MunduXaime: De Gastronomía vei (A lo Gracia Noriega)

04/08/2006

De Gastronomía vei (A lo Gracia Noriega)

La Gastronomía estudia la cultura culinaria d'un pueblu. Polos sous platos ou las suas recetas pué sacase muncha información sou los hábitos de los individuos, los gustos... ya de magar.

Por exemplu, pa l'oucidente d'Asturias cuemese munchu gochu. Esto quier dicir que la xente ía puerca abondo, que s'identifica colos gochos. Nel oriente d'Asturias cuemese muncho queisu Cabrales. Eso quier dicir que tamien son mui gochos. Nel centru d'Asturias, cumo nel restu del país, chuman cumo gochos. Tamién son unos gochos. Pa esto tamién los políticos del P$OE. El presidente del Principáu vei más allo. Toma'l caféi con un pinchu toriella (los paxarinos dicen que mueya la tortiella nel caféi). Esi amás de gochu ía fatu.

Lo de la tortiella ía cumo lo de echar sal al xamón curáu cuando lu veis xintar. Que dempuéis de xintar un pouco, darréu nun sabes que te vei pasar. De xuru que la llingua quédate en carne viva, ya'l gargüelu vei rascate un pouco. Cola tortiella ya'l caféi pasa lo miesmo. L'estomagu pónsete del revés. Anque, angüañu ta de moda, dende que tenemos esti presidente. ía lo que tien ser metrosesual.

Pero esto ía una cousa cultural. En dalgunas culturas comer picante cumo un xabaril nun ía de fatos. Por exemplu en Méxicu. N'outras cumo na milenaria China comer perros nun ía de xente rara. Los mouros comen cuscús, que paez el granuláu pa las pitas. Si fueramos sererés del Senegal ou bamilikés del Camerún, pa cenar, humanu al fornu. You tou albidrando arroxar a dalgún... pero eso sedría canibalismu, ya na nuesa cultura ta mui mal visto.

Nun fai falta salir p'afuera. N'Europa hai culturas culinarias raras de coyones. Los alemanes, ya la manteiga. Echanla fasta a la manteiga. Asina son los alemanes. Necios ya persistentes. Cumo un platu manteiga. Cumo nun-y eches coyones nin siquiera lu medias. Los belgas, que comen patacas fritas en cada comida (Así falan de raru, cumo si tuvieran la boca llena). Los rusos soupa de tolos colores qu'algama la gama cromática humana. A soupas tol día. Feichos caldu. Nun pueden nin con Chechenia que son cuatru casas. Los Ingleses... Los ingleses. Comiendo cumo comen... cumo nun vein ser raros.

Los ingleses. Esos tipos educaos, sosones ya raros fasta nun poder más. ¿La culpa? Los estofaos ingleses. Eso ía lu más raru que salíu d'una cocina. Home, llou tan los americanos. Comida rápida, esllava, asina tan ellos. Asina noblones, afatadones. Ya son los amos del mundu...

Bono, ya nel Reinu d'España... Los catalanes col "pàn tumaca", qu'ía un pouco pan rebozáu con tomate, pero que te lu venden cumo si tuviera rebozáu en caviar... "ai amic, la pèla és la pèla" . Los valencianos son xente mui simpatica. Tienen un chanciu pa colos de fuera... Da-ys a probar un platu típicu que consieste en unos daos de sangre fritu cuayáu, que dicente lo qu'ía cuando ya lu comieste. Tan muncho de tratar con madrilanos. Los vascos faen platos ellaboraos. Neciura pa cualisquiera cousa. Un vascu cualisquiera faite unas "kokotxas a la salsa verde con rábanos y pesto", ya nun te sabe freír un güevu. Él el güevu rellénatelu con bacalao al pil pil. N'aragón un pinchín ía un bocadiellu de 40 cm bien llén. Los castellanos tienen una cocina austera. Cumo ellos. Los Madrilanos nun tienen cocina propia, usurpan los platos de los demás (ya nomanlos rexonales). Los andaluces con cualisquier cousina, pa dir tirando... El "gazpacho". El "gazpacho", que non "carpaccio" (eso ía outru platu italianu que nun digo a nenguén lo qu'ía,pero aconseyo que lu acompanguen con un bon "lambrusco") ía la causa de que los andaluces falen cumo falan. Por que dempuéis de beber esa sopa fría que nun ía outra cousa qu'una ensalada de tomate con ayu fervía ya batida. Bebeslu ya cumo nun llena nada (nun tien sustancia) debía ser llixeiru, pero non, subisete tou fasta'l pescuezu. Andaluces, esos xenios, amestu ente mouros, xudíos ya cristianos...

Que nada, que al final los únicos que nos salvamos soumos nós. La comida gallega ía cenciella. Ta bona. ía la rellación ente Asturias ya Galicia (ía lo miesmo pero ía tan diferente...). Na Galicia son gochos tamién, pos vei-ys el gochu tamién. Ya'l pulpu... ummm. Na cocina, ente Asturias ya Galicia lo más diferente ta na rellación ente'l que ta detrás de la barra ya'l comensal. Cumo aneudota, una vegada en Lugo, you pidi un bocata a un chigreiru, ya preguntéi-y los precios. Paecía que en vez d'un bocadiellu tratabamos un xatu... pero fou baratu ya taba bien bonu. Robléi bien. Lo únicu, eso sí, que tienen meyores vinos que nós. Eso ía fácil. Ehí ganannos toos (de momento). Porque los nuesos "caldos"... son dinamita. Son trilita. Salvanos la sidra.

Mui pouca xente sabe que la cocina española (refierome a la dieta mediterranea, a la gastronomía de Castiella la Nueva, Andalucia, Murcia, Llevante...) remanez de la tradición árabe ya hebrea (Bou, cumo cuasi too lo bueno d'ellos). L'usu del aceite, del ayu, los sofritos, el gustu polas ensaladas ya las verduras tan bien axeitadas... mentes que n'Asturias usábase pa frír grasa toucín ou manteiga ("semos" más europeos), ya eso cuando lo había, ya xintabase pote ya comidas más fuertes. Ya bebíase lleiche ya derivaos fasta col pote. Gustavo Bueno ya Gracia Noriega ñegarán esto ya más. Ellos dirán que esto ía español de tola vida. Que son los mouros quien nos copiaron. Ya que la cocina asturiana peca de separatista. Menos la fabada qu'ía un platu rexonal. Que'l "gazpacho" ya'l pote berzas ía lo miesmo. Buó, camiento you que Gracia Noriega dirá que esto too ía d'aniciu visigóticu...

Anguañu ía mui común sentir a xente dicir que la dieta d'Asturias, la de siempre, la dieta Mediterranea... h.a h.a. Si ho, nós mediterraneos talamente con Grecia ya Sicilia... "mamma mía"... You'l "gazpacho" cumo sou mediterraneu pero asturianu llamolu "Gazpaitu"... suena a vascu, pero ía lu qu'hai... Agora se houbiera conmigo un filólogu del asturianu ou outru freak asturianista diriame que en vascu escribese igual pero pronunciase "gaspaitu". Cumo lo de Letizia ya Leticia. Uno ía en castellanu ía outru en vascu. Llou los vascos dirán, dientro d'unos añinos que ía que yera vasca. De Basauri, Vizcaya. You camudabala por un bon bacaláu a la "biscaína".

Que nada, viva la cocina d'aniciu atlánticu, la vasca, la de castiella, la mediterranea, la d'orixe árabe ya la xudía...Tando en platu too se cueme.

# ¡Las cousas qu'acontecen nesti mundu! "Poro, la realidá soupera la ficción" Diestru @ 10:54 am