09/12/2006

 

La miesma hestoria d'antias

...CONTINUACIÓN YA DESENLLAZ





.... Ya llegan a ver a Iker Jimenez, pero Iker Jimenez nun taba. Taba a la gueta d'unas misteriosas voces que se sentían nel camín de Santiagu nel sou pasu por Salas, ya que fora que una muyer de l'Arxentina cayera nuna pouza d'esas de la carretera, que fain estos días, ya dicía:


Chéee...! busbús (un ratu llargu)... ¡chéeee!... busbús (outru)... ¡chéee!... busbús (ya asina munchas vegadas más) -ya Iker pensaba que yara una bisarma pero yara una muyer, que glayaba porque se mancara, ya cumo taba faciendo'l camín de Santiagu, pola sua condición espiritual, poníase a rezar, ya cuando la sacaron Iker dixo que que cousa más estraña, que... ...pero eso ía outra hestoria...


Conque los dous namoraos, diciden tener un fiyu, ya cumo ente un muñecu de madera ya un gorín hai una lleve diferencia na cadena cromosómica, nun cruzan, ya entós deciden adoutar, polo de la llei del matrimoniu gai, que la RAE inda nun sofita, porque nun houbo munchas tovía, ya pa ellos tien qu'haber más; ya adoutan un tamagochi que se llama Panchu, ya yara un ferviente siguidor d'Alfredo Díaz, el de la RTPA (Mañana usted madruga). Conque convence a la pareya pa que veigan a Con dos de Azúcar, tamién de la RTPA, pa saber quien cuoñu ta detrás d'esta pintoresca hestoria...


Nel caminu alcuentranse con Mariana, que taba curiando unos xatos pintos, por mor que'l sou maríu alcordarase d'ella, ya volviera pa casa, ya taba abriendo las puertas, que taban bien trancadas, magar qu'él declarada que dexaralas abiertas... ya Mariana (que nun yara outra cousa qu'una rana, dixo "ai non, eso se que non, you pa con esi nun volvo dir outra vede". Ya la rana Mariana amestose a ellos, ya dabai el pechu a Panchu, pero nun-y lo agradecía, un res...


Llou, vieran que nun áu taban nun se someyaba a Xixón en nada, ou en pouco. Nun había nin casas nin edificios, nin fábricas, nin chigres. Había Carbayos ya fayas... Taban en Muniel.los


LLEICIÓN D'HESTORIA


Eiquí vou facer un incisu. Muniel.los ía una fastera d'Asturias áu hai muncha biesca, ya ía mui guapu, ya hai dél turismu, ya seique valía más facer un campu golf pal turismu. Centremonos. Muniel.los ía un sitiu con muncha hestoria. Según una llenda (a ver cuando me la publica LNE, al llau de dalgo de Gracia Noriega), houbo eilli una batalla ente los Romanos (lluchaban baxo las ordes de Cayu Outusu) ya los Astures (el cabezaleiru d'estos nomábase Asturix). Cuando Asturix víu que los romanos yaran 40.037 ya los astures 113, víuse movíu a llamar al 11888, pa pidi-ys a los Pelochos que-y ufrieran una manu. Por suerte pa los romanos, en Muniel.los nun hai dala cobertura pa nenguna compañía. Nin pa Vodafone. Entós, Asturix mando-ys a los astures que se soubieran a los arboles, con piedras, morrillos ya cantos pa tira-ys a los romanos. Una vede que los tenían a tiru, descargaron los monolitos ya los polilitos. Ya'l romanu dixo: "H.a h.a, mirailos ho, paecen monos" mentes se cubría colas manos la tiesta ya reculaban aducias. Ya'l audaz caudiellu astur arengaba a los de sou "sI ho, los monos son ellos, mirailos correr". Ya los Asturianos garran la batalla, pero da igual: los romanos ganan llou la guerra xugando al tute: Cantando las cuarenta duas vueltas, ya'l que diba polos astures duldia, pero Vitu Corneliu, unvía a desendegueyar esi enguedeyu a Lucca Braschi, que por outru llau yara desengueyador, ya cumo desenguedeyou, bon desenguedeyador sedrá, se nun ía ya por que nun quier, ya a la mierda los romanos, el tute ya las castañas, cuoñu.


Colo que en llegando a Muniel.los arimase-ys un de los monos qu'inda quedaban: Llamabase "Melandri", porque yara un monu evolucionau, porque eso díxolo Darwin. Las especies tan pa evolucionar, ya dixievolucionar nel sou casu. Ya esti dixievolucionara, yara un melandru, pero facía cumo se fora un monu. Ya amestarase a esa xanda:


-El muñecu Pinocho, el gochu Lediakhov, la Rana Mariana ya Melandri, el monu cantarín (cantaba l''Asturies si yo pudiera, si yo supiera" de Vitor Manuel). Ya cumo s'amurniaban a cada intre, fain una asociación, que se vei llamar l'equipu A, ya que se fugaran d'una cárcele por un delitu que nun cometieran, ya se vusté l'arma ya s'alcuentra en problemas fasta'l cogote nun duldie en llama-ys (pero non pa pidi-ys cuartos), ellos son l'equipu A.


Pero cumo tenían yá munchos traumas (tuvieran una vida milenta vedes peor que Pascual Duarte), entraron nuna corte ya mataron a tolas vacas, ya violaron ensín pundonor unas ouveyas, ya'l perru endrogaronlu, ya mandaronlo too a tomar por culu, porque en realidá yaran unos antisistema...





AL MAYESTRU TRISTÁN TZARA: TOUCHÉ, VOTRE MERCÉ!

Labels:


Comments:
Y yo matándome a defender la xunidá nacional...
Paranoya d'escritu... BRUTAL!!
 
Hehe, gracias! Camiento qu'agora te preste más autores cumo Tristán Tzara, ou Miguel Mihura. Buó s'el xeneru te prestóu, yá sabes, ¡¡faltan escritores pa la llingua!!

Por cierto, el desenllaz de la Hestoria, saldrá espublizáu aprosimadamente pa Mayu del 2007...
 
Oi Salas, creo que yá te lo dixi más veces, pero buo ¿sabes que tas cumo una regadera? :D
Venga anda, un abrazu ya a cuidase, que ta fríu.
 
H.a h.a h.a, sí, peimeque dalgo me cuntaras dalguna vez...
 
Post a Comment



<< Home

This page is powered by Blogger. Isn't yours?