28/05/2007

 

Continuidá? Si, pero meyor

Balance de las eleiciones
Pues por fin las eleiciones acabaronse. Yera hora. You touve hasta nerviosu. Pero en fin. PP ya P$OE cada vuelta tienen más votos, el sistema bipartidista vei axeitando'l panorama eleutoral asturianu.
Tamién se víu la Campaña de los partíos: Refleixu de lo que vein ser estos 4 años n'Asturias: Mentes que PP ya P$OE feixenon campaña en clave estatal, solo IX (de las fuercias elexidas na Xunta Xeneral, el nuesu parllamentu) rascóu dalgo, con cuatro escaños. Anque en votos baxóu. Pero polo menos tenemos una pica en flandes, un partíu que podrá tase ou non d'alcuerdu con él, pero tien un compromisu pa con Asturias verdaderu. Fou, yá digo, la única fuercia que feixo eleuta que feixo campaña en clave asturiana. A ver agora nestos cuatro años cumo faen.
Llou tan los de la banda'l zorocotroque. P$OE ya PP, que treslladarón las inquietudes de Rajoy ya Zapatero a Asturias, esqueiciendo problemas de nós. Feixenon campaña cumo si fora unas eleiciones estatales. Pero'l pueblu falóu; ya eso ía lo que paez que quier: Obviar los problemas llariegos ya facer de nós, na política llariega De Juana Chaos, el Prestige, Iraq, Al-Qaeda, que si Cataluña aprovóu un estatutu que-ys beneficia, que si Andalucía tamién, que si en realidá toos menos nós...
Nós... nós veise que tamos bien. La sidra nun nos la quitan d'esta, asina que nada. Colas nuesas cousinas.
Por embargu, Asturias esi bastión socialista. N'Asturias quien se presente pol P$OE tien yá un 30 % de votu aseguráu. Cumo si se presenta un caradura cumo Areces, col sou ensamu de personaxes del hampa ya la corrupción. En fin, somos Asturias, non Navarra nin Catalunya. Nin siquiera Andalucía.
Pero esti añu'l PP, esos que dan tanto miéu sacanon más votos que'l P$OE... Dalgo vei mal n'Asturias... pa qu'un ser cumo Ofidio saque más votos qu'el nuesu P$OE... Dalgo vei mui mal. Eso sí, si Ofidio fora llistu facía un programa más asturianista, amestando votos de la UAS ya del Asturianismu, ya ganaba las eleiciones... de xeitu más ampliu.
UAS... UAS acabouse. Ou se renuevan dende arriba pa baxo ya con una bona inversión en cuartos ya trabayu... ou eso muerre. Xuan Xosé ya Sergio Marqués valía-ys pasar a un segundu planu. Víuse nestas eleiciones. Esperemos que pa las siguientes, neto IX-BA-Verdes, renuevense ya meyoren, ya rasquen dalgo... cuanto más saquen dambos, meyor.
Llou tan los milenta partíos d'Izquierda ya asturianismu. Son peimeque 4. ¿Diferencias ente ellos? Personales siempre. Nun rascanon nada. Nin vein rascar cumo la cousa siga asina. En realidá quita-y votos a IX ya UAS. Si pautanan con dalguna d'estas fuercias, entraban na Xunta Xeneral. Faigan los sous cálculos. Pero non, conos sous argumentos políticos pueriles, personalistas, ultrapuristas, ya en definitiva mediocres, quedanse fora del espaciu políticu activu, d'apousar el culu nun escañu nel nuesu parllamentu. Non por ideoloxía, sinon por, cumo ía de dominiu públicu, motivos personales ente los cabezaleiros.
En fin, oxalá deprendieramos, pero en fin. Espero que pa 2011 la cousa meyore, ya progresemos nesi sen. De momento, you sou obtimista. P$OE, el partíu cola conceición asturiana más probetaya perdéu un escañu nel sou feudu por antonomasia. El PP por tontorolos quedan fora. Cuido que reflexonen. Pol sou bien. Ya IX-BA-Verdes caltienen la representación nel parllamentu'l país, col sou nidiu discursu de país tamién. Nun ía lo meyor que podía pasanos, pero pa min ía meyor qu'en 2003.
Cumo diz un conocíu columnista de LNE, galleguista pa más señas: ¡Haxa Salú!
Resultaos de las eleiciones http://www.eleccionesasturias2007.es/do/res/es/30337.html

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 9:25 am
Comments:
Ya naide fala de l'abstención, una de las más altas d'España... dalgo vei mal n'Asturias.

