MunduXaime

Muerre esti blog

2009-05-19T10:40:00.004+02:00

Bon, pueis esto acábase. Con esta cabera entrada fino'l blogue MunduXaime. Asina que, ehí vos véi la despedida.

Zarro'l blogue porque veo una baxada na sua calidá. Sí, si fai un par d'añinos reconocía qu'esti yera'l meyor (ou d'ente los meyores) blogues n'asturianu de la rede, güei digo que yía un blogue mediocre. Yía una cadarma que cumo siga menguando vei tresformase nun calabre, yá yía penina.

Hai milenta blogues n'asturianu. Hai blogues políticos de tolos colores, ehí veo yá l'AsturiesLliberal, qu'axunta la dereicha; hai blogues xeniales cumo GonzálezyGonzález, hai blogues xeniales "normales" cumo Coses que (me) pase n; hailos que falan del verde, de fúbol, de cocina, de pornu, de música, de cine....

De la que you entaméi namái había blogues que falaban de duas cousas: Por un llau de que n'Asturias había una llingua con trés dialeutos ya por outru qu'Asturias yera mui nacionalista ya "salvábase lluchando". Esto yía, Llingua ya Nación.

Nesi contestu nacéu MunduXaime, esti blogue introduxo un tercer tema "El Mineralismu". Sí, falemos de Mineralismu. Ya houbo xente que-y prestóu, ya dixo "mao, si se pue falar n'asturianu del mineralismu... ¡Vaya virguería ho! You vou falar de llucha llibre. ¡Cúmo presta!". Ya nacía un blogue nuevu.

Agora veo blogues xeniales que falan de llingua, cumo falarylleer ou TierraAlantre. Hailos d'escritores consagraos, cumo Xandru Fernández, Vicente García, Humberto Gonzali ou Xuan Xosé Sanchez-Vicente. Bono, ya'l tremendu trabayu del filósofu marxista Carlos X. Blanco.

Deixo amigos ya conocíos, Fueya en Blanco, Trayasgaya, From Xixón To London, Na Lluna hai una vieya Filando, El Xanu'l Caborniu... ya más, toos ellos xeniales blogues, ya más qu'esqueizo de xuru.

Quixera remembrar Ta pa Ponga ya tol equipu que feixo posible que güei tengamos tornáu al asturianu l'Ubuntu... eso cuando you entaméi nun había nada; esta xente vei unos añinos por delantre. De momento you yá teo instaláu nel miou ordenador el sistema operativu UBUNTU, que ta xenial.

La llingua meyoróu d'esti tiempu p'acá, polo menos n'internet, na TPA ya pola cai no que cinca al sou reconocimientu, si yía verdá qu'inda queda muncho trabayu que facer, pienso you, pero en trés años, faciendo balance mental en fríu, pienso que s'anduvo. Agora práuticamente tenemos casi tola topinimia d'Asturias iguada ou en procesu d'ello. You veo qu'esti blogue sigue ancláu n'outra dómina, na que seique touviera más razón; yá digo, güei yía un blogue mediocre. Ya, cumo dalgunos entrenadores de fúbol, cuando los cesan,"you asumo tola culpa".

Quiero quedame nel tiempu nel qu'esti blogue taba "nel cumal de la fola" (cumo sou d'interior, puengolu asina...). Aquello fora tremendo, queríu llector. Pola cai, pola caleya, polos chigres, tola xente en plan "eeeeeeeeeeeeeeh". Por un tiempín sentime dalgo asina cumo'l "Groucho Marx del Bable" ou'l "Cesar Vidal de la causa asturiana". En xeneral, un home d'estáu, una especie de Winston Churchill ou un Charles de Gaulle llariegu, siempres pensando n'Asturias. Cumo'l Presi, cuando dixera aquello de "Cada nota que canto vei dedicada a Asturias". You fui d'esos.

Sí, fora prestosu. Cutre seique, pero prestosu.

Agora siéntome cumo Charles Chaplin en Candilejas. Sou un payasu triste, pasáu, d'outra dómina. Conque veimos quedanos colo que MunduXaime fou, ya yá nun yía.

Sí quixera alcordame de tola xente que siempre me sofitara. Tamién a xente cumo Gracia Noriega, Javier Fernández, Fernando Lastra ou Antonio Masip, que feixenon d'Asturias un llugar... "¿Pintorescu?"

Bono, ya de Paco Grande ya Radio Sele, por da-y llugar al blogue; a los que nun tán, pero tán pa char una mano, cumo El Trasgu d'Areces ou Xabeldiz...

Ensin embargo quiero dicir que nun marcho pa l'Arxentina nin nada pol estilu. Sí yía verdá que camudaréi l'estilu... ya'l rexistru, pal branu de 2009 abriréi una nueva bitácora, en castellán. Queixera mantenella por un añu p'asina tornar con fuercia con outru blogue n'asturianu, más guapu ya meyor, cumo vós merecéis.

A la llingua asturiana inda-y queda muncho camín que trillar; esti blogue nun yía nenguna presea apta pa ello. Asina que zárrolu; ya espero que nun tea que nunca más abrillu. Foi prestosu, pero la broma acabóu yá.

Asina, que vémonos. Un abrazu, salú ya que nun esqueiza.

l'Ubuntu

2009-05-13T11:42:00.001+02:00

Pasada l'Ubuntu. Yía un sistema operativu que vei meyor que'l Windows, yía compatible con tener Windows nel ordenador, ya amái yía gratis ya ta n'Asturianu!!!!

Bono, pues esti sábadu día 16 de Mayu, en Xixón, organízase nel Antiguu Institutu una Install-Party, na que podrás instalar Ubuntu (de baldre ya n'Asturianu)

You diréi, porque you lo valgo.

Más información en "TA PA PONGA", blogue n'Asturianu sobre informática, nel miou llistáu de Blogues. Asina echáis una güeyada pola asturblogosfera, qu'hai blogues mui prestosos!!!

De la cousa toponímica

2009-05-13T11:16:00.002+02:00

Primeiru fou Xixón ya Llangréu. Llou Mieres ya Siero. Agora Avilés. Inda queda Uviéu... pero yá práuticamente tola Asturias urbana ya industrial tien la sua toponimia iguada.

Ya no mediu queda Salas, un conceyu qu'arresiesti ya arresiestirá a lo que yá en toda Asturias yía normal.

¡Puxa!

Al final cayóu Tola

2009-05-13T11:09:00.003+02:00

Taba yá más qu'anunciáu. La Osa Asturianista Tola fou la qu'al final garróu con Furaco, ya deixóu bien altu'l pabellón asturianu... Mentres que Paca non.

Pa min qu'a Paca había qu'echalla pa con Areces, que ta tamién feicho bon bardión.

Asina qu'esta hestoria d'amor osunu terminóu con final feliz... fonon felices ya al final comienon a Paca!!!

Lliteratura... asturiana ya llionesa

2009-05-11T13:47:00.002+02:00

Tamos fartos yá de ver ya sentir dicir que la llingua asturiana yía la llionesa, ou tamién llamada asturllionesa ou cumo cadún quiera; pero yía según dicen los llingüístacos "filolóxicamente" igual; yía una cousa asina cumo dicir aquello de "L'algodón nun engaña", ou "palabrina del neñu Xuasús".

Los Mirandeses (talo de Balmonte cumo de la parte'l Douru) tamién aporfian con aquello de la llingua común. Hasta autoridades competentes na materia aporfían, dende Lleón, Zamora, Miranda (de Balmonte ya del Douru) ya Asturias col tema de la unidá llingüística.

You tamién lo creo. Agora, cuando ún llee a González-Quevedo ou a Xosepe Vega (dos autores llioneses) decátase que, anque tea escrito na miesma llingua que n'Asturias, la suas obras (ya n'especial la de Xosepe Vega) nun se pue dicir que perteneza a la lliteratura asturiana.

Quiero dicir, yía más fácil falar de llingua asturiana en Llión (talo valdría si quieren falar de llionés n'Asturias ou Zamoranu n'Asturias ou Asturllionés n'Asturias, Miranda ou Zamora ya Llión) que de Lliteratura asturllionesa.

Nun pienso que, nin la temática lliteraria (sobre too'l tópicu de "l'escaezu", tan cultiváu n'Asturias) puea estrapolase a Llión, colos sous tópicos, ya las suas lleendas, bien sía dicho de pasu casi todas se repiten n'Asturias ya en Miranda.

Ta claro qu'en Llión inda tienen muncho qu'andar ya muncha lliteratura que facer nesta llingua, pero sou de la opinión que, firme defensor de la llingua en común con ellos, ya viendo munchos puntos en común na lliteratura, ellos forman (ou tienen las blimas) una lliteratura aparte.

Qué non too vei ser falar del "Escaezu" ya'l "Desaniciu" ya la "Perda del tiempu pasáu"... (Amén Gratia)

De los ganadeiros ya los Dereichos pisotiaos

2009-05-02T17:58:00.005+02:00

"El sector boicotea la inauguración del certamen

• «Si hay una forma de perder la razón es pisoteando los derechos de los demás», se queja Graciano Torre

• «Urgen medidas para que vuelva la ilusión a los ganaderos», afirma el alcalde de Tineo

Tineo

La presencia del sector ganadero en la Feria de Muestras de Tineo siempre es alta (los expositores que suministran productos al campo representan el mayor porcentaje), pero ayer lo fue aun más. Ganaderos de la zona llevaron sus protestas ante la crisis que sufre el sector al certamen comercial tinetense. De su problemática se hizo eco el alcalde de Tineo, el socialista Marcelino Marcos Líndez, el primero en dirigirse al público en el acto de inauguración de la Feria de Muestras, que aseguró que «se deben tomar medidas para que los ganaderos vuelvan a tener ilusión».

El regidor destacó que el Principado tomó decisiones, en referencia a las ayudas aprobadas, pero, apuntó: «Se pueden tomar otras para que desde la industria láctea se valore la calidad y para que se pueda controlar la calidad de la leche que entra del exterior y vigilar». Según Marcos, es fundamental disponer de una base territorial, controlar la calidad y también «voluntad política para un sector que destinó muchos recursos» a la supervivencia y a la compra de cuota.

Los ganaderos dejaron al alcalde tinetense concluir su intervención. No hicieron lo mismo con la presidenta de la Junta, María Jesús Álvarez, y el consejero de Industria, Graciano Torre, que tuvieron que interrumpir sus discursos en varias ocasiones. Un hecho que no dejó pasar por alto Torre, que les transmitió que «si hay una manera de perder la razón es pisoteando los derechos de los demás». En ese caso eran, dijo, los de los vecinos y los de los expositores. «Pido disculpas ya que mi presencia ha causado que se pisoteen vuestros derechos», señaló Torre antes de iniciar el recorrido por los diferentes stands, seguidos en todo momento de los integrantes de la asociación Ganaderos Unidos, que se unieron a la marcha con sus pancartas y sus consignas. Junto a ellos, agentes de la Guardia Civil y la Policía Local.

Los ganaderos acompañaron al Consejero hasta el coche e incluso varios de ellos se sentaron en la calle delante del vehículo, que tomó otra dirección. Los profesionales del sector consideran que las ayudas comprometidas por el Principado son «una pequeña limosna que se da a unos sí y a otros no», según señaló el secretario de Ganaderos Unidos, Pablo Velasco. Indicó que lo único que quieren es que sus explotaciones sobrevivan."

(Sacáu de La Nueva España Dixital)

Esta selmana pasada fora la Feria d'Abril de Salas. Contanonme qu'un tratante nun quixo vender dos xatinos pintos curiosos por diez euros: vendíalos por 60 ya daban-y 50.

¿Por qué los socialistas falan, entós, de pisotear dereichos cuando los ganadeiros, amás de trabayar bien duru van acabar poniendo cuartos del sou bolsu cumo esto siga asina?

Falta. falta la razón. Lo que dalgunos-ys presta llamar "sentido común".

En fin, el campu ta tocáu, d'eso nun hai duldia nenguna.

Las Lletras

2009-04-28T14:18:00.001+02:00

Tamién dicen les lletres. Esti añu la conseyería de cultura del Principáu presentóu una institución dedicada a la traducción de testos en galego-asturianu ya asturianu, pa tolas rellaciones que se dean ente l/alministración ya la ciudadanía. Gran avance pa la llingua asturiana. Un pasu básicu pa la oficialidá.

De Lliteratura

2009-04-18T10:41:00.003+02:00

Morréu Nené Losada Rico ya morréu Corín Tellado. Diba facé-ys de la que salíu la noticia un homenax, pero en caliente nun me sal bien. Nun digo qu'en frío sí me salga más guapo, pero bono. Yía que nun teo tanto talentu.

Las duas muyeirinas morrienon con más d'ochenta años caduna; ya amái Corín Tellado deixóu abondu testimoniu escritu. Nené Losada tampouco lo feixo mal, vaya.

Siempre se llora pola xente que marcha, ya más si fonon importantes, nesti casu pa la lliteratura. Nené Losada Rico taba considerada anguaño la Decana de las Lletras Asturianas, ya Corín Tellado yera la escritora viva en castellán más lleída, ya la segunda de la Hestoria tres Miguel de Cervantes y Saavedra, aquel que tanto ciñu-ys tenía a los Asturianos. Perceguera, que dirían los falantes más finos.

Todos las lleímos a las duas, menos a Corín Tellado, porque esto yía cumo la Tele; toos vemos la Dos ya Telecinco nunca...

You si intentéi lleer a Corín Tellado. Mia buela Sarah de factum, fou una almiradora de Corín. You púnxeme una vegada a lleer dalgún llibru d'ella. Ya la verdá que nun pudi siguir. Sicasí, mia buela sí lleía a Corín con Santa Devoción. Ya muyeirinas cumo la mia buela Sarah (qu'añu arriba, añu abaxo yera del miesmu tiempu que Corín) tamién.

L'estilu de Corín diba empobináu pa un ensamu muyeres, que fonon potencialmente esqueicidas de la lliteratura de nun ser por Corín, ya dalguna outra/u autora/u cumo ella; que-ys feixo lleer ya la vida un pouco más prestosa, sobre too nos tiempos d'antañu, cuando Su Escremencia'l Xefe Mayor del Establu Francisco Franco promovía aquel tipu de familia na que la muyer yera un mueble cumo un horru, por poner el casu.

Nené Losada yera más bien del tiempu de la mia outra buela; ya escribía nun asturianu mui paecíu al d'ella, lo cual a min prestábame. A Nené sí la lleera you más. Bono, pos esta muyer marchóu, que la tierra-y seya leve, la sua obra tará presente.

Fácil llectura, ya ternura. Ente outros munchos más, son ingredientes de lo más destacable d'estas autoras. You con ellas vienme a la memoria un llibru pa rapacinos, el primeiru que you touviera (tou falando yá de finales de los años 80): un llibru n'asturianu pa neños que tenía esos dos ingredientes d'estas duas autoras. El llibru, que you recomendaría a los páis ou tíos ou demás familia que quieran regalar a los pequenos pa que s'arimen al idioma yía El Pequeñu Llunarín (na sua versión orixinal n'inglés Spot).

Fou'l primer llibru que you touve ya pasóu polas manos de tolos mious primos, asturianos ou madrilanos, con igual éxitu.

Asina que, fácil llectura + ternura= Nené Losada, Corín Tellado ya El Pequeñu Llunarín. [Añediría argumentu trepidante, pero diranme que cumo un llibru pa guh.es ou de Corín Tellado vei ser "trepidante": qu'entruguen a los sou llectores.

Empate en firmas

2009-04-09T10:15:00.004+02:00

Y xa que tamos dicer un dato que naide mais nun vai dicer. A Campaña Doi la cara/Dou a cara vai algamar n'apoyos al Manifiesto por la lengua común qu'apoyaba Fernando Savater, Gustavo Bueno y Rosía Dez.

Y eso que namáis sacamos fotos n'Asturias!

Andaremos agora más ou menos al vies. Pero nós siguimos medrando n'apoyos ya ilusión. Asina qu'andai polo segao qu'agora llegan los asturianos colas firminas en sofitu de la llingua asturiana a dallo too...

¿A qué nun contábais con que vamos casi ganando al manifiesto pola llingua común (d'ellos)?

*N'El Mundo Dixital apaecen 137.000 mil y pico apoyos, pero cada vegada qu'entras cuentanlo cumo un apoyo. Sicasi na páxina de UPyD que contabiliza los apoyos de verdá namái hai unos 9.217 (que lu apoyaron de verdá) ¿Terxiversación? ¿Pucherazu? ¿Mangonéu?

A páxina del Principao d'Asturias

2009-04-09T09:58:00.003+02:00

A páxina del Principao d'Asturias tache n'asturiano, en castellano, n'inglés, pró nun a atoupas en gallego-asturiano, máis cuando é lingua recoñocida pol Principao.

Na RTPA nun hai case conteníos nesta lingua. Home, cuido que pra fer una canal TPA DÚAS en gallego-asturiano nun vai ser. Home, dalgúa desconexón...

A páxina del goberno de Galicia (é a Xunta de Galicia, el equivalente al Goberno del Principao d'Asturias) ta en galego (por defeuto) y en castelán. Mais a páxina del goberno del País Vasco venche en castelán, vasco, inglés, francés y alemán.

Hmmm. Poucos apoyos al outra lingua asturiana. Bono, na mancomunidá vaqueira nun miro na páxina, porque en fin. Vai ser el que m'espero.

Nada, nada, campaña pola visualización del gallego-asturiano na páxina del Principao d'Asturias y na RTPA (peró sen quitar a lingua asturiana... porque as dúas son tan asturianas!!!)

L'Asturianu yá yía una llingua percéltica

2009-04-05T19:00:00.004+02:00

Nun séi si sedrá verdá, pero lleo na prensa que'l decanu de la facultá de Filoloxía quier quitar los títulos propios de Caballeru Jedi del Bable ya Mini-You de la Fala (llamánlos asina, creo) que yera los dos títulos que ponía la Uni pa los enseñantes d'asturianu ya gallego-asturianu (nel supuestu qu'esta llingua esiesta ya nun sía inventu de gallegos ya asturianistas).

Arresulta ser qu'agora hai títulos de verdá pa la xente que quiera deprender asturianu, d'una manera seria. Cuidadín, nun digo que los títulos anteriores nun valieran pa nada, pero taban más coyidinos, yera un pouco gracias al llabor de los profesores por un llau ya'l puxu de los alumnos por outru, lo que facía que la xente que sacara estas titulaciones salieran preparaos.

Pero la noticia, cuido pa min, yía bona; agora la xente tien una especialidá de verdá. Lo cual nun país cumo l'Asturias del Copón, fiede. Si ho, l'Asturias del Copón fora la d'Asturias yía España ya lo demás son suecos (ou dalgo asina, pero una babayada tipu Alfredo Landa).

Conque la xente antiasturiana puenxe de los nervios. A min préstame esti tipu de xente, que odian tolo qu'ignoran, ya por eso you teo una sorrisa por tola cara mui gayolera.

Si nun-ys presta too esto... que vaigan a rezar a la Santina (ou Santita) de Cuadonga (ou Covadonga).

Dossier: El Fascismu

2009-03-03T10:37:00.003+01:00

Rapaces, you siempre digo qu'hai que tener cuidadín colas modas. Una d'ellas foi nel sou día'l facismu. D'ellos aspeutos caltiénense hasta agora, pero nun yía nin la solombra lo que nos años 30 ya 40, sobre todo, foi.

Pues sí; la cousa furrulaba asina: El sistema facista funciona d'un xeitu que llaman "estructura piramidal". Nas bases, los pringaos. Pol mediu, los caraduras (la xente'l Partíu). Los de siempres, unde siempres, p'arriba. Ya en picu'l too, l'Imbécil, que n'Alemaña llaman "führer", n'Italia "Duce", ya n'España llamanon "Caudillo". Bono, ya suelen tar protexíos pola "gracia de Dios", cumo los xefes de los clanes mafiosos del Sur d'Italia.

Seique dalgún día la Ilesia tenga qu'esclariar si Dios, el de La Biblia, ampara a estos Imbéciles... cuando acaben con temas más trescendentes cumo l'albuertu, el matrimoniu ente personas del miesmu sexu ya lo de los anticonceptivos.

Malo cuando un Imbécil d'estos gobierna. Un peligru públicu. Son cumo los típicos conocíos que todos tenemos que tolo que tocan, joden. Solo que los Imbéciles deixan, amái un bon rastru muertos ya desapaecíos. Eso sí, faenlo pol sacrosanto "bien de la raza".

Nun séi si lo peor yía que depués del Führer, el Duce ya'l Caudillo, depués de la qu'armanon eiquí, foi que, mundu alantre, touvienon munchos siguidores, n'Arxentina ou en Chile, países unde hai abondos asturianos, por exemplu.

N'Asturias, dalgún "terrorista" (cumo llamarían periodistas -que you nun llamaría facistas, sinon "sensatos ya bienpensantes"- cumo Jimenez-Losantos ou outros de la miesma triba), comunmente eiquí llamaos "fugaos", "maqui" ou "tiraos al monte", "you con imbéciles nun xuegu, nun me faen un res de gracia".

República ya Guerra

2009-03-03T10:35:00.001+01:00

You cuando falo de la República siempre m'apoyo en testos del valir científicu de César Vidal, más que nada porque yía un hestoriador imparcial, cuidadosu ya oxetivu. Conque a partir de la sua obra vou iguar esti capítulu de la nuesa Hestoria.

Nel añu de 1931 el pueblu de todas las Españas vota -de xeitu sediciosu ya con maldá- un gobiernu llaicu, masón ya vanguardia del llibertinaxe ya terrorismu Européu.

Paralelamente n'Africa, un mozu gayaspeiru ya de cierta fondura moral decide nuna piyama-party xunto con outros integros militares dir a votar, pero cumo touvienon tol día colo de la guerra en piyama pasóu que se pasanon, ya nun pasanon p'apurrir el sou votu.

España taba tresformandose nun país decadente, ayén a los gobiernos de moda na dómina, el facismu ya'l nazismu, que colocaban a Italia ya Alemaña cumo países de la "Nueva Europa", frente a las democracias dixebradoras de la "Vieya Europa".

N'Asturias los mineiros, depués de trenta años de griesca ya fuelgas varias deciden glayar al mundu; pero Franco obra con Sensatez ya "Sentido Común"; lo que sedría un preludiu de 40 años de Sensatez ya "Sentido Común".

Conque nel 36, depués de nun votar, Francisco Franco decide pasar a l'acción; foi un home d'acción, pesie a la sua voz "de falsete". Ya dicen que'l votu de las minorias yía decisivu: que-ylo entruguen a Niceto Alcalá Zamora.

Ya nada, a muncha xente con espiritu antiespañol, inmoral ya narcisista ocurrese-y condergar estos feichos, que solo son daños colaterales, que dalgunos llaman Guerra Civil; pa nós Gloriosu Alzamientu Nazional.

Amazcaritase nel Antroxu

2009-02-21T16:35:00.009+01:00

L'antroxu -eiquí dicen tamién antroyu, pero bono- yía esta temporada na que amazcaritamos ya comemos bien de carnona rica. A min préstame amás porque you naciera por Carnaval, de la que Yoryi Dan cantaba aquello de "Carnaval, Carnaval, Carnaval, Febrero, bailaremos ...etc" a ritmu de samba.

A lo que diba. Una fiesta guapa, na qu'ún antroya ya amazcarita. You quería amazcaritar con una amiga de Capiellina colorada ya llobu: ella de llobu ya you de capiellina, pero la rapaza díxome que tenía cousas meyores que facer ya nun séi que más.

Conque apaez el problema, ¿de qué visto? Bono, you fice un trabayu pa qu'escoyáis. Pa que veáis.

De torero yía un bon disfraz, sí señor. Sales de casa asina puestu ya falando cumo Ovidio Sánchez ya ruempes. Igual hasta te confunden con él. Indicáu tamién pa la xente que nun yía necesariamente del PP, que son apolíticos ou de centru; ou aquellas personas que "son demócratas pero....", pero nun pueden ver a los inmigrantes, por exemplu.

Ficimos la bromina colos del PP, ya cuoñu, ¿por qué non colos sociatas? Ellos usan a Yogui ya Bubu, bono, nós a esti koala de güevos llargos; que vien con un chinu dientru, pa que t'aprenda chinu, que diz Areces que val más que l'asturianu, porque los Alsas tamién tienen llinias. Menudu chollu!!!

Gobiernanos tamién un pouco -un misguín vaya- Izquierda Xunida, ya cumo yá tienen abondos problemas, qu'amazcariten de cubu de rubik, que tamién da'l sou dolor de cabeza, anque nun yía de los peores, tres lo del marrón pola conseyería d'agricultura, ganadería ya pesca ou cumo se llame. Bono, ya lo del PCA, ya lo d'ASCIZ, ya lo de Cangas, ya lo de gobernar con Areces ya eso... mete miéu pal cuerpu. ¡Ánimu!

Bono, somos asturianos, conque creo que d'escocés nun val amazcaritar.

Siempre puedes dir de gochu ou coneyu, pero has tener cuidáu nun te l'armen. Puengo la foto en pequenu pa tapecer un migayu'l crime.

Conque que disfrutéis munchu del Antroxu ya nun vos manquéis. Un beisu!

Monográficu l'arte asturianu nos principios del XX

2009-01-29T11:24:00.002+01:00

Dicimos que la nuesa cultura yía un calabre qu'hai qu'enterrar con tolos honores. Pero fai lo menos 500 años que la llevamos enterrando. Ya nun somos quién. Si touvieramos un Shakespeare fadría un sainete sobre tan curiosu socesu. Ou un Larra, miesmo. "Entiérrela Usté Mañana".

Claro, hai qu'entender el nuesu humor, ya la nuesa prensa.

Baldomero Fernández ou Eduardo Martínez Torner. Evaristo Valle. Pachín de Melás ou'l Padre Galo. Los cuatro Ases. Lliberdón, Margolles. Los periódicos d'entamos de sieglu dicían qu'óu diban, que más-ys valía facer un equipín de fúbol.

Tan mal taban que facían aquelarres, pienso n'Academia de las Lletras que furrulara nos años 20 en Xixón, ou en La Quintana, años antes.

Pouco cambia la hestoria.

SIEGLU XX

2009-01-29T11:23:00.001+01:00

Ya llegamos al sieglu XX. Bono, un sieglu mui interesante porque you nací nél.

