu cultural ya formal, defensores de la Santa Unidá de la Nación Española Indestructible pola gracia las Souvenciones, ya del SOMA ya la cultura l'enchufe, la F$A (P$O€).

-Outra vuelta dende la Dereicha (quien dixo qu'Asturias ía un país proletariu), un partíu bicéfalu, roblau baxo los auspicios de Cuadonga, polo menos tienen conciencia (espero) d'Asturias, la naciente UAS (Unión Asturianista). A ver lo que duran.

-D'Izquierda, la Izquierda Verde, Asturianista, Internacionalista, (lo que fai nun pintar nada dende fai cuantayá), cada día menos dogmáticos, menos puros, menos... ellos, IX-BA-Verdes (Izquierda ¿Xunida?- ¿Bloque? por Asturies- Los Verdes)

Por supuesto, hai outros partíos más: Andecha (ou lo que queda d'ellos), Humanistas... etc, pero estos son los cuatro grandes partíos (desgraciadamente unos mayores qu'outros).

Dos d'ellos creen nuna Nación Ejpañola (siempre puengo "Ejpaña" ensin querer, ía Essspaña), outros dos (ensín ser Nacionalistas, creen nel potencial de la nación asturiana, dientro d'una España plural, áu Asturias tome, finalmente, las decisiones de sou.

Respective al mediuambiente, el PP nun pienso que mire muncho por él. P$O€ yá se sabe, esfarrapar verde= progresu económicu. UAS nun sei lo que pueda aportar a la Ecoloxía. You confío que d'estos partíos, el que más faiga nesi sen seya IX-BA-Verdes.

You numái dicir que quedéi abondu fartucu del P$O€, de las tesis reaccionarias de Lastra, de la chulería de Javier Fernández, de las tonturas de Migoya (demuestra que n'Asturias cualisquier pue ser conseyeiru de Cultura), de la hipocresía del Fartón (cumo se paez esa palabra a "Faraón"), del socialismu asturianu en xeneral.

¿Ya'l P€P€? Esos p'Asturias nun vien mirar. Numái pa los sous negocios. Eso ta cantáu.

Colo que you nun sei quien lo faidrá meyor ou quien non. De xuru ganen P$O€ ou PP. El casu ía qu'IX-BA-Verdes garren más fuercia na Xunta Xeneral, ou qu'UAS meta un pía. Con eso... andaríamos un bon treichu

Labels: Actualidá

# ¡Las cousas qu'acontecen nesti mundu! "Poro, la realidá soupera la ficción" Diestru @ 6:05 pm

Comments:

que manies colo d'izquierda y derecha !!!

La coalición UNIÓN URAS-PAS presentase como una formación asturianista, d'ampliu espectru ideolóxicu en torno al centru y cuyu elementu más definitoriu viene dáu, precisamente, frente a les demás fuerces, toes de carácter centralista, pol so carácter asturianista.

La coalición UNIÓN URAS-PAS caracterizase además por nun tener vinculaciones nin fobies preestablecies con naide, presentándose así como una fuerza integradora y con capacidá de diálogu con toles fuerces del espectru políticu una cualidá muy especialmente considerable neste ambiente políticu de trincheres.

http://www.union.asturianista.as

Pues dexar propuestes, idees, o suxerencies en:
http://www.asturianista.as/union/index.php/2007/04/18/sumate/

saludos,

# posted by