25/12/2006
Ródase en Salas!!!
SCARY SALAS!!!
Diz Areces qu'hai que tresformar Asturias nun gran Museu. Con un Museu del Xurásicu, un museu de la Sidra, outru de la Gaita, outru d'Arte, outru del Prerrománicu... En Salas tamien nos presta la cultura. A nós, cumo'l museu yá lo tenemos (faltanos el del Salmón en Corniana, pero too s'andara neños...) veimos convertir el conceyu nun plató de cine.
Porque el conceyu Salas ía un conceyu Película. En Salas podían rodase munchas peliculas. Por exemplu:
En Corniana: Corniana, una ciudá con una cai, col sou Monesteriu en ruinas (cumo las vieyas misiones españolas del Ueste americanu), col enterrador cumo personax omnipresente, colos bonos Cornianinos, colos malos cornianinos fora de la llei... Corniana ía cumo un pueblu del llonxanu Ueste americanu.
Llou ta Salas. La monumental Salas, paez un museu d'Hestoria. Col sou mercau, col sou golor medieval. Cola humedancia. Col sou empedrau. Col sou Castiellu ya la sua Colexata. Cumo'l Edimburgu de William Wallace. Pa rodar pelis de "Los Imortales".
La Espina. Casí nada. Esfrecida, nun páramu, cola sua l.lamarga. Parax Inhospitu. Colos chigres siempres llenos pol fríu. La Espina ía (home saltando las distancias, el Naboo de Star Wars.
Maeza colas suas casonas palaciegas ya las palmeras. Col sou bonal clima. En Maeza se vien al casu nun taría mal grabar una serie cumo Miami Vice versión asturianu. Podía ser Viciu Maeza. Too s'andará...
La nuesa biesca. Mira que nun tenemos árboles pa grabar una peli cumo El Bosque Animado. Ya cumo pantasmas ya bandíos habellos tamien los hai, ensín problema. Ya que dicir de los Oucalitos. Manteiga. Pa rodar Mowgli ou Mad Max IV, ente los oucalitos ya'l circuítu del Zarrín.
Las nuesas brañas futuristas, colos aeroxeneradores. Buá, matiz. Cualisquier película de Ciencia-Ficción alcontraría un bon escenariu nas nuesas brañas. Ya las nuesas Aldeyas (Autedas, Dorigas, Traviesas...), cumo las de Tresilvania lo menos. Ehí vos vei, calidá, cuasi nada.
Ya, pa finar, la nuesa xente. Los personaxes que'l nuesu conceyu tien, que viven polas cais, polos chigre... ya que paga la pena venir fasta eiquí a conocellos. Pos más nada, ¡Inción ruédase1
Labels: SaLaS
Comments:
<< Home
Falando de Montes, qu'esqueicéuseme: El Visu, na romería ía talamente Woodstock, pol ema l'alcohol, los psicotrópicos, ya'l ambiente bohemiu ya bizarru
¡Hola collaciu!
¿Qué tal los nadales? Sé yo qu'esta entrada la escribiste col envís d'envizcanos a l'ayerán y a mi a dir pa la to fastera; pues nun te preocupes, que llegamos enantes que los Reis. Ya te llamamos dempués del añu nuevu. Feliz 2007 y besinos de la Cuenca'l Caudal.
L.leura
Post a Comment
¿Qué tal los nadales? Sé yo qu'esta entrada la escribiste col envís d'envizcanos a l'ayerán y a mi a dir pa la to fastera; pues nun te preocupes, que llegamos enantes que los Reis. Ya te llamamos dempués del añu nuevu. Feliz 2007 y besinos de la Cuenca'l Caudal.
L.leura
# posted by 
: 9:22 pm
: 9:22 pm << Home
![](http://www.alianzo.com/ranking-blogs/boton.php?url="htpp://www.munduxaime.blogspot.com")