Nos entamos, n'Asturias la xente de las ciudades, los obreiros, vivían mui mal, ya facían fuelgas ya güelgonas. Nel campu la xente siguía viviendo mal, pero nun se daban cuenta, ya emigraban cumo tola vida. Asina hasta qu'un rapaz que marchara de Grau descubríu'l xabón ya l'augua caliente. Entós armarase mui gorda, houbo motines ya la de mia madre, pero cumo nun había empresarios capitalistas, tampouco houbo muncho conflictu.

Apaez el SOMA, que naz nun Chigre, a pía de mina, lo que marcaría esti sindicatu, que medróu cumo un gochu cuando-y das pelargón.

Nos años XX cumo la cousa paecía que nun tiraba, Alfonso XIII proclama una dictadura, ya díctase. Cumo'l pueblu taba fartucu de dictadores, fame, miseria, Borbones, misas ya había pouca sidra, cárganse'l sistema, ya escuéyese una República, que llaman la II República, El regresu.
Alfonso XIII ya los sous secuaces oféndense toos, ya marchan pa fora, ya los probinos viven cumo plebeyos. (Supuengo la prensa Asturiana de la dómina daría-y pena, pero cumo nun teo pruebas historiográficas nin documentales, deixolu nún nada academicista, nún acientíficu ya informal "Supuengo").

N'Asturias tamién por daquella siguía'l tema de la llingua ya la cultura de nuesu. Los asturianos son un pueblu neciu, llegan yá más de mil años, seique 1200 más ou menos falando nuna llingua que naide fala, que ta por morrer ya que nun tien futuru... pero qu'ehí sigue.

Benditu país.

25 años de Xunta

2009-01-26T12:54:00.002+01:00

Una enmienda nos estatutos de la Universidá d'Uviéu vei permitir -de xuru- emplegar l'asturianu n'igualdá de condiciones col castellán; esto yía, la llingua asturiana yía dende estas fechas oficial na Universidá Asturiana.

Por conceyos, la normalización sigue avanzando, en Xixón hai un plan de normalización mui decente, en Colunga preséntase la Casa La Llingua, que mui bien nun séi que yía, pero igual yía dalgo someyáu a la Casona que tien restaurada'l Conceyu Llangréu p'agospiar el serviciu de normalización ya la Biblioteca del Asturianu que dicían que querían facer. La verdá que nun séi mui bien, pero en Cangas del Narcea faense palabreiros pa los guah.es ya l'asturianu llega a tolas estaxas de los servicios del Conceyu.

Nel ente de Telecomunicaciones, la RTPA -TelePanderetA- la llingua gana n'audiencia, en conteníos ya en tiempu, hai que dicir que con muncho trabayu, que-ys cuesta dar tiempu, magar l'audiencia.

Too estos llogros son en parte al trabayu de la Xunta Pola Defensa de la Llingua Asturiana, organización que cumple 25 años, ya cellebran güei'l sou aniversariu. Ameritan formar parte, de la Hestoria Contemporánea d'Asturias, con tol dereichu de sou, ganáu a pulsu.

Por outros 25 años, normalizando, sofitanto ya faciendo pola llingua...

DOSSIER: LA PRENSA ASTURIANA

2009-01-19T13:26:00.003+01:00

Ún de los pegoyos de la identidá asturiana constituyelo la nuestra prensa, la llamada Pataca Connection.

La cousa foi que los asturianos, hasta casi el sieglu XX, digan lo que digan, ya mermuren lo que mermuren, nun sabían nin escribir nin lleer, porque falaban asturianu, colo qu'implica.

Ya entós a ún ocurríuse "Ei, ¿ya si faigo un periódicu? Cumo naide nun sabe nin lleer nin escribir pueo poner lo que me dea la gana". Asina entamóu un suañu.

La nuesa prensa, pa entendella, hai que ser asturianu. Mui asturianu. Hai que saber pescanciar la chancia. Asina, cuando se fala, que pueo dicir, del CAO por exemplu, na Columna d'Editorial de, seique La Nueva Asturias, d'El Bebercio, ou de La Voz de España, lleese titulares cumo

"Güei (...) el CAO ta señaláu pol Pentágonu cumo ún enemigu de las democracias llibres (...) xunto con Al-Qaeda, la Camorra Napoletana, ya l'IRA".

Daquién de fora escandaliza, pero nós sabemos que cuando falan del verde, de la llingua, del Albuertu ou d'outros temas d'actualidá, falan con sorna.

Eso, ya amái el impresionante trabayu de xenealoxía que faen, cumo los Mormones. Digo que muncho se paecen los nuesos periodistas a los mormones ¿non?

Deixando la miscelania pa más tarde, durante'l sieglu XIX las muyeres asturianas yeran fértiles ya los homes asturianos taban más salíos que Pipi Estrada que pa eso foi de Xixón. Colo que nacen asturianos a miles, ya eso sirvíu pa que marcharan p'América; munchos volvían cumo Indianos. Esti feichu valíu pa consolidar la "pataca connection" porque estos asturianos, metíos de llen nuna voráxine procreadora siguienon teniendo fiyos, poro, ehí ta Bill Richardson (rebelde ya corruptu cumo un políticu d'eiquí), Alan Garcia, Vicente Fox, Cristina Kirtchner -ente outros-, Jorge Drexler, Eva Longoria, Liuba María Hevia, Pimpinela, Gloria Stefan -camiéntase que tamién tien raza asturiana Spike Lee ya Jim Carrey, pero nun ta inda probáu nada-; ya ente los personaxes de ficción tán Bruce Wayne (l'alter ego de Batman) ya Ironman, que nel Comic el sou traxe llevaba componentes de Duro Felguera.

Yía dalgo del nuesu llegáu.

SIEGLU XIX (ya II)

2009-01-19T13:25:00.002+01:00

Nel sieglu XIX dende Madrid piensan que si centralizan l'estáu, quitan llibertades al pueblu ya lo mantienen ignorante España molará más. Esto fai que munchos nobles europeos (ya americanos) flipen, ya dalgunos vienen char una güeyada. A Asturias aporta Rimsky-Korsakov ya víu colos sous propios güeyos cumo taba daquella esti país, lo que fai poner lentes ya escribir un par de cancios asturianos nel sou Capricho Español. Ya cuando acabóu intentóu suicidase cortando una oureya. A esta corriente d''artistas qu'ante una crisis nerviosa-ys da por cortase una oureya llámanlos "moderninos", cumo por exemplu Van Gogh, ou Rasputín. En ficias al arte, confío qu'un día Pablo Motos se corte una oureya.

Toi saliendo del ramal. Digo que nel sieglu XIX esto yera igual que'l Llonxanu Oeste; pero pouco a pouco entama la Industrialización n'Asturias. Munchos yuppies ya señorinos europeos cuntan facer las américas pero n'Europa ya abre minas eiquí cumo si esto fora California ou Australia. Dalgún, cumo los Masip, son a Asturias lo que Schwarzenegger a California. Homes feichos a sigo miesmos.

Nada, nel sieglu XIX los asturianos reproducíanse cumo coneyos, pues nun había nin tele nin radio nin, por supuesto Gran Hermano nin Lliga de Fubol Profesional, asina que siguían diendo a América.

Dellos escritores siguen escribiendo n'Asturianu, ya asina coyían subvención, esto fou hasta 'l sieglu XX.

HESTORIA D'ASTURIAS, DARRÉU NUEVAS ENTREGAS

2009-01-19T13:23:00.000+01:00

Vou siguir desplicando un pouco más la Hestoria d'Asturias, por mor de la sua bona aceptación. Sí, pola cai la xente párame ya dizme que vaya bona, nos chigres dicenme que, dende un puntu de vista científicu, los mious argumentos son irrebatibles; ya dende círculos puramente academicistas coméntase que tou cubriendo munchas llagunas de la nuesa hestoria, tapecíos pol escuru. Dizque Riopedre ta flipando tanto que vei incluyir en prósimos conteníos curriculares dellos apuntes eiquí espuestos, que séi you, esbozos.

Bono, deixáramoslo nel 2008 cola entrevista con Xovellanos; cola guerra al Francés. Al final ganamos.

Nueiche Vieya 08/09

2008-12-31T23:52:00.003+01:00

Que nesta nueiche coyáis tola enerxía ya tola allegría ya l'humor pa entrar nel 2009 con tola fuercia'l mundiu... ya recordái que na cena de los cabezaleiros políticos asturinos güei puenen-ys llingua estofada, criada al abellugu d'una llinia d'alta tensión!!!

¿Qué pasa cuando tiras un pedu? (Ou la Llingua ya la Financiación autonómica)

2008-12-30T21:09:00.008+01:00

Claro, que lligando esta entrada col tema l'anterior siempre pue pasanos cumo a esi señor tan bien llantáu ya d'aspeutu seriu, que tirara un pedu nun ascensor, unde había un mozu.

-¿Pero vustéi tiróu un pedu, señor?

-¡¡¡Claro!!! ¿Ou igual camienta que you güelo siempres asina?

Pa mia idega dalgo paecío-y pasa a Fernández, de nome Javier, ya profesión Secretariu Xeneral de la F$A ya de convinciones Xacobinas ya credu antibablista.

Resulta qu'el probín yía cumo l'home del pedu, tien una reputación, ya tien que la caltener. Anque caiga nel ridículu. Porque a Touriño ocurríuse-y meter la oficialidá cumo escusa pa pidir en Madrid más perras. Os Cartos. Ya los socialistas asturianos tienen un pequenu problema col tema de la oficialidá. Dicen qu'anque nos cueste dineiru, qu'ellos van siguir col sou puntu de vista sobre esta materia.

Claro, negocian colos gallegos la financiación autonómica, ya bien pouco los conocen, nótase. Colos gallegos solo se pue falar de gaita, nunca de perras. Os Cartos. Porque negocian, negocian. La Ilesia en Galicia mandaba muncho, ya los gallegos piden que tal paecen flaires. Habíamos deprender.

Bono, outra vegada más rescampla'l tema llingüísticu d'Asturias. Yía verdá que la xente de la F$A vei tener un problema con ello. Teo que dicir qu'a min préstame, porque total, si quedamos ensin cuartos, you vou siguir igual escribiendo n'asturianu'l blogue. Por eso un paséis miéu, pero bono. Yía una pena. Guapa vegada pa matar dos páxaros d'un tiru, oficialidá ya pa enriba cuartos.

Hahahaha..... Pero non, quedaremos ensin dereichos ya ensin Os Cartos. Yía más, cumo hastasagora siguiremos cola normalización esta gastando perras pa que nun lluzca un migayu, pa nun se traduza en dereichos. ¿Daquién entiende dalgo?

Por cierto, güei entruganon a Javier Fdez. por esti tema ya dixo que nun falaba. Ta enfadáu, porque pa Nueite Vieya van poné-y de cena llingua estofada. Ya de segundu, pita. Ese es el colmo de Javier Fernández.

Votación meyor blogue 2008

2008-12-29T15:30:00.009+01:00

Un pedu, mal tiráu, pue afundir nun momentín una reputación bien ganada n'años.

Reflesiono nesti especial Navidá 2008-09 sobre esti tema porque salíu una propuesta na asturblogosfera pa escoyer al meyor blogue n'asturianu nel añu 2008. Yía de xusticia dicir que cumo siempre estas cousas tienen el sou aniciu nel equipu que forman Tin ya Xulio, Trayasgaya, dende Llangréu (el conceyu de la Cuenca que nun ye Mieres; quier dicir, l'outru).

Conque a min convidánonme pa que votara ya feixelo. Cumo nun sou Carlos Rubiera nun me votéi a min miesmu. Non. You votéi, nel primer llugar a Ensinrefaxu, que siempre tien entradas interesantes; llou a la AsturianWeird Foundation, porque esi blogue llégame a las coradas, ya amái entiéndenme bien.

Claro, agora van entender la cita del empiezu. Nel tercer llugar votéi pa l'AsturiesLliberal.

Nun me malinterpreteis. Votelos pa lo de los blogues. Votelos porque sou del Occidente d'Asturias; d'una Asturias na que'l P$OE gobierna dende las Cuencas Mineras ya las grandes ciudades unde negaban l'idioma llariegu, ya inda niegan derechos a los sous falantes (véase la entrevista en Les Noticies a don Fernando Lastra Valdés, cangués de Cangas del Narcea pa más señas).

Nel Occidente teníamos (y caltenemos) a los políticos más anti llingua de toda Asturias, n'especial los que van nel P$OE. Ya na vecina Galicia de nuesu amor la derechona gallega tiraba pol gallegu, el idioma de sou. You reconozo que dende guah.e quixe ver un PP cumo'l gallegu, nel aspectu llingüísticu. Foi una vieya aspiración.

Agora, la sua interpretación del estáu de derechu, la sua visión económica, unde los más ricos han facese más ricos ya los probos apretar el cinchu inda un poucoñín más, el sou conceptu de sanidá ya educación en manos privadas; el sou marcáu confesionalismu ya, en fin, la sua llinia política... ¡Dious nos ampare!

Colo que, por una vegada, ya anque numái sía eiquí, you votéi a AsturiesLliberal, en reconocimientu a un vieyu caprichu de guah.e.

Pa munchos asturianistas oficialmente you sou agora secuaz del Partido Popular, por eso cuidéime de nun actualizar ayeri, día de los Santos Inocentes. Porque vei mui en serio. Esto nun yía una inocentada.

Fin d'añu 2008

2008-12-29T15:23:00.005+01:00

Acabase l'añu 2008, ya nun quería deixar ensin felicitar los nadales... Asina que nada, felices fiestas pa todas ya toos.

Fernando Lastra, en Madreña picada

2008-12-19T15:58:00.003+01:00

¿Qué tendrán las albarcas que tanto gustan a los políticos? La verdad, es que no lo sé. Hace unas semanas salía en un programa de televisión, en La Sexta, el presidente de Cantabria, e iba en "albarcas". Decía que era el calzado típico del campo de Cantabria, y además de Asturies. ¿Por qué los cántabros siempre se acuerdan de Asturies y los asturianos nunca de Cantabria -aunque sea la Provincia de Santander?

Conque yá n'Asturias, las madreñas -nós dicimos asina, a nun ser pal occidente unde falan gallego-asturianu, entós son "galochas"- tamién marcan a los nuesos políticos.

Tengo na cabeza a Fernando Lastra Valdés, que cuando tien que falar de llingua asturiana ponse malu. Polo menos esa impresión da esta selmana na sua entrevista nel selmanariu Les Noticies.

Resulta qu'a Fernando dienon-y el madreñazu pol sou llabor contra la llingua asturiana, él ta en contra. Si la llingua ta nuna posición mala, él cuida qu'inda pue tar peor, ya vei facer por ello. Colo que Madreñazu 08 pol sou llabor pol desaniciu.

Pero lo que nun tien esperdiciu yía la entrevista que-y feixenon. Atendéi:

Entruga: "L'Estáu español tien firmáu col Conseyu d'Europa una Carta de les Llingües Minoritaries, qu'inclúi expresamente a Asturies, a la llingua asturiana y al gallegu-asturianu. El Conseyu d'Europa, mediante un informe, ta acabante avisar al Gobiernu español que los ciudadanos asturianos nun gocen d'unos derechos llingüísticos que sí s'esfruten nel restu del Estáu".

Rempuesta: Ye una opinión del Conseyu d'Europa que yo matizaría. Yo nun duldo que se puedan facer más coses pola llingua asturiana. Nun lo duldo. Amás, dígolo claramente: si se pueden facer más coses, hai que facer más coses.

¿Entós?

Entruga: "¿Usté piensa realmente qu'Asturies se pue permitir nun planificar la política llingüística d'equí a venti años de manera que la llingua asturiana y el gallegu-asturianu puedan perdurar como realidaes sociales? ¿Nun se trata de preservar p'Asturies, pa España y pa Europa un bien cultural y social como ye l'asturianu?"

Rempuesta: Ta faciéndome una pregunta que nun tien nada que ver colo xurídico. La respuesta que-y puedo dar ye que deberíamos facer más. Ye igual que si me pregunta pol prerrománicu. Nun quiero falar en términos antropolóxicos, sinón en términos xurídicos.

Jo, nin. ¿Entós?

Bono, you nun teo palabras, colo que recomiendo que llean na páxina www.lesnoticies.com la entrevista íntegra.

ENTREVISTA A XOVELLANOS

2008-12-11T14:08:00.002+01:00

N'Entrevistas na Hestoria tenemos güei con nós a ún grande, al políticu asturianista Gaspar Baltasar Melchor Xovellanos, que tien tolos nomes de los Reis Magos.

Pregunta: Buah, Primeiro de todo, dicir qu'esto pa min yía too un acontecimientu, tener eiquí al gran Xovellanos, un pouco'l pái de l'Asturias moderna. Un crack, vaya, una persona almirada pola xente d'izquierdas, dereichas, asturianistas ya Sensatos. Un gran honor facer esta entrevista. Bono, entamo.
Vusté cumo padre de l'Asturias moderna, ¿cúmo vei'l país anguaño?

Rempuesta: Bono. En dellos aspectos el país meyoró, cierto. Comparando cola dómina de mio, dicir qu'anguaño hai agua caliente, que da gustirrinín, y tamién lluz eléctrico, que presta asgaya y da muncho xuegu. Cuido qu'agora, efectivamente, vívese meyor. Arriendes del agua y la lluz eléctrico hai muncha variedá na comida y la sidra pue qu'hasta sepia meyor...

P: Hahaha, claro, vusté ye home de tomar sidra... ¡Pensé siempre que por aquello del protocolu vusté bebía vinu.
R: Bebo con muncha moderación, igual me da vinu (sía asturiano de Cangas o un bon Ribera del Duero o d'ú seya) que sidra. Na vida hai que prebar de too. Y cuando digo de too, quiero dicir qu'hai que prebar de too... ¿Soi lo suficientemente esplícitu?
P: Psíiii... Bono con un asturianista hestóricu como vusté ye imprescindible entrugar pola llingua... ¿Qué-y paez lo referente al idioma?
R: Home, l'asturianu ganó dende los mios tiempos nunes coses. N'otres, pues cenciellamente non. Por exemplu, agora hai meyores escritores, como Xuan Bello, Berta Piñan, Antón García o Roberto González- Quevedo, ente otros munchos. Tamién presten los grupos de música que canten n'asturianu, magar qu'ente la xente de la cai perdérase'l vezu de cantar, o el costume del baille. Xente que xuntó en verdaeres andeches que ficieron un trabayu cola llingua candial... Radio Sele (bono, nos mios tiempos nun s'inventara'l radio), el diariu Les Noticies -pela mio dómina nun s'estilaba la prensa cásique- ou otros; ente ellos el suañu de mio, l'Academia de la Llingua Asturiana... una institución pernecesaria nun país d'Occidente, nel sieglu XXI que quiera caltener de xeitu afayadizu la llingua y la cultura de so...
Pero lo que vien siendo la cai... la cosa ehí perdió, baxo un pocoñín. Non tanto como podiera pensase, pero nos mios tiempos entá se falaba un poco más asturianu. Hai que facer porque nun se perdan falantes, por caltener vivable l'idioma.
P: Ye curioso, la xente que mos gobierna n'Asturies, dende la Transición vien ñegando l'idioma per un llau tanto non faciéndolo oficial como nun usándolu, pero per otru llau gasten dineru abondu nun proyeutu p'Asturies nel que se cuenta y se fai pol idioma y poco a poco facer granible la cultura asturiana... ¿Ye chocante?
R: ¡Ah! Sé per ú quier dir. Nun piense, yo soi de lleer el so blogue... sí, sí, toi al tanto de too lo que socez n'Asturies. Claro, un problema que tien la nuesa cultura (y meto dientro l'idioma) ye qu'esiesti un claro amiestu, un automáticu diría más bien, empate ente "llingua asturiana" y "nacionalismu escluyente". Asina, creese nel imaxinariu -nel de ciertes persones bien dañines- qu'una equiparación ente la cultura del pueblu (nel casu de so, nel so conceyu ente vaqueiros y xaldos, ¿acuéi?) y la elitista que gasten y usen como marca diferencial, pa digamos xebrar como'l pregueru, el rebañu. Que la cultura obrera seya equiparable en derechos a la del "establishment" pue ser engorrosu pa esa élite. ¿Nun cree? Yo, nel casu de mio, pueo dicir que nunca tuve complexos. Yo eché-y carayu y llanté delantre de Xovellanos pá y dixe-y "Tanto me gusten les muyeres como los homes". Y puntu.
P: (Asombru) Vaya. Pues eses élites son les que lu afalaguen nos sos discusos, llévenlu a vusté siempre d'obleru na guiyada... nun sé si sabe... los presidentes, los sindicalistes y empresarios d'Asturies quierenlu muncho.
R: ¡Pues habíen saber que yo toi cola llingua! Y una cosa digo: Yo nun soi nacionalista. Nun lo fui nunca y nun lo sedré. El nacionalismu, seya asturianu, vascu, español o francés ye siempre un amestu ente mieu, odiu, frustración, complexu d'inferioridá y resentimientu qu'a min, francamente dame noxu. De mi dizse que fui un "gran patriota español" y un "gran asturianista"... Non, non, non. Tocome facer la vida per dayuri, y trabayé pol bien común siempre, pero yo nunca nun fui nin asturianista, nin españolista nin siquier monárquicu... Amás identifícome con Albert Plá.
P: Vusté sabe qu'esti blogue ta tildáu de "Nacionalista" por dellos usadores d'internet que tienen parao per equí...
R: ¡Unos ignorante! ¡Faltosos, ignorante y vagos intelectualmente! Nun faiga casu, tala xente ye cobarde, tien complexu d'inferioridá y resentimientu. Son los primeros.
P: Calle, calle, por favor, que va quitame la clientela...
R: ¡Ei!, a callar, que pa eso yo soi Xovellanos.
P: Bono, val. Pero por exemplu, ¿Qué opinión-y merez el Presidente Areces?
R: Non, yo soi más d'Ovidio. Hahaha, non, yera chunga. En realidá Areces ehí ú lu ve ye un gran asturianista. Tanto Ovidio como Areces de la que van adeitase piden por min, pola llingua y pola nación asturiana. Dambos falen nes sos cases siempre n'asturianu, lleen llibros n'asturianu y escuchen muncha música na llingua. Ovidio ye más roceanu pa col gallego-asturianu, magar Fraga defendiera'l gallegu en Galicia, pero yía porque Ovidio tien un problema d'adeprendizax. El que nun ye de la llingua nada ye Jesús Iglesias; bono ési nin siquier reza, pero ta ehí por disciplina de partíu. Xuan Xosé ye así asá, nun se crea que ta mui pola normalización de la llingua, ya Rafa Palacios sí. Rafa Palacios reza toles nueches abondo. Pero en llatín.
P: ¡Wow! ¡Qué interesante! Ye una pena qu'esta entrevista -pa min la más interesante que se fizo nunca nun blogue en llingua asturiana y que se fizo en xeneral nun blogue n'Asturies- tea que finar. Pero ye qu'a quién llea esto va a cansase-y los güeyos. ¿Quier apuntar dalgo pa rematar?
R: Nada, el placer foi míu. Tengo que remarcar que ye la primer entrada que fizo nesti blogue n'asturianu guai, tipu referencial... si me lo permite ha contenstar, por curiosidá per mio parte, ¿cómo-y dio prehí?, colo guapo que ye'l so dialeutu vaqueiru... P: Ai, paecióme bien. Ún nunca nun tien enfrente un prócer del pueblu asturianu (Xovellanos fai un bliecu), perdón, un ilustráu que miró pola cultura llariega tan menospreciada tantes vegaes, y prestábame facelo col asturianu referencial, más cultu, pol que vuste naguara nel so tiempu. Sirva d'homenax... Almítame tendé-y la mano.
R: Munches gracies (apurriéndola). Un día quedamos pa xugar un cinquillu. Entós más nada.

VII- FRANCESADA YA SIEGLU XIX (I)

2008-12-11T14:05:00.002+01:00

Resulta que los Borbones faense col control del Imperiu, ya centralizan España ya tol Imperiu; colo qu'esfarrapan l'Imperiu ya dan nacencia a los nacionalismos, ya gracias a eso you tou faciendo esta Hestoria d'Asturias, ya l'Americanu ta n'Asturias estudiando sobre'l nacionalismu asturianu. Gracias a los Borbones ya al sou centralismu, que fundíu un Imperiu nel que "no se ponía el sol".

Conque los Borbones fonon mui p'allá ya deixanon que los franceses invadieran España. Ah, por eso'l Cuervu siempre tira pa la pena que-y víu nacer, que dicía'l vieyu.

Napoleón ya Francia invaden Europa menos Gran Bretaña ya Asturias, qu'arresisten con brenga. Napoleón tenía rabia a los ingleses pola sua ironía, que Napoleón nun tenía. A los asturianos cenciellamente Napoleón daba-ys igual, pero Napoleón, na Nueiche Escura, decretóu zarrar milenta chigres ya bodegones a partir de las cinco la tarde. Nel restu del país decretóu toque de queda.

Los Asturianos taban sobrios ya ociosos, ya pa un asturianu nun hai peor cousa. Asina qu'alcuerdan matar franceses, porque estos amái embargan el comerciu sidra asturiana col Imperiu Británicu (los franceses son más de vinu) ya prohíben la gaita, pensando que yía un arma de propaganda anglosaxona. Ya los asturianos revientan.

Bono, nestas apaez Xovellanos, que yera un politicallu que nun rascaba una, ya funda'l Nacionalismu Modernu Asturianu. Sí, cueye la Cruz de la Victoria, ya fai la primer bandera gai de la Hestoria, l'Asturiana. Fou intelixente, d'una cruz feixo una bandera, ya cumo non toos podían tener nel xarré nin nel balcón la Cruz de la Victoria, tenían la Bandera Asturiana.

Por mor de las élites "Bienpensantes y Sensatas" n'Asturias falábase "Amestáu", pero Xovellanos dixo "ai mamina. A estos hai que-ys poner una Academia de la Llingua, pa qu'adeprendan a falar bien. ¡Ya hai qu'iguar la toponimia!", colo qu'a partir de Xovellanos anicia l'usu de topónimos castellanos; fou una cousa psicolóxica, tornanonse al castellanu p'agora tornase, dos cientos años depués al asturianu. Ya al Gallego-asturianu. Esto vei pal estudiosu norteamericanu. Los asturianos somos asina. Total, paga Madrid...

