MunduXaime

• PSOE- F$A:
  

Dende guah.es son xente qu'ama'l poder. Nun suelen ser especialmente queríos ente los sous iguales. Más bien detestaos. De bien nenos aprenden-ys a conseguir las cousas del xeitu que seyan... cumo se hai qu'arrastrase. Ya cumplir las ordes del cacique d'arriba

Col tema la llingua tienen estas idegas. L'asturianu ía un estorbu. Lo meyor ía nun falar asturianu. En realidá, cuando falas un migayín con ún de la F$A nin asturianu, nin inglés, nin francés. Ellos llinguas ya cultura la mínima. Nin asturiana nin de fuera. Lo miesmu cola música. Nin Llan de Cubel, nin Rollings, nin Vivaldi, nin Mozart. El cantar del Branu.

Suelen dir vestíos de traxe. Se son de pueblu, col niqui col llargatu (Lacoste).

Aborrecen la relixón (non por ideoloxía, cumo por exemplu los comunistas, sinon por ser una manifastación cultural), ya tamién la lluz del Sol.

Col tema'l mediu ambiente tamién tienen un discursu un pouco sourrealista. Pa ellos por exemplu los oucalitos ta bien que tean. Quitallos sedría dalgo asina cumo racismu (esto ía verdá, xúrolu). Un día falaréi un pouco más sobro esti tema del racismu. Ellos fauna ya flora sí... un requeixín. Muniel.los. Hala. L'oriente pa construir cau las playas. N'oucidente de momentu parques eólicos.

Las infraestructuras... En Salas que gobierna el PSOE, cumo n'Asturias, ya n'España, tenemos unas carreteras de viciu. Ya l'autopista pa La Espina vei en tiempu "record". Nun tenemos baches (bueno unu ou dous).

Tienen especial noxu al trabayu. Ía'l sou principal caballu de batalla, xunto col asturianu. Nantes de falar n'asturianu ou trabayar péganse un tiru.

• PP:
  

La xente de la dreichona, de guah.es son xente carismáticu. Son los que cuando xuegan al fubol, cuando hai que tirar un penalti tiranlu ellos. A estos educanlos pa ganar cumo seya. Cumo se hai que fundir a tiesta descubierta una muria cementu armáu.

Esta xente fala asturianu, por ser aldeyanones, non por convinción política. Poro, tan cumo los "Sociatas", llinguas las xustas. Ya cultura un pouco más. A estos gusta-ys, dacuando, los concursos de tonada. Ya los grupos folclóricos tipo "sección femenina", que tan bonos recuerdos-ys truxen.

Impecablemente vestíos, col puru na bouca. Fervientes rellixosos. Munchos tienen el títulu de monaguiellu.

Estos, por un duru esfarrapan la cordal Cantábrica. Suelen llevase bien colos dirixentes socialistas.. Si, en xeneral col PSOE, n'Asturias vais mui bien... Meyor que se mandara dalgun de los d'ellos. Poro, a los populares n'Asturias suel vese-ys contentos.

Estos tamién tienen noxu al trabayu... pero suelen tener quien-ys lo faiga.

• Comunistas:
  

Esta xente anda esqueicida. Ensín futuru dengún... De guah.es enseñaron-ys que lo importante nun ía'l dineiru. Lo principal ía nun doblar ante la opresión capitalista de la burguesía... Poro, son necios cumo ellos solos. Esta xente tien una fuerte ideoloxización.

Entós tienen las idegas mui claras:

Relixón: ía l'opiu del pueblu.

Asturianu ya cultura asturiana. depende d'au tire'l vientu.

Mediuambiente: Nun suelen manifestase, pero a nenguen-y presta la basoria...

Bou van vestios un pouco a lo h.ipi. Amurniaos.

Ya colos comunistas lo meyor ía que-ys presta discutir por cualisquier cousa. Ves una casa blanca ya dicente qu'ía gris clarín. ¿Un perru? Niegantelo. Una rata de clas alta, que ta bien cebada, producto de la llei d'acumulación capitalista ya la plusvalía, dientro de la rellación ente obreiru ya patrón. Veimos que'l perru ía una rata pero una rata con poder...

Son enemigos naturales del PP ya la Falanxe.

• Falanxe:
  

(Vease PP)

• Nacionaliegos:

Pa ser asturianista hai que ser un pouco rarín. Tiés que tar criáu dende guah.e un pouco acapricháu. Cuando tas na escuela tar un pouco allonxáu de los demás guah.es. Se ías oxetu burllas llegarás llonxe dientru del movimientu. Lo miesmu, pero se ías l'amu, entós llegarás a altu cargu nel PSOE ou nel PP. Ou se tiés munchu carisma a cura, con suerte.

Pa ser asturianista nun fai falta saber falar asturianu. Eso los del PP d'Asturias, que toos, al ser más de pueblu que las margaritas saben asturianu por un tubu. Pa ser asturianista más qu'asturianu hai que saber un montón filoloxía ya topónimos por un tubu. D'áu remanecen. Que significan en llatín, en griegu, n'Arabe, en Vascu, en Astur antiguu...

Música. Tola gama asturiana, pero folki. Se te presta la tonada, pensarán que sos del PP. Se te va l'estilu "sección femenina" de la falanxe. Si nun te presta nada del PSOE.

Indumentaria. Eiquí ties duas ouciones: A) dir antroyáu col traxe asturianu vieyu, el d'antes. B) Avezase dir cola camiseta con motivu asturianista, los vaqueiros ya unas playeras. Eso sí, eimpre tirando a h.ipi.

Relixón nada. Nun creyen nin na Ilexa católica, de la que reniegan. Nin de la xudía, nin de la Islámica (a la que nel casu Palestianu apoyarán). Estos idolatran a: La vaca gaitera, El koala Orlando (que conoz tolos topónimos asturianos ya vive nun ocalitu, nel conceyu Cuideiru, ya fala asturianu meyor que naide), L'arbol Sidreiru (d'au salíu la primer mazana destinada a facer la primera botella sidra)...

Pos sí. Esto ía'l panorama políticu asturianu. Lleelu ya mira ver áu te ves.

Labels: Antropoloxía

# ¡Las cousas qu'acontecen nesti mundu! "Poro, la realidá soupera la ficción" Diestru @ 6:09 pm