MunduXaime: CAMBIOS NEL BLOG

27/08/06

CAMBIOS NEL BLOG

Cumo veo que esti blog tien muncho bon socesu, vou tresformallu nuna empresa dixital pa facer competencia a la RTPA, que por outru lláu, financio -financiamos toos- ya bien. Pueo prometer -ya prometo- qu'un día falo llongo sou la RTPA. Ía un filón...

Bono, a partir d'agora you vou dedicame a los despachos, You vou faceme "Coordinador Xeneral del Departamentu de Xestión ya Recursos del Diariu de Variedades "MunduXaime" s.l." Na sou abreviatura "Putu amu".

Ya agora vou presentavos a los mieus collaboradores, colos que sin ellos nun sedría posible asoleyar tanto material informativu.

Nacéu na Fonte'l Fontón, en Llinares. Ía'l Redautor Xefe, veimos el que escribe (quien vei escribir a partir d'agora). ía un trasgu, llámase "Diestru". ía un trasgu non cumo los que debuxa -maxistralmente, too seya dicho de pasu- Berto Peña. Esos dan risión. Son cumo los gnomos de David el Gnomu. Esti más bien ía cumo l'amigu esi de "Batman", el "Joker", solo que numái mide d'altor 84 cm. Pero ta tan trabáu cumo l'outru. ¡Ai se Berto lu viera! Metíase lo menos a fraile dominicu. Esti trasgu sacóu'l titulu d'enxeneiru chigre, nel Chigre Figares. Llou perfeicionouse con dellos mayestros de la barra por tol conceyu.
Fichamos tamien cumo collaborador avezáu (a partir d'agora), al Koala Orlando. Cumo ía filólogu (véase l'artículu "Sociedá Asturiana"), veimos poné-y el nomatu de Koala n'asturianu: "cuála" (PLAX), Menudu barganazu acaba meteme!!!! Esti animal nun fai nada. Ta calláu, esclucando, supervisando. Ya numái escribes una falta... zaca, saca una manu mayor qu'él ya al pescuezu, derriba au naz el renaz, ostión. Diba, fai años yá pa miembru de l'Academia de la Llingua Asturiana, pero enfadose con Arias por un topónimu ya escorreulu pol teatru Filarmonica pa mete-y un bon verdiascazu... pero por suerte nun lu enganchóu. Naide lu pué ver na oficina, cuando fala d'él miesmu failo en 3ª persona. Vei dedicase a la supervisión llingüística.
Veimos fichar tamién un reporteiru. ía un razcañeiru alcoholicu, fumador ya drogadictu, xugador ya viciosu, muyeriegu (anque tamién-y vei el sexu masculinu, sou too los neños) ya pendencieiru, qu'atiende al nome de "Rapidín". A esti mamiferu veimos tenelu pa facer dellas entrevistas, ya pa mandallu a facer dellos reportaxes. Pariéronlu en La Pinieya, pero fou abducíu por un platillu volante que lu llevóu fasta'l planeta "Fuch", na IV Galaxia, óu fou violáu ya sodomizáu repetidas vedes. Tien una llingua mui llarga, ya non porque fale munchu asturianu, senón porque ía un pouco insolente ya estúpidu, cumo tendréis ocasión de comprobar...
Cumo non, tamién tenemos un personax hestóricu. Trátase del espíritu d'un antiguu funcionariu del pueblu. Esti moraba nel Castru Las Cogollas, el qu'hai en Llinares. Cumo yara Celta llámase Maelgwn. Cumo'l sou nome ía mui feu, you quería llamalu "Mael", pero él dixo "Enxamás! Aqueso ía una grand desdicha íe una grand enxuría pra min ya pa los de la meut casa" (Fala asturianu antiguu, por eso Orlando dexame escribilu asina). Por cierto, ía una pantasma de tendencia maniacodepresiva... A esti tenemoslu pa trayer los cafeis ya too eso.

Finalemente acabo cumo entaméi, falando de mieu persona. You que conste que lo del asturianu faigolu polas perras que saco, eh! You d'esto nun quiero saber nada. Senón echanme del Partíu. L'asturianu nun esieste, naide lu fala, ía un invento. Asturias vei mui bien, l'autovía a La Espina vei en tiempu récord. You sou miembru del PSOE, ya por eso tou eiquí, de "Coordinador", qu'ía'l miéu suañu, ser coordinador de lo que seya. Nun pegar güelpe ya cuando te preguntan: "¿tu a qué te dedicas?", retrucar: "Sou Coordinador" por exemplu "coordinador del departamentu de recursos materiales del ária sureste del conceyu Candamu. Trabayu pal Principáu". Ya l'outru fatu abre la bouca ya flipará, ya tu que nun das piconada. Eso numái se consigue col carnéi del partíu. You de momentu cumo nun los convenzo a los de l'agrupación socialista de Salas (tienenme ente las ceyas) sigo trabayando duramente pa ganame la sou confianza col enfoutu medrar, ya de mayor trabayar tanto ya faceme una persona de provechu cumo ellos.

# ¡Las cousas qu'acontecen nesti mundu! "Poro, la realidá soupera la ficción" Diestru @ 12:23 AM

Comments:

Xaime Cabrón, que te vengo escribiendo tou'l blog you solinu!!!

ías un pigarra ya un sátrapa!!!

DIESTRU

# posted by

Anonymous : 10:48 AM

A la próxima cena de la empresa has de invitarme a mi también, pa conocer a toda esa tropa de personajes. Vaya miedo!

Muy prestoso leer todo esto, así que ánimo y a seguir alante con ello.

Un saludo!

# posted by

Edgar : 7:25 PM

Ai, neno, poneste aquí a escribir ya pierdeste todo... Ye qu'asi nun vamos a ninguna parte...

En vez de a ti vamos a presentar pa las prosimas elecciones al Koala, que total cumo nun fai nada...

Oi neno, ya'l Cuercospín esi nin se t'ocurra mandanoslu, qu'echamos-y si nos lu mandas a Blas...

# posted by

Exmo Ayto Salas : 11:41 AM

Ot-tia, pos vaya engarradiella, diba a ver hostias por un tubu... que'l razcañeiru ta cuadráu, ta mui entrenáu. Fai llevantamiento de vasu vidriu sobro barra fixa... vei ser un combate abegosu.

Sofitu l'unvio a Salas, a la Cá'l Conceyu del putu Koala ¡íiii! que nun me deixa tar, tol día corrixendome... agora dióu-y pol tema la relixón ya nun me deixa nin poner una mísera blasfemia, ¡Fodéume l'estilu! áaaaaaai.

You digo-y a Xaime qu'había metelu a misiones, a Burundi. Pero cumo nun hai ocalitos ¡Que ganas perdelu de vista!

Non, iyía llendame la creatividá, tol día mirandome con tala arrogancia... grgrgrgrgr

# posted by

Diestru : 11:49 AM

MunduXaime

27/08/06

CAMBIOS NEL BLOG

Una pouca información sobre nós

Guía Mundial de Blogs n'Asturianu

Campaña: ¡Da la Cara pola Oficialidá!

Blogs Amigos (faltan munchos)

¡Blogsfera de Salas!

Prensa menos seria que la d'esti Website

Unas Lligazones entretenidas

Ociu

Outros enllaces

Ecoloxía

Llingua ya Lliteratura

Informática ya rede

Archivu col nome los meses en V.O.