Bono, derrótase a los franceses ya échase-ys, ya Fernando VII prometéu aprobar un estatutu d'autonomía p'Asturias, trayer la democracia ya'l sufraxiu pa toos/as ya vacaciones pagadas en Perlora, pero al final nada.

La Renovación nas filas del PP

2008-12-08T18:56:00.003+01:00

Tres de las pequenas cousas tán los grandes placeres. You al menos, atoupo ún de los grandes placeres en desayunar una taza de caféi feicho "a l'antigua", unos croissants ya... la prensa.

Asina, esti sábadu mentres lleía Les Noticies salía una entrevista a Aréstegui, un cabezaleiru del PP. Avilesín, yía la versión pepera de don Fernando Lastra. Joaquín Aréstigui, amás, siempre me recuerda a los tratantes de Tinéu ya Salas, cuando se xuntan nas ferias, que séi you, en San Pedru de Maicina ou en Salas ou en La Espina.

Diz "El Tratantón" que del congresu del PP ganóu la renovación. ¿Cuála? Pa qu'haiga renovación tien que camudar la xente que taba antias ya que, pa esti casu, llevan trés llexislaturas perdidas.

Pues nel congresu del PP non. Falan de renovación, pero tán los miesmos... A nun ser qu'agora vistan a Ovidio Sánchez de torero ya a Jaime Reinares de Charlot peime que vamos ver lo de siempres.

Monográficu: Las Misiones Evanxelizadoras

2008-12-05T17:58:00.001+01:00

Pos sí. La cousa yía que n'Asturias calecéu'l tiempu del sieglu XVI hasta'l XVII, dambos inclusive, ya los asturianos diban prehí en porrica ya fornicando pola escura viesca, con tola qu'había. N'Asturias afitóu vien la causa ya'l sentir del Coleutivu Gai, ya munchos nobles ya curas del restu del Imperiu diban a la viesca asturiana a fornicar llibremente, porque nun taba mal vistu, nin ente la xente nin pola Res Llariega.

Conque la Ilesia Asturiana yera la primera n'apuntáse. Resulta que n'Asturias había problemas más importantes d'aquella que si a Pin-y prestaba Lin, ou si Nel quería tar con Falo ya Tuxa na miesma nueiche, que yera la muyer de Falo. Sí, Pin, Lin, Nel, Falo ya Tuxa tenían más moleición pola industria llechera, que nun la deslocalizaran col Imperiu, nin -nel casu de Nel- la industria de la construición Naval, en Xixón. Tamién querían la viesca llimpia pa poder enredar ehí al sou aire.

Sicasí, en Madrid tenían outros planes. Llevar la construición de los barcos a outras tierras, cumo pudieran ser plazas africanas, ou la lleiche a los Paises Baxos, que yeran parte del Imperiu, ya producían más baratu. Ya por supuesto, unviar a Pin, Lin, Nel, Falo ya Tuxa a la Ilesia, por cuenta la Viesca.

Bono, básicamente eso fonon las Misiones Evanxelizadoras. Que del murniu Madrid vinieran joder a los asturianos... .. .

IV. DENDE 1492 HASTA LA FRANCESADA

2008-12-05T17:47:00.002+01:00

Nel sieglu XVI Fernando Valdés-Salas abre la boucona ya xube'l pan. Pa compensar fai la Universidá d'Uviéu.

Un escolín d'estos de categoría, que se sienta p'alantre del too, gasta lentes ya peináu d'estos que dan a ún confianza ya tien voz aflautada cueye cumo asignatura optativa Asturianu. Yía Antón de Marirreguera, ya escribe los primeiros testos n'asturianu rajando contra'l sistema. Si daquella houbiera Internet fadría un blogue llamáu "MunduAntón", "Antón diz", "El Trasgu d'Antón", "Casos que m'asoceden" ou "TraigaMansalva", pero cumo rede nun había...

Bono, nel sieglu XVIII naz en Colunga Agustín Bernardo de Pedrayes, que yera matemáticu, ya va ya inventa'l metru. A los dos sieglos dedican-y el "I DÍA DE LES CIENCIES ASTURIANES", porque claro, cumo tien pinta jarrachu nun val pal Príncipe d'Asturias póstumu, claro, cumo "yera del bable"...

Dare-ysvos cuenta que tou enrrollándome un pouco. Pero yía qu'hasta que llegan los franceses nun ocurre nada importante.

Bono sí. Eiquí, cumo taban cumo Cafres, la Corona de Castiella, por mediu de los Reis declaran Asturias cumo "Paxa Figos", que venía ser que los asturianos tabamos por civilizar inda. Entós dende Madrid propuénse unviar a Asturias "Misiones Evanxelizadoras", talo qu'América.

Sí ho, humildante, pero si por min fora inda las había. ¡Ya misa diaria pa dalgún que you séi!

MONOGRÁFICU: ASTURIAS YA AMÉRICA (por X.M.L.)

2008-11-27T14:16:00.001+01:00

Nengún continente tien tanta rellación con Asturias cumo América, si esceptuamos Europa, África ya Asia. (Ya si lleemos LNE Oceanía tamién).

La güelga del pueblu asturianu yía fonda, somos parte del ciernu de la identidá americana. Pa entamar, numái hai que ver la cantidá d'asturianos qu'hai nel panorama social americanu, n'especial pola dereichona. Pienso n'Alan Garcia, Vicente Fox, Gloria Estefan... pero tamién pola izquierda, Bill Richardson, Cristina Kitchner... bono, Fidel Castro yía de la raya... Ya esqueizo los que nun traigo a la memoria, pero que tamién son pintorescos.

Pero tamién América marcóu a Asturias. Dende las fabas, a las patacas, pasando polos tomates. Ya'l chicolate. Ya'l tabacu -pa quién lo fume-.

Ya la figura del Indianu, del "Américanu" ya del "Americanu del Pote". Buah, personaxes qu'inda quedan ya revolucionanon la aburrida Sociedá Asturiana dende qu'entramos a pertenecer a Castiella nel 1388. Gracias a los americanos, Asturias mola más.

Mesto de la cultura Astur-Americana sal l'AsturEnglish nos EEXX, eso que dicen "Speaking to my güela", sobre too pa West Virginia,ya tamién l'estereotipu d'Astur-Norteamericanu que semeya Pedro Picapiedra. Pero sobre todo nacen los centros asturianos, unde se bebe sidra, se xuega a los bolos, se toca la gaita ya se bailla ya faise cultu a la Santina de Cuadonga.

Nun faléi de la Santina de Cuadonga hastasagora, pero dicir que nun principiu nel Oriente d'Asturias esistía un Cultu Paganu, a un bóvidu, la llamada "Vaca Gaitera". Col cristianismu, sustitúyese la Vaca pola Santina, pero sigue siendo un cultu mui folclóricu, folclorizáu.

Nun séi si m'esplico.

LA EDÁ MEDIA VEI TERMINANDO YA DESCUBRESE AMÉRICA

2008-11-27T14:14:00.002+01:00

Bono, dende 1388 hasta 1492 nun socedéu gran cousa n'Asturias. Foumos pouco a pouco acabando dellas obras públicas pol país. Traigo a la memoria la Catedral d'Uviéu.

En Castiella houbo una guerra ente castellanos ya cumo a nós eso nun nos importaba muncho nun participamos. Bono, dalgún asturianu sí que participóu, pero porque-y pagaban a parte.

A partir de 1388 entaman a venir a vivir a Asturias élites castellanas, sensatas ya cola cabeza bien amueblada. Qué séi you, curas navarros, filólogos salmantinos ou filósofos rioxanos. Pa dar más color a Asturias.

Bono, nel 1492 nun pueo deixar d'omitir que Colón -nun yera asturianu- descubre América, durante una "party". N'Asturias esi añu nun pasóu nada relevante, pero los asturianos que diban na espedición de Colón feixenon una espicha -la primer nel Nuevu Mundu- ya xuganon a los bolos por primer vegada n'América. Dizque una vegada n'América entruganon unde taban ya Colón nun sabía, pero un gallegu d'A Pontenova pidíu por favor que llamaran esa tierra América, n'honor d'una vaca que vendiera nuna feria en Grandas pa colar a América.

Bono, en 1492 paez ser que se funda el primer Centru Asturianu- Casa d'Asturies na Islla de la Española, al casar un mariñeiru d'Avilés con una nativa: touvienon dos fiyos mestizos que fonon los primeiros socios: Ún llamaba Xosé Nel ya l'outru Zapato Veloz. Puru mestizax.

Al tornar d'América Colón pasóu pol Puertu de Xixón pa deixar a los marinos asturianos, ya desembarcanon ya cuando los vienon nos sous pueblos... toos de blancu, col sombreiru ya'l reló de cadena d'ouru... ¡cá! Dixenon: "cuidadín, que somos indianos, andái con cuidáu". Ya feixenon xalés.

Toos menos ún de Grau, que paecía tuntu. Na sua maleta nun había nin puros, nin sombreiros nin cadenas d'ouru, nin novelas sorrealistas... colo qu'echanonlu de la villa, ya llegóu a Salas, unde vivíu feliz en Llaniu.

Na sua maleta había patacas, tomates, aguacates ya unas fueyas llamadas "tabacu"...

EL CAMÍN DE SANTIAGO (DOCUMENTU)

2008-11-25T10:53:00.002+01:00

Santiago fou un de los doce apóstoles de Xuasucristu. Predicóu pola Península Ibérica, ya morréu, entérranlo -cumo yera cristianu- n'Iria Flavia, Galicia. Durante la época na que predicóu los non cristianos en Galicia comían a los sous muertos, emprincipiando polas oureyas.

Los reis asturianos vienon negociu na tumba de Santiago ya inventanon un de los mayores chollos de la industria del turismu na Hestoria: El Camín de Santiagu.

Consistía nuna especie de ginkana na que los "penitentes" (d'ehí cuando te traen pa que pagues una factura coloquialmente entruguen "¿El penitente?") llamaos agora pelegrinos diban rondando por tolos pueblos ya faciendo un pouco gasto en toos. En Grau Tocinillo de Cielo. N'Ayande pote Asturianu. En Tinéu Fabas. En Salas cualisquier platu. Pero nun te lo perdas; bollinas en Corniana, ya bollu preñáu en La Espina...

Esta ruta gastronómico-espiritual revitalizóu la economía asturiana tres el desastre de la crisis romana, ya "europeizonos".

EL REINU D'ASTURIAS (II) YA'L REINU DE LLIÓN (IV)

2008-11-25T10:50:00.003+01:00

El Reinu d'Asturias fou una dómina hestórica que marca'l nacimientu d'Asturias cumo tala. Yía un tiempu nel cual se configura Asturias: entamase a mayar la sidra cumo n'actualidá, apaez el nome d'Asturias, entama a falase asturianu ya los asturianos descubren que'l tambor pega bien cola gaita.

Falábase asturianu tan bien, tan bien que nun había academia de la llingua nin nada paecíu. Yeran asturianos tan bonos, tan bonos que nun había Real Institutu d'Estudios Asturianos. Yera un pueblu feliz.

Cumo se dienon cuenta que vivían bien ya que daba capones cola barbilla a los mouros dixenon: "¡ei! ¿Ya por qué nun nos espardemos?" Ya dicidienon conquistar Llión.

Los asturianos llegan a Llión, ya apaláncanse. Cumo en Llión los praos son llanos, había unas farturas de la de mia madre, ya entaman a tomar más sidra ya más vinu qu'a guerrear.

Conque conquistan outras tierras, cumo Galicia ou Portugal, ya llegan hasta Vizcaya ya'l Dueru.

Hai un datu curiosu nuna provincia que llamaban nesos tiempos Vardulia.

Vardulia tenía una particularidá, un incipiente movimientu llingüísticu llamáu castellanista, que las élites inteleutuales llamaban "Bardulianu" (dicían que yera fala de bardos) ou "asturianu mal faláu". Manifestaba la llamada "Junta por la Defensa de la Lengua Castellana" polas cáis de Burgos ya sacaban una "Oca de la Oficialidad". Ente los sous lemas taban "Castellano en las escuelas" ya "Autonomía para Castilla". Por cierto, llamaban a Vardulia "Castilla".

Resulta que las autoridades llionesas de la dómina nun afloxaban, ya al final los castellanos -que yeran mui necios- acabanon mui cabreaos, ya llevantánonse n'armas; acabanon indepencizándose, ya cumo tenían muncho odiu dientro faza Llión, pueis derrotánonlos ya enguyenon con él Asturias.

Los asturianos taban indiferentes; pero los castellanos yeran un pouco chulinos, ya entós los asturianos dixenon "You más", ya llegóu Gonzalo Peláiz ya Doña Urraca ente outros. A los castellanos depués de tanta guerra fíxo-ys el culu "flo-flo" ya dicidienon llevase bien colos asturianos. Dixenon nel 1388: "Non, perái. Vamos facevos Principáu, ya dotavos de cuartos pa que montéis una Fundación qu'otorgue Premios a estremadas personalidades de la lliteratura, el deporte, las Ciencias Sociales, la Ciencia en xeneral ya la Concordia. Ya nun vais tar integraos en Castiella, caltendréis la vuesa Xunta Xeneral colos vuesos caciques ya opresores propios".

1388 fou un gran añu p'Asturias.

Alcuentru de Pandereta Gallega y Asturiana

2008-11-21T12:31:00.002+01:00

Pues yá sabéis, pa'l sábadu 29 Payares, si nun tenéis nada que facer, arimáivos hasta A Estrada ya esfrutái con esi convite, ési cumal pandereteiru-gastronómicu que xunirá un pouco más Asturias con Galicia.

DON PELAYO (ENTREVISTAS NA HESTORIA)

2008-11-18T19:57:00.002+01:00

Don Pelayo, fora fíu d'un inmigrante visigodu ya una astur-romana, ya fou'l cumal del mestizax asturianu. Fou'l Rei del cambéu.

Entruga: ¿Qué pensóu cuando se véu eillí enribona, en Cuadonga, lluchando contra una potencia estranxera mundial, cumo fonon los mouros?

Rempuesta: Una inmensa satisfación, porque touve la oportunidá de defender Asturias; siempre pienso n'Asturias.

E: Dempués de trece sieglos, ¿Cúmo véi anguaño Asturias?

R: Uuuuui dempués de lo que s'armóu cola Reina d'España, nun vou facer declaraciones d'esti tipu, porque la opinión d'un Rei -polo menos n'Asturias- ha tar siempres controlada pol Parllamentu. Sacante, claro de la intimidá de la llariega...

E: Bono, pero por exemplu, ¿qué opina de las bodas gais?

R: Ai nin, you encantáu. De mano la Cruz de la Victoria fou suañada cumo un iconu de la llucha Gai. ¿Sabe vusté quien la financióu? El lobby gai del Reinu d'Asturias. Poro, cuando ví al Xeneralón Francisco Franco sacalla por Uviéu en Santu Corteixu chocóume: Por un llau, un actu de la miesma Ilesia que conderga la homosexualidá, por outru Francisco Franco, gai.

E: ¿Cúmo fou? ¿Franco Gai? ¿Qué yía qu'antes había gais?

R: Sí. De mano gran parte de la Monarquía Asturiana yera gai. Non, nel Reinu d'Asturias siempres houbo homosexuales. Eso sí, penábase a quien nun salía del armariu por indecencia moral. Pero yeran poucos los que nun lo almitían, ya amái la pena nun yera mui dura.

E: Vaya. Dixo vustéi que siempres pensaba n'Asturias. ¿Qué-y paez la situación del asturianu ya la sua posible non inclusión cumo llingua oficial na prósima reforma del Estatutu d'Autonomía?

R: Pos una vergoña mui grande. L'Asturianu ha ser oficial, cumo nel miou reináu. Mire una cousa, daquella nel sistema educativu del Sacru Imperiu ya del Reinu de los Francos, de Carlomagno ya eso los guah.es estudiaban, xunto col llatín obligatoriu l'árabe cumo primer llingua estranxera, ya munchos cumo segunda llingua estranxera coyían asturianu, porque asina venían a veranear al Cantábricu: el mediterraniu yera un mar más inseguru ya'l Cantábricu yera más cálidu.

E: ¡Qué interesante! Quedo ablucáu. Bono, entrando en fariña yá, lo verdaderamente interesante: ¿Sporting ou Real Oviedo?

R: Pero home de Dious, diga Uviéu, ho ¡UVIÉU!. Non, sou rei, toos son subditos míous. You solo sofitu a la Seleición Asturiana cuando xuega.

E: Nun quiero pechar estas palabras ensin entrugar pol mundiu musulmán. Fálenos de los Mouros.

R: ¡Quién los véi ya quién los víu! Non, en realidá una de las grandes mentiras que cuentan del Reinu Asturianu yía que nos llevabamos mal colos mouros. Mentira cochina. Durante'l Ramadán munchos mouros venían a prebar los nuesos embutíos, xamón, chourizu, butiel.lu, choscu... Nós viaxabamos tamién muncho a las tierras de los mouros, a por alfombras... Bono non, a por dellas drogas qu'eillí yeran llegales ya eiquí, pol qué dirán, non. En realidá había bon rollu, lo que pasa yía que por mor d'un prau fumos a la guerra.Desque cruzamos el Cordal -previo pagu del peax del Güerna- ya reconquistamos hasta'l ríu Órigu dímonos cuenta que'l prau nun yera de nengún. Vaya, por un prau.

E: Bono pos nun se fala con un Rei muertu tolos días... ya se sabe'l dichu, a Rei muertu, rei puestu. Conque si quier apuntar dalgo antias de pechar la entrevista...

R: Fou too un placer, ya solo dicir que los asturianos del sieglu XXI nun pueden, tienen la obligación moral de deixar Asturias pa que dientro d'outros XIII sieglos los asturianos que vengan sigan conociendo Asturias. Polo que nun han facer l'embalse Caliao, nun han contaminar cola Incineradora de Serín ya han caltener la esencia d'Asturias. Nós ficimoslo, ya hasta'l sieglu XxI inda se caltuvo Asturias. ¡Ai!, ya que por Dious nun quiten el peax del Güerna por nada'l mundiu. Ési han caltenellu, cumo cualquier monumentu del Prerrománicu Asturianu que na tua magnífica Hestoria d'Asturias nun mencionas. Un placer, ya más nada.

LOS MOUROS YA'L REINU D'ASTURIAS (I)

2008-11-18T19:51:00.013+01:00

Buah, esta yía la parte que más presta de la hestoria d'Asturias.

Resulta que Mahoma fai apaición nel sieglu VII ya predica la fe islámica, ya la esistencia d'un únicu Dious, Alá. Los árabes, que yeran un pueblu qu'andaba de tres p'alantre pol Desiertu d'Arabia creciénonse, ya dicidienon salir del Desiertu d'Arabia ya propagar la palabra, unas veces polas bonas, outras non.

En pouco tiempu llegan a las península Ibérica ya, cumo los Reis Visigodos taban enfadaos ente ellos, aprovechan ya llántanse n'Hispania. Pero non n'Asturias, porque paez ser que nun yera Hispania. Ou eso ou que nun quixenon pagar el peax del Güerna.

Bono, los Mouros polo visto nun se llevaban mui mal colos ásturromanos, pero nun desllinde nel Conceyu Ponga, ente Ponga ya Castiella saltóu una chispa, ya los ásturromanos van a L'Infiestu a falar a ver que faen. Nesi intre, en Cangues d'Onís una razzia moura mata trés ouveyas: las rellaciones diplomáticas tornan áridas.

Entós el pueblu ásturromanu dicide convocar eleiciones, ya en 50 de los 78 conceyos asturianos gana un mestizu -mestu ente asturromanu ya inmigrante visigodu- Pelayo (yera'l Partíu Monárquicu contra'l Partíu Republicanu), que yía nomáu Rei. Pelayo diz: "Fáigase Asturias" ya a partir d'hai escomienza de verdá Asturias. Pelayu véu qu'Asturias molaba, ya dixo él "falemos toos asturianu", ya inventóuse esto del bable.

Cumo Pelayo entamóu a columpiase los mouros ficienon outra Razzia contra Asturias: coyenon una xata roxa "campeona", tresquilanonla ya pintánonla pinta, ya la xata claro, afogóu. Entós, cumo daquella la lleiche taba mal pagada ya los ganadeiros tiraban más pola carne, ante tal despilfarru Pelayo declara la Guerra al Islam.

Nengún de los dos bandos tenía munchas ganas de pegase, pero al final los mouros entranon n'Asturias, por A Veiga, ya los asturianos dicían, "buo, A Veiga, yá ves tu, eso nun yía nada". Llou aportanon a Tapia, ya los asturianos: "Home... ¡Navia! Bono, si aparan la cousa deixamosla asina" Conque los asturianos fonon deixándolo too hasta que lleganon a Cuadonga, ya nun había nin un prau que-ys dar más.

Entós feixenon la batalla de Cuadonga, ya cumo los Mouros yeran tipos cetrinos que nun llegaban al metru sesenta ya los asturianos facían desayunos ricos en fibra los asturianos gananon la batalla. Yía l'añu 722.

Eso fai que'l Partíu Monárquicu gane la mayoría d'eleiciones depués. Yía los que se llama "Monarquía Asturiana".

LOS LLAMAOS AÑOS ESCUROS (MONOGRÁFICU)

2008-11-17T15:54:00.003+01:00

Xusto de la que cai l'Imperiu hasta la llegada de los Mouros tán los llamaos Años Escuros. Yía una dómina na que nun apaecen n'Arqueoloxía construiciones ou restos de too tipu.

Yía porque nun amiran bien, porque habellos, hailos. Lo que pasa yía que cumo houbo crisis na dómina anterior contruyenon nos árboles; los humanos volvienon a los oríxenes, ya Asturias tampouco fou ayena a esa moda.

Sí, resulta que la vida volvéu tan dura que nun houbo más remediu que tirase al monte. Pero de xusticia yía dicir que los guah.es vivían felices d'aquella.

LA ROMANIZACIÓN (II)

2008-11-17T15:51:00.003+01:00

Los Ástures vivían placidamente nos Castros, que llenaban el paisax d'Asturias, dende Oriente hasta Occidente. Sicasí, un comandu d'Ástures-suicidas inmolóu nel nome de Belenos na redolada del Foru Romanu por una apuesta tonta, lo que llevóu al Senáu a votar a favor del unvíu de las Llexones contra Asturia.

Los Romanos, mui gayaspeiros, nun cuntaban invadir Asturia, porque paecía-ys una cousa que rompía la llegalidá vixente entrar nuna tierra ayena pola fuercia, magar que camentaban qu'había Ouru cumo pa enllenar el Circu Roma. Conque conquistan a güelpe Pilum tola Meseta Hispániensis ya llegan a Asturias.

En La Carisa las Llexones romanas faen la sua téunica mayestra, La Tortuga, pero a un intrépidu estratega ástur, llamáu Ladrillo-Tabiquero (los ástures ya los nomes...) ocurrese-y nun momentu de sobriedá echar la magaya la sidra na llende d'Asturias con Hispania, ya resulta que las llexones patinan, ya caen de güelpe morriendo la mayoría.

Conque Roma unvía al Carisu, que sí, gana n'Asturias la guerra contra Asturia, ya ármala mui gorda, produciendo un feixe de daños colaterales. Houbo una importante batalla en Nembra (Co. d'Ayer).

Afortunadamente los romanos instálanse n'Asturias, pero inda nun s'amestan cola población autóctona; sicasí los ástures deprenden la llingua llatina, ya añeden a la sua dieta la castaña.

Abandonan progresibamente'l cultu a la Faba Cósmica ya pouco a pouco van creyendo nuna secta Xudía llamada cristianismu, que sofitaba l'amor llibre ente homes ya muyeres, muyeres ya homes, homes ya homes ya muyeres ya muyeres. Colo que los ástures faense cristianos tamién.

Bono, los ástures ya los romanos conviven, ya col tiempu van paeciendose los ástures a los romanos ya los romanos a los ástures, asina hasta que llega la Cayida de Roma.

Sí, l'Imperiu Romanu vase al carayu tres la cayida bursátil del Monte Quirinal, qu'arrastra tolas Bolsas de Provincias. Amás los romanos aprovecharan nos años anteriores pa invertir nel llamáu Negociu Inmoviliariu, llenando l'Imperiu de Villas, Calzadas, Acueductos, Termas... Los romanos que vivían n'Asturia diciden nun marchar; primeiro taban feichos a la vida n'Asturias ya segundo nun tenían sestercios pa pagar el peax del Güerna. A too esto hai que dicir qu'Hispania recibe inmigrantes d'Europa, Visigodos ya Suevos, que vienen a trabayar pol efeutu del llamáu Suañu AsturRomanu.

Con too ya eso, cai Roma, pero Asturias sigui...

Monográficu sobre los ástures

2008-11-12T18:39:00.002+01:00

Los ástures fonon un pueblu indoeuropéu que prestaba a esgaya. Lleganon a Asturias ya afitanon na Tierrina.

Los Ástures proceden de las estepas d'Europa Oriental ya la parte d'Asia, talamente cumo outros pueblos indoeuropeos: celtas, xermanos, eslavos, latinos, Griegos, Viquingos...

Los ástures tocaban la gaita ya'l vigulín, ya cantaban tonadas. Adoraban a los xabalinos, ya'l sou preferíu yera un xabalín místicu al que llamaban "Calcetinos".

Sí, séilo: los ástures tenían un problema llingüísticu. Fou una de las causas que llevóu a los romanos a conquistallos: Ésti pueblu tenía una superioridá llingüística ablucante.

Sin embargo los ástures nun fonon un pueblu féliz porque las suas vidas taban vacías. Too cambióu cuando espichanon por vez primera ya prebanon la sidra....

Ente las suas costumes taba vivir en Castros, que yeran poblaos que llevaban subvención de la tribu, polo que toos vivían en castros.

Amás d'esto los ástures intentanon domar melandros, pero nun fonon quién ya entós tornanon llenos de frustración a los castros a beber más sidra.

