26/09/2007
Última hora!!!
Noutru orde cousas, sigui en pía'l post anterior... Bona idega la de Vity, axuntase'l 24 Payares, día que sal en procesión por Uviéu San Bable. La cousa sigui abierta
# ¡Las cousas qu'acontecen nesti mundu! "Poro, la realidá soupera la ficción" Diestru @ 12:16 pm 5 comments
25/09/2007
Asturblogger Total
A Hundred AsturBlogs...! Fai cuantayá, Manín!!!
¿Cuántos blogges hai yá n'Asturias na nuesa llingua? Yá son un montón... L'outru día, ensin dir más llonxe ya ayeri en concretu, asistí a la ñacencia d'ún:
http://www.asturiescelta.blogspot.com/.
Yá hai blogues n'asturianu de temática variada: música, fúbol, cine, opinión, asturianistas, d'humor, d'aneudotas/ociu, de viaxes, feministas, noticias, ecoloxía, política, de cocina, de lliteratura, el míu... etc.
La variedá temática ía mui bona pa la llingua. Mui pero que mui bona. Eso afaya socialmente la idega de que l'asturianu ía una llingua que val pa tou, pa falar de lo que sía. Vaya, la prueba de la hipótesis Sapir-Whorf.
Falando con outru blogger, El Chamicu, alcordamos que yara bona idega facer, meyor, institucionalizar un "Alcuentru Internacional de Bloggers en Llingua Asturiana", ou dalgo asina. Podía facese unos días antias de la Selmana de Les Lletres. Tolos años, xuntar la llingua, la llingua asturiana que, día a día, apaez na rede. Porque la llingua participa activamente na rede, ta presente.
Pa la llingua, taría bien institucionalizar una cousa asina. Pa dalgunos, pa qu'aprendieramos más cousas. Col exemplu de Gonzalez y Gonzalez col tema d'Esbilla.net ya Ximielgame.net, podía haber unidá pa facer dellas cousas, cousas constructivas, pa cola llingua qu'usamos davezu ya los políticos asturianos nun reconocen tamién davazu.
Home. Tamien yara una idega facer unos alcuentros de foreiros habituales d'Asturies.com, pero avisaime pa marchar pa Corea del Norte.
¿Qué vos paez tou esto? Nun vos cohibais...
Labels: Asturbloggosfera
# ¡Las cousas qu'acontecen nesti mundu! "Poro, la realidá soupera la ficción" Diestru @ 12:27 pm 5 comments
21/09/2007
Desendolcu S.O.S.tenible
POLÍTICA AMBIENTAL NEL CONCEYU SALAS
Resurdo cual Ave Phoenix de la povisa p'amosar a un amigu míu lo qu'ía un modelu de progresu del de verdá, de "Royal Politik" non esas dotrinas de Progres ya EcoloJetas ya pa enriba del Bable (col componente Ruempe-Españas xudeo-masónicu. Un día veremos a los del bable colas metral.letas... yá tan encargadas a Alemaña)
Conque víu cumo un Campu Golf(os) dinamiza'l progresu. Los homes dempues de segar ya espachar el ganáu vein xugar un ratu. Pienso qu'el campu golf(os) camudounos la vida, pero pa meyor.
Llou'l tema de los aeroxeneradores, una suerte molinos de vientu quixotescos versión sieglu XXI, que presiden las nuesas atrasadas brañas. Anguaño, producen... El progresu ¿áu parará?
Nun perdemos tiempu col bable. Creemos nun ía necesariu la sua promoción. Porque'l nuesu enfotu centrase más nel desarrollu d'infraestructuras, que dinamicen la economía patria. Poro, cuidamos las nuesas carreteras con dos coyones (lliteralmente... en serio, lliteralmente).
Ya finalmente, colas canteras a cielu abiertu matamos dos páxaros del miesmu tiru: Facemos esti estáu más uniforme (cada vegada paezse más a Castiella too) ya fomentamos la democracia: ¿Nun ía democráticu pasase las normas morales ya cívicas mínimas pol Arcu'lTrunfu pa qu'unos poucos disfruten de las migayas de las plusvalías arrancadas a los probes campesinos Salenses del Sieglu XXI, n'Uviéu, Madrid ya Lisboa?
Labels: Ecoloxía
# ¡Las cousas qu'acontecen nesti mundu! "Poro, la realidá soupera la ficción" Diestru @ 9:54 pm 1 comments
17/09/2007
Preparaivos
¿REFORMAMOS L'ESTATUTU?
Bono, arímase la Reforma l'Estatutu d'Autonomía d'Asturias, ya n'Asturias cumo los demás los reforman, pos nada, habrá que camudar el nuesu.
Home pouca cousa. Esta Región nun precisa en realidá un estatutu d'Autonomía. You taba por entregallu ya que fora Madrid direutamente quien gobernara Asturias. Ensín Xunta Xeneral, total, ¿pa qué?. Un gastu innecesariu.
Llou ta'l tema de los rasgos identitarios. Vien siendo un problema p'Asturias. La llingua, la cultura, la denominación... Bono. You, de facer dalgo, un entamu pal Estatutu -de facellu, digo- que dixera dalgo asina:
"Preámbulu:
La Región Asturiana, inspirada nos feichos asocedíos en Cuadonga ya baxo la Imaxe de la Santina, reúnese p'asoleyar esti Estatutu d'Autonomía...etc"
Pero parez ser que non. La F$A aspira a la máxima asunción de competencias pal nuesu estatutu, menos las que digo: llingua ya denominación.
