09/09/2006

 

Día d'Asturias 2006

Bonas dende Llinares a tola xente del mundu mundial nesti día d'Asturias, del País Asturianu!!!Tamién, güéi Llinares quier sumase a esti día de cellebración.
You gúéi cellebréi el día d'Asturias en Porcía, nel conceyu d'El Franco. Bono, Porcía ta ente Tapia ya El Franco. You tuve na xira nos dous conceyos. Andúvelo tou. Ya dambos conceyos tan n'Asturias, nuna comarca llamada Navia-Eo, comarca que tién una particularidá: falan outra llingua un poucoñin estremada del asturianu. Ía asturiano, pero nun ía asturianu. Ehí ta la cuestión, que dixo Shakespeare, ¡ya ensín tar siquiera en L.lubarca! Shakespeare yara un xeniu. Fasta inventóu'l teatru. Nantias la xente facía comedia, llegóu Sir William (Shakespeare), ya dixo "My God!, That's theatre!" Ya hala, feixo'l día.
El Navia-Eo llou ía cumo'l restu del país. La xente présta-y la gaita ya'l tambor, chuman sidra cumo en Pola Siero, ya andan toos con bandeirinas d'Asturias, cumo en Corniana.
Dempuéis tamién los discursos que publicara la Nuevaspaña! de Tinín ya Ovidín. El de Tinín feixome especial gracia porque fasta dixo un cachín d'un poema de Nené Losada ya dixo "Feliz día d'Asturies", nun sei pamique fou un lapsus. Nun sei cumo-y entróu esa venada patrióticu-nacionaliega... Sedría'l despechu pola coralada que-y metéu a Radio Sele. Pa min Radio Sele había qu'entrar con metralletas -anque eso sí, democráticamente cumo fain na FSA, anque seya con consensu en comuña col PP- ya volar la emisora colos asturianistas toos... (Pero esto nun se puéi dicir porque se s'enteran llevanlo a cabo).
Conque'l discursu d'Ovidín fou al albor d'ésti, a mou de retruca. Ovidín ayeri taba disgustau por duas causas. Una, morréu un cura de Llaviana. Dous, yara'l día d'Asturias. Sí, ya ía se sabe, numái camuda l'estatutu pa quitar el día d'Asturias, porque eso ía independentismu irredentu qu'esvertebra España. Ya llou alcordouse de Cuadonga, que los cuatro gatos que derrotan a los Ismaelitas yá pensaban en restablecer l'estáu góticu pa aliase colos EEXX ya unviar tropas a Iraq, porque taba visto que diban contruyir armas de destruición masiva... ¡Ya nun sabían qu'había detrás de la Cordalera! You pienso que lo que realmente quería Ovidín yara facer miembru d'honor del PP al Rei Don Pelayu, polos servicios prestaos a la Patria Española.
Los de la RTPA na dimensión RTPA. La dimensión RTPA ía chipiguai. Asturias vei mui bien, tenemos un presidente mui salau ya mui campechanu, l'asturianu nun esiete, pero prestanos muncho porque yara la llingua que falaban nuesos bolitos, qu'anque los queríamos muncho nun ía que foran fatinos, ía que yaran unos aldeyanones, ya nós los de la RTPA estudiamos en Madrid ya facemos una tele pa Madrid colas perras d'Asturias porque soumos unos "pofesionales".
Cumo siempre la música que trunfou fou esa d'antes, la d'Asturias. Nun hai manera desanicialla. Prohibir nun se puei prohibir. Pal añu que vien, cuando la xente tea rtpizada, el día d'Asturias pondrán l'Aserejé, qu'ía màs modernu, ya fou a Eurovisión (poro, ía una música universal, que representando a la Patria Madre España n'Europa dieron-y pol tema, democráticamente, anque eso ía rellativu, porque n'Europa son toos unos "rojos liberales judeomasones afrancesados".
You de cualisquiera miente paselo mui bien ya xintéi abondu ya tuve con bona xente asina que pruyíume. Feliz día de la Patria a toos ya Alón, ya...
P U X A A S T U R I A S !!!

# ¡Las cousas qu'acontecen nesti mundu! "Poro, la realidá soupera la ficción" Diestru @ 6:18 pm
Comments:
L'Equipu de MunduXaime quier brindavos esti día a tolos Asturianos d'eiquí del Principáu, del outru llau de la Cordalera ya d'Ultramar.

Hai un dichu de la tradición hebrea na Diáspora pa cuando llegaba la Pascua Xudía, que rezaba "ya pal añu que vien, que seya en Xerusalén".

Nós dicimos, ya pal añu que vien cola llingua asturiana cumo llingua oficial d'Asturias, ya la RTPA n'Asturianu, qu'ía cumo tenía que ser.

Puuuuuxa Astuuuurias!!!!!
# posted by Blogger Diestru : 9:46 pm
 
Bou, pois tamén úas letras en Galegoasturiano pa este día (anque xá pasou):

Que todo os días oito de todos os setembres de todos os anos nos veamos y el celebremos como este ano.

Despois, facendo balance, tampouco touvo tan mala a cousa, ¿non?

Pos nada máis, ta mais lougo


MunduXaime
# posted by Blogger Diestru : 9:40 pm
 
louis vuitton, longchamp outlet, nike outlet, oakley sunglasses, uggs outlet, ray ban sunglasses, longchamp outlet, tory burch outlet, oakley sunglasses, prada handbags, polo outlet, michael kors outlet, longchamp outlet, nike air max, louis vuitton, oakley sunglasses wholesale, christian louboutin, burberry outlet, ray ban sunglasses, christian louboutin uk, michael kors outlet online, gucci handbags, burberry handbags, kate spade outlet, ray ban sunglasses, michael kors outlet online, ugg boots, tiffany jewelry, nike air max, louis vuitton outlet, cheap oakley sunglasses, replica watches, christian louboutin shoes, michael kors outlet online, christian louboutin outlet, nike free, prada outlet, louis vuitton outlet, jordan shoes, chanel handbags, uggs outlet, uggs on sale, oakley sunglasses, replica watches, tiffany and co, michael kors outlet, louis vuitton outlet
# posted by Blogger oakleyses : 3:48 am
 
Post a Comment



<< Home

This page is powered by Blogger. Isn't yours?