Dende l'Entamu (I)

2008-11-12T18:36:00.007+01:00

Na edá de piedra no qu'anguaño yía Asturias vivían dos pueblinos: los proto-ástures que yeran humanos que taban por llamber ya los Neanderthales (los Homes del Sidrón). Atribúise-ys a estos últimos la invención de la sidra, al sentase una vieya sobre una bolsa mazanas ya aplastallas. Vivía en paz, pero touvienon una vegada griesca en Col.lanzo, (co. Ayer).

Más llueo llegóu vía Europa un pueblu indoeuropéu, que vivía nas Estepas de lo qu'anguaño más ou menos yía Ucraina.

Sí, resulta qu'en Crimea xuntanon tolos pueblos d'aniciu indoeuropéu, ya echanon a suerte la conquista d'Europa; a los ástures tocou-ys Asturias.

Cumo antias nun había protocolu, el xefe ástur -que llamaban "Ojo de Pato" (sí sona raru, séilo)- touvo qu'esperar pa tener un suañu, ya marchar pa eiquí. Ente los primeiros ástures escoyían pa xefe aquel que touviera más dedas nos pías. "Ojo de Pato" tenía seyes didas en cadún. Ún de los caudiellos más nomaos de la hestoria ástur llegara tener siete didas nun pía. Fou un llargu reináu de prosperidá.

Conque los ástures llegan a Asturias, ya acoyonan a los proto-ástures. Avéiran a los Homes del Sidrón, ya deprenden d'ellos el secretu de la Sidra; una vegada lo faen, garran las espadas ya matan a tolos neanderthales d'Asturias: colo que queda d'ellos faen una cordeirada.

Astures ya proto-astures cellebran la victoria con una espicha nel Val.le del Narcea; dalgún/a ástur casa con proto-astur; de la unión sal el pueblu vaqueiru. Pa conmemorar esta efeméride nel Val.le del Narcea faen vinu; ya nel restu d'Asturias faise sidra un añu sí, un añu non; un añu sí, un añu non, un añu sí, un añu non...

HESTORIA D'ASTURIAS

2008-11-12T18:34:00.002+01:00

Anda (ou anduvo, cumo'l chiste) estos días por Asturias un estudiosu del Nacionalismu Astur que cumo Obama tien la suerte de ser fíu del mestizax americanu.

Bono, a lo que diba. Esti rapaz yía un grande porque vien de tan llonxe a facer esti trabayu. Camiento que tien muncha moral. Ou tar mui folgáu. Ou a lo meyor en verdá sabe lo que fai... ¡vei saber tu con estos americanos!

El casu yía qu'hai que ser agradecíu con esta xente. Cumo tien pinta bon rapaz ya eso, pueis cuido que teo que-y aídar un pouco ya vou facer por él, esplicando-y un pouco d'hestoria asturiana nestos cuatro capitulos de la Hestoria d'Asturias que vienen darréu.

¿Nun diz el dichu qu'en Salas nun hai foranos?

Hamilton ya Obama: Trunfardores.

2008-11-05T11:25:00.003+01:00

Ganóu'l mestizu. Teo que reconocer que toi arguyosu, porque'l miou buelu yera tamién mestizu: de pái vaqueiru ya mai asturiana.

¡¡¡Pol amiestu racial!!!

Pd. Tamién esta selmana ganóu Obama las eleiciones a la presidencia d'Estaos Xuntos. Estos días falamos más.

"¡McCain, McCaín...! ¡¡¡Obama, Obama!!!"

2008-11-03T12:13:00.007+01:00

¡McCain na tua mai, neñu! yía una de las consignas que más sonan güei nos Estaos Xuntos, ente las mais de los distritos demócratas, cumo West Virgina, cuna del asturenglish.

Pueis los Estaos Xuntos tán estos días d'eleiciones, ente'l Senador Obama (paez gallegu, pero yía Obama, non O Bama); que yía prietu, tipu Hamilton (pero pouco, ¿eh? -yía caféi con lleiche llargo de café); ya'l empresariu de la pataca (lo qu'a los asturianos pue imprimir más confianza) ya de nome tamién célticu, McCain.

De mano los asturianos tenemos dos senadores con nome asturianu, ún más de pa la mariña ya outru más de pa contra Galicia, asina qu'esto podía ser las eleiciones asturianas. Ún paezse más a Hamilton, yía verdá, ya McCain a Fernando Alonso.

Pero ¡cá! A min Obama más qu'a Hamilton paezme al xugador de fútbol Yago, qu'amái ta casáu con una Vaquera de Salas ya xugóu nel Oviedo ya na seleición asturiana. Vaya, yá m'imprime más confianza.

McCain yía blanquín, todos sabemos que los blancos somos la raza superior, porque nos blancos tán tolas razas: Cuando trabayamos muncho somos negros, cuando tamos cerca la muerte, mariellos; cuando tenemos fríu más blancos, cuando facemos un esfuerciu, más coloraos, si comemos una llacuada, moraos, cuando llegamos a vieyos, verdes...

Yía la gran ventaya de ser blancos.

Anque agora que lo pienso: Obama yía siempre negru. Pa un asturianu por enriba la flexibilidá ta la neciura. Obama, cumo'l color negru yía más sufríu yía más neciu, sabemos que nun vei fallanos. Arriendes d'ello, Obama yía un poucoñín blancu ya un poucoñín prietu: pa las duas comunidades. ¡Vaya ho! Puntín de llargu pa Obama.

McCain yía'l gran xefe de las patacas, pero apuesto que nunca sacóu una. Yía más, siempre sal na xanta comiendo hamburguesas, salchichas ou outru tipu d'esllava. Obama vese-y que na sua familia sí-ys tocóu dir a las patacas. Ya a Obama prestá-y la bona comida, la Bèlle Cuisine Française... Tien más clas ya estilu. Puntu pa Obama. (Si proba los frixuelos ya'l arroz con lleiche... porque tien pinta d'asturianu).

Ta claro. Obama da confianza. Obama yía más asturianu que McCain. Obama Prúi. Votái pol cambéu, votái por Obama.

Puxa Obama!!! (Ai, quién fora de Florida ou de West Virginia pa votar al senador Obama....)

http://www.wvculture.org/goldenseal/fall07/films.html

Sarkozy, Merkel ya la Novena Bizarra de Grau

2008-10-24T20:06:00.004+02:00

Grau presenta la sua Novena Bizarra na miesma selmana que l'embaxador de Alemaña en París xira una nota diplomática al gobiernu de la República Francesa polos toqueteos de Nicolás Sarkozy faza Angela Merkel, Cancillera Galáutica de la República Federal Alemana.

¿Demasiao bizarru? Pos arímate a Grau esti finde.

La mani del Cuatro d'Ochobre

2008-10-02T22:56:00.012+02:00

Esti neñu vive na mia cai de Salas. Esti añu pasóu de párvulariu a primeiru, ya coyéu la estaxa d'Asturianu na escuelina. Nun sabe áu se mete.

Nandín, qu'asina se llama, nun sabe que vei estudiar una llingua que nun-y vei valir -de momentu- pa falar cola alministración, nin pa dirixise a instancias superiores. Di tu qu'en casa tán cumo maniegas, ya nin asturianu nin swah.ili, pero bono.

Sicasí you cuando veo guah.es qu'entaman la estaxa d'asturianu pruyeme por dientro, pero faime gustirrinín.

Non, nun sou nengún dexeneráu. Pero almito qu'esiesti futuru. Nandín polo menos pue apuntase a asturianu na escuela. You nun pudiera. Yía un pasu. Nandín vei tener una clas con neños de Salas ya una mayestra/u nativa/u pa poné-y clas. Nesto avánzase.

Los sous amigos Xabelín, Toñín, Tinín ya Ovidín tamién van a clás d'asturianu. Ya pásanlo mui bien. Ya mirái coyenon tamién asturianu que bien que-ys presta, toos xuntos.

Esti yía un fotomontax con Nandín de mayor no que paez un chigre.

Cumo dicía la vaquera "Abondos, que son más que muitos" escolinos hailos. You allégrome.

Lo que pasa yía qu'estos guah.es cuando se faen mayores échanse a perder... .. .

Non obstante, pol bonu de Fernandín verémonos toos n'Uviéu a las seyes na Estación del Norte, el sábadu Cuatro d'Ochobre de 2008.

L'apañu'l PP-P$OE pa la llingua nun vei valir pa iguar lo que nun había ser un problema

El Guerreiru Cabeiru ¡tien blogue!

2008-10-02T20:59:00.002+02:00

¿Alcordaisvos? ¡Qué míticu! Pues sí, El Guerreiru Cabeiru tien blogue. Nun séi si tornéi bien, el nome yía n'Inglés The Ultimate Warrior.

Bono you intentello. Si nun-y presta... que me lu diga. Que prestosu-ylu cambiu... .. .

¡¡¡Crisis Manolín!!! Hai qu'iguar un Pautu de Gobiernu

2008-09-24T20:46:00.022+02:00

¡Mau Carina! Nun m'algama nin pa echar gasofa al coche. Esti branu p'atoupar trabayu... vímelas. Nada que ver col añu pasáu. Sicasí you cumo siempres sou optimista: veo xente nos chigres ya nun me pruye entós nada cuando lleo la prensa ou siento'l radio falar de crisis.

Conque pol branu'l PSOE-F$A fou de la manina, neto que la fouguina, col PP ya pautóu un pre-estatutu p'Asturias. Un estatutu de Rexonal Preferente, ya hai segunda b.

You dicía, ¡cá! vei pautar F$A col PP pa gobernar n'Asturias. Pero nun se dióu.

Conque paez que p'asegurar unos presupuestos curiosinos pa facer frente a la crisis el gobiernín vei tener que pautar. Ya nun-ys queda outru posible sociu qu'Izquierda Xunida- Bloque por Asturies- Los Verdes. Colos del bable, que tamién yía mala pata.

Perdón. Nun quería dicir qu'esta coalición monopolice la llingua. Mal que mal la llingua tamién yía del PP del P$OE ya d'Andecha, UNA, Unión URAS-PAS, PLADETE ya si esqueizo a daquién, seipa disculpame.

Los d'IX-BA-LV son tremendos. Tienen la boucona... que tal paez que-ysla feixera un flaire. Cumo tol que tanto cuspe p'arriba la coalición glayóu nel sou momento que taban pola oficialidá a rabiar. Ya que nun hai más. Ya que nun-yslo quitas de la tiesta, nin eso nin lo de "Raul Selección"

Crisis haila. Ya depués d'una prórroga d'un presupuestu hai un presupuestu prorrogáu. Ya si agora van prorrogar un estatutu prorrogáu... demasiada prórroga, ya cuando nun partíu de fúbol faen siquiera una ya cansa bastante. Nun digo que nun haiga emoción, pero esa dende fora. Pa los asturianos que xugamos esi partíu... pufffffffffffffffff

Areces, Lastra & cía tán fartos dicir eso que gobiernan pa la sociedá, gobiernan en comuña colos asturianos, van fer d'Asturias un paraísu nel que teamos a la cabeza de dereichos (bono eso nun lo dicen, pero talo paez)... conque ¿vamos tar a mal por unos presupuestos cuando la mayoría del pueblu asturianu ta a favor de la oficialidá de la llingua?

¿Tanto odiu hai a la oficialidá, tanto supón cumo pa que'l gobiernu nun paute cola oposición pa gobernar meyor ya aprobar unos presupuestos que tanta falta faen?

Coyones. Qué mente tán pechada la de los cabezaleiros socialistas... .. .

Uviéu Civitas Romana

2008-09-23T18:03:00.007+02:00

AVE UVIÉU

Yía lo que tenemos los mateínos. Somos parte d'esa ciudá asturiana, pero numái nós esperimentamos esa sensación. La vuelta a Uviéu, colas cousas que tien.

You cuando deixéi Uviéu taba convencíu que marchaba d'una ciudá d'orixe medieval... La Capital del Reinu d'Asturias. Ya yá ven, torno a una ciudá romana. En menos de dos meses. Pa estas cousas Salas yía más aburríu. Nós somos Pola ya puntu. ¡Pola mogollón!

Perdonái pol chiste malu. Yía que toi llen d'emoción.

Esti branu atoupanon nun séi quéi d'unas ruinas romanas, ya resulta qu'Uviéu esistía en tiempos de los Romanos, conque a tomar por culu las tesis celtistas de Gustavo Bueno sobre Uviéu.

La verdá yía que you tenía una corazonada, que pa estas cousas sou un pouco meigu. Golíalo, claro, una ciudá con tal esllendor nun pue ser outra cousa que romana.

Los romanos foran un pueblu bracu cumo ellos namái. Nun quiero dicir que los astures nun lo foran tamién. Lo que pasa yía que claro, los ástures comunicábanse a gruñíos, sacante dalgún con más mundu que salía davezu a la meseta, ya tamién sabía lladrar. Amái, nun comían nada, porque las patacas inda nun vinieran d'América, el meíz tampouco, los tomates tampouco, ya la DANONE inda nun furrulaba...

Los Romanos. Los romanos tenían duas cousas mui bonas: el llatín, que nun deixa ser una asturianu más arcaicu, eso sí más finu, pero más arcaicu al fin; ya las castañas, que menuda fartura p'aquellos tiempos.

Conque gracias a ellos, nós tamos eiquí.

Hai una cousa que muncho me choca, ya yía qu'hai xente que paez que-y garra cumo de sorpresa. ¿Qué pensaban ho? ¡Nós somos romanos modernos!

Pues sí. La cousa yía que lleganon los Romanos ya cola sua superioridá llingüística ya gastronómica llantanon n'Asturias, ya asina hasta que lleganon los mouros. Pero eso yía outra hestoria.

A Ubaldo, dende Llinares

2008-09-22T14:45:00.014+02:00

Esti home yía l'empresariu orixinariu d'El Barriu, Meicina, Ubaldo Díaz García.

Ubaldo yía un exemplu d'un home feicho a sigo miesmo. Un rapacín que salíu del pueblín ya feixo fortuna na capital trabayando duro ya con bonfacer. Dalgo que paez xusto.

Ubaldo tien yá -vou permitime la llicencia de poner la sua edá, por aquello del ser veicín- setentayseis años. Ya goza de mui bona salú, cumo pude ver na fiesta de la Virxe del Cobre, en La Puerta, ente las parroquias de Meicina, Llinares ya Maeza, que xunta a xente de la zona con munchos emigrantes Cubanos, ya en menor midida mexicanos ya uruguayo/ arxentinos.

Resulta que Ubaldo prometéu, desprendíu, abrir los caminos todos que pasan polos montes de las parroquias de Llinares, Camuñu, Santuyanu ya que garran nel miesmo pueblu de la sua más tierna edá. Outra cousa encomiable.

You claro, lo único yía que nun me paez qu'amerite facer en Llinares nenguna escavación, ya más a cumo ta agora la hora de trabayu ya'l combustible... non, meter palas ya esas cousas nun me paez lo meyor pa Llinares, pueblu al que-y teo muncho ciñu, mayormente por nacer n'él.

¿Por qué? Por que de tolos mouros (Del Coutu de Llinares, en Salas), los terrucos (los vecinos de la parroquia) son los que peor tán, sacante igual los purilos (aldega de San Andrés, unde you) somos los que peor tamos. Ya cuento a los gochos, las pitas, la raposa, los uxos, los cárabos ya los xabariles.

Cuido que pouca diferencia haiga ente los Terrucos de Llinares ya los Xabariles de Llinares. Conque pa andar pol pueblu vou amosar cumo nun fai falta abrir los caminos ya asina nun abusar del probe Ubaldo:

Esti xaldu yía Marquinos, yía d'ehí del pueblu, la sua buela nun séi que parentescu tenía cola mía. De más guah.es dábamosnos un airín, anque fosemos primos llonxanos, pero el deixóu melena, ya cortola ya veise bien cumo tenemos el pelax diferente. Lo que tien yía los colmillos mui feos... Pero you quiérolo muncho, ya amás yía mui formal ya mui intelixente, yía una lluz. ¡Salú Marcos!

Don Juan fora un cura que s'adaptara mui bien al pueblu. Queríamoslu muncho, tanto fou qu'esta estatuta preside'l cementeriu del Tayón, unde veimos parar todos. Na imaxe sal allegre ya risueñu, cumo fora siempres...

Esti par siempres igual. Bah. Esti matrimoniu son d'una casa d'ehí de la parte baxa del pueblu que nun tan quietos anque los aten. Ya amirái qu'en Llinares somos xente pa estas cousas mui conservadores, pero estos, erre qu'erre... En fin. You por min mandavalos a una residencia d'internos, pero yá dixo l'alcalde que me deixara de tonturas. Que pa eso en Salas gobiernan los socialistas... ya qu'él mentres usen condones...

Eiquí toi you. Nunca nun sacara nel blogue una foto mía, ya cumo la mia mai diz que sou mui sociable ehí toi con unos turistas, dempués de compartir un queisu... que comí casi too you. Saquéi la foto porque yeran pequenacos, ellos porque querían un recuerdo de la xente llariega.. vóilà,el resultáu.

------------>

Conque Ubaldo, agradecesete'l tou interés, pero disfruta del retiru, ya del pueblu, tanto de Llinares cumo d'El Barriu, unde siempres sedrás bien recibíu, pero nun gastes recursos en furar pol pueblu. Nós nun precisamos, pero outra vegada más, agradecíu.

La Pita la Xunta

2008-09-15T22:20:00.005+02:00

Emprincipia outru cursu políticu ya con él la Pita amiga d'Areces.

Ya vei bien d'años que vien dando guerra... ¡Yá en Hendaya! Pero antes, antes...

Conque la Pita la Xunta yía un personax emblemáticu... conozan la sua hestoria pa comprender esti iconu de la cultura pop astur

Muncha caña al estrocia llinguas!

Día de la Pación Asturiana

2008-09-08T14:27:00.003+02:00

Esto socedéu hai un montón d'añísimos nel Conceyu Salas, en tiempos de cuando Franco, cuando "su escremencia" fora xefe del "Establo Mayor":

Mayestru: ¿Quién sabe lo que yía una "nación?

Escolín: ¡Selo you! ¡Una nación yía un xatu!

Nun bebais muncho!

Carta en LNE, "A los Antibablistas"

2008-09-03T11:20:00.004+02:00

Amanez güei'l día con una carta al direutor nel diariu La Nueva España, que procedo colgar:

A LOS ANTIBABLISTAS

De antemano quiero dejar claro que esta carta no está escrita con ánimo de reconciliación ni búsqueda de puntos de acuerdo, pues harto ya de su autoridad, que quizá les fue conferida cuando un dedo divino les señaló en la cuna, sé que no moverán una pizca sus sacrosantas ideas, que piensan deberían ser dogma universal.Tampoco tengo intención de guardar el respeto que suelen exigir, consistente en callarse todo lo que no les guste. Máxime cuando el argumento más utilizado por ustedes y el que consideran de mayor enjundia es la ridiculización de los asturianoparlantes o simplemente simpatizantes, generalmente recurriendo a los tópicos más rancios y poco imaginativos. Incluso en cierta ocasión llegó a llamárseles póngidos. Aparte del ridículo zoológico en que incurrió el pobre tipo que tal escribió, era consciente de sus limitaciones intelectuales y de que su única opción de ganarse los garbanzos era sembrar de babas el camino de su líder espiritual, siempre receptivo al halago. Bueno es él.

Una vez puestos en claro mis modales, sólo queda por mostrar mis intenciones, que no son más que hacerles partícipes del desagrado que me producen cuando:

La mayoría de ustedes que niega el asturiano y defiende el castellano como si fueran incompatibles escribe tan rematadamente mal en la lengua que dicen defender. Si la explicación es que al serles tan embarazoso el manejo de un idioma, cuánto más será de dos. De ser así, no pretendan extender sus dificultades a todo el mundo.

El argumento de la escasa capacidad intelectual para dos lenguas se ve alterado al ser habitualmente unos defensores acérrimos del inglés. Hemos dado un salto intelectual: sí se pueden manejar dos lenguas, tres no. Por tanto, fuera el asturiano, que no vale para hacer dinero. Les remito al final del párrafo anterior. Dado que su repulsión al asturiano ha llegado al extremo de negar el verdadero nombre de la Academia de la Llingua Asturiana y castellanizarlo, confieso que tuve la tentación de escribir en inglés Real Academia Española, e incluso hacer en algún momento el retruécano de «language» por «tongue», pero mi respeto por el castellano no me lo permitió.

El cómo debe hablarse no depende de la historia, la herencia o los sentimientos de las personas, sino de su opinión. Si ese derecho a meter las narices en la vida de los demás y decidir por ellos según sus rectas normas se debe a la epifanía del dedo divino arriba mencionada, hete aquí que no estábamos presentes ese día y no nos lo creemos. Viene al caso citar un fragmento de un texto de Richard Dawkins en apoyo de Salman Rusdie, que, si bien está referido a las religiones, a ustedes les viene al pelo: «Del resto de nosotros se espera que defendamos nuestros prejuicios. Pero pídale a una persona religiosa que justifique su fe y estará infringiendo "su libertad religiosa"».

Las razones que aducen son una bochornosa exhibición de desconocimiento. La ignorancia no es inocente cuando se opina. Cuando afecta a la vida de los demás es malvada.Siempre mentan el chigre, pero nunca la historia, la literatura, el teatro, la música? Comprenderán que mi opinión sobre a qué dedican su tiempo no sea muy buena.

Aducen siempre al final la gran cantidad de funcionarios expertos, traductores y no recuerdo qué más conllevaría la cooficialidad y nos previenen de la inevitable dictadura idiomática refiriéndose a Cataluña y el País Vasco. El asturiano, mal que les pese, no está tan muerto aún como para que la mayoría de las personas lo conozcan suficientemente sin necesidad de miles de horas de reciclado, cursos intensivos y cientos de plazas de empleados públicos, a las que se accedería mediante baremos grotescos. Otra cosa, de la que yo no puedo responder, será el provecho que ordeñen los vividores y fulleros, entre los que figuran en primer lugar partidos políticos y sindicatos, así como aquéllos capaces de ensuciarlo todo, entre los cuales les incluyo. La llingua asturiana es una lengua minoritaria en grave peligro de desaparición, como ha reconocido la UNESCO. Un hecho cultural que no por pequeño merece morir. Somos muchos los que usamos dos lenguas que nos parecen extraordinariamente bellas. Y si doloroso es cómo el castellano se empobrece por la «potencia» del inglés, también lo sería que el asturiano se perdiera por su decisión. Si en Asturias existen dictadores idiomáticos, en este momento son ustedes.

Coda:Muchas veces he asistido a reflexiones dolorosas sobre las causas que pueden llevar a una persona a odiar sus raíces: resentimiento, complejos, miedos, maldad, etcétera. Francamente, ya me importa un comino, sólo quiero señalarles con el dedo y decir que, ante el futuro, ustedes los inteligentes, los biempensantes, los positivos, los referentes intelectuales, son los responsables directos y aleves de la desaparición de un bien cultural.

Joaquín Ángel Vallina Gil

Salas

Cumo'l firmante -que nun séi quien yía, pero yía de Salas- tien muncho xacíu nas suas palabras, pues xúbola, yía na medida lo posible, róblola.

Homenax al asturianismu

2008-09-02T11:34:00.008+02:00

Resulta que'l domingu fou'l Día Mundíal del Blogue, ya you nun m'enterara, pero'l llunes vi una prestosa dedicatoria nel blogue Escucando Estrelles, compañeiru amás nel blogue Llectores y Llectures.

You podía alcordame de munchos blogues, que pagan la pena, qu'ameritaban una dedicatoria, pero non, siéntolo. Nun vei pa ellos.

Vou facer un homenax al asturianismu, pero non al asturianismu políticu. Porque arímase'l 8 Setiembre, ya un añu más cellebran esi día cadún por sua casa; llou que naide s'estrañe cuando llegan las eleiciones ya nun entran na Xunta Xeneral (que yía lo miesmu que nun rascar nada). Mirái cumo la F$A vei col sou satélite SO-MAFIA-UGT a Rudermu, toos de la manina... ya axuntan a Villa, con Javier Fernández, con Tini... que llou por detrás habia que ver cumo se llevan!

Non. L'Homenax vei empobinau a las figuras de dos Ex-Nuberu; Manuel Asur ya Manolo Quirós.

Manuel Asur, de Samartín del Rei Aurelio fou un de los escritores más significativos del Surdimientu. Un poeta que cantóu a Asturias, a la Mina, a la Llingua... con tol puxu ya'l saber facer que tien. A min las poesías d'él paecenme que tienen muncho sentimientu ya muncha fuercia, ya inda güei, poesías con 30 años ya más tienen tol vigor ya tola frescura ya tola gracia que siguen someyando escritas anguaño. Asturias tanto nun cambióu... polo que dempués de trenta años el probe Manuel Asur tien que tar más que fartucu. Normal.

Manolo Quirós, gaiteiru de Ricáu, conceyu Quirós, fou tamién miembru (ou collaborador destacáu) d'esi proyeutu nomáu Nuberu. Gaiteiru que conservaba tola téunica tradicional de los gaiteiros de la dómina de los años trenta ya cuarenta del sieglu XX, soupo entemecer las piezas de gaita más tradicionales con tolos arreglos de la música pop ya rock de los años 80 ya 90, allegando la tradición a las oreyas de los más mozos, siendo un personax clave a la hora d'allugar la gaita, l'instrumentu más emblemáticu d'Asturias anguaño, óu llegóu. Auquiera que tea, Manolo qué grande.

Los dos artistas touvienon munchas críticas ya detractores, pero ehí quedóu'l sou llabor. Paez que cumo tolo qu'aguanta ya espoxiga touvo bien feicho. A min paezmelo, colo qu'ixo por ellos, mentres amodín vei goñando la sua obra.

Nestos días que viensenos cerca l'Adios a Nuberu. Cumo diz esi final del Cuentu Tradicional, Estos fonon bonos, quiera Dios que los que vengan sían, cuanto menos, meyores.

Fiestorra en Rudermu

2008-08-29T14:56:00.003+02:00

Ide preparandovos que pal día 7 Setiembre na localidá llionesa de Rudermu vei entamase una de las meyores folixas del branu... ¡¡¡La Fiesta Minera de Rudermu!!!

Bono, en realidá trátase namás de xuntar al Padrín Villa ya al Padrín Vitorino ya los sous secuaces de SO MAFIA UGT ya beillar unos pasodobles ya comer unas empanadas ya unas tortillas españolas, faltaba.