Convenía facer dende los propios partíos autocrítica... pero n'Asturias eso ía imposible
# posted by Blogger Diestru : 1:24 pm
 
Home, dame pena que pienses que'l problema ta nos personalismos. Tu mesmu dices qu'UAS ta muertu ¿cúmo vei ir naide con un muertu a las eleiciones? (sona hasta coñosu'l comentariu, pero asina yía, ya yía triste). UAS nacíu muertu axuntando dous muertos (PAS ya URAS). Pa mín el PAS tien de quitar de delantre a Xuan Xosé ya renovar dafeitu (ya dafeitu yía eso: DAFEITU) la súa estructura, las súas caras, la súa manera de trabayu; tien de posicionase bien claro, proponer un programa ampliu ya claru,... entós poderá falase d'axuntar partíos. Tamién habría de tornar a los sous oríxenes, más cercanos a la esquierda. Nesi casu igual había un sitiu pa él dientro del proyeutu qu'encomenzóu con Unidá. Por outru l.lau ta la xente que tien en mente revoluciones ya independencias ya nun quier dase cuenta que lo primeiro yía lo primeiro: el pan. Esti país nun tien trabayu, ya si nun pasamos fame yía porque antias de pasala la xente marcha. Hai qu'arreglar lo que l.levan 30 años estropiando los que malgobiernan Asturias, depués yá haberá tiempu pa outros debates.

¡Qu'haba salú!
# posted by Blogger Ayandés : 9:33 pm
 
Home, pos si. Lo que tampouco pue ser ía qu'una nueva coalición, UNIDÁ ñaza de dos escisiones de partíos (Verdes ya Andecha... yá sei que nun son escisiones esautamente) pero que UNIDÁ, ANDECHA, IX-BA-VERDES... pueden coincidir en munchos puntos del sou programa (inclusive'l PAS tamién) ya xuntos sumar cousas... diendo xebraos, lo único, xebrar
# posted by Blogger Diestru : 7:13 pm
 
Pero por dalgo hai qu'encomenzar. El PAS tien de fader l.limpieza interna primeiro, ya despuéis you nun tendría problema n'ir con el.los en coalición. Pero mientres sigan copiando'l programa electoral de Gabino (namás tien por diferencia la oficialidá) ya nun dean un mensaxe claro de lo que quieren p'Asturias ¿qué vamos falar?
Con IU, home... ir con IU sedría automarxinase, eso ta claro. IU yía grande ya amás todo lo que feixo estos años nun me merez muito respetu. Vei siendo'l momentu de crear daqué nuevo que quite del mediu a los demás, pero si nos axuntamos colos que yá tán gobernando ¿qué cambiamos? dalgo seique sí, pero pouco, ya nun yía'l momentu d'arreglar la toponimia ou fader un concursín literariu (que ta mui bien), yía'l momentu de l.levar a cabo una política seria na cultura, la ecoloxía ya la sociedá. La visión d'IU sigue siendo mui folclórica, d'un partíu qu'inda se mueve con una mentalidá española (nun me malinterpretar, nun digo española frente a asturiana, sinón española frente al mundu). Unidá yía una coalición nacionalista ya ecoloxista, IU yía una coalición d'esquierda namás.
# posted by Anonymous Anonymous : 3:39 pm
 
2016-01-06keyun
oakley sunglasses wholesale
uggs for sale
coach outlet
uggs australia
louis vuitton outlet stores
ugg boots
canada goose sale
michael kors handbags
true religion outlet
louis vuitton handbags
ralph lauren sale
ray ban outlet store
true religion
coach outlet online
ugg outlet
louis vuitton bags
red bottom shoes
tods sale
coach outlet
air max 95
coach outlet
oakley sunglasses wholesale
coach outlet
ray-ban sunglasses
michael kors outlet
cheap jordans
christian louboutin shoes
abercrombie outlet
coach factory outlet
nike trainers sale
nike free 5.0
chanel bags
cheap air jordans
michael kors handbags
jordan 11
mont blanc mountain
ray ban outlet
true religion
timberlands
louis vuitton outlet

# posted by Blogger 柯云 : 8:35 am
 
kd 11 shoes
christian louboutin outlet
cheap mlb jerseys
birkin bag
balenciaga triple s
jordan shoes
adidas tubular shadow
fila sneakers
air max 270
air max 95

# posted by Blogger yanmaneee : 6:04 am
 
Post a Comment



<< Home

This page is powered by Blogger. Isn't yours?