08/12/2006

 

Una Hestoria d'Amor braeiru

El Gochu ya Pinocho



Queridos amigos, gúei veimos falar d'un feichu que me socedeu a min. Diendo pola biesca, alcontréi na falda'l Visu, una cabaña. Dientro la cabaña había un chinu vieyu. Dixome'l vieyu:

-"Honolable cliatula. Hei eiquí un legalo de la mia milenalia civilización oliental pa ti, pa la tua milenalia civilización oucidental".

Ya diume un muñecu cumo pinocho. You llamelu Pinocho. Ya llevelu pa casa ya dientro casa, de nueche a las 00.00 (una houra menos en Galicia), el muñecu recobróu vida, ya entamóu a beillar el careáu con una siella vieya que tenemos na casa. ¿Misteriu? ¿Casualidá? ¿Alucinación? ¿Serendipia?


-----------------------------------------------------
-----------------------------------------------

Una pasiana d'eilli de Llinares, d'ouchenta y tantos años. La paisana -cumo esieste esa paisana nun veimos revelar la sua identidá- vei tolos programas del corazón. La paisana conoz tola actualidá (del pueblu, del conceyu ya la nomada "rosa"). Dacuando, hai outras muyeres que-y entrugan por dellos socesos. De la que metieran al Pantojo na carcel, nel mediu'l fervor, entrugan-y se rompiera cola cantadora, ya la muyer, cumo taba abondo alterada salíu rabiada, ya la mia mai vierala ya entrugo-y que, cuoñu, qu'áu diba toda escopetada. La paisana en cuestión, retrucara-y a mia mamai que "esas muyeres que pensaban, que dicían qu'ella sabíalo too, ya ,buó, ella que too, too, nun lo sabía..."

Conque la paisana criaba gochos, ya naciera-y ún pintu (naciera d'una gocha non de la paisana), pero nun yara pintu, pintu, yara pintu colos collores del Sporting de Xixón. Ya a la xente chocaba-y, ya'l veicín d'enriba de la paisana rabiaba, porque yara del Uviéu, ya dicía que la paisana nun facía honore al sou home, ya que lu engañaba, que tamién él fora del Sporting en vida. Ya la muyeirina col disgustu, dióu-y un telele ya morréu.

Ya'l gochu, que se llamaba Lediakhov, llevaba nel sangre, la vena d'artista, ya pola nueiche lladraba, ya cuando había lluna llena, miagaba. Ya nestas, vieno un xitán d'estos que vein a la gueta d'antigüedades ya outras cousas que negocían, ya vien pañando polos pueblos ya aldeyas ya venden llou por Madrid, ou outras ciudades. Ya'l gochu, que yara mui cultu, porque vía'l Diariu de Patricia tolos días, ya Belen Esteban ya'l debate de Maria Teresa Campos, ya nun quería que rompan España, esi gochu, mercou al xitán un baúl vieyu, un arquín pequenu, vieyu.

Ya entós, viniera a min ya falaramos de munchas cousas. Ya conociera a Pinocho, ya feixeranse mui amigos, ya llou, a partir d'aquella entamaban a toumar el téi ya las pastas de tarde, puntual, a las 17.03.

Ya l'amor ente'l Pinochu ya'l gochu Lediakhov medraba día a día, ya facíase cada vuelta más pasional. Ya la cousa diba a más, diban yá al bañu xuntos, ya dacuando caíase-ys el xabón, ya un pañabalu, ya llou discutían pa ver quien lo pañaba. Ya dacuando facíanse poemas d'amor:

¡Ai mamina!
Quién fora l.lamarga
pa sentir el tou toucín
ente'l mieu intre,
cuando te veis revolcar...

You nun sei se te teo
ou te soñei
pero you sí que sei
lo que te quedréi,
¡ven p'acou gorín del mieu coral!


Pero estas cántigas yaran un estratexa. Yara un trucu que'l gochu Lediakhov truxía ente manos pa marchar con Pinochu. Sí amigos, sí, lo que feixeron fou asociase ya facían un espeutáculu de ventrilocuo. El muñecu facía de Maricarmen ya'l gochín facía del Pato Nicol. Fasta ponía plumas pa someyar más un coríu. Pero'l que cortaba'l bacalau ehí yara Lediakhov...

Ya ganaran munchas perras. Pero Pinocho taba mui amurniáu, porque echaba de menos a Miyagui (Miyagui yara'l Chinu cabrón que me lu regalara, ya llou supe que fora por pura guasa).
Ya pol mundu andubieran pero Miyagui -taba con Karate Kit, ya nun podía antendellos, ya nun yara Miyagui, senón un actor contrtáu, que facía de Chinu, ya de Fraga cuando ésti taba indispuesto, qu'él en realidá yara d'Olloniegu, ya vivía en Cualloto. Ya qu'él nun quería saber nada, que falara col Alfaguardeiru mayor.

Ya vein entós a unas tierras estrañas ya numái llegar sienten a mou de contraseña, esti saludu:

Á Pin, ¿Ú ta pá?
Pá ta pa Ponga

Ya esa parte yara rara... ¡mialma! Dicían Ameba, outros dicían Anís... etc etc etc etc. Conque estos dos namoraos dirixense a los "MassMedia" pa orientase.

Acuden a un programa d'investigación serios, pa que-ys resuelvan loa papeleta. Al d'Iker Jiménez. (To Be Continued) / (Esto nun vei acabar eiquí...)

Labels:


Comments: Post a Comment



<< Home

This page is powered by Blogger. Isn't yours?