Nesa romería, unde nengún gaiteiru touvo enxamás, nin nengún representante de la música asturiana que nun faiga música cañí, claro, zarránse los negocios que mueven Asturias...

You esti añu tampouco tou convidáu, conque nun podréi cuntavos nada. Siento...

... dicen las malas llinguas que dellas actividades son la caza al bablista, outra mete-y güelpes a una piñata con forma Pita de la Xunta... outra consiste en coyer una llingua d'un xatu ya retorcella hasta que muerra... son fiestas entrañables.

Bibliografías

2008-08-22T17:27:00.011+02:00

Soi un freakie, ya ésti, cumo tolos problemas, entama a iguase cuando se reconoz. You, abiertamente dígolo.

Resulta qu'estos días ando d'asuetu col tema de las Non-Fiestas de Salas. Sí ho, l'aytu. nun paga esti añu las fiestas de Salas, ya tamos asina. Bono, a ver si cuando lleguen las eleiciones el pueblu bendiz esti avance, ou por contra castiga esta dexadez. Ya a ver cumo ta'l prau El Faces, construíu munchu ou hasta los topes...

Desvíome. Digo qu'estos días ando por Internet, que si conociendo un pouco cumo furrula Esbilla.net, que viando dalguna cousa pol Youtube, que si conociendo cumo yía'l tema de la Uiquipedia...

Ya bono, taba dandome cuenta qu'esto de las bibliografías, ¿cúmo yía, eh ho?

Las bibliografías faenlas non los bibliografiaos, sinon los bibliógrafos. Por exemplu, Xovellanos taba pola llingua, la F$A feixo un homenax a Xovellanos, ya cumo nun tán pola llingua, nesi homenax Xovellanos tampouco taba (promoción hasta la llende la obligatoriedá). Tamién ta la de Modesto Glez. Cobas, cuando fizo la de Torner. Modestín, mui de los que se ponen Cara Al Sol, escapose-y dicir que Torner morriera nel esiliu, persiguíu pol Réxime.

Conque bono. You dando-y a la cabeza sou fatal. Ya taba you pensando, ¿Nun podíamos facer una bibliografía de Gustavo Bueno -por poner un exemplu- a lo Modesto Glez. Cobas?

Vamos ver:

Gustavo Bueno nacéu fai munchos añinos en Santo Domingo de la Calzada (C.A de La Rioxa, España). Terturlianu avezáu ya filósofu a tiempu parcial, el sou trabayu llevolu a Uviéu.

Hai un teleñecu que tien el sou nome nel sou honor, la Rana Gustavo.

Gustavo Bueno fou siempres yá dende rapaz un pouco rarucu, cumo tolos xenios, [polo que you, muncho más torpe vou definilu cumo él s'autodefine]. Yía marxista-neolliberal, ateo-católicu, tomista-racionalista ya Patriota Español-Asturtxale (términu discurriu na sua emérita cabeza).

N'Uviéu fundóu una Fundación -valga la redundancia- pero por metese con Zapatero'l Conceyu Xixón quitóu-y la subvención (saliome un pareáu) ya atristayóu. Ya a partir d'ehí yá nun yía'l que fora, porque dempués namái-y soltóu cuartos el Conceyal de Cultura d'Uviéu, qu'amás de nun ser Marxista yía Nacionalista (pero pa los asturianos).

Anteriormente, Gustavo Bueno fundara una asociación, Amigos de los Bables d'Asturias, un preséu pa lluchar pola dignificación ya la defensa de la llingua d'Asturias, l'asturianu. Dende aquella asociación, en plena dómina de normativización, Gustavo Bueno apurríu ya fomentóu dellas soluciones a conceutos que munchos astur-falantes desconocían; tales cumo "prau qu'atrapa*" (campu Magnéticu) ou "Camín de Lleche*", (Vía Lactea), que nos primeiros años de l'Academia de la Llingua Asturiana (áu dos de los sous meyores amigos, los académicos Milio Alarcos Llorach ya Xosefina Martínez Álvarez lluchaban pola dignificación del idioma) tornanon, por nun ser afayaízos pa cola fala tradicional. [Por motivos filolóxicos, vaya. Cousas téunicas que las nuesas mentes nun algaman comprender]

Sicasí, Gustavo Bueno siguíu defendendo las posibilidades de la llingua dende esi prisma poliédricu que tienen los filósofos, ya contautóu con periodistas cumo Jiménez-Losantos pa facer programas cumo ésti

Bono... por eso los asturianos siguimos sofitando tolos llogros que faiga'l filósofu rioxanu, que, cumo yía nacíu en San Millán de la Cogolla, crea idiomas. Ole tus huevos!!!

Pd. Tenían que pa los santos inocentes unviá-y una carta diciendo que lu faen académicu d'honor pol sou trabayu na Asociación amigos de los Bables... hohoho, por vello....

Nodicia de Kesos

2008-08-20T17:25:00.006+02:00

(1ª columna) Nodicia de /kesos que /espisit frater /Semeno: jn labore /de fratres jn ilo ba- /celare /de cirka Sancte Ius- /te, kesos U; jn ilo /alio de apate, /II kesos; en [que] /puseron ogano, /kesos IIII; jn ilo /de Kastrelo, I; /jn ila vinia majore, /II;

(2ª columna)/que lebaron en fosado, /II, ad ila tore; /que baron a Cegia, /II, quando la talia- /ron ila mesa; II que /lebaron Lejione; II /..s...en /u...re... /...que... /...c... /...e...u /...alio (?) /... /g... Uane Ece; alio ke le /ba de sopbrino de Gomi /de do...a...; IIII que espi- /seron quando llo rege /uenit ad Rocola; /I qua salbatore ibi /uenit

Esti testu de tan altu valir lliterariu yía la "Nodicia de Kesos", que nin siquiera val pa facer un queisu.

Resulta que yía'l primer testu neollatín de la península, yía dicir en llatín mal escritu, cumo'l francés, gallegu, castellán, portugués, italianu, romanu, etc. Data aprosimadamente de 970 según autores, década arriba, década abaxo.

¿Por qué pongo esta cousa? Porque en tierras llionesas hai un alderique mui graciosu. Los llioneses debatense en si yía asturllionés ou en si yía castellanu... castellanu... ¡castellanucántabru! ¡¡¡Castellanocantabrorioxanu!!!

El testu, verdá yía que, yía una ayalga filolóxica. Los estudiosos nesi racimu han facer un tratu seriu, estudiallu ya eso. El problema yía que dende seutores políticos ultraespañolistas, asturianistas de monte ya Llïonesistas (estos a secas) faen un ridículu prestosu, ya a min prúime gayola.

Unos dicen que yía'l primer testu en castellán, outros n'asturianu, outros dicen que llionés, outros n'asturllonés... ¡Pero nun saben que'l monxu que lu feixo yera rumanu! Por eso esi neollatín nun se paez nin al castellanu nin al asturllionés... hahaha ¡probinos!

Cumo nun sou filólogu pos vou probar que nun yía nin asturianu nin castellanu:

Pa entamar el títulu: N'Asturianu "Nodicia de Kesos" sedría por exemplu "Vei de Queisu". (Recordái que yía un inventariu). Tamién aceptamos "notina de queisu".

En Castellán pudiera ser: "Apunte sobre los quesos"

En llïonés sedría "Queisus, Cabeiras Nuovas".

En rumanu Nodicia Kesos yía Nodicia Kesos ou dalgo asina.

"...espisit frater /Semeno: jn labore /de fratres jn ilo ba- /celare /de cirka Sancte Ius- /te, kesos U; jn ilo /alio de apate, /II kesos; en [que] /puseron ogano, /kesos IIII; jn ilo /de Kastrelo, I; /jn ila vinia majore, /II"

¿A vosoutros esto paezvos asturianu ou castellán? A min nin una miga. Llïonés pudiera ser, según alboreza en Llión, pero... Non. Vei ser que non.

"Ogano" nun yía anguaño, "puseron" nun yía "punxieron" nin "Kastrelo" yía "Castiellu". Conclusión, ¡yía rumanu!

Ya na segunda columna yá, bono, vese-ys too:

/que lebaron en fosado, /II, ad ila tore; /que baron a Cegia, /II, quando la talia- /ron ila mesa; II que /lebaron Lejione; II /..s...en /u...re... /...que... /...c... /...e...u /...alio (?) /... /g... Uane Ece; alio ke le /ba de sopbrino de Gomi /de do...a...; IIII que espi- /seron quando llo rege /uenit ad Rocola; /I qua salbatore ibi /uenit

Conclusión: Non por más madrugar, alborez más ceo. Bono, nun vien al casu esta cita, pero tampouco vien al casu ver si yía asturianu, llionés (que son lo miesmo) ou castellán. Lo qu'hai que facer yía dar puxu a la llingua qu'hai n'Asturias ya en Llión, l'asturllionés, ensin facer de menos al castellán, al gallegu ou al gallego-asturianu, que tamién son llinguas, xunto col pertugués vecinas ya harmanas de los territorios unde se fala asturianu/llionés/mirandés/ ou cumo más rabia vos dea. You vou siguir llamandolu swahili de tresición col vándalu.

Hai que la oficializar!!!!

Somos Necios: 5.000 personas dan la cara pola oficialidá

2008-08-13T15:57:00.011+02:00

Con esta noticia: http://www.lavozdeasturias.es/noticias/noticia.asp?pkid=438266 esconsona Asturias güei, noticia sacada en La Voz d'Ellos. ¿De quién? De los de siempres.

Conque vienome a la cabecina aquella frase d'aquel políticu vascu, nun remembro'l sou nome, pero lo miesmo dea: Los Vascos, al igual que los asturianos, antes de doblar partimos.

Ya bona verdá yía. La principal carauterística del asturianu tien nome n'asturianu, pero non en castellanu: Ya nun yía outra cousa que la neciura. Con tolos nuesos vecinos compartimos dalgo: la llingua colos llioneses, la gaita colos gallegos, Furaco colos cántabros... pero la neciura yía cousa nuestra. Somos testeirones cumo los razcañeiros. Cumo los gochos.

Ya yía verdá. Na mía casa somos mui, pero que mui necios. Davezu nun hai con quien falar. Ya bono, teo na mente al miou buelu, mirándome solemne, ya sentenciando con esi aire tan británicu, tan del norte diciendo a mou de verdá universal, ente dientes ya con un amiestu ente cariñu, almiración ya "quita p'allá que t'estrapayo": Xaimín, tu yías el más neciu de toos. Lo cual, pa un bon asturianu yía motivu d'arguyu.

Somos necios na mia casa, pero supuengo que cumo en todas. Nas de Salas de xuru. Na villa Salas, col sou conceyu, cuando se nos mete dalgo na cabeza... pufff. Entama a xubinos de la cintura p'arriba una sensación qu'antes que llegue hasta'l pescuezu ya nun somos nós miesmos. Somos outra persona. You miesmu, cuando m'esfouto en dalgo nun atiendo a razones. Yá nun sou you...

Que dicir del restu de los asturianos. Ya eso que n'Asturias hai sitios célebres pola neciura. Yá pienso en Somiedu, ya pienso nos ayeranos, pienso nos de Tinéu... los vaqueiros, que naide s'engañe, anque seique paeza que vienen suavinos ya cola sorrisina son cuadriculaos.... pero na marina, na cuenca... Nel Oriente tamién...

Conque sí. Bono, llou hai necios de campeonatu. Veo al filólogu GarcíaArias que, reconocío'l sou llabor profesional, tolo que tien de llingüísta tienlo de neciu. Diba dicir que nun yía más neciu porque nun hai un "Neciodromu" unde entrenar, pero ta l'Academia de la Llingua, que ta formada por necios ilustres, pero necios al fin ya al cabo. Tolos asturianos aspiran nel fondu a entrar n'Academia ya que los reconozan polo necio.

Lóxicamente hai más necios: Los de la Fundación Belenos, un aquelarre de Necios, los de l'Arribada Llitararia, que son necios de Xixón, los de la Tertulia Cultural el Garrapiellu, que tamién son de Xixón, pero non por ello son menos necios... Esti finde en Carabanzo (Co. L.lena) ficieron un homenax a los Ástures, un pueblu que vivíu n'Asturias antes que los romanos, ya que son recordaos pola sua esceicional neciura. Por cierto, que'l pueblu llenara de necios actuales, llatinizaos, pero n'esencia igual de cuadriculaos

Tamién tán cumo necios de campeonatu los trabayadores de Radio Sele, Onda Peñes, Radio Parpayuela, Les Noticies, los diarios eleutrónicos n'asturianu, un carráu d'ellos que nun puengo, pero que teo enllazaos... La Xunta pola Defensa de la Llingua ya'l CAO, qu'aglutina munchas mentes bramente necias, nun esqueizo.

Conque efeutivamente Asturias yía un pueblu de necios. Namás hai que ver los deportistas asturianos: Fernando Alonso, David Villa, Samuel Sánchez... sua mayor cualidá yía que son mui asturianos, mui necios.

Asina que, ¿cumo veis l'alderique de la oficialidá?

["Parece que la batalla por el reconocimiento del asturiano podría mantenerse". ¿Chamos un pulsu a ver quien puede más?] Si quies sofitar la causa, la tua semeya faidrá d'encontu en www.doilacara.net

El Toucín de las Almorranas

2008-08-07T15:52:00.004+02:00

Había un cura en Llinares que tenía un ama, ya vinieran de la parte Galicia ya eran los dos mui galleguinos. Ya acordanon llamar a unu d'ahí que llamaban Cándido L... C... pa cava-ys el güertu. Ya fou p'allá. Ya cuando llegóu la hora xintar diz ella:

-Á señor Cándido, lle voi a dar unhas sopas que aínda lle han de gustar. ¿Usté las quiere al retorzón o al mordiscón?

Diz él:

-Buó, al retorzón.

Ya empezóu a retorcer así, ya a tirar en cazu, ya a retorcer así ya a tirar en casu [arrancando cachinos a un pan, con movimientu de torsión]

Ya diz él:

-¡Cuoñu, non! Démelas al mordiscón.

Entós mordía'l pan ya tiraba'l mordiscu en cazu, ya mordía ya tiraba'l mordiscu en cazu. Ya él quedouse así... ya bueno, ella dio-y las sopas, púso-y el platu na mesa, ya ella mentres tanto garróu 'l cubu ya marchóu pa la fonte. Ya él entós garróu'l platu ya tiróu las sopas pola ventana. Aquellas sopas ¿quién las comía?

Tiróulas pola venta. Ya mentres tanto anduvo buscando por ellí a ver si encontraba dalgo que comer, porque claro, quedara ensin comer. Ya entós atoupóu un cachu toucín ellí nel armariu, nun platu ya comióulu.

Ya nesto llega ella de la fonte, posa'l cubu ya empieza a buscar por allí, a buscar, ya buscaba'l tocín que comiera él. Ya diz ella:

-Á señor Cándido, ¿Usté non me vería por aquí un cacho tocín que tenía nun plato?

Ya él, claro, diose cuenta que fuera'l qu'él comiera, pero cumo lo garrara sin pidilu nun dá-ylo pues dixo que non, que nun lu viera.

Ya diz ella:

-¡Ai de mí probiña probe si nun lo encuentro! ¡Era el del señor cura untar as almorranas!

Esto, que pue ser l'entamu d'una peli de Quentin Tarantino -atención al especial veraniegu "Que te Quentin, Tarantino" del blogue www.lagueyadacritica.blogspot.com) yía un cuentu medieval, que cuntava la mía buela Nélida, que según ella arreglaralu'l sou padre, que lu sintiera n'América.

Paez ser que yía un cuentu, cumo tanta lliteratura española ya portuguesa d'orixe mouru, nel sen de mouru cumo pueblu semíticu; non nel sen de mouru cumo pueblu prerromanu.Espero que vos preste, ya si queréis, ehí ta'l llibru: "Cuentos medievales en la tradición oral de Asturias", del salense Jesús Suárez López. [Hai cuentos de toda Asturias, ya'l trabayu financialu'l Conceyu Xixón ya'l Gobiernu d'Asturias... pero préstame poner...etc. ¿sabéis?]

Aniversariu de MunduXaime

2008-07-28T14:04:00.006+02:00

Fai dos añinos ya un día, asoleyóu'l blogue MunduXaime. Conque ayeri cumplióu dos añinos de vida.

LA HESTORIA FOU LA QUE VIEN DARRÉU. You tenía una amiga que tenía un blogue, ya enseñoumelu. Dixome que tenía que facer you ún. El sou blogue, teo dicir, que nun duróu muncho. Pero la idega llamoume l'atención.

Días más tarde taba chau nel sofá, ya dixe you: "Cuoñu... ya si faigo un blogue!!!" Ya manos a la obra. You acababa de presentame a la Prueba de Conocencia de llingua asturiana de l'Academia, ya quería practicar un poucu l'asturianu escritu, porque claro, falar falabalo, pero escribillu yera nuevu pa min.

Ya lo primeiru, un espaciu d'estos del messenger. Pero cumo diba mui mal ya yera mui cutre, el 27 de Xunetu del añu 2006 feixe una cuenta Blogger, ya eiquí tenéis, http://www.munduxaime.blogspot.com/. La idega yera siguir calteniendo la sencia del espaciu antiguu del messenger, esto yía, el nomatu -pensáu a partir de la páxina de la páxina web del roqueiru arxentín Fito Paez- ya la sencia más ensembre: siguir siendo cutre.

¿PERO DE QUÉ FALAR? Yía'l tema qu'a tola xente cuando fai un blogue se-y plantegará. Ou polo menos you plantegueimelo.

Nun diba falar del asturianismu políticu, que tando fiede. Nin meteme nun pataqueiru filolóxicu, porque nin sou filólogu nin tanto me presta: tamién fiede esi tema; da pa lo que da, ya yá se fala bastante d'él. Ou daquella polo menos, na mayoría d'espacios na rede en llingua asturiana falábase d'esti tema. Güei la realidá yía bien distinta, fálase d'outras munchas cousas, ya bastante más divertidas.

EL CAMÍN QUE DIBA SIGUIR yera'l de facer un blogue d'humor. Nuna había daquella nengún, ya yía pa min un rasgu bastante sobresaliente na identidá asturiana, esi humor finu, irónicu, intelixente... tan asturianu. You pretendía facer un blogue que caltuviera esa "flema asturiana". Nun séi si lo conseguí. Cuido que non, colo que tendréi que siguir polo menos un par d'años más (siéntolo, pero polo menos hai MunduXaime pa un par d'añinos más) publicando.

Conque deprender a escribir, escribir n'asturianu, contar hestorias... Camiento qu'houbo una progresión nestos dos añinos, hai más calidá nas últimas entradas que nas primeras, ya en fin, la calidá del blogue seique meyorara... yía la mía opinión, claro, ya nun sou'l más indicáu pa contar eso. Lo que pueo dicir dende la páxina pionera d'humor asturianu n'asturianu de la hestoria del mundu mundial. Si tou equivocáu, dicíimelo...

Nun quiero dexar d'agredecer a tolos blogueiros que publican n'asturianu, a tolos amigos que me siguen, que me lleen, que m'apoyan, que m'aídan día a día... ya en fin, a tolos amigos d'esti blogue, que sois munchos.

Gracias. Munchas gracias.

Peñones Famosos: 500 años de Vélez de la Gomera

2008-07-25T15:29:00.004+02:00

El Peñón Velez de la Gomera pol nome paez muncha cousa. pero yía un territoriu non muncho más grande que la Islla la Deva, ente los conceyos asturianos de Castrillón ya Sotu'l Barcu. Fai sieglos fora penal, unda mandaban a la xente qu'incordiaba na Península, ya pertenecéu al Reinu d'España casi 500 años. Lo que resta pa llegar hasta los 500 fou'l tiempu qu'echóu en manos de la I República, la II República, la Guerra Civil ya lo que quiera que fou la Dómina Franquista, pero en manos españolas 500 años (estos días).

Houbo un argayín na costa Marroquina (porque la importancia del Peñón esti yía que ta apegáu a Marruecos) que tresformóu'l Peñon nuna especie peninsulina.

Yía un poucu pa España cumo'l Peñón de Xibraltar pa los Ingleses. Ou cumo'l Peñon de Xibraltar pa los Marroquinos, visto dende óptica ibérica.

Llou bono, falar más d'hestoria de Vélez de la Gomera, muertes prehiquí, asaltos piratas por acá, asedios outra vegada, Un rei Mouru apodérase d'él, guerra Melilla, en fin. Tola hestoria yía un constante d'asaltos, tomas, idas ya venidas de piratas, caudillos reizuelos marroquinos ya España. Ya sangre de mozos, que fonon mandaos pola Gloria de... quien correspuenda. El de Xibraltar val amai pa meter los submarinos nucleares de la Royal Navy. Contaminación, contaminación... Llou los ecoloxistas ponen mala cara.

You nun séi'l futuru del Peñón, nin de Xibraltar nin de Vélez de la Gomera. Home sirven pa la memoria, pa remembrar esi pasáu Imperial hispano-británicu. Nun séi. You cumo sou asturianu, nun teo na esas altas miras. La metá de los españoles nun la tienen. Nin de los británicos. Nun imaxino a un irlandés evanxelizando'l peñón de la Deva. Namái tienen esi afán castellanos (ya afines) ya ingleses (ya afines). Los asturianos somos los españoles que nun colonizamos prehí. Somos asina.

Conque queda claro que somos asturianos, ya préstanos selo. Ya tenemos la vista ehí, ya pensamos cumo asturianos. Colo que vou dar la mia opinión, nun séi si bona ou mala, pero la d'un asturianu. Vou amosar el miou "punto de vista":

Eiquí en Salas -ya esto fou verdá- hai un prau, que cuando feixeran la carretera cortanonlu. Llou, el prau quedóu partío en dos, la mayor parte del prau quedóu na vera abaxo la carretera, ya una esquinina mui pequena, na vera d'arriba, llindando con outros praos mayores. Dalgo asina cumo dos hectarias por un llau y... cuatro metros más ou menos na parte arriba.

Cumo trabayar el campu yía duru, la parte d'arriba quedóu a bardayu. Trabayar nel campu yía duru, pero la mente de dalgunos paisanos, tamién.

El prau enteru cambióu de manos. El prau ya'l bardayu, bono. Mercolo ún que feixo una casa, ya metéu unos animales, pa casa. Non, nun me refiero a los guah.es, que tamién madre mía. Metéu una xata, unas pitas, unas ouveyas...

Ya'l paisanu fou intelixente: dióu'l bardayín a los vecinos d'arriba, que tenían praos mayores col que llindaban. El bardayu deixóu de ser bardayu, ya agora volve tar cuidáu. Ya'l paisanu que vieno de fora, mui bien miráu nel pueblu. Cousa mui importante, si quies vivir nun pueblu asturianu ya vienes'i nuevu.

You, claro, sou asturianu, nun me siento nin me reconozo fiyu de la España Imperialista. Nin de la España mediterrania. Sufro colos toros ya nun me prestan las sevillanas. Nin siquier el castellanu yía la mia primera llingua. Anque m'encante la sua lliteratura ya, en definitiva, esta llingua ibérica. Conque tolo que diga pue ser propiu d'un bárbaru ou de cualisquier outra triba más propia d'un ser primariu. Pero digo you, ¿Tanto valen los Peñones pa xustificar tolas muertes ya sufrimientu que causanon hestoricamente?

Furaco nun "funcionóu"

2008-07-25T15:00:00.003+02:00

Cumo dicen los vieyos, Furaco nun funcionóu. Los cubanos dicen "funsionó", pero yía lo miesmo.

L'osu cántabru nun fou capaz de, en fin, cumo diría l'entrañable comentariu periodisticu de cualisquier diariu

asturianu "cortexar" a Paca ya Tola.

El motivu nun se sabe mui bien. Unos dicen que la falta d'intimidá. Outros que los sobaos ya las anchoas, que nun son afrodisiacas. Outra xente diz que Furaco tien el sangre cuayáu. You nun séi. Pero digo you, que-y dean viagra. Anunaciala Pelé ya todu!

Sicasí, you pol que más lo siento yía pol presidente cántabru, Miguel Ángel Revilla. Probe.

Noticia un pelín tracamundiada

2008-07-23T15:19:00.005+02:00

LOS ECOLOGISTAS CASTIGAN AL LITORAL ASTURIANO CON 28 BANDERAS NEGRAS

La culpa de las banderas negras... ¿yía de los ecoloxistas ou de las autoridades ya los usuarios de las playas? ¿Quién castiga al llitoral asturianu? ¿Los ecoloxistas? Rigor, señores periodistas de LVA

Señas Asturianas: Gaita, Bandera ya Llingua

2008-07-17T15:34:00.009+02:00

Fai unos añinos la xente -los Inteleutuales de siempres, Ideólogos d'esta Asturias- pensaba que la gaita yera un instrumentu pastoril que nunca saldría del prau, ya que nun diba a llegar nunca a nada.

Argumentaban que nun tocaba una escala temperada, nun afinaba ya namái emitía chillíos. Ya nun yera un instrumentu musical. Ya dalgo que suena muncho nestos días: Que nengún artesanu las facía iguales. Ya qu'había distintas tonalidades, dalgo que pa outros instrumenos cumo los saxofones, taba mui bien, pero non pa la gaita asturiana.

En solo duas décadas la gaita temperouse, afinóu, facíase con ella música ya grabouse música de gaita con orquesta sinfónica, con cromatismos ya en fin, igual que si grabara un oboe, el pariente ricu de la gaita.

Houbo xente que se queixóu, que dixo qu'eso nun yeran gaitas asturianas. Qu'esto yera outra cousa... Ente ellos, ún que muncho se tien queixáu -sí señores- Jose Ignacio Gracia Noriega. Por eso tanto me presta cuando los gaiteiros asturianos trunfan por tol mundiu. L'últimu gran trunfu fou la entrada nel Conservatoriu...

Anguaño los discos de gaita Asturiana sientense en tol mundiu, ya copanon llistas de ventas nos cultos Israel, Italia, Alemaña, Francia ya Xapón. Volvo ponellu, en países más cosmopolitas, más modernos ya más refinaos cumo Israel, Italia, Alemaña, Francia ou Xapón la gaita Asturiana arrasóu.

Yía xustu dicir qu'en parte fou pol bon trabayu d'artesanos, mayestros, bandas de gaitas, discográficas ya gaiteiros, ya tamién ente outros munchos de nomes cumo Jose Manuel Tejedor, Xuacu Amieva ou José Ángel Hevia ya tolos que deixo.

