31/12/2007
Adiós, 2007
Acábasenos esti añu 2007 yá. Un añu guapu, por eso del "007". Pero eso namái na cultura occidental, ya que outros pueblos cumo'l chinu, l'hebréu ou'l musulmán rixense por outros calendarios distintos. Por nun falar de los países de relixón ortodoxa, tamién con outru calendariu distinto al nuesu.
2007 fou un añu d'inflexón. Fou un añu nel que houbo ralentización económica nel trimestre cabeiru, houbo n'Asturias el fin del "Tayuelín", el gobiernu ente F$A ya IX-BA, ya agora gobierna la F$A namái. Fou tamién l'añu en que la TPA entamóu la sua programación -mínima- n'asturianu. Fou l'añu nel que la sexta llegóu a munchos llares, nos qu'antias inda nun llegaba.
Fou añu n'Asturias d'eleiciones, ya outra vuelta más, la F$A ya'l PP feixenon gala de cumo siendo mediocre se pue gobernar outros cuatro años esti país, ya que la oposición nuna democracia pue ser el mayor cultu a la mediocridá. Tamién l'asturianismu feixo evidente qu'ía'l partíu de la ineficiencia. Tán fora de la Xunta Xeneral non por culpa de los partíos llamaos "españolistas", nin pol votante asturianu "non asturianista", sinon porque ellos miesmos cenciellamente nun lo valen. Ya lo meyor de too, qu'aporfían nas suas erras. IX-BA-LV, renovanon el sou discursu, dempués d'un añu nel que la xebra interna fou un tachón a los años de gobiernu xunto a la F$A, años nos que dexanon dellas políticas interesantes ya qu'albidranon outru futuru p'Asturias meyor. Ehí ta la toponimia, el trabayu de Xusticia ou de Vivienda...
Nel 2007 quitaron a Gustavo Bueno una subvención, polo evidente, más que nada. Fou l'añu en que Gabino falóu n'asturianu. Ya l'añu nel que'l PP dixo eso de, buó, "asturianu sí, hasta...", hasta la llende de siempres. El día que digan lo de xusticia, ganaran las eleiciones, porque ía de xusticia, llei ya dereichu, la oficialidá. Ya qu'en 2007 salienon a glayar lo evidente 20.000 personas a la cai nuna tarde de lluvia por Uviéu. Magar de que dellos políticos asturianos, n'ayén a la sua tierra, ya cola visión puesta en Castiella, Madrid ou Bruxelas nun faigan casu.
2007 fou l'añu del homenax a Juanín, áu fou evidente outra vuelta más lo evidente, ya la F$A touvo, esta vegada que tragar ya arimase al pueblu asturianu. Inclusive'l presidente lleyóu eso de "Juanín, Llabraor de Llibertades", magar que públicamente se-y atragantara la llingua que tien tan atragantada.
La F$A ta cada día más paecía a Democracia Nacional polo menos no identitariu n'Asturias. Anque la Toponimia ou la programación n'asturianu de la TPA sían un éxitu. Anque cada añu haiga un porcentaxe mayor de guah.es que deprendan asturianu, cada añu más escolinos estudian la nuesa llingua en primaria, secundaria ya universidá. La producción musical n'asturianu d'esti añu fou pequena... ¡40 discos! En fin, la nuesa produición cultural ía enforma grande. Merez más que la clandestinidá que-y dan los políticos.
Poro, pa esti añu 2008, esperemos facer las cousas bien, ya consiguir qu'Asturias sía más Asturias, más verde ya más avanzada.
FELIZ AÑU 2007 A TOOS/DAS!!!
Labels: Actualidá
18/12/2007
Presupongo Presupuestos
De Santa Bárbula dizse qu'alcuerdase ún cuando llueve. Ía un bon simil col que mirar la situación de la Xunta Xeneral nestos días, cuando la F$A nun ía quien pa sacar alantre los presupuestos del país.
Nun ía quien porque, anque sía la fuercia política con mayor representación nel edificiu hestóricu, ta en minoría ante una votación conxunta del PP ya de la Coalición IX-BA-LV.
Colo que, cumo nun soupienon negociar nel sou día con IX, agora han atenese a gobernar en minoría. Ya si nun son quién, a prorrograr los presupuestos. Ya si con ello nun llega, qué faigan cumo en Salas nas fiestas: que saquen a Jesús Gutiérrez con una xata por Asturias pa que colo que saque nuna rifa tengamos los asturianos cuartos. Eso sedría, por parte de la F$A responsabilidá... ¡Quién vería pola cai Uría a Villa, a Lastra ya Gutiérrez, col monu d'Hunosa, ufiertando la xata (quiero pensar del país -anque colo retorcíos que son... venderan ganáu "de lidia"- a bon preciu.
En Salas, repito, eso fáise. Ya sácase cuartos, cumo faen en La Espina ou Corniana. En Pravia, Tinéu, Balmonte ya Grau tamién. ¿Por qué nun lo fain a nivel d'Asturias la xente la F$A?
