MunduXaime: DIESTRU DIZ

18/09/2006

DIESTRU DIZ

Diestru diz, qu'acaba prender la Televisión. Nun punxo la RTPA, porque inda nun la tien
sintonizada, pero punxo RTV 1.

Diestru víu una cousa que-y chocóu muncho. El Reinu Xuníu ya'l Reinu d'España sentáronse a
parolear. En Reinu Xuníu manda un home llaborista. Nel Reinu d'España manda outru del
PSOE. Físicamente paecense, ya a Diestru eso da-y un pouco miéu. Cuando tan un ratín xuntos Diestru nun los distingue.

L'home del Reinu d'España llamase ZP, ya sigún los Bienpensantes d'Asturias (que nun ía
Reinu sinón Principáu), pacta con separatistas ya independentistas.

El representante del Reinu Xuníu (en realidá, Reinu Xuníu de la Gran Bretaña ya Irlanda'l
Norte, pero solo ía una pequena islluca, arrequeixada nel Norueste d'Europa) prestá-y armar
quimera colos musulmanes, ya invadir países cumo Afganistán ou Iraq. El rezu los
Muyaidines pon-y nerviosu. ía escocés, pero'l Kilt picái, ya por eso nun fai apariencias.
Tien nomatu de rutiu. Llamase "Bleeeurp"

Diestru víu cumo llegaban a un acuerdu sou Xibraltar. Xibraltar nunca partenecéu a España,
nin a los Mouros, nin a los Griegos, nin a los Cartaxinenses, nin a los Romanos, nin inclusive a los gallegos. Xibraltar partenecéu a los macacos. Nun ía un grupu rumba, los macacos son monos. Pero nel 1714 el Reinu Xuníu, nuna heroica maniobra, somete a los macacos ya fai de Xibraltar colonia de la Sua Graciosa Maxestá.

Güéi ZP ya Bleeeurp llegaron a un alcuerdu. ZP tien un problema pa los Bienpensantes. A ZP
prestái falar las cousas. Asina, ente outras cousas menos significativas pa nós, güéi ZP
consiguióu apuntar un tanto pa la sua cultura llariega: Colocar un "Instituto Cervantes" en
Xibraltar, ya agora los macacos ya la xente de Xibraltar puei deprender Castellanu.
Diestru diz lo mesmo que los Bienpensantes del Principáu. "Las llinguas nun s'imponen. La
xente fala llibremente la llingua que meyor-y venga pa los sous intereses. Por exemplu los
Mauríes ou los Aboríxenes d'Oceanía falan inglés non porque se-ys impuso, senón por que
col inglés vieron que podían ser homes de proveichu ya apurrir daquéi al mundu. En sou
caso Oucalitos, Koalas, ya boomerangs".

Poro, Diestru crei que esto ía una maniobra del separatista ZP que quier dixebrar el Reinu
d'España. Asina, tamién en Melilla quieren protexer la llingua bereber, que fala una parte
de la población de la Ciudá Autónoma. Esperemos que desapaeza'l bereber de Melilla ya'l
Castellanu de Xibraltar pa que nun escaya'l Separatismu.

Dedicáu a http://xabeldiz.blogspot.com/

# ¡Las cousas qu'acontecen nesti mundu! "Poro, la realidá soupera la ficción" Diestru @ 5:26 pm