L'instrumentu rústicu ya pastoril sonóu a escala planetaria en, más ou menos, dúas décadas. La Gaita sonóu solemne nos Premios Principiegos. Nas Bodas de los Réis d'España. Nos podios d'Alonso. Na xuba del Sporting. En cualisquier actu.

Ya la xente que dixo que la gaita nun tenía futuru... ¿Unde anda? Que volvan repitir eso de que solo yía un instrumentu rústicu pa l'aldega ya'l chigre.

En 1808 Asturias escueye la sua bandera. Yía la que tenemos actualmente, la de la cruz de la Victoria n'ouru sobre fondu de gules.

La bandera d'España fou feicha pa la Primer República, nun remembro l'añu esautu, pero nun metería muncho la pata si dixera que fou nel 1873. Garróuse la bandera de la Marina Real Española, cumo enseña nacional.

Por eso güei los asturianos usan la bandera asturiana ensin nengún compleixu. Nun hai problema nengún de nacionalismu, ún lleva l'Asturina ya naide-y señala col brazu si yía nacionalista, ou de cualisquier color políticu.

Non, porque lo uno nun quita l'outru. A nun ser qu'ún seya un neciu, mediu raru. Cumo cuando daquién que tea los vezos d'ún talibán ou un NAZI, cumo cuando se refier a la oficialidá de la llingua.

La llingua.

Yía'l nuesu dereichu ya la nuesa obligación. Nun tienen argumentos en contra, son siempres mui febles. Nós llevamos faciendo las cousas bien dende fai cuantayá. Dalguna cousa podía meyorase. Yía una reivindicación prestosa. Yía democrática ya llegal. Yía un dereichu pa toos, nun yía un ataque nin a la llingua castellana nin a los sous falantes, sían de Castropol, de Villaviciosa ou de Bolivia. La oficialidá vei xuninos más, ya vei facenos meyores. Nun yía la primer vegada que ganamos, poro,tamién nesta vez VEIMOS GANAR.

Asturianu ya Cuartos: La Propensión Marxinal a falar asturianu ya los Budas de Bamiyan

2008-07-17T15:08:00.008+02:00

Teo qu'escusame pa la xente qu'asocia llingua asturiana con asegurase un puestín: Nun trabayu nel seutor enseñanza nin nel "seutor filoloxía asturiana". You trabayo noutras cousas. Nin siquier sou filólogu, nin mayestru. You ando metío noutros folleiros, que tienen más que ver con las ciencias sociales.

Conque nun séi. Nestos días salen los filologuinos de calea del Réxime (ente ellos Josefina Martínez, que nun séi sí yía más filóloga ou más vilda d'Alarcos) falando del coste de la oficialidá. Ya salen Economistas que nun falan de costes (¿úlos?) pero sí de los milenta bables. Según l'economista salense Velarde 27. Según "la Pepa" unos 78. You digo que trenta hailos solo nel conceyu Salas.

Pero bono, ente too ello sal Don Jose Ignacio Gracia Noriega diciendo que l'asturianu yía una cuestión de Ciencia Ficción. El miemu Jose Ignacio Gracia Noriega que fai en LA NUEVA ESPAÑA entrevistas a personaxes muertos fai igual sieglos, ya qu'él llama a esi periodismu de Ciencia Ficción "periodismu hestóricu".

Ya dicen que you tou mal.

Creo qu'un bon trabayu pa estos economistas de caleya sedría demostrar cumo la llingua asturiana conlleva al llau un coste, que podíamos resumir nuna macromagnitú, Riqueza Nacional = Consumu+Inversión+Gastu Públicu, too ello dependiente -eiquí vien lo meyor- de la Propensión Marxinal a falar asturianu, sobre la que dependa la Riqueza.

Falan de sovenciones, pero nun dicen que solo son 40.000 Euros, la metá pa la produición cultural ya la outra pa la investigación... ya que la industria cultural n'asturianu mueve munchos más cuartos... Ya esqueicen las sovenciones ya facilidades pa las grandes superficies comerciales de fora, tipu Carrefour, IKEA, El Corte Inglés, que sacan los cuartos del Consumu asturianu pal estranxeiru. Ya las facilidades que-ys dan. Nesti casu falamos de tresferancias pal seutor priváu de millones d'Euros.

Ui Ui Ui... Vaya sorrealista que yía too... Esti argumentu da más risa que nada. Cumo too lo d'ellos da muncho noxu yá. Arrez...

Pos nada. Nun cuento nin quiero vivir de la llingua. Nun teo nin tanto cuentu nin tanta cara cumo la Pepa ou Jose Ignacio. Asina que sientolo.

Pero nun yía custión de vivir nin nun vivir. Yía mera custión de pura responsabilidá. Si la música yía'l corazón d'un pueblu la sua llingua yía la cabecina. Sía asturianu, castellán ou gallegu. D'ente todas ellas l'asturiana yía la llingua que más tenemos metida nel alma. Colo que nós tenemos la obligación de mirar pola llingua.

Nun val rellacionar asturianu con vivir del cuentu. Yía que l'asturianu yía patrimoniu de la humanidá, pero yía a nós a quien nos tienen que pidir responsabilidá. Nós tenemos que mantenellu con vida.

Cumo'l pueblu afganu colos sous Budas Xigantes. Neto. Pero n'Asturias, al igual que los Talibanes, el desendolcu de la Rexón pasa por esqueicer la llingua. Llamannos Talibanes, ¿Quién son los Talibanes eiquí?

Asturias ya'l III Reich

2008-07-16T15:58:00.010+02:00

Nel añu de Nuesu Señor de 1.933 Alemaña elix -democráticamente- a Adolf Hitler, cumo presidente del Reich. Col poder de los votos que tenía entamóu a facer grandes obras públicas, ya a militarizar la nación. Hitler quería recobrar el pasáu Imperiu Alemán, faciendo un gran país mui ricu económicamente ya militarmente. Ya mui homoxéneu, porque nel pasáu Alemania solo taba poblada por Alemanes, un pueblu xermánicu, indeuropéu con pretendidos rasgos raciales nos qu'imperaban l'altura, los güeyos azulos ya'l cutis ya'l pelu roxu.

Llou, cumo taba escoyíu por la mayoría de los votos, llimpióu la población de las minorias: xitanos, eslavos ya sobre too xudíos. Los xudíos llevaban seique 1.000 años n'Alemania, pero nun participanon del grandor del pueblu Alemán, conque había qu'esterminallos. Asociaban xudíos a decadencia, pero ensin ser capaces a probar nada. Lo que se buscaba yera dar trabayu a los roxones, a los furiosos racistas. Defender xudíos yera un pouco demodé, cumo suel dicise davezu.

Pa Hitler esto yera normal, porque actuaba democráticamente. Taba respaldáu por munchos votos, ya yera lo que'l pueblu alemán pidía. Ya siguíu alantre, baltiando la miesma democracia, paradóxicamente, que lu punxo ehí. Yía más, taba too probáu científicamente, la superioridá aria, la inferioridá enfermiza de los homosexuales... etc.

Ya torturanon ya matanon xudíos, nun faciendo casu a nada. Nun s'atendiendo a razones. Porque pa ellos yera asina. Ya puntu. Non menos importantes son los desidentes políticos nin los homosexuales, que, bono, corrienon la miesma suerte, porque Hitler ganóu unas eleiciones llibres.

Asina ocurríu hasta que mediu mundiu punxo frenu con tanques, aviones ya bombas, faciendo ver qu'eso nun yía una democracia ya las cousas nun furrulan asina. Ya que por muncho que foran Alemania siempres diba haber daquién que si se portaban mal, nun-yslo diban permitir.

Bono. Col asturianu a min paezme, a tenor de lo que se ta viendo últimamente, una cousa igual. Paezme too tan triestemente paecíu... dame too tanto noxu... cuando apaez Josefina Martínez, Felisucu, Aréstegui diciendo que, claro, l'asturianu yía una llingua inferior... que pa ellos nun yía suxetu de nada...

Paezseme tanto too... a la Alemania Nazi... claro qu'agora nun hai muertos. Más que na memoria. Nun hai campos de concentración unde los xudíos pudienan rezar... pero tamién esto vei empobináu p'arrequeixar al asturianu a los chigres de sou.

Los políticos de la F$A amparándose nos votos... ¿Con qué dereichu dicen que los asturianos votanon NON A LA OFICIALIDÁ? La votación esa, ¿úla? Sacar votos nunas eleiciones, ¿da dereichu a facer lo que te dea pola gana? ¿Pero nun yera la democracia'l gobiernu de las minorías? ¿Qué yía esto?

Paézseme too tanto.. LA NUEVA ESPAÑA sacando a filólogos... depués del día d'ayeri nel que se punxenon toos d'alcuerdo sacan a los Intelectuales Franquistas güei. Cumo munchos tan muertos colanonse Amelia Valcarce, Jose Ángel Hevia ya González-Quevedo; pero estos inteleutuales -los miesmos qu'acoyenon a los refuxaos NAZIS cuando cayóu Alemaña colos brazos abiertos- aporfían colo miesmu:

Que los xudíos son una raza inferior;

que la grandeza del Imperiu pasa pola aniquilación de los xudíos;

que pa ellos los xudíos nun son personas (nel Códigu Civil Alemán de 1933, ByB)

qu'a los xudíos nin augua nin lleiche.

que l'Imperiu cuerre pelligru por mor de los xudíos ya outras minorías cumo catalanes, vascos ya gallegos...

¡Cambiái unde pon xudíos por llingua asturiana! You touve un lapsus.

Nun séi. A min paezseme too tanto... dame tanto noxu... ya dame que vamos perder.

Eso ou facer lo que los aliaos. Ganar con aviones, tanques ya bombas. Democráticamente nun vamos ganar. Nun entienden de razones nin d'argumentos. You pola mía parte, vou siguir cumo siempres, cumo l'orbayu, cubriendo pouco a pouco...

Dedico la entrada a los mious buelos. Falantes d'esta llingua, unos nietos de xudíos ya outros lluchanon contra los fascistas. Por ellos

Anuncia

2008-07-15T15:06:00.002+02:00

L'Academia convoca a los asturianos esti xueves a les 7 n'Uviéu en defensa de la llingua

Esti xueves 17 de xunetu, a partir de les 19 hores, na Sala de Cámara del Auditoriu "Príncipe Felipe" d'Uviéu, l'Academia de la Ltingua Asturiana tien convocáu un actu col que quier afitar la responsabilidá de los que tan condergando a la llingua asturiana al so desaniciu social al separtala otra vuelta del estatu llegal d'oficialidá que-y correspuende según el mandatu constitucional.

Nuna carta fecha pública esti día la Presidenta de L'Academia de la Llingua, Ana Cano, diz vese na obligación de dirixise a los asturianos pa tresmitir la so "gran deceición y preocupación énte'l resultáu de la reforma del Estattuto d'Autonomía que, a lo que paez, van roblar la FSA-PSOE y el PP, partíos mayoritarios na Xunta Xeneral del Principáu".

Según afita Ana Cano nesa carta "son munchos los años que venimos trabayando (munches persones) pola diginficación de la llingua y la cultura d'Asturies y faciendo esfuerzos por tresmitir, convencer, argumentar y esixir que l'asturianu, como llingua del pueblu d'Asturies, algame l'estatus xurídicu qu'afite la so sobrevivencia. Pero, a lo que paez, tampoco nesta reforma estatutaria se va llograr. Inda más, el conteníu del artículu 4 que se propón ye mesmamente regresivu con respeutu a la situación actual".

La presidenta de l'Academia reconoz que la mesma "nun gobierna nin tien capacidá política pa camudar esta situación, pero sí tien autoridá moral pa falar y va falr". Lo que va dicise nel actu públicu convocáu pa esti xueves 17 a les 19 hores na Sala de Cámara del Auditoriu "Príncipe Felipe" d'uviéu ye que "tán intentado facer que l'asturianu desapaez como realidá social y, darréu, como problema cultural n'Asturies" y eso enxamás va permitilo l'Academia.

Bono, esto acábase. Ta dando los últimos movimientos. Afortunadamente pa min, you vou ver morrer la llingua. N'Asturias cada vegada que joden una cousa dicen too allumaos: "¡Yía'l progresu! ¡La Modernidá!".

Cola llingua pasa lo miesmo. Na Era Dixital, de los Mass-Media, de las Comunicaciones, l'asturianu depués de la dómina escura del franquismu inda respira, pero adulces vei callando. Cada día sona menos.

Pero'l Gobiernín enzuna col tema de la "promoción ya proteición". Que yía lo miesmu que matallo. En fin. Sí tien que ser sedrá.

Pero inda vamos vello, si son quién.... Si lo quieren facer una cousa personal, peor pa ellos. Más "tuntos" son.

Cumo ta'l patiu: La Oficialidá

2008-07-11T08:34:00.008+02:00

"La lengua de los playos

LADISLAO DE ARRIBA Lo de la pluralidad lingüística me parece muy bien, pero dentro de un orden. Siempre dentro de unos cánones en que prive el sentido común. Admito íntegramente el catalán, el gallego y el vascuence, y, con reservas, el bable; y desapruebo el panocho (Murcia), el cactúo (Extremadura), la fabla aragonesa, una mixtura de gallego y castellano que reivindican en el Bierzo.

Si la cooficialidad en Asturias (Patria Querida) impone el bable, yo (en nombre del cantonalismo que profeso) exijo dar categoría al «vesre». ¿Por qué no?

El hablar trastocando las sílabas al estilo «playu» fue la jerga con la que se defendían los Cimadevillenses cuando venían a Bajovilla. Los bermeanos atracados en la dársena (los que nos enseñaron a guisar el marmitako) se comunicaban entre sí en euskera. A imitación suya, los playos lo hacían en «vesre» para sentirse más seguros en la city. Ésa es la razón histórica de esta jerga apenas empleada en estos tiempos. Los cartageneros no quieren hablar el panocho de los huertanos, ni los vigueses el gallego de los pontevedreses.

Los gijoneses o gijonudos repudiamos los bables imperantes (oriental, central, occidental), que difícilmente aceptan en la Real Academia de la Lengua.

Por eso los nacidos más acá de La Venta del Jamón pedimos la cooficialidad del «vesre» de los «culomoyaos», como gustan de llamarnos los carbayones."

Outra vuelta una opinión personal elevada a categoría de dogma, d'axioma. Increyible. Nun-y diba dar más importancia a la opinión de Ladislao de Arriba, pero cumo la situación lo requier, güei tocó-y a él.

Ésti testu entama dalgo asina cumo "You nun sou racista, pero los negros, los xitanos, los xudíos, los rumanos ya los mouros, por min podían despaecer toos. Yía un pouco lo que los "gijoneses, gijonudos ou gijolós" d'a pía pensamos. Amás asina lo proclamaba la RAE, en los gloriosos tiempos del caudillu".

¿Almito gallego, catalán ya vascu... ya con reservas el bable? ¿Pero que-y falta a la nuesa llingua? El marcu xurídicu de las llinguas anteriores numái. La pescadilla que se muerde la cola... almite la oficialidá, almite una televisión n'asturianu ya una educación n'asturianu... ya verás cumo son iguales. Mentres tanto, la llingua dirá xebrándose, diliéndose, esapaeciendo...

Conque coincide en casa que teo l'exemplar del Lletres Asturianes 31, ya teo que dicir que donáu con ciñu pola Academia de la Llingua Asturiana. Ún tamién tien de ser agradecíu, a lo menos dacuando.

Bono, el casu yía que nesi miesmu exemplar del Lletres hai un trabayu sobre'l lésicu marineiru de Cimavilla, ya ¿a qué nun saben quéi? Yía'l miesmu asturianu qu'en Cuideiru, por poner un exemplu. Salvando los miesmos dialectalismos esistentes ente la fala pixueta ya la fala centraliega. Bono que yía lo miesmu.

(Vocabulariu marineru de Cimavilla, Xixón, Fernán González Lechosa, Lletres Asturianes 31, Uviéu 1989, ALLA)

Pasamos por altu que la RAE nun s'ocupa del asturianu, tien bastante con ocupase col castellanu ya la perda pesu que tien yá dientro del Imperiu, por mor del impulsu de la llingua castellana en México ya nos Estaos Xuntos, unde la población hispanoparllante triplica de llargu a la de la península -incluyendo catalanes, vascos, gallegos ya asturianos.

Amái la RAE ¿nun yía esa institución que conderga los matrimonios homosexuales?

Bono. Too esto bien a colación polas caberas noticias de la llingua. La xente que se corta las venas antes de falar asturianu, cumo Ladislao de Arriba, xente reaccionaria ya nacionalista d'España Una, Grande y Libre, con una idega pa la llingua castellanocéntrica dafeichu, reconocen colas suas reservas la llingua llariega. Con tolos prexuicios atribuyíos a la dómina franquista, pero bono; cumo too cai pol sou propriu pesu, ya la cousa... bono, yía una llingua. Anque me toque las gónadas...

Sicasí dende la F$A la postura ta clara. Non rotundo. Eiquí la pereza intelectual ya la señaldá pol franquismu, unde munchos cabezaleiros de la F$A de güei vivienon de cerca (Areces ensin más, fora fíu d'un policía franquista ente outros) fai-ys dir contracorriente. Lo que yía normal en tol estáu español eiquí non. Eiquí tamos cumo fai 60 años. Cumo nos meyores tiempos de Caudillu. Pal asturianu son cumo los meyores tiempos d'Areces.

"En esa treintena de principios orientadores se incluyen cuestiones la promoción de la cultura de la paz, el respeto a la diversidad étnica, cultural y religiosa o la igualdad entre hombres y mujeres."

Menos claro, pa la diversidá asturiana. Cumo cuando l'alcalde Salas, tamién socialista, diz que nun vei abrir canteras... pero na sua casa abríulas... un biecu mui socialista.

Bono, ya'l PP d'Asturias de muletina de la F$A. Qué pauten los presupuestos entós con Ofidio Sánchez. Total...

¿Los miles d'asturianos que salen en procesión pidiendo la oficialidá? Ensin dreichos reconocíos. 15.000 el 4 Payares. Esti estatutu, dedicáu pa ellos. ¿La xente que perticipóu na campaña de "Dar la Cara pola Oficialidá"? Cerca 4.000 personas dienonla, ya la páxina visitanonla más de 200.000. A tomar por culu...

Ésta Asturias, finalmente, yía la que quieren el P$OE ya'l PP. Una Asturias atrasada, acomplexada, fanática, supersticiosa ya dividida. Finalmente, torgando un dereichu cumo la oficialidá, tan consiguiendolo.

Eso ya matar una llingua milenaria, harmana del francés, l'italianu, portugués ya castellán. Porque la tán matando.

"Valor social de respeto, convivencia y entendimiento" yía pa ellos la llingua. MENTIRA. Pa ellos yía un estorbu, un problema ya un niciu complexos que lleva a la violencia ya al nacionalismu... que nun esiesti, por outru llau, nin nunca esistíu n'Asturias.

Yía increyible. Nun teo palabras, si sigo escribiendo vou calentar ya vou mete-y un güelpe al tecláu...

Posible redaición del artículu 4 del estatutu

2008-07-08T09:56:00.003+02:00

"Les llingües cooficiales del Principáu d’Asturies son el castellán y l’asturianu. El gallego-asturianu tamién ye llingua cooficial nel so ámbitu territorial.

Tolos ciudadanos y ciudadanes tienen el drechu a conocelos y usalos. Naide pue ser discrimináu por mor de la llingua que llibremente escueya y use.

Les alministraciones públiques van garantizar l’usu normal d’estes llingües, amás de la so promoción, enseñu y presencia afayadiza nos medios de comunicación.

Una Llei de la Xunta Xeneral del Principáu va determinar los criterios del procesu de normalización llingüística."

Esti podía ser el artículu que nel nuevu estatutu d'autonomía ou na reforma del que inda hai regule la institución de cooficialidá del asturianu ya'l gallego-asturianu, presentáu pol CAO nun actu delantre la Xunta Xeneral.

La obligatoriedá tán enfermiza ya problemática... ¿úla?

Villa da la cara

2008-07-04T22:09:00.006+02:00

El Meyor xugador de fúbol d'Europa da la cara pola oficialidá del asturianu

Poro, quién na vida ía bonu, yíalo pa too. Asina, David Villa, el delanteru centru de la seleición Española de Fúbol, vixente camepeona d'Europa gracias a los goles de David Villa, que fou proclamáu másimu anotador el Europeu ya meyor xugador en dellos partíos, siendo escoyíu amás dientro de los 11 meyores del equipu UEFA, súmase a esta iniciativa de calter cívicu.

Paez ser que fou de lo primeiru que feixo numái pisar Asturias.

David Villa festexa los sous goles faciendo un biecu p'Asturias, cuando fai qu'echa sidra, suas cellebraciones. Amái, el sou nomatu ía "El Guah.e", que yía cumo lu conocen por tol mundiu.

Esperemos qu'outros deportistas ya outros xugadores de fubol, cumo Santi Cazorla, que fora decisivu tamién na victoria d'España, apoyen la campaña... ya muncha más xente... Hai escritores, académicos, políticos, artistas, gaiteiros... ya muncha xente d'a pía. Too ía pouco.

Somos los Primeiros nalgo... ¡Por fin!

2008-07-01T12:06:00.003+02:00

Anque namái sía en contaminación... había que nos dar un premiu, que dixera: "Pa los asturianos por ser los mayores emisores de CO2 -inda que tean en crisis- de tol estáu español". Anque bono, la cousa nun vei resolvese fácil.

A Areces yá-y dienon un toque pero él dixo eso de que "la victoria electoral nos precede, ya munchos asturianos votanon (bono, el diz "han votado") la contaminación".

Conque organizanon un congresu pal Cambiu Climáticu n'Asturias, n'Uviéu, ya resulta que vei haber cambiu climáticu... Pa bien, porque veimos paecenos a Murcia. Aaaaahhh Murcia.... Un país mediterraniu, ensin contaminación ya ensin bables... ¡qué pasote!

Bono. Pero na siempre pintoresca Asturias houbo un periodista que destaca siempre polo audaz (que tamién tien un blogue de 100 llinias, peime que, nun diariu que llaman La Nueva España, ya que nun ía mui amigu de ZP) que dicía que precisabase un periodista pa falar del cambiu climáticu. Venía a dicir que l'oficiu de periodista facía falta cumo'l que más, ou dalgo asina...

Cuoñu claro. Pa falar de ZP. Ya de Rajoy. Ya de Gustavo Bueno. Si Zapatero yía ZP, ¿Gustavo Bueno BN? ¡¡¡Nooon!!! Sona a "Bloque Nacionalista".

En fin, esto yía Asturias una vegada más. Somos conocíos polo que contaminamos, pero la nuesa mayor ayalga cultural ta non yá arrequexada, si non fora de la Universidá.

Pica eiquí pa saber pa qué val la contaminación a parte de pa camudar el clima

Asina tenemos la llingua

2008-06-27T11:23:00.004+02:00

Huas huas huas.... ¡Patada a la filoloxía asturiana, ya con ella a la llingua!

Bono, pa quien nun lo seipa, esto ía lo que la xente de la F$A llama "promoción ya defensa ensin obligatoriedá", ou cumo dicimos pa Salas " a tomar por putu culu". El dialeutu salense ía muncho más espresivu, por eso que somos de pueblu...

Tengo munchos amigos que coyenon asturianu na Universidá... ai probinos. You garréi Alemán ya Castellanu, llingua. Cumo tol mundiu sabe, precisamente las llinguas de los países que ven xugar la final de la Eurocopa. Porque, cumo bien diz Félix Fernández de Castro López-Patiño, ilustre científicu de la llingua, hai llinguas más importantes unas qu'outras; qu'ía igual que dicir qu'hai pueblos ya razas más importantes unas qu'outras. Qué profundidá d'argumentos...

Conque resulta que, a too esto, dende la F$A dicen que prudencia, qu'hai que respetar la decisión, que fou tomada democráticamente mediante una eleición... cumo la eleición de Hitler n'Alemaña, nel 1933... ¡Cúmo se paez too! ¡Cuántas coincidencias! ¡Qué prestosu ía!

Que conste que, nesta situación tenía que sentime insultáu ya humilláu, porque amás nestos días rínse a la cara un pouco más, sacando un manifiestu en defensa del Castellanu, que truxenon cuando las votaciones a los Premios Principiegos (Somos "Principáu", cumo un reinu, pero en piquñín... bono cumo l'asturianu, ía una llingua pero en piquiñín) García de la Concha, el nietu de Caveda y Nava, ya esi inteleutual de pandereta, machista ya misóxinu qu'ía Sánchez Dragó...

Bono, pol castellanu eso ya más... namái tien 400 millones de personas que falan esta llingua...

Pero bono. Eiquí sacanon al asturianu de la facultá, ¿daquién dulda de la política de "defensa ya promoción del bable de la F$A"?

You sí. Vese bien que l'asturianu precisa promoción ya defensa, ía una llingua con un status ya una proteición mui feble, si na Universidá tien una presencia mui sonce, qu'a naide-y estrañe, ya agora inda más. Asina que, pa esto llevamos 30 años n'Asturias pidiendo -democráticamente- la institución d'oficialidá pa la llingua asturiana, porque ía l'únicu camín afayadizu pa la llingua... ya pueden ganar una batalla -siguiendo la terminoloxía militar que tanto-y presta a Don Gustavo Bueno- pero non la guerra...

Parafraseando al xeneral americanu McArthur, de la que lu echanon del Pacíficu: SALIMOS DE LA UNIVERSIDÁ, PERO VOLVEREMOS

¿Qué socedéu en Filoloxía?

2008-06-25T17:34:00.005+02:00

Güelpe en duru al asturianu na facultá de Filoloxía de la Universidá d'Uviéu. ¿Pero nun quedaba claro ya superáu que l'asturianu ía un idioma que vei ser promovíu ya promocionáu ya too eso? ¿Úla promoción? ¿Ehí?

Mamina. En tolos llaos mueven la cultura d'ellos. Mirái pa Galicia, mirái pa Euskal Herria, mirái pa Cataluña, p'Andalucía, pa Cantabria... menos eiquí claro.

