03/12/2006

 

Llión


LA OUTICENA COMUNIDÁ AUTÓNOMA DEL REINU D'ESPAÑA: LLIÓN


La Comunidá Autónoma de Castiella ya Llión (C.A. de Castilla y León) nun ía outra cousa qu'un invento, un "enxendru hestóricu" que se feixo na transición pa facer mayor Castiella, ya que en realidá güéi nun tien muncho xacíu (anque daquella, tampouco). ¿Por qué? Por que Llión tien una marcada personalidá dentro d'esi conxunto. Tanto pola parte llionesa cumo pola Castellana, la CA, nun ía mui popular.

Llión ta comprendíu polas provenzas de Salamanca, Zamora ya Llión propiamente dicha. Ía lo qu'antiguamente llamaron los hestoriadores romanos l'Asturias Cismontana, estremada de l'Asturias Tresmontana (Principáu d'Asturias). Poro, Llión tien daquéi d'Asturias, eso ía indudable. Ou meyor dicho, Asturias participa daquéi en Llión.

Vou haber se m'esplico. Esti ía un tema mui delicáu. Llión nun ía Asturias. Pero tampouco ía Castiella. ¿Por que nun ía Castiella? Porque, magar de qu'en Llión haiga dellos rasgos identitarios Castellanos (cumo la llingua Castellana, fala patrimonial de bien de comarcas), hai outras partes de Llión que son asturianófonas. Ya inda más, tamién hai outras partes de Llión de falaxe "asturianogalegoportugués", pero eso ía outru tema. mui compleixu, mui vastu, ya qu'inda nun ta resuelto nin en Asturias, nin en Galicia, nin por supuesto en Llión.

La llingua Asturiana en Llión llamanla "llïonés". El nome ía lo de menos. Ta claro que ía lo mesmo de lo que se fala al outru llau de la Cordalera:

La llingua asturiana ía tán d'Asturias cumo de los llioneses del sur del cordal. Porque las llinguas nun son de los estáos. Son de la humanidá, de los seres humanos.

Bien. Nesti mapa amuesase l'ambitu llingüísticu llionés. Esto ía, au se fala gallegu, au se falaasturianu, ya au se fala castellanu.

D'ehí pue sacase las siguientes conclusiones:


-El Castellanu ía la llingua que más se fala en Llión. Esto pue se por la coyuntura política ya hestórica, yá qu'anguaño la capital de Llión ta en Valladolid. Se la capital fora Ponferrada, l'asturianu tendría, seique outra consideración.


-Anque l'asturianu realmente nun tien muncha consideración. Tien más el gallegu (reconocíu nel estatutu d'autonomía de Castiella ya Llión) que'l propio asturianu, que cumo se ve, ocupa un espaciu muncho mayor. La esplicación ía cenciella: Galicia potencia más la sua llingua qu'Asturias. Habría que ver s'el presidente Areces promoviera l'asturianu (ya los presidentes anteriores) el prestixu que la llingua tendría entós...

-El llionés tien bastante uniformidá dialeutal. Sí, yá que xira too sou'l dialeutu oucidental. Esto puei truxir engarradiellas con Asturias, por mor de que l'standard asturianu xira sou las variantes centrales. S'esistiera una tradición educativa n'asturianu vieya, cumo la del castellanu esto nun tendría problemas. Pero cumo toos sabemos lo que socede...


Por supuesto que llionés ya asturianu ía sinónimu. Ía la miesma llingua. Lo peligrosu ía precisamente eso, que'l llionés arrequeixa los dialeutos centrales ya orientales ya toma cumo bas l'oucidental; mentanto n'Asturias gárrase'l central. Anque las normas seyan las de l'ALLA.


Asina, nas comarcas gallegofonas las normas son las de la Real Academia Gallega, nas comarcas asturianófonas, las de l'Academia de la Llingua Asturiana, ya nel restu, castellanófonu. las de la mal llamada Real Academia Española (en serio, ¿nun sedría más propicio llamalla "Real Academia Castellana*"?).


