MunduXaime

-Campu golf nel Visu, a 650 metros d'altor (coste mui altu, axudicáu a cuatro golfos): Lo que'l Conceyu Salas necesitaba yera un campu golf nun monte, al albentestate, cola afición qu'hai al golf en Salas, eso ta claro. Cimblái campos de golf de las Isllas Británicas!!! (Queda pentiente el mantenimientu d'esti campu golf pa la siguiente llexislatura).

"El campu golf camudoume la vida. You nantias dedicabame a seitar, a esbeirar polos vardayos, diba fasta Castiella a las seitas... Llou entaméi a trabayar de periodista, pero cumo taba mui avezáu a la guadaña, agora casi tolos día xubo al Visu a dar Foucin ou guadaña, pa matar las ganas. Tou feliz ya contentu." Diestru, Trasgu enxeneiru chigre

-Parques eólicos (coste sigún pa quién, axudicáu a cuatro llistos). La enerxía renovable ía un métodu mui bonu pa producir enerxía llimpia ensín contaminar, nin esfarrapar el mediuambiente. Íalo cuando precisas enerxía. Cuando lo faís por negociu ía tamien bon métodu, pero entós sí que contaminas ya sí qu'esfarrapas el mediu. Sou tou cuando espropias montes comunales ya cuando sigues deixando furrular las térmicas.

"Meyoran el paisaxe del conceyu. Munchos turístas diban fasta l'Aguión ya'l Visu a contemplar el paisaxe. Cada añu venían más. El tope fou'l primer añu que colocamos los molinos (2005). Esti añu nun volvieron. Pero la nuesa economía meyoróu (ya la de dalgunos de nós nun digamos).
Conceyu Salas, P + G + CD
(perras, más ganancias, más caradura)


-Vender a los toos vecinos pa esfarrapar el tou pueblu pa qu'una empresa canadiense saque l'ouru ya deixe una balsa cianuru n'arba'l ríu Narcea (Coste, una casina na lladera'l Visu, axudicáu a quién corresponda). Esi pueblu taba cayendo, ya nun diba sacase mayor proveichu por él, asina que total, nun-y podíamos sacar de nenguna outra utilidá.

"Agora puei dicise que esi pueblu ía productivu. Un gran llogru pa la economía canadiense"
Conseyu d'alministración de la RNGM

"¿Áu se véu que nun se poudieran sacar las riquezas del sousuelu con total llibertá? Nun exerciciu de democracia, en Salas." Alcalde de Salas

-Tar falando con un conceyal de Salas sou los centenarios árboles de la Plazuela Maeza, sou la necesidá curiallos, atendellos, protexellos ya mirar por ellos en definitiva, pa que al día siguiente vengan los sicarios del ayuntamiento ya esos árboles desapaezan, pa que s'afiten plazas d'aparcamientu pal chigre'l conceyal óu taban esos árboles (Nun tién coste nengún, pero foder muito fode. Axudicáu a los ciudadanos de Maeza). Agora hai más sitiu aóu aparcar, pero menos coches. Pelotazu, progresu, planticidiu, p...

"Maeza progresóu muncho. Agora tien suelu urbanu, eso ía xubir de categoría"
Rapidín, Razcañeiru alcoholicu. "

# ¡Las cousas qu'acontecen nesti mundu! "Poro, la realidá soupera la ficción" Diestru @ 1:12 pm