N'Asturias, l'asturianu, la llingua, nun solo nun tien la proteición suficiente, sinon que unde antias tenía un bon abellugu, na Universidá, agora van sacar a la llingua d'esa Institución... Si faen eso, la Universidá ruemperá pa con Asturias ya pa cola sociedá asturiana.

Non nun pue ser. Taremos al tanto...

(Semeya: Félix Fernández de Castro López-Patiño, el profesor que propuso la emienda pa baltiar la llingua asturiana na Universidá d'Uviéu... Xunu de 2008)

Lleenda Llionesa, Mirandesa ya Asturiana (¡¡¡Recoyida en Salas!!!)

2008-06-20T19:33:00.009+02:00

LA ERMITA DE SANTA LENA (Recoyía en La Llomba- La Cabreira)

Dícen los vieyos qu'ellos han oyíu cuntar a los sous abuelos que Santa Lena yera la hermana más galana de todas las suas hermanas: la nuesa Siñora del Valle, la Virxen de la Carbayeda, la de Fresneo, la de Guiana y on ñon m'alcuerdo de las outras. Pos, on dícen que Santa Lena foi roubada de la sua casa por un mal home que la coyéu, montóula ño sou caballu y desaparecíu como'l diabru. Pero al chegar al valle, curtóula la cabeza que cayíu al suelu. Allí encontróronla los pastores, y asina sei que se pusieron a xugar con ella rodándola pol suelu, y quedoron admiraos porquei vieron que la cabeza asina volvía siempre al sitiu en que cayíu la primeira vez. Y ende llevantóuse la ermita.

A LA SIÑORA DEL NASO (Recoyida en Miranda)

No alto dos siete cabezos
moran las siete Señoras:
abenzonan tolas mozas,
llabradeiras y pastoras.

Sùes capiellas todas brancas
culas tellicas burmeillas
parecen rosas floridas
a beisálas cìelo y las streillas.

Sou siete y todas stan altas,
todas altas y harmanas,
a tóla hora se veyen
y falan tólas mañanas.

La localización de los templos que la llienda axunta alredor del númaru siete ye mui significativa yá que muitos están construyíos en llugares que seique yeran sagraos antias de la sua cristianización onde yeran veneradas antiguas deidades femeninas locales sobre las que s'instituyíu, después de la introducción del cristianismu n'Asturia, el cultu a diversas santas y a la Virxe nas suas distintas advocaciones.

[FILANDÓN - LLITERATURA POPULAR LLIONESA - Nicolás Bartolomé Pérez - O LIMIACO EDICIÓNS, Luna (Zaragoza) Marzu 2007]

Ya las Lleendas asturianas correspondientes, recoyidas pa Salas:

LAS SIETE HARMANAS

Había fai munchos años siete harmanas, mui guapas. Ente las siete harmans había envidias, llegando hasta odiase, porque cumo dixera, yeran mui guapas. Entós, cumo nun se soportaban, dicidienon separtase, ya marchanon pa siete llugares distintos, ya d'ehí salienon las siete capillas d'Acebu, Visu, Monxagre, Fresnu, Santa Técula, El Carbayín ya Montarés.

LA LLEENDA DE LA CAPILLA DE LA VIRXE DEL VISU (que val tamién pa LA CAPIYA DE LA VIRXE DEL MONXAGRE)

Resulta que la virxe apaecéuse-y a un pastor qu'andaba llindiando oveyas en Visu, ya pidíu-y que la xente Salas había face-y una capilla, nel sou honor. Los Salenses, fonon facé-yla, pero cumo'l llugar óu apeicéu taba mui arriba, escoyeron un prau- el de La Folgueirúa- pa construyir la Capilla, porque taba más abaxo. Ya entós llevanon hasta ehí los materiales.

Pero cumo la voluntá de la Virxe fora qu'había que construyir la capilla áu s'apeiciera, pos los materiales apeicienon al día siguiente óu s'alcontrara col Pastor. Ya ehí construyenon la capiella.

EL GRANU MAIZ

2008-06-19T11:27:00.006+02:00

Había una vegada un paisanu mui reutu. Na so quintana teníenlu toos por xente serio y cuerdo. La xente diba a la so casa a pedí-y opinión sobre enfotu diverso.

Pero, derrepente'l paisanu tórnase miedosu, garra miéu a les pites. Sí, garró-ys mieu, porque dicía qu'él yera un granu maíz y elles quiríen comelu. Dicía'l home a voces: "¡Soi un Granu Maíz, soi un Granu Maíz!, ¡Pechai les pites nel so corripu, que quieren comeme!", Y la xente'l llugar emprincipia a coyé-y miéu a él.

La xente decide llevalu a la Cadellada darréu, pa que-y curen l'alloriá. Ellí, van poco a poco, a modín, curándolu, y al cabu un mes entruga-y el doctor:

-A ver ho, ¿quién ye vusté?

-Yo soi un granu maíz.

-Non home, non. ¿Cómo va ser usté un granu maíz?. Usté ye un home que llámase Xuan García.

-Non, non, yo soi un granu maíz.

Amárrenlu, y dempués d'otru mes de curación tornen entruga-y:

-¿Quien ye vusté?

-Bonu, yo soi un granu maíz... que llámase Xuan García.

-Non, equí nun hai ningún granu de maíz.

Tornen amarralu de nuevu, y al mes:

-Dígame ho, ¿Quien ye vusté?

-Bonu, soi un home que llámase Xuan García.

-¿De xuru?

-Sí.

-Bonu, entós yá ta usté curau. Vamos llevalu a la so casa.

Y nel so pueblu la xente ponse percontento cuando lu ven llegar. Diz el médicu a los sos vecinos:

- Ta yá curáu. Mirái si non. ¿Cómo te llames?- entruga'l medicu.

-Llámome Xuan García.

- Y... ¿Qué yes?

-Soi un home.

-¿De xuru?

-Sí, de xuru.

-¿Tas seguru de verdá?

-Yo sí toi seguru, les pites nun sé si tarán.

Esti cuentu sintieralu fai un bon feixe d'años, n'Uviéu, peime que fora a Dolfo Camilo Díaz, ou nun séi si sedría más bien a Milio'l del Nido... la verdá ía qu'espero sepan perdonar, pero nun llembro.

Bono, esperemos qu'al Partido Popular nun-y pase igual col tema l'asturianu nesta reforma l'Estatutu

Un cuentín gallegu

2008-06-12T19:52:00.004+02:00

A HISTORIA DE MINGOS DE CAIÓN

Mingos de Caión era un mariñeiro galego que viaxaba no Skajerrat. O barco afundíu, como poido agarrado a un madeiro chegóu ata unha pequena illa medio morto, aló no Pacifico. Alí foi recollido polos habitantes de aquela Illa, el e o seu acordeon. Un acordeon alemán que navegóu cando el, loitando pola vida.

Mingos de Caión chegóu a aquel lugar e foi recibido coma un Deus, un deus que tocaba o acordeón. Aquela xente pacífica e entrañable acolleulo de tal maneira que chegóu a casar coa filla do xefe, aquelo que chamaban o home que leva na man o arpón

Mingos de Caión era feliz, máis feliz non se podía ser ente esa xente maravillosa e hospitalaria. E sen embargo, ó caer a tardiña cada día Mingos de Caión collía o seu acordeon e cantaba. Cantaba "Santo Cristo de Fisterra", cantaba "Virxe da barca en Muxia", e a máis bonita de todas, a que diz:

"Miña nai, miña naiciña
como a miña mai, nengunha
que me quentóu a cariña
co caloriño da súa"

Conto e Cadro: Urbano Lugrís

Conciertu pa esti Vienres 13

2008-06-11T10:40:00.003+02:00

¿Tais n'Uviéu? ¿Préstavos la música asturiana? ¿Préstavos el Pop de calidá?

Bono, pos un poucu de too, a bon preciu ya con tol bon facer d'Esther Fonseca ... Esti vienres a las 20.00 horas.

L'Sporting vei xubir a Primera

2008-06-10T13:20:00.003+02:00

Bono. Nantes de nada un avisu: Vou falar de Fúbol nesta entrada.

You, nesto del fubol, sou cumo la xente bien de Salas: Del Real Oviedo. Nestos días tan malos teo que confesar: Sou Oviedista. Sí, cumo la xente bien de Salas, sí, sí.

L'Sporting ía l'equipu de los deheredaos. Polo menos na Villa -ya xeneralizando. Ía l'equipu de los trabayadores. Los xefes van ver al Oviedo.

Feicha esta aclaración, dicir que personalmente préstame muncho que l'Sporting gane, porque you sou del Oviedo porque tocárame ver un equipazu nel Tartiere de Guah.e: A Jokanovic, a Prosinecki, a Gracan, a Jerkan, a Carlos, a Berto, a Oli, a Onopko, a Luis Manuel, a Rivas... etc.

Bono. Esta vegada, l'Oviedo nun ganóu al Caravaca, ya vei tener que chapar outru añu más en Tercera. Ya sintí -n'Uviéu, cumo non- a un paisanu dicir que'l problema del fúbol asturianu ta en que nun hai nivel. Que somos un país mui pequenu.

You calléi, por prudencia -porque nun lo dicir tamién, por condescendencia. Pero touve por dicir que'l problema del fúbol asturianu nun ta na mala calidá de los fubolistas asturianos. Ehí tan Villa ya Cazorla na seleición. Touvieron Luis Enrique, El Pitu Abelardo, El Pichón de Roces Juanele, el gran Javier Manjarín, Oli, Esteban, Joaquín... el Bruxu Quini ente outros munchos más. Non, el fúbol asturianu tien calidá abonda.

Falóu tamién del tamañu d'Asturias. Pero nesti casu el tamañu nun importa. Ehí ta Holanda, una país mui pequenu con una seleición brava. Ou l'Uruguai, un país munchu más pequenu pero con un palmarés muncho mayor (inversamente proporcional) al de la Madre Patria España.

¿Ou ía qu'Alonso nun ía asturianu?

Pa min el problema del fúbol asturianu ta nel Oviedo. L'Oviedo (ya esto perxudica al Avilés, al Caudal ya al UP de Llangréu) tando en tercera allancáu, con un equipu profesional, lleva los meyores xugadores d'estos equipos. Esto fai qu'estos equipos nun espoxiguen hasta polo menos la 2ªB. Personalmente, nel casu del Avilés Industrial cuido que podía tar na Segunda. ¿Nun ta l'Eibar? ¿Nun touvo'l Numancia?

Con un Oviedo feble, el Fúbol Asturianu ta en crise. Si l'Oviedo touviera en Primera xunto al Sporting, l'Avilés Industrial na Segunda, la UP, el Caudal, ya seique'l Lealtad de Villaviciosa tadrían con más facilidá en Segunda B. El Marino de Lluanco ía outra hestoria... Nesi equipu prima'l bon facer.

Conque por ello, pol Fúbol Asturianu, you, Oviedista dafeichu, vou sofitar al Sporting de Xixón pa que xuba a Primera, pa que caltenga la categoría ya pa que puxe pol fubol asturianu... ya cuando l'Oviedo llegué, que-y pueda ganar.

Poro, esti fin de Selmana toos, toda Asturias, col SPORTING DE XIXÓN

You dou la Cara

2008-06-04T16:33:00.004+02:00

Prestosa la Campaña del CAO que pue visitase (ya empobino que lo faigais) nel sitiu ueb http://www.doilacara.net/

Si daquién quier facer la semeya nel dialeutu occidental de la llingua asturiana, unos amigos d'Ayande unvianonme una plantiya, que quien tea interesáu pue pidir que-yla unvíe na direición qu'apaez embaixo:

munduxaime@yahoo.es

La reforma l'estatutu precisa inxerir la oficialidá (cooficialidá, ía lo miesmu pal casu) de la llingua asturiana. Pa la llingua ía un oportunida inmeyorable pa espoxigar, ya bono, cenciellamente p'asegurar la sua supervivencia... asina que por favor, collaborái.

YOU DOU LA CARA POLA OFICIALIDÁ/
EU DOU A CARA POLA OFICIALIDÁ

Referendu pol asturianu

2008-06-03T10:36:00.004+02:00

Outra cousa que yá vagaba... Ante l'argumentu de que cumo claro, la F$A gana eleiciones, la xente nesas eleiciones vota non a la llingua...

Cousa estraña. Ou ía que cumo falan noutra llingua nun-ys entendemos, ou cuando lo dixenon tenían la bouca llena de polvorones ya dixenonlo con acentu andalú, asonsañando a Chiquito de La Calzada (non de Xixón):

"-Ese fistro de bable... que dice ¡¡Oficialízame, oficialízame....!! ¡¡Ay!!... Y yo digo: Noooo ¡¡¡pecador!!!"

Una cousa asina. Imaxinái a Javito Fernández cola boucona llena de polvorones diciendo esto...

Conque l'Aconceyamientu de Xuristes pol Asturianu pide que se vote al asturianu nun referendu.. Vaya, que se plantegue un referendu pa votar al asturianu.

Personalmente, nesi sen creo qu'ha aplicase la constitución, ya oficializar d'alcuerdo al artículu 3 de la miesma... nun hai más.

Pero si hai falta plantegar un referendu, plántegase ya llistu. Entós veimos ganar ya ellos vein tragar d'un xeitu más humildante... hahaha (*)

Poro, lo que nun se vea n'Asturias...

(*) Risa de malignu, asina cumo de llocu

Güei, Poesía

2008-05-30T20:37:00.003+02:00

FUTURU YA PASÁU

Vou amosar un poucu poesía güei. Cuido que pertenecer a una comunidá llingüística cumo l'asturiana, unde la llingua tien una situación diglósica, unde ta arrequeixada, tien tamién el sou encantu. Porque la llingua entós, en munchos casos, aprendentela en casa, ya tien una emotividá especia.

Los buelos tresmiten la llingua, ya eso faila tener una dulzura encantadora. Una amuesa, esta esbilla

LA NANA DEL BIERZU

La buela María
balincaba'l bierzu
ya con voz mui nidia
cantába-y al nietu

Durme, rayiquín de sol,
durme, paxarín parleiru
que toos los paxarinos
ha muito que tán durmiendo.
Ya'l nenín abría
inda más los güeyos.

La buela María
mirando pal nenu,
chamába-y florina,
chamába-y l.luceiru,
mientras balincaba
con amor el bierzu.

Durme, brisina de branu,
durme, calorín d'iviernu,
que ya pa dormir la nueite
ya'l día pa tar despiertu.

Ya'l nenín quedouse
dormidín nel bierzu.

Nené Losada Rico, Poeta Valdesana.

A IRMA
(la nietina númaru doce)

N'Uviéu nel mes d'abril
nacíunus outra nietina,
cunus güechus azulinos,
sunrusadina, guapina.

Dicen que la nuesa Irma
yía una rousa piquinina,
un clavelín, una prenda,
un sol, una papulina.

¡Ay! ¡Quién pudiera vulare
cumu fain las palumbinas
pa da-tsi muitus beisinus
na sua furmosa carina.

En Palacios del Sil, el día 25 d'abril de 1987, de Eva González Fernández (1918-2007)

CANCIÓN DE CUNA

Quixera ter el canto
del más bello querubín
pra cantarye á mía nena
qu'hoi nun se quere dormir.

Nun chores, nena mía,
qu'a lúa lougo sale
y ta velándoche el sono
con ternura a túa madre.

Cuatro anxelíos te cuidan
mentres che canto esta añada.
Dúrmete tesouro meu,
que xa chega a madrugada.

Reló, nun marques más horas,
nun quero oír ningún ruido,
qu'a pequenía da casa
esta noite ta dormindo.

Ana Vior (Lantoira, Castripol 1920- A Veiga 1998)

NANA PRA DORMIR OS NENOS

Nun durmas, nenín,
nin peches os oyos,
qu'el coco y as bruxas
llevan solo a os tollos.
Nun temas al coco,
ás bruxas y al demo,
qu'esos sonche bromas
pra engañar a os nenos.
Nun durmas, pequeno,
berra conto poidas,
espernexa y grita
y si queres chora.
Mais si te durmes
meu neno pequeno,
pode que te lleven
as hadas ou el demo.
A noite ta moura,
ximen os carbayos,
el vento y a lluvia
turran nel teyado.
Tou padre durme a cachos,
túa madre fai que durme,
el can ladra ás sombras
chuvisca no llume.
El vento rebinca
por entre el payeiro,
xoga con a paya,
¡chegóu el inverno!
Nun durmas con medo,
meu neno pequeno,
qu'el demo nun lleva
a os neíos buenos.

Francisco Fidalgo Villaveirán (Valdepares, El Franco 1913- Uviéu 1998) pa las fiestas de Santiago de Bual, 1988.

A min, personalmente esti tipu poesía prestame asgaya. Ía una pena que, col gobiernu d'Areces, refúguese una vuelta ya outra la llingua, perdiendo Asturias, los asturianos ya tol mundiu, finalmente, esti tesoru.

Efeméride

2008-05-26T19:04:00.003+02:00

Feliz día de la Patria Asturiana!!!

Tal día cumo ayeri fai dos sieglos los franceses xubienon el preciu la sidra a los asturianos... ya ocurréu lo innevitable. Echámoslos por, cumo dicen pa Llangreu "por tuntos".

En Llinares (vista parcial) houbo una batalla contra'l francés, que ganamos. Ellos llueo fixenon -según cuntan la memoria coleutiva llariega- una escabechina en Maeza.

Güei, yá en guerra remembramos a los cayidos, por que nun volva soceder..

Ya bono. Pues un sieglu más alantre déixovos pa facer homenax unos videos d'Asturias mui prestosos:

http://www.youtube.com/watch?v=ZvI4hDBq9LY

http://www.youtube.com/watch?v=ZwHrsTnjrfc

L'Ouru de Moscú

2008-05-21T18:28:00.002+02:00

Bono. Vou destapar una cousa que se vos pasóu por altu, ya naide s'alcuerda. Pero you vou estapar esta conspiranoia... Séi unde ta l'ouru de Moscú, ya bono, por si eso.

L'ouru de Moscú fou un dineiru de pa cuando la II República, que l'exércitu republicano escondéu, según la lleenda.

Pues estudios recientes amuesan que fou un soldáu ayerán el que guardóu'l tesoru. Vustedes entrugaran unde metéu los cuartos. You respuendo, pero ía fácil... mui evidente.

N'Australia.

Sí, n'Ayers Rock, que n'australianu téunicu quier dicir la roca d'Ayer. Pero n'australianu común dizse "uluru", mayor pista imposible, "uluru", "ú l'uru", cumo dicimos en Salas, "óu l'ouru".

Hala, corréi a polos cuartos, pero a min tenéis que dame un 10% de comisión.

Asociaciones (Por Ismael Glez. Arias)

2008-05-21T18:25:00.002+02:00

Estatutu xeneral del asociacionismu asturianu:

Títulu primeru: Del carácter de l'asociación.

Artículu primeru: Toa asociación asturiana naz con el propósitu de dividise en dos.

Artículu segundu: Esta nueva asociación asturiana surde col propósitu de nun tar d'alcuerdu cola anterior y a la vez de dividise tamién en dos.

Artículu terceru: Ser asturianu significa nun tar d'alcuerdu colo que propugna la so propia asociación.

Artículu cuartu: Dos asturianos lleguen a un alcuerdu cuando tan d'alcuerdu en nun tar d'alcuerdu.

Artículu quintu: Dos asturianos son suficientes pa formar una asociación asturiana a la qu'aplicar l'artículu primeru.

Títulu segundu: Del ámbitu de l'asociación y de los sos miembros.

Artículu sestu: Toa asociación asturiana ye universal pol simple fechu de ser asturiana.

Artículu séptimu: Pol simple fechu de ser universal nun necesita que nengún de los sos miembros sea asturianu.

Artículu octavu: De nun ser asturianu y querer selo ye bastante con facer como los asturianos y nun tar d'alcuerdu con dalgo o falar mal d'Asturies en xeneral.

Artículu novenu: De nun ser asturianu y nun querer selo nun lo digas o cuerres el riesgu de que te nomen directivu d'una asociación asturiana.

Artículu décimu: Si nun yes asturianu y nun quies selo y amás yes universal, yes más asturianu que naide.

Títulu Terceru: De les perres.

Artículu oncenu: Nun va ser por problema de perres que faigamos o non una asociación asturiana.

Artículu docenu: De toles formes, pa eso ta l'alministración, pa pidí-yosles.

Artículu trecenu: De toles formes, pa eso ta l'alministración, pa nun concedeles a nun ser que nun vea un motivu gastronómicu claro nos fines de l'asociación.

Artículu catorcenu: Nun puede esistir una partida económica nuna asociación asturiana que nun recueya un apartáu gastronómicu.

Artículu quincenu: Les copes y los farias del apartáu gastronómicu cuerren a cargu de dicha partida.

Títulu cuartu: De los fines de l'asociación.

Artículu selcenu: Una asociación asturiana nun necesita fines.

Artículu septicenu: De tenelos nun puen tar claros.

Artículu octicenu: De querer aclaralos nun se va tar d'alcuerdu.

Artículu nonacenu: De nun tar d'alcuerdu surden les escisiones.

Artículu ventenu: En casu d'escisión los miembros escindidos pasen a formar parte d'otra asociación a la qu'aplicar l'artículu primeru.

Títulu final: De la disolución de l'asociación. Artículu ventiunu: Una asociación nun desaparez hasta nun morrer l'últimu de los sos miembros, colo que, como asturianu, dexará de pertenecer a l'asocación de los vivos por francu desalcuerdu cola vida mesma pa pertenecer a la de los muertos onde tá por ver lo que sucederá.

Espídese esti borrador d'estatutu d'asociacionismu asturianu a 5 d'avientu de 2006, pa que nun se diga que toi tol día folgando, que siempre se me dio más bien que nada, y pa que cualquiera que nun tea d'alcuerdu comigo sepa perfectamente por qué y que sepa que podemos formar una asociación pa lo que nos vendrá bien un borrador d'estatutos como éstos.

(Ismael María González Arias)

Por Hernán Casciari.

2008-05-12T19:29:00.002+02:00

EL MUNDO SEGÚN CASCIARI

Leí una vez que la Argentina no es mejor ni peor que España, sólo más joven. Me gustó esa teoría y entonces inventé un truco para descubrir la edad de los países basándome en el 'sistema perro'.

Desde chicos nos explicaron que para saber si un perro era joven o viejo había que multiplicar su edad biológica por 7. En el caso de los países hay que dividir su edad histórica entre 14 para saber su correspondencia humana. ¿Confuso?

En este artículo pongo algunos ejemplos reveladores.

Argentina nació en 1816, por lo tanto ya tiene 190 años. Si lo dividimos entre 14, Argentina tiene 'humanamente' alrededor de 13 años y medio, o sea, está en la edad del pavo.

Es rebelde, pajera, no tiene memoria, contesta sin pensar y está llena de acné (¿será por eso que le dicen el granero del mundo?

Casi todos los países de América Latina tienen la misma edad y, como pasa siempre en esos casos, forman pandillas.

La pandilla del Mercosur son cuatro adolescentes que tienen un conjunto de rock. Ensayan en un garaje, hacen mucho ruido y jamás han sacado un disco.

Venezuela, que ya tiene tetitas, está a punto de unirse a ellos para hacer los coros. En realidad, como la mayoría de las chicas de su edad, quiere tener sexo, en este caso con Brasil, que tiene 14 años y el miembro grande.

México también es adolescente, pero con ascendente indígena. Por eso se ríe poco y no fuma ni un inofensivo porro, como el resto de sus amiguitos, sino que mastica peyote, y se junta con Estados Unidos, un retrasado mental de 17, que se dedica a atacar a los chicos hambrientos de 6 añitos en otros continentes.

En el otro extremo está la China milenaria. Si dividimos sus 1,200 años por 14 obtenemos una señora de 85, conservadora, con olor a pipí de gato, que se la pasa comiendo arroz porque no tiene -por ahora- para comprarse una dentadura postiza. La China tiene un nieto de 8 años, Taiwán, que le hace la vida imposible.

Está divorciada desde hace rato de Japón, un viejo cascarrabias, que se juntó con Filipinas, una jovencita pendeja, que siempre está dispuesta a cualquier aberración a cambio de dinero.

Después, están los países que acaban de cumplir la mayoría de edad y salen a pasear en el BMW del padre. Por ejemplo, Australia y Canadá, típicos países que crecieron al amparo de papá Inglaterra y mamá Francia, con una educación estricta y concheta, y que ahora se hacen los locos. Australia es una pendeja de poco más de 18 años, que hace topless y tiene sexo con Sudáfrica; mientras que Canadá es un chico gay emancipado, que en cualquier momento adopta al bebé Groenlandia para formar una de esas familias alternativas que están de moda.

Francia es una separada de 36 años, más puta que las gallinas, pero muy respetada en el ámbito profesional. Tiene un hijo de apenas 6 años: Mónaco, que va camino de ser puto o bailarín... o ambas cosas. Es amante esporádica de Alemania, camionero rico que está casado con Austria, que sabe que es cornuda, pero no le importa.

Italia es viuda desde hace mucho tiempo. Vive cuidando a San Marino y al Vaticano, dos hijos católicos idénticos a los mellizos de los Flanders. Estuvo casada en segundas nupcias con Alemania (duraron poco: tuvieron a Suiza), pero ahora no quiere saber nada con los hombres.

A Italia le gustaría ser una mujer como Bélgica: abogada, independiente, que usa pantalón y habla de política de tú a tú con los hombres (Bélgica también fantasea a veces con saber preparar espaguettis).

España es la mujer más linda de Europa (posiblemente Francia le haga sombra, pero pierde espontaneidad por usar tanto perfume). Anda mucho en tetas y va casi siempre borracha. Generalmente se deja follar por Inglaterra y Después hace la denuncia.

España tiene hijos por todas partes (casi todos de 13 años), que viven lejos. Los quiere mucho, pero le molesta que, cuando tienen hambre, pasen una temporada en su casa y le abran la nevera.

Otro que tiene hijos desperdigados es Inglaterra. Sale en barco por la noche, se tira a las pendejas y a los nueve meses aparece una isla nueva en alguna parte del mundo. Pero no se desentiende de ella. En general las islas viven con la madre, pero Inglaterra les da de comer. Escocia e Irlanda, los hermanos de Inglaterra que viven en el piso de arriba, se pasan la vida borrachos y ni siquiera saben jugar al fútbol. Son la vergüenza de la familia.

