MunduXaime: Premios Príncipiegos 2006 (tamien n'Oriental daquei)

21/10/2006

Premios Príncipiegos 2006 (tamien n'Oriental daquei)

20 d'Outubre del 2006, outra edición más, n'Uviéu, d'un de los eventos Freak de la temporada: Los premios pincipiegos. Nesa fecha, tola caspa d'Uviéu, Asturias ya España xúntase n'Uviéu. A min préstame por que hai gaiteiros/eras, tamboriteiros/eras, bailladoras... si, préstame'l desfile.
Los premios principiegos son unos premios que fai Uviéu, pa reconocer a xente pol sou llabor cumo deportistas, cumo inteleutuales ou cumo filántropos, anque tean outros nomatos esas categorías. Peimeque son seyes ou siete categorías.

Que naide piense que seya una fiesta de marcáu caráuter españolista ya monárquica. Que venga'l Borbonucu cola muyer a ver a la suegra nun ía cousa rara, nin que s'agospie nel Reconquista (cumo dicen na RTPA "Hotel de la Reconquista, en Oviedo, capital de la región de Asturias en la Nación Española"). Por cierto, los premios emitense en siete llingüas, ninguna asturiana, nin n'asturianu nin en gallego-asturiano. ¡Ya eso que los pagamos nós, non los castellanos! Porque claro, el borbón ía español (castellán) ya los sous premios son un eventu castellán en mediu d'Asturias. Sí ia verdá sirven pa que veamos el nuesu principín por Uviéu, de fartura con Areces. Buo, la fartura ía una cousa tan asturiana...

Los Premios Príncipe sirve pa ver espeyau la xente d'Uviéu. Ía cuando te das cuenta lo provincianu qu'ía Uviéu. La xente toda cumo se fora de boda, espurrianse andando que presta, ya llou el príncipe caga pa ellos. Pa esi día había que clonar a Pachín, pa que inaugurara daquéi. Esti añu la RTPA.

Esta vegada la noticia cubríula'l razcañeiru. Dende'l Reconquista fasta'l Ca Beleño ya llou, siguíu nel Esperteyu (ía au tien la sua oficina). Vaya melopea. Esti añu la entrevista feixola a Revilla, el presidente de Cantabria.

Cantabria ía una provincia castellana, abierta al mar, al mar cantábricu. Esi ía'l mayor feichu diferencial de Cantabria. Llou na montaña cantabra hai un dialeutu oriental del tueiru asturianu, présta-ys muncho la gaita asturiana, que tocan con devoción, ya fasta-y feixeron una fiesta. Llou dicen pallabras asturianas, en vede xatu "jato" ya cousas asina. Cantan el chalaneru pero con outra lletra, dicen Beatu de Llebana ía mundial, ya sienten l'himnu d'España cumo nós l'Asturias patria querida. Ya'l Racing ta na primera división.

Revilla ía un crac. Buo, nun ía un nacionalista. Tien un problema pal PSOE ya pal PP: Nun-ys fai casu. El fai lo que él crea qu'ía meyor pa Cantabria. Ía un paisanu de Cantabria. De xuru podrá equivocase, pero nun ía cumo'l nuesu Areces, qu'ía modernu paez un americanon d'esos que venían dempues de 20 años trabayando en Cuba, paez un estranxdeiru na sua tierra, pero eso sí, muncho-y presta dir dar cuentas a Bruxelas ou a Madrid. Areces crei que nun falando asturianu ía más modernu (probín). Buo, la FSA, yá se sabe, la izquierda plural... etc.

-Rapidín: Hola bonas ho. Somos de la revista MUNDUXAIME y queríamos h.ace-y una entrevista (Ta n'oriental).
-Revilla: ¿Que tal? Vaya reporteru tan mah.u...
-Rapidín: Buo, asina que presidente de la C.A. de Cantabria, y ¿que tal perí? ¿Munchas corbatas?.
-Revilla: Y mui bonas. Oye bichu raru, onde se pue moyar el gargüelu, ¿per equí?
-Rapidín: Y sedrá por Chigres... El casu é que yo tamién teo sede, vamos tomar daqué al Posafueyas...
-Revilla: Val bien mah.u, p'alla. (Fine de la conexon vía satelite)

El razcañeiru ía un maula. Numái piensa no miesmo tou'l día... Continuará

# ¡Las cousas qu'acontecen nesti mundu! "Poro, la realidá soupera la ficción" Diestru @ 4:38 pm