A parte de la llingua, Llión fou un reinu hestóricu. Al marxe de Castiella, ya anteriormente, yá esistiera Llión. Esi ía un rasgu hestóricu a tener en cuenta.


Llou, outros, ía la psicoloxía del pueblu llionés, qu'en munchos de los casos identificanse más llioneses que Castellanos... ya identifican Llión cumo una realidá material distinta de Castiella. Ía esto, cumo una rexón aparte que podiera constituíse Comunidá Autónoma. La 18ª Comunidá Autónoma del Reinu d'España...




¿Cumo afeutaría esto a Asturias? Dende llou, el Principáu d'Asturias nun tien nengún dereichu sou Llión. Que Llión nun ía Asturias. Cumo tampouco ía nin Galicia nin Castiella. Llión ía Llión.

Primeiru de too, yá nun tendríamos llende con Castiella, ya eso ía una cousa bona. Llendariamos con Galicia, pol Ueste, ya colas fasteras asturfalantes de Cantabria ya Llión (cumo agora, solo que con un pequeñu matiz: agora las comarcas llionesas ya son llionesas, caltendrían la sua identidá llionesa, ya entós yá nun "irradiaría" Castiella a las miesmas puertas del Principáu. En pasando Payares, yá nun s'entraría en Castiella, senón en l'Asturias Cismontana).

En rellación con ello, hai que pensar que Castiella ía una superpotencia mundial hestórica. El poder aculturizador castellán ía abondo granible: la llingua que naciera ente Burgos, Soria ya La Rioxa fálase angüaño nos cinco continentes ya en tolos foros internacionales. Ya ía la segunda llingua más estudiada trás l'inglés.

Segundu, Llión tendríamos una comunidá harmana al outru llau del Payares. Esto ía una cousa mui interesante. Agora l'asturianu pasaría a falase (a institucionalizase cumo llingua propia) en duas comunidades autonomas. Pero habría que negociar, claro ta, en que términos l'ALLA actuaría sou los dialeutos llariegos...

Esto ía interesante, yá qu'esti mes d'Avientu, cellebróse en Cangas la "II Xunta d'escritores n'Oucidental", ya vinieran del País Llionés unos poucos...


Sedría una pena desfacer una llingua cumo l'asturianu por motivos políticos.
Ya agora, aldericái....

Comments:
UNA NACIÓN DOS PAÍSES!!!
Por qué non??
 
¿Nación= Llingua? Nun lo creo, senón Ecuador sedría la mesma nación que Burgos, ya nun ía asina. You nun pienso qu'Asturias ya Llion seyan la miesma nacicón. Home, siempre se podiera refrendar esto col votu popular, pero nun me da que fora una xuntanza mui popular...

Lo que sí ía verdá, qu'una de las llinguas que fala'l pueblu Llonés ía asturianu. Cumo lo ía tamién el castellán...
 
Enhorabuena por el Blog.A luchar por el País Leonés.
 
Munchas gracias, pero en sí, lo qu'escribí que vos paez...
 
Por supuesto que NO a la actual Comunidad Autónoma de Castilla y León, que está fundamentando su existencia en eliminar todo lo leonés (lengua, cultura, identidad,...).

Este engendro se creo en 1983, sin dar opción al pueblo a opinar, y que está dando como único resultado la aniquilación y asesinato de lo leonés, especialmente en las provincias de Zamora y Salamanca, a las cuales se les llama "castellanas" hasta la saciedad para intentar eliminar su histórica identidad leonesa y suplantarla por una nueva identidad que les es ajena (la castellana).

Por ello, es necesario que el pueblo leonés tome una decisión sobre ese engendro cuyo fin básico era el enriquecimiento de los grandes empresarios vallisoletanos y la "no quebrantación de España", que principalmente era la no quebrantación de la España creada y basada en el pensamiento de Falange.

¿Cómo se pudo anteponer el fin político-económico de unos pocos al deseo del pueblo leonés? La respuesta a dicha pregunta es difícil, pero es evidente que la Transición en muchos aspectos fue una auténtica chapuza y, en el caso autonómico, fue en buena parte de las autonomías un desastre para las diferentes culturas e identidades.

