15/06/2007

 

Outra gran deceición

YA ESTO ÍA LO QUE HAI!

Que cumo lo veo??? Con noxu de ser asturianu.

Con noxu de qu'un partíu cumo la F$A gane las eleiciones, dempues de que gobernara Asturias dende la transición prauticamente, llevandola de la cabeza al vagón de cola. Cada día pintamos menos.

Asturias perde pesu por mor de la sua población. Cada vez hai menos asturianos. Eso alegrame. Total, ¿pa qué?

Lo bono ía la oposición qu'hai n'Asturias. Perde las eleiciones por tuntos numái, ya ¿qué faen? El sou candidatu, secular perdedor (ía secular porque perdéu las eleiciones en dos sieglos, nel XX ya nel XXI, ya si llegara al XXII tamién las diba perder), marcha de vacaciones, ensin dar esplicaciones de los resultaos eleutorales a la República Dominicana. Vien, sigui enzurriscau con que'l sou partíu ganóu, ya cumo si nada. Mentes, el PP perde dellos conceyos emblemáticos de sou: Villaviciosa, Noreña, Pravia, Navia... Pero pa Ofidio too ía gayola ya allegría...

Asturias, esa realidá máxica, perde xente. Pero veimos construyir (ya digo you, ¿pa quién, pa los xabalinos?) tol centru de "la Región" -zuna de la RTPA cola "Región". Nun dicen nin autonomía, nin comunidá, nin Asturias, "Región". Ya pa enriba, Caliao, pa tener augua. Ya digo you, ¿pa qué? ¿Pa los campos de golfos?

Los Campos de Golfos. Probinos. Vei venir la xente a xugar golf a Asturias. Ide, ide al Campu Golfos del Visu, en Salas... pa que veais!

Pero nun s'esmolezan. Ofidio, cola tranquilidá que lu carauteriza, dempués de perder las terceras eleiciones nas que se presenta (you yá plantegome: Esiesti Ofidio, ou imaxinamosnoslu nós, los asturianos, nel nuesu maxín, ya nun somos ver nada meyor, qu'Ofidio?) llega ya tiende (cumo Rajoy a ZP colo d'ETA) la manu a Areces: "Que tean tranquilos, que si IX incordia a la F$A nós pautamos con ellos... (ou polo menos sofitamos las cousas nas que IX pueda condicionar el pautu de gobiernu -Llease Caliao, Serín, Oficialidá ya parapléxicos de Llangreu, si vien al casu)

Qué aliviu!!! Si la campaña eleutoral fixenonla en clave española, la sua política regional, tamién. Anque sobrepasen el ridículu con creces. Pero en fin. Mentes, Asturias sigui na cola no que siempre touvo, ya incrementa los ratios (negativos siempre) pa tar más na cola.

Ya l'asturianu mediu? Eso ía lo meyor. Porque l'asturianu mediu sigui camentando qu'Asturias ía xunta Cataluña ya Madrid, una rexón puntera. Poro, hai que ser consecuentes, dende Asturias non al separatismu, colo que la llingua representa. Non.

Ya la noticia que más moleición da: Alonse vei perder el mundial, porque la sou escudería inglesa (que-y paga) sofita enforma a Hamilton, que ¡casualidá! ía tamién inglés. Prietu (pensarán vustedes) pero inglés. Paez que fuera d'esta cloaca la xente aidase... pero a nós eso cuestanos muncho entendello. ¿Cumo nun nos vei costar, si somos la patria de la solidaridá internacional, que faenos francer lo más nuesu siempres?

# ¡Las cousas qu'acontecen nesti mundu! "Poro, la realidá soupera la ficción" Diestru @ 9:08 am
Comments:
Búas. Aquí vos deixamos un llink a un novo blog na fala del navia-eo.
¡un saludín!

http://berroalouguido.blogspot.com/
# posted by Anonymous Anonymous : 9:17 pm
 
lo de ovidio ye de traca esi perdedor por actitu y por resultaos esi que se atrevio a dicir que nun yera partidariu de la oficilida por ser esti idioma pocu competitivu y dizlo el !

El partiu unicu asturianu sigue gobernando ensin oposicion. El soviet duro 70 anhios y la dictadura del PRI en Mexico lo mesmo ... ye lo que nos espera ?

ye lo que quier el cuerpu social asturianu el mesmu que caga pa les sos senhes de identida y que pasa mientes y sigan pagando la prexubilacion aunque vea al fiu emigrar. Ye lo que hay.
# posted by Blogger ayalgueru : 10:51 pm
 
Post a Comment



<< Home

This page is powered by Blogger. Isn't yours?