Anque yá entamanon con dalguna midida al respeutive, pa economizar cuartos. Asina, Xixón cortóu-y la subvención a Gustavo Güevu. Yera lo que venía defendiendo, él ya los sous discípulos: ¡cuartos a la llingua nin a outras "mierdas culturales" NON! La cultura ía engañu.
Pos venga, na frente.
Los cuartos, da gustu ver cumo faen cimblar los nervios de los dirixentes d'esi partíu. Más que'l verde, la cultura ou los trabayadores d'Asturies.
Ya esntós, col nerviu, vese bien con quien vei de la man el "Partido Socialista Obrero": Cola FADE, cola Patronal Asturiana. You hai cousas que nun entiendo. Cumo'l recibiemientu al Dictador Gadafi.
Labels: Actualidá
01/12/2007
Viaxes
Quitanon los foros d'Asturies.com, llar d'alcuentru de los asturianistas, ya óu tol mundiu ponía lo que-y petaba. El problema yera que tratábase d'un llugar d'alcuentru d'asturianos-asturianistas, colo qu'eso tien. Ya bono, faltosadas ya puñaladas de lo más pintorescu, cumo si fora un pouco'l Tomate del asturianismu.
Yaran un poucu, tamién, cumo la segunda cadena, que tola xente diz que la ve, pero nun la ve naide. Solo qu'eiquí na inversa: tola xente diz que nun paraba ehí, pero en fin. Hehehe...
Bono, ya a parte d'esto, tamién un llugar de friquismu, áu los houbiera. You vou quedame con un foreiru que ponía dalgo asina cumo "dir de turismu llingüísticu".
Wow!!! "Turismu Llingüísticu". Cumo creo que fora gallegu, "Turismo Lingüístico", pero lo miesmo.
Pos nada, que cumo yá nun hai foros d'asturies.com, vou empobinavos (pa que veyais que you, anque nun paraba tampouco, taba al tanto de lo que se cocía) dellos sitios pa que faigais "Turismu Llingüísticu" ou alternativos similares:
-Ourense: na Provenza d'Ourense fálanse los trés dialeutos de la llingua gallega, d'oucidente a oriente: Occidental, central ya, si neños mious, oriental.
-Badajoz: Na provenza Badajoz, a parte del castellanu, con acentu sureñu, fálanse dos dialeutos prestosos: ún cercanu al gallegu, nel Valle del rigu Ellas, ya outru paecía al asturianu, llamáu castúo ou ehtremeñu.
-Güesca ía una provenza tamién mui recomendable, pa esto del turismu llingüísticu, particularmente pa min mui prestosa, porque nella atoupase un idioma de los chachis: l'aragonés, que, contra lo que se diga preí, esieste, ya ía guapu. Amái, na franxa "de ponient", catalán, cumo en Lleida. Nel restu la provenza podéis comprobar que se fala castellanu.
-Álava/Araba: Contra lo que muncha xente piensa, en Álava nun se fala euskera, al menos ente la xente mayor nacida nesa provenza (nun hai falantes patrimoniales cumo en Guipuzcua ou Navarra). Sí, n'Alava fálase castellanu, contra lo que se piense en xeneral.
-Esto ía lo que llamo you una doble media verdá: el vascu ía un inventu (l'estandar ou nel sou casu batua, pero cumo cualquier estándar, hasta'l Sacrosantu castellanu ou Español) ya'l vascu naide lu falaba (n'Alava, en Guipuzcua ou Bizcaya ou nel Pirinéu Navarru ou outras comarcas euskaldunas si se falaba, cuidáu).
-Cruceiru llingüísticu pol Mediterráneu: dende Barcelona a Valencia, vía Palma de Mallorca, pa que vean las diferencias ente'l catalán ya'l valencianu. Son duas llinguas estremadas...
-Cantabria, cuna del castellanu, según Revilla (el presidente patrocináu por una marca de chourizu). Ya tamién, según dalgún outru cántabru, patria de la milenaria llingua "cántabra", atapecida pol estáu español, una llingua d'orixe célticu con trés mil (3.000) años d'antigüedá.
-Safari pol páramu llionés: Castiella, col castellanu, Cataluña col catalán ya las montañas vascas col euskera, son xunto con Llïón (ya la iderredenta comarca de Valdïorras) la patria del Llïonés, una de las llinguas chulas "del Estáu". El llïonés ta mal por cuenta los asturianos, los gallegos ya los castellanos. Pero si nel noroccidente de la península ibérica se fala daquéi, eso ía'l "llïones".
Nota: Esta llingua numái la fala xente del CX, nel restu falase cumo n'Asturias.
Labels: Actualidá
![](http://www.alianzo.com/ranking-blogs/boton.php?url="htpp://www.munduxaime.blogspot.com")