Existe un foru astur-lliones que no se si conocereis:

http://boards5.melodysoft.com/app?ID=asturleones
 
Si te paez que n'Ecuador falen lo mesmo qu'en Burgos ye que nun fuiste nunca a Ecuador,,, o a Burgos...
Amás yo nunca dixi nada de Llingua. De toes forme hai un poeta... qu'emolecí quien ye... que dixo que les llingues son les fronteres de les naciones...
Defiendes la nuesa llingua... y entá crees nel votu popular? La opinión ed la mayoría nun puede tar p'enrriba d'una minoría. Yo soi falante d'Asturianu, y soi una minoría nel mio país... eso nun quita que tenga que tener menos drechos...
Asturies y LLión tienen una pasau hestóricu que nun pues negar. Que Asturies tea sóla, ye frutu d'una división alministrativa y arbitraria del Estáu español. Igual que facer la Comunidá de Castiella y Llión... o La Rioja... o Murcia... Personalmente una reivindicación nacional n'Asturies ensin la metá del reinu Astur-Lliones ye absurda. Ye la mio opinión y nun val nada más que lo que val la mio opinión. Dame pena que tol movimientu de la nuesa llingua ta dixebráu como ta.
 
Ñorabona pol blog, ye prestosu ver que n'Asturies hai xente que mos llama pol nome nuesu: LLIONESES

L'artículu ta perbien. Nel tema la llingua, a min prestame más nomala "astur-llïonés" y sobre too qu'ante too rispetense tolos dialeutus, trátase de defender, lluchar ya recuperar la nuesa llingua, non de facer país cola escusa la llingua normativa. Pa facer país tiemus muncha hestoria na que basanos, asína comu milenta más coses.
 
Munchas gracias pol tou comentariu.

Claro, una cousa ía la llingua ya outra la nación. Ya outra ia l'estáu...

You, cumo asturianu, podo pensar ya sofitar que'l país llïones tien la suficiente personalidá ya rasgos cumo pa constituise en Comunidá Autónoma.

Ya en cuantas a la llingua, el nome de Llionés, pal mieu ver, ía un términu mui politicu. A min prestábame más llamar a la llingua asturianu. Claro, cumo you sou asturianu eso ía pa min mui fácil. Pero deixo entrever nel aire esta entruga:

¿Porque se llama llionés al asturianu, en vede al castellán ou al gallegu que se fala en partes de Llión ya Zamora...?

Espero que naide se tome esto cumo dalgo perniciosu ou malintencionau.
 
¿Por qué non llamalu mazcayamente "Asturllionés"?

El por qué pos porque foi la llingua de lus astures ya tamién la llingua'l Reinu de Llión.
 
Yá, reinu de Llión, pero nun ía'l gallegu ou'l castellan llingua tamien de Llión? Nun son las xentes del oucidente de Llión (lo que da pa contra Galicia) llioneses? Ou las comarcas que de fala castellana de Llión, nun son llionesas. Porque si l'asturianu ía de llión ya l'outru nun lo ía? Ta claro que l'asturianu (ou'l vuesu lliones) nacéu n'Asturias. Porque esi ía'l llionés, ya non los outros idiomas, tan llioneses cumo l'asturianu?
 
UNA NACIÓN, DELLES FASTERES, TRES PAÍSES (quiciabes)
ASTURIES, PAÍS LLIONÉS (LLIÓN) Y CANTABRIA YE LO MIESMU, LA MIESMA NACIÓN
 
Na opinión de mió, Asturies ia LLión paecense en munches coses:

- una llingua que mos xune.

- una hestoria que ya quisieren munchos.

- unos gobernantes pueblerinos

LOS PUEBLOS QUE OLVIDEN EL SO PASAU NON TIENEN FUTURU
 
You, cumo asturianu, podo pensar ya sofitar que'l país llïones tien la suficiente personalidá ya rasgos cumo pa constituise en Comunidá Autónoma.
cotton printed salwar suits wholesale ,
wholesale salwar suit catalogue ,
 
Post a Comment



<< Home

This page is powered by Blogger. Isn't yours?