Suecia y Noruega son dos lesbianas de casi 40 años, que están buenas de cuerpo, a pesar de la edad, pero no le dan bola a nadie. Cojen y trabajan, pues son licenciadas en algo. A veces hacen trío con Holanda (cuando necesitan porro); otras, le histeriquean a Finlandia, que es un tipo medio andrógino de 30 años, que vive solo en un ático sin amueblar y se la pasa hablando por el móvil con Corea.

Corea (la del sur) vive pendiente de su hermana esquizoide. Son mellizas, pero la del norte tomó líquido amniótico cuando salió del útero y quedó estúpida. Se pasó la infancia usando pistolas y ahora, que vive sola, es capaz de cualquier cosa.

Estados Unidos, el retrasadito de 17, la vigila mucho, no por miedo, sino porque le quiere quitar sus pistolas.

Israel es un intelectual de 62 años que tuvo una vida de mierda. Hace unos años, Alemania, el camionero, no lo vio y se lo llevó por delante. Desde ese día Israel se puso como loco.

Ahora, en vez de leer libros, se lo pasa en la terraza tirándole piedras a Palestina, que es una chica que está lavando la ropa en la casa de al lado.

Irán e Irak eran dos primos de 16 que robaban motos y vendían los repuestos, hasta que un día le robaron un repuesto a la motoneta de Estados Unidos y se les acabó el negocio. Ahora se están comiendo los mocos.

El mundo estaba bien así, hasta que un día Rusia se juntó (sin casarse) con la Perestroika y tuvieron como docena y media de hijos. Todos raros, algunos mongólicos, otros esquizofrénicos.

Hace una semana, y gracias a un despelote con tiros y muertos, los habitantes serios del mundo descubrimos que hay un país que se llama Kabardino-Balkaria. Un país con bandera, presidente, himno, flora, fauna...y ¡hasta gente!

A mí me da un poco de miedo que aparezcan países de corta edad, así, de repente. Que nos enteremos de costado y que, incluso, tengamos que poner cara de que ya sabíamos, para no quedar como ignorantes Y yo me pregunto:

¿Por qué siguen naciendo países, si los que hay todavía No funcionan?

Zarráu por Oficialidá

2008-05-08T18:47:00.002+02:00

Vienres 9 de Mayu, Día de les Lletres Asturianes (Cortesía d'Altuxa Wiki)

Saludamos a la Islla Man

2008-05-02T10:26:00.006+02:00

La Islla Man (Islla del Paisanu) sacóuuna tirada sellos, colas banderas de las naciones celtas (Galicia, Asturias, Escocia, Gales, Irlanda, Cornualles, Bretaña ya Man, por supuesto).

¡Qué poucu nos conocen! Bono, agora gracias a Man vei conocenos tol mundu.

Pero quierenos, ya eso presta. Pola mía parte you a la Islla Man un ciñu mui especial. Porque amás Asturias ía un sellu de los más caros. 56 céntimos. Casi nada.

Ía verdá qu'agora tol mundu vei conocenos. Ya saber que tenemos una llingua, yá que cada sellu tien unas lletras. Las nuesas son: Un país que desanicia la so llingua pierde l'alma.

Pue dicise más altu pero non más claro. Puxa la Islla de Man!!!

(Imaxe sacada de www.lamavea.blogspot.com)

Dende Cantabria... Furaco!

2008-04-29T10:31:00.004+02:00

Asturias ta ensin osos; el nuesu destín ta en manos de Paca ya Tola. Ya la vecina Cantabria unvía un semental pa procrear... ¡non! nun ía Miguel Ángel Revilla... Ía Furaco, un osu que ta feicho un campeón.

Cantabria acudíu al rescate d'Asturias yá unviando a Preciado, l'entrenador del Sporting; anque bono, nós mandaramos-ys a Marcelino, qu'entrena al Racing, ya nun lo fai mal. Bono, que tan n'Europa, vaya.

Centremonos nel mundu Osunu.

Resulta que Furaco ía un semental d'Osu Pardu, que vien a procrear colas osas asturianas, las glamurosas (¿glamurosu ía sinónimu de gayaspeiru?) osas asturianas: Paca ya Tola. Son xunto a la princesa Letizzzia las femas más famosas d'esta bendita tierra asturiana. Casi nada.

Ya Cantabria ía tierra de machos. El Conde Pedro de Cantabria, ya agora Furaco. Dos grandes de la tierruca vecina. Conque Furaco aportóu a Asturias con espectación ya avaláu por outru machu cántabru, Revilla. Paez que si nun valía'l probe animal diba esfoutase Revilla nas osas... mui macabru too. ¡Nun sei cual de los dos osos ía más animal!

Pero, ¡ho! Mala suerte... Furaco deixóu'l pabellón cántabru polos suelos. España entera ta en vilu... Cantabria diou una imaxe mala. Pero non, espertos asturianos nel tema devolven el favor al pueblu veicín: "Esto fou una toma de contautu. Ía que las nuesas osas tan mui mal avezadas. Pero tranquilos, que la mala bestia cántabra (por Furaco, non por Revilla) ta feicho un esbardu... ya vei terminar acabando de dallo too."

Asturias ya Cantabria harmandadas polos osos. Somos países osunos, anque you creo qu'ía Asturias un poucu más... Namái hai que comparar a Tini con Revilla...

Habemus Capital

2008-04-29T10:27:00.002+02:00

¡Por fin Asturias cuenta con una capital! Non por coyones, sinon por estatutu. ¿Ya a que nun aldovináis cuala vei ser? Pues, non, nun vei ser Salas. Nin Corniana. Vei ser Uviéu.

¿Qué tendrá Uviéu que nun haiga en Salas ou Corniana (aceutamos Maeza ya La Espina cumo posibles capitales d'Asturias)? Tien "mojo", cumo la peli d'Austin Powers. Ya con eso nós nun podemos competir.

De todas formas, la cousa nun acaba eiquí... Protestaremos!!!

Entama la Reforma

2008-04-16T10:21:00.002+02:00

Bono bono bono....

Entama la reforma estatututar con un asuntu clave: La Capitalidá del Principáu

Que si Uviéu, que si Cangues d'Onís, que si Pravia... You nun sei. Ya digo you, ¿por qué non conceyos que lo necesitan más cumo Tameza ou Pezós? Va ho, ¿qué pasa?

Non obstante, camiento que, una vegada más, you tenga la solución: Llantar la capital del principáu nun Zeppelin, al que llamaremos "Led Zeppelin" (Led por Leader, cumo somos una sociedá mundial...) ya que veiga recorriendo la xeografía asturiana, cumo los autocares esos "d'Asturias enchúfate" ou tamién los de las campañas de donar sangre.

Porque cuando precisan a los ciudadanos, vien que s'allegan. Outra cousa ía cuando se quieren blindar nesi bunker qu'ía la Xunta Xeneral ou los diversos palaciós, cumo'l qu'agospia la Conseyería Cultura, nel Centollu Calatraba.

Non, somos asturianos, queremos ser toos iguales, ya la meyor estaxa pa llograllo ía encargando a Duro-Felguera que faiga una estructura móvil que se mueva por tol territoriu autonómicu, ya represente a los asturianos. Pero que volar nun sirva pa que marchen a la mínima, pa qu'afuyan. Non, volar pa llegar a tolos llaos.

Poro, pidíi un Zeppelin, ya llamailu Led Zeppelin. Que sía la nuesa Capital.

UBUNTU n'Asturianu

2008-04-10T13:53:00.002+02:00

¿Imaxines un ordenador al 100% n'asturianu? Parez una perbona ocasión pa espurrir la nuestra llingua.

¿Los requisitos? Que la propia xente torne nuna web bien cenciella, onde puedes tornar dende una frase fasta les que quieras. Una vez tornao, cuando se instale Ubuntu (www.ubuntu.com) daríate a escoyer l'asturianu como idioma d'instalación.

Pa ello hay que facelo dende: https://translations.edge.launchpad.net/ubuntu/hardy/+lang/ast (Hai que rexistrase anantes).

http://www.ubuntuasturianu.blogspot.com/

Vaya hom

2008-03-27T10:18:00.004+01:00

De Santa Bárbula alcuerdase ún cuando llueve

Ya eso ta pasando n'Asturias agora, lo cual sosprende a ún. ¿Cúmo s'atreve Areces a retrucar a Montilla, el presidente de la Generalitat de Catalunya? Ai Areces, van date un toque dende Génova...

Los cuartos. Con esos nun se xuega, neso tou d'alcuerdo cola Cousa Nuesa. Colos cuartos, nun se xuega (anque sían fondos mineiros). Bono.

Agora Areces llanta la "jeta" a Montilla. Cumo digo, a ver hasta cuando. Porque Zapatero mandara-y abocanar. Eso, cumo ta mandáu. Vei prestar. Ya lo meyor, Areces inda vei tener que pautar cola coalición d'Izquierda Xunida- Bloque por Asturies- Los Verdes... ¡ai, dichosu nacionalismu!

Conque paez que'l PP d'Asturies ta entamando a paecese, adulcies, al PP de Galicia, colas cousas rexonalistas, ya eso. Ui, ui, ui.... A ver si de los prósimos congresos de la dereicha sal un partíu más paecíu al PP de Galicia ya menos al PP de Madrid, ya daquién vei tener que baxar los pantalones.... daquién de Mieres con cara Raposu... (Ou de Cangas, con cara chuloputas).

Perdón pola expresión anterior. Tou refiriendome a Lastre, el home del PSOE, el qu'anda a navayadas colos del "bable".

Bono, el panorama ta mui interesante. Dende'l PP d'eiquí hai nuevas consideraciones pa cola llingua, outra sensibilidá que recuerda a la del Gallegu nos 80. Más val tarde que nunca, ya axallá veiga alantre. Entamos hailos nel diariu-blog: http://www.asturieslliberal.nireblog.com/. Dende la outra pata, la izquierda más izquierda que representa IX-BA-LV adopta cada vegada una defensa más bultable del asturianu.

Asina qu'habrá que ser optimista. Pero la cousa inda ta gacha...

Dende Llión tamién

2008-03-19T10:35:00.004+01:00

Presta equivocase ya reutificar cuando ha llugar. Por exemplu cuando falamos últimamente de los llioneses, que dicimos que "nun saben escribir correutamente". Eso nun ía asina munchas vegadas ya casos de bonos escritores ya falantes hailos: González-Quevedo, Eva González, Xosepe Vega, Héctor Xil, Nicolás Bartolome Perez... ya más que deixo na pluma.

Conque tamién hai xente anónima qu'afuxe de los vicios (que non vezos) llingüísticos d'Abel Pardo (& company) pa escribir nuna llingua esistente ya afayadiza; creyendo na unidá del idioma ente'l Cabu Peñes ya Miranda del Douru (dambos inclusive).

Tou falando de la revista satírica llionesa "LA VOZ DEL OESTE".

Ente outras cousas los llioneses tienen, nun solo cumo vecinos, sinon cumo socios, ya más dacuando cumo amos a Castiella. Pero non a la Castiella del pueblu, la Castiella de segadores, trabayadores, pastores, proletaria... La Castiella del Poder. Ya pasa-ys un pouco cumo a nós cola F$A, quieren facelos fatos.

Poro, dende Valladolid, los políticos Imperiales amuesan una realidá chocante pa colos Indios Llioneses: Agora dicen-ys que la distancia más curtia énte Zamora ya Llión nun ía nin la llinia reuta nin la distancia xeodésica: Ía la llinia Pucelésica, que pasa, cumo non, Valladolid.

Presta tamién ver cumo na Comunidá Bicéfala, la vecina, la d'al sur de la Cordalera las cousas fainse cumo-ys da la gana a unos poucos. Asina nel estatutu somos paecíos. N'Asturias la F$A diz que "nun va a imponer la cooficialidá". Hai que tener coyones, nun cansaréi dicir que cooficialidá ía lo menos paecío a imposición.

Pues en Valladolid van facer un estatutu inconstitucional dafechu, saltándose la llegalidá vixente, entamando pola propia reforma prevista nel nuevu estatutu nel sou artículu 91. ¿Quién ta detrás d'esto? Cumo non, el P$OE de Castiella ya Llión.

Estos del P$OE tienen-y especial zuna al Oeste llonxanu... Indios somos n'Asturies ya en Llión.

La Voz del Oeste, númaru 4 (http://telefonica.net/web2/lavozdeloeste)

Toca Reforma

2008-03-16T12:15:00.006+01:00

"LASTRE" YA LA SUA VERGOÑA

Dempués de las eleiciones, llega la Reforma del Estatutu. A ver en qué acaba la cousa.

Eleiciones pérdidas pol PP (n'Asturias ya n'España), ya marcadas pol bipartidismu, un bipartidismu que fundíu a IU (IX-BA-LV n'Asturies). Ía una pena que los escaños se repartan ente duas organizaciones namái, pero bono... España votóu.

N'Asturias agora toca Reforma estatutaria. A ver que sal.

Lo qu'ía cierto ía qu'estas eleiciones marcanon l'axenda. Ou eso quieren facenos creer la F$A, la sua socia presupuestaria la FADE (por aciu del ACEBA) ya'l muérganu propagandísticu d'ambas, LVA ya LNE, respeutivamente.

El PSOE ganóu estas eleiciones n'Asturias gracias al tirón de ZP. Porque Álvaro Cuesta fou un personax más bien pizarrosu. El PP minimizóu la derrota presentando a esi monstruu políticu qu'ía Gabino de Lorenzo. Pero la dereichona metéu mieu con Rajoy, ya estos años d'oposición.

Sicasí, n'Asturias algamanon -con esa bas social asturiana d'izquierdas- la metá de los diputaos, ya Gabino dixo que gobernaría'l quintu diputáu (ente llinias: él nun se diba mover d'Uviéu). Colo que la maquiavélica dereicha, minimizóu n'Asturias perdas.

Los sociatas dicen que la llingua nun vei ser oficial. Ía más, Lastra (Lastre), dempués de matar tola sua vergoña defendiendo la obligatoriedá del usu del catalán en Cataluña pues nun-y queda nada pa dicir que'l asturianu ía "una modalidá llingüística ya que n'Asturias nun hai conflictu col idioma". Díxolo en Les Noticies.

Agora vei facenos tontos.

Pero you tou frotandome las maninas. ¿Por qué? Porque toca reformar l'estatutu, qu'ía unde se prevee la oficialidá. Ya las cartas tán puestas enriba la mesa. Ya IX-BA-LV apoyan la oficialidá. El PP tamién lo deixóu bien claro nel sou diariu www.asturieslliberal.nireblog.com. Los resultaos eleutorales fonon positivos, minimizando la derrota. La F$A yá perdéu la pouca vergoña: yá nun fala d'obligatoriedá, el PP esclarióu la diferencia ente obligatoriedá ya oficialidá. Ya la F$A nun pue dir p'atrás nel sou discursu, si l'asturianu ía ou non idioma. Lastra nun tien la suficiente autoridá nin conocimientu científicu pa dicir que l'asturianu nun ía un idioma, cuando la llingüística asina lo afita. Nin tampouco caben nuevas interpretaciones constitucionales.

A nun ser que tengan los Santos Coyones (con perdón) de querer camudar la Constitución, pa ñegar cualiquier tipu d'oficialidá que nun sía la de la llingua castellana.

Había que lo ver.

Agora'l PP ta pol asturianu

2008-03-07T19:37:00.003+01:00

El Gran Saltu del PP

Yera hora. Yá taba bien. Por fin el Partido Popular asturianu xúbe al carru la oficialidá.

You nun vou agaradece-ys nada. Non. Nun teo en realidá por quéi. Lo que sí, da-ys la Norabona. Reutificar ía cousa de sabios, dicían los griegos. Ya nesi sen, el PP amuesa, polo menos bon facer.

Toi falando del sofitu del PP a lo que nunca houbo ser un problema, a la institución prevista pola Constitución que los ciudadanos d'España NOS dimos. A la oficialidá de las llinguas d'España, siendo l'asturianu una d'ellas, cumo'l castellán miesmu.

Pos el PP agora da la manu a Asturias y a los ciudadanos. Nun sofita nengún inventu. Conste que l'asturianu ía llingua tan propia de la derecha cumo de la izquierda política, de ricos cumo de probes: l'asturianu ía la llingua de toos.

Nun ía un llogru del PP tampouco. Ía un llogru de la reivindicación democrática más vieya d'Asturias, del movimientu qu'aconceyóu demientres más de 30 años al pueblu asturianu. Pero col PP yá tamos toos. Tamos los que somos, y somos los que tamos.

Col PP del llau de la llingua namái queda la radical F$A, que nesto de la llibertá llingüística furrula d'aquella manera.

Véuse bien nun alderique que touvieran la popular Isabel Perez-Espinosa col "socialista" Fernando Lastra. Resulta qu'en Cataluña multan por nun usar el catalán, pero n'Asturias prohiben l'usu del asturianu. Ya dende Asturias Lastra, armáu d'un bon carráu de pouca (ou nenguna) vergüenza defende esa miesma situación, la torga de dereichos a los falantes de las diversas llinguas. Hai que marxinar a los ciudadanos pola sua llingua.

El Movimientu Llingüísticu n'Asturias touvo que tar a todas. Primeiru que nun había norma. Fízose norma, asoleyóuse gramática normativa ya diccionariu . Llou nun había produición cultural (lliteratura). L'añu pasáu -2007- fou un mal añu, según dellos espertos, pa la produición cultural asturiana. Unos 35 discos ya más de 100 publicaciones. Fai fumu. Tampouco había sofitu social. Ehí ta'l CAO, con más de 250 asociaciones detrás. El conflictu llingüísticu, ¿úlu? Los casos de torguas de l'alministración, na Universidá ya en Salú...

¿Qué l'asturianu tien dialeutos? Claro. Cumo tolas llinguas. Por eso ía un idioma.

Nos últimos años, la F$A vien tornando la igualdá de dereichos pa los asturfalantes. Llénase-ys la bouca colo de "Promoción sí, obligatoriedá non"... mentres la obligatoriedá nun sía la del castellán, claro.

Ya pidían que fora'l PP quien diera'l pasu... ¿quién gobernaba?

Agora, el PP déu'l pasu. Xunto a esti partíu, ta la coalición IX-BA-LV, colos sous 4 escaños na Xunta Xeneral. Suman 24 de 45. El PP tien n'Asturias más votos que la F$A. Ya ehí tán los partíos estraparllamentarios: PCPE, UNIDÁ, AA, URAS-PAS colos sous votos.

¿Sedrán tan fatos los de la F$A cumo pa siguir calteniendo ente ún de los sous llogros la torna de los dereichos llingüísticos a los asturianu falantes, ya discriminando a los ciudadanos por mor de la llingua?

Verémoslo na prósima reforma estatutaria.

De prexuicios vei

2008-02-27T18:45:00.002+01:00

SUBVENCIONES A LA CULTURA N'ASTURIANU... UUUU!!!

L'apasionante mundu d'echar la llingua a pacer ía, davezu, cousa seria. Pero hai que lu abordar, porque esa mentalidá, esa manera de ver las cousas ta mui afitada nas mentes populares.

Conque, dende fai cuantayá esieste un temor más que tremendo, you diría irracional ya fuín pa cola promoción ya usu del asturianu, n'especial colas subvenciones pa las publicaciones n'asturianu.

Ye mui chocante.

Veimos al añu 2007 (l'añu pasáu). La cuantía total fonon 20.000 euros, ya las publicaciones fonon más de 100 llibros ya 35 discos...

You nun séi si los datos que manexo (de la páxina del Gobiernu del Principáu) tán bien... peime que sí.

You faigo unas entrugas:

¿Paecenvos 20.000 euros de sovención a la cultura asturiana -mui minorizada- escesivos?
¿Creyéis que quien publique n'Asturies con esos 20.000 euros -cola parte que-y correspuenda- fairase ricu?
¿Nun creyéis que, realmente, si publicaran en castellanu, diban los nuestros artistas tener más posibilidá d'acceder a un mayor mercáu, ya polo tanto, ganar más cuartos que esa participación nos 20.000 euros, ya en munchos casos diba a significar, na práutica, palmar cuartos?

Quinientox Millonex d'Árbolex

2008-02-22T15:53:00.004+01:00

CAMPAÑA ELEUTORAL

Entaman las eleiciones xenerales, y los candidatos abeyan pidiendo votos ya prometiendo promesas. Dende Asturias, la nota coloríu ponla, cumo non, la F$A, presentando a un candidatu que nun ía asturianu: Ía Madrilán.

Conste que nun teo nada contra los madrileños, pero, digo you, ¿nun habrá n'Asturias socialistas pa presentar a un asturianu cumo representante d'Asturias en Madrid? Claro, colos compleixos que tienen los nuesos socialistas, imaxinanse a Gutiérrez, a Fernández o a Lastra en Madrid torgando a catalanes, gallegos, Valencianos, Navarros, vascos, baleares por usar con nomalidá la llingua propia? Nada, meyor que nos respresente ún de fora. Ya si pudieran presentase a las eleiciones a la Xunta Xeneral xente de fora tamién, ensin los compleixos llariegos, pues un tanto meyor.

De toas formas, faciendo dempués del incisu téunicu colas cousas de la F$A, a min lo que más me chocóu fou la propuesta de Rajoy, el cabezaleiru del PP, afirmando que si él ganaba las eleiciones "diba llantar quinientox millonex d'árbolex en tola llexislatura".

De la que lu sintiera, camudaba que yara'l guiñol de Cuatro de Mariano Rajoy. Pero llou vi que yera Rajoy de carne y güesu quien lo dicía. Increyible.

Quinientos millones d'árboles... son munchos árboles. Agora, ía una cousa que you sofito. Árboles, cuantos más, meyor. El problema ía que nun séi you si habra sitiu. Ía una custión puramente material, porque los árboles ocupan sitiu. Físicu, refiero, non filosóficu, nin d'outras tribas.

Colo que you, cumo votante y espectante, si poudiera face-y una entruga a Rajoy, ésta diba ser: "Los quinientox millonex d'árbolex, ¿aoú los ponemos?".

Darréu l'entamu la pegada cartelos (en realidá, la campaña ía eso, porque téunicamente tán tola llexislatura de campaña) soceden cambeos maraviyosos, increyibles ya megacósmicos. Por exemplu, el PP diz que cumo'l catalanismu de dereicha se puenga a tiru, pautamos con ellos. Ya que bono, qu'ellos el catalán en realidá tán mui a favor d'él. Cumo socede n'Asturies, col PP, agora tán alcordándose del idioma. La F$A, sigue cumo taba, un poucu más indignada, si cabe.

Ya noutru tema, respeutive a los candidatos, pues presta ver que los trés que se presentan (el d'IX, el del PP ya'l del PSOE) son asturianos a cual más.

Polo visto, Rajoy vivíu n'Uviéu dellos años, de guah.e, ya guarda un bon recuerdo d'eiquí. Zapatero algamóu la sua conciencia política ya ideolóxica a camín de Rudiermu ya Xixón, magar que Rudiermu nun tea n'Asturies, la xente sabe que Rudiermu ía pa la F$A cumo la Meca pa los musulmanes ou El Vaticano pa los cristianos. Ya Llamazares, bono, nacíu en Logroño (por favor, ensin rima, neñas) fou criáu en Salinas, dizse asturianu ya foi'l primer parllamentariu en Madrid, dende que morréu'l Raposu que falóu nuna cámara (el Senáu concretamente) que falóu asturianu.

Ehí queda eso.

Aniversariu

2008-02-16T19:58:00.003+01:00

Nantes d'entamar l'actualización de güei, poneivos en pía, ya colocái la manu izquierda na gónada dereicha...

EFEMÉRIDE BORBÓNICA

Prestan los aniversarios. 2008 ía una data mui especial: Parigüela cumple 70 años, mentes que Maizón cumple 40 (¿crísis incluyía?). Consuela ver qu'inda vei haber campechanería borbónica pa ratu...

Sí. Ya si falta dalgún tienen el tingláu atáu ya bien atáu (Maizón tien duas fiyas, ya Parigüela outras duas, que, a la sua vez, tienen un carráu fiyos caduna.

Esta entrada paez una esquela, pero nun lo ía: Colo que queremos a los borbones (Borbón tien un paecíu ablucante con bourbon, una bebida alcóholica...).

Vei por ellos....

Happy Birthday to you

Happy Birthday Mr. King

Happy Birthday Celipín...

Morréu'l Tomate

2008-02-08T17:55:00.000+01:00

¡CASPA, CASPA!

Acabou'l Tomate, pero pa siempres. Cumo suel pasar, cuando morre daquién la xente atristaya ya remembra al fallecíu con dolor. El casu ía que'l tomate foi un programa que representóu la TeleBasura en tol sou esllendor: basoria polos güeyos ya oureyas.

Carmencita Alcayde ya Jorge Javier Vázquez depués de xantar allegraban las dixestiones a muncha xente, pero la verdá ía que'l programa yera pa meixar ya nun echar gota. Falando de xente muerta, metiendo'l deu na llaga siempre, insultando, azorrando cumo la fouguina, embruteciendo'l país, agora na sua muerte pseudoperiodistas dicen que vei entrar esi modelu de programa nos estudios de las facultades de periodismu... cumo exemplu a nun siguir.

En fin.

You pienso que podían facer una versión asturiana -agora que yá nun s'emite pa tol estàu- na que saliera un Tomate colos personaxes llariegos; que sei you, con Gustavo Bueno ya Josefina Martinez. Alarcos podía ser cumo una folclórica fallecida. Ya con Jesús Neira en plan Duquesa d'Alba (la culpa nun ía de don Jesús, sinon de la "intelligentsia provincial", que lu sacan de paseu, cuando esi home tenía que tar disfrutando d'un bon retiru tranquilu).

Ya Gracia Noriega y Esteban Graciet en plan Mariñas/Karmele. Nun digais que nun diba prestar...

¡Ya los políticos! Qué malos sois... tais pensando na que tais pensando: en Paloma Sainz. Ía un poucu cumo Ana Rosa (la d'AR) pero nuna versión más asturiana, más "de montaña". Si la mona...

Ya que nun dicir de los xugadores del Sporting ou del Uviéu, ou de Fernando Alonso, ou de Letizzzia ya compañía, Arturo Fernández en plan Mark Ostarcevic, ou el gran Villa, el del SOMA; ési ía'l nuesu Humberto Janeiro.