20/07/2007
Teunocracia!!! (ya dempués Transición ya... Democracia!!!)
III LEXISLATURA DEL CACIQUE ARECES: LA ERA DE LA TEUNOCRACIA
Escomencipia la tercer lexislatura del gobiernu d'Areces, el candidatu que'l Partíu punxo pa estas eleiciones de 2007.
Tras una negociación cola coalición IX-BA-Verdes que nun fructificóu por aciu que dicha coalición facía una política xenuína ya encamentada p'Asturias (que llou podía ser peor ou meyor) na que:
-Caliao nun tenía cuenta llantar un banzau por que total, la población d'Asturias mengua.
-Serín, non porque nun fai falta. Los gases producíos pola incineradora diban ser un coste enforma altu, en términos ecolóxicos.
-L'asturianu nun tien por que tar sometíu a un estáu d'esceición. Cumo llingua propia d'Asturias tien que ser oficial, cumo la Constitución diz.
-Ya finamente, lo evidente. Llamar a las cousas pol nome de sou. Asturias ía una nación, tala cumo Cataluña, País Bascu, Galicia, Andalucía.
El Partíu dixo que non. Que d'eso que nada. Que Caliao ía necesariu. Que Serín inda más. Que l'asturianu ellos defendenlu bien. Qu'Asturias ía una región (la TPA esfotase en remembrar esi mantra. Tol día que si la Región tal, que si en la Región cual... nunca dicen Asturias nin siquiera ou l'autonomía...)
Bono. Pa esta lexislatura Areces vei gobernar en minoría. Si esto fora un país normal diba cagase. Pero cumo ía Asturias, Ofidio tiende-y la man. Digo you, ¿pa qué se presenta pol PP? En fin.
Areces diz qu'esta lexislatura vei afitase na TEUNOCRACIA. Tócate los maitos Manolín!!!
La Teunocracia (Tecnocracia) fora un enfoque políticu que se diera nel Franquismu. Sí, dempués d'afitase nel poder illegalmente, dende 1939 fasta 1958 Franco llantou una dictadura fascista que basabase nun sistema económicu autárticu: Tendéuse al aisllamientu. Nel 1958 España taba nel arba la Bancarrota. Colo que la Dictadura abandonóu l'autarquía (pero non el poder) ya feixo un apueste distintu: Un gobiernu Teunócrata.
Los Teunócratas (Curillas del Opus Dei), yaran téunicos, cumo'l sou nome indica. Basan el desendolcu económicu nun desenrrollu teunolóxicu. En teoría.
Los Teunócratas son "contadores". Ía xente con zuna polos númaros, los beneficios ya los cuartos. A cortu plazu, siempre claro. Nun s'ocupan d'outras cousas a priori inmateriales ou aparentemente non susceptibles de beneficiu pecunariu. Cousas cuya plusvalía suel revertir en tola sociedá.
Bono. Houbo siempres munchas coincidencias ente Paco ya Tini. Repasemos dalguna:
- Dambos dos puyanon pol Turismu cumo motor económicu. Un turismu de masificación.
- Dambos dos sofitanon la emigración de los trabayadores pa fora.
- Dambos dos tenían los sous muérganos de publicidá del réxime: ún TVE col NODO outru los Telediarios de la RTPA ya la propia RTPA.
- Dambos dos "promocionaban el dialecto bable con concursos de poesía".
Cumo me h.ode, pero ía qu'Areces ta elexíu democráticamente. Eso, cumo podiera ser, nun sei, pero íalo. ¿Señaldá del Franquismu?
Conque Franco, digo Areces, vei gobernar na sua cabera (de momentu) etapa con un gobiernu Teunócrata (ía que soname a Franquista). Poro, na Conseyería de Cultura vei llantar una muyer de Lleón.
Que nun teo nada contra los lleoneses. Pero peimeque lo toi viendo. Dicir a una Conseyera de Cultura qu'ella nun fala asturianu porque cumo nun ía asturiana, eso sedría imposición.
Nesta lexislatura, esi tragu pasaremos... Polo menos!!!
Pero falta menos pa la Transición ya la Democracia Constitucional, si vos sierve cumo consuelu...
Labels: Actualidá
# ¡Las cousas qu'acontecen nesti mundu! "Poro, la realidá soupera la ficción" Diestru @ 6:12 pm 0 comments
![](http://www.alianzo.com/ranking-blogs/boton.php?url="htpp://www.munduxaime.blogspot.com")
