MunduXaime

26/11/2007

"L'ESTATUTU TIEN QUE RECONOCER LA OFICIALIDÁ, PORQUE SI NON VAN TENER QUE REPETILU"

Pos eso. José Ángel Hevia dixit. Ya, magar las "aclaraciones" de Javier Fernández sobre l'asturianu, la realidá ía la qu'amosou Uviéu esti sábadu pasáu: Lloviendo, pola oficialidá salen unas 20.000 personas polas cais d'Uviéu a glayallo.

20.000 personas. Col fríu qu'había. 20.000 personas, según Javier Fernández, "detrás de las cualas hai un proyeutu nacionalista".

Ya digo you, ¿en qué país vive esi puntu? N'Asturias yá hai, non ún, sinon dellos movimientos nacionalistas:

-El del nacionalismu asturianu, que pue ser d'Izquierdas ou de dereichas: UNIDÁ, Andecha Astur, Bloque por Asturies ou tamién URAS, PAS...

-El del nacionalismu español, que dacuando devien en peligrosu, ya que l'outru día matanon en Madrid un rapaz, ya suelen apalear negros ya hispanos: Democracia Nacional tien sucursal n'Asturias. Qué se sepa, nenguna vegada houbo noticia de griesca por mor de nacionaliegos asturianos... ía un datu.

En fin. Hasta hai xente que vota'l BNG ya partíos Abertzales. ¿Sedrán, según Javier Fernández, los asturianos pro-etarras? ¿Esistirá n'Asturias un proyeutu pro-etarra tapecíu? Inda más, ¿Habrá un proyeutu n'Asturias pa falar ya imponer el vascu a la sociedá asturiana?

Bono, cumo siempre dou la mía opinión positiva: A Javier Fernández ta entamando a prestá-y l'asturianu ya quier preservallu, pero "ensin glorificarlu". Díxolo nel congresu de los pitufos del P$OE, que miedran: Amenazan a Rajoy con nun sei qué cousa.

Eso son los líderes del futuru p'Asturias. Cimblame de las caderas p'abaxo. You a los pitufos de la F$A unviava-ys un mensaxe, por sms: Díi acostumandovos, porque n'Asturias habrá, a non muncho esperar, que respetar la institución de la Oficialidá de la llingua propia d'Asturias: l'asturianu, porque los ciudadanos d'Asturias claman l'aplicación d'un preceptu constitucional, el que refier a lo llingüístico.

Bono, el casu ía que dempués de las pintorescas "aclaraciones" de Javier Fernández, na mani houbo xente de tolos colores políticos, dende los nacionaliegos hasta los non nacionaliegos (había xente del PP ya de la F$A, anque manque a dalgunos).

Pos sí, 20.000 personas, el 2% aproximadamente de la población asturiana, salíu nesi día de lluvia polas cais d'Uviéu, tanto cumo una mani na que na Capital d'España, Madrid, na que congregan 860.000 personas (2% de la población española. Pero hai amiguinos, n'España una macromanifestación -a nivel estatal- ía cuando xuntan 400.000 personas (nun da pal 1%, pero ía xente). Ya la xente del PSOE ou del PP a nivel estatal echan las manos a las vidayas pa caltenellas ehí ya que nun españen...

N'Asturias, por coyones, dalgo falla... ya nun son las matemáticas!!!!

# ¡Las cousas qu'acontecen nesti mundu! "Poro, la realidá soupera la ficción" Diestru @ 9:34 am