Esplícome mal, vaya. Llingua si ta asumía -cumo un problema políticu. Pero'l nuesu estatutu vei deixar -con un par- l'idioma asturianu ensín oficialidá. La institución de cooficialidá, n'Asturias, entiendese cumo "Obligatoriedá" sentando n'España un precedente.
Ya la denominación, tamién recoyía. Nin "Nacionalidá" nin nada. "Región" cumo na RTPA. ¡A ver cuando llamamos a las cousas pol sou nome!
Eso sí. El Peaxe del Güerna, ehí apoquinamos toos los Asturianos. Eso ía una amuesa de Solidarídá. Condosco, outra vegada...
Asturianos... ¡quien los quiera!
Labels: Actualidá
# ¡Las cousas qu'acontecen nesti mundu! "Poro, la realidá soupera la ficción" Diestru @ 4:17 pm 1 comments
08/09/2007
Feliz día de la Patria Asturiana 2007/ Feliz día da Patria Asturiana 2007
8 de Setiembre día de la patria Asturiana. En realidá ía una festividá folclórica, más qu'outra cousa. Polo menos pa las autoridades políticas. Lleo hasta la propaganda d'una conocida multinacional un "Puxa Asturies", pero los políticos...
Correspuende agora non facer una crítica a Areces, sinon una reflexón dende dientro. Anque pa los políticos asturianistas ía un exerciciu que reoza la imposibilidá, casique.
L'Asturianismu políticu ía una de las trés patas del asturianismu. Ta'l cultural, que gocia de gran prestixu; ta'l cívicu, que medra día a día, ya caltre más na sociedá; ya ta'l políticu, que nun reflexa ningún de los outros dos.
L'asturianismu políticu amuesa una idega política mui bona p'Asturias. Pero, cousa chocante, amuesa una forma política mui mala p'Asturias. El sou llabor nun tien reflexo nas urnas, simplificando.
Piensen na película La Vida de Bryan. La escena esa que tan nel Circu, el frete popular de Galilea, el frente xudaicu popular, el frente hebraicu popular... etc. Pa mia idega los guionistas de los Monty Python pensaban n'Asturias. Hai una escena na que nun saben cumo se llama'l partíu... ensin malicia, ¿a qué-ys suena?
Pos sí, milenta partíos que más ou menos dicen las miesmas cousas: Oficialidá, más competencias, más autonomía, más pesu p'Asturias, más Asturias en definitiva... Pero nun son quien xuntase p'algamallo.
Personalismos pueriles (que si'l mandamás d'un partíu tien que da-y al lider d'outru unos apuntes de cuando la Universidá), esencias intocables (cumo una pelea ente dos miembros d'un partíu pa ver cual yera más asturianu), grandonismu (nun necesitamos xuntanos con naide... pa siguir fora de la Xunta Xeneral) son el pan nuesu de cada día.Conque nun estrañe que la cousa nun cuaye na política.
Pola mia parte, cumo veo que pa las prósimas eleiciones nun se puenen d'alcuerdo pa xuntase (dalgo polo que la masa asturianista clama nesta vispora del Día de la Nación), pues yá vei siendo hora d'entamar a trabayar por camudar un proyeutu políticu que nun val, creo que cumo munchos más asturianistas votarei en blancu ou a una opción non asturianista.
Una opción asturianista qu'ilusione a la xente, ya anime a que participe dientro d'ella.
El con tiempu avisa...
8 de Setiembre día de la patria Asturiana. En realidá ía una festividá folclórica, más qu'outra cousa. Polo menos pa las autoridades políticas. Lleo hasta la propaganda d'una conocida multinacional un "Puxa Asturies", pero los políticos...
Correspuende agora non facer una crítica a Areces, sinon una reflexón dende dientro. Anque pa los políticos asturianistas ía un exerciciu que reoza la imposibilidá, casique.
L'Asturianismu políticu ía una de las trés patas del asturianismu. Ta'l cultural, que gocia de gran prestixu; ta'l cívicu, que medra día a día, ya caltre más na sociedá; ya ta'l políticu, que nun reflexa ningún de los outros dos.
L'asturianismu políticu amuesa una idega política mui bona p'Asturias. Pero, cousa chocante, amuesa una forma política mui mala p'Asturias. El sou llabor nun tien reflexo nas urnas, simplificando.
Piensen na película La Vida de Bryan. La escena esa que tan nel Circu, el frete popular de Galilea, el frente xudaicu popular, el frente hebraicu popular... etc. Pa mia idega los guionistas de los Monty Python pensaban n'Asturias. Hai una escena na que nun saben cumo se llama'l partíu... ensin malicia, ¿a qué-ys suena?
Pos sí, milenta partíos que más ou menos dicen las miesmas cousas: Oficialidá, más competencias, más autonomía, más pesu p'Asturias, más Asturias en definitiva... Pero nun son quien xuntase p'algamallo.
Personalismos pueriles (que si'l mandamás d'un partíu tien que da-y al lider d'outru unos apuntes de cuando la Universidá), esencias intocables (cumo una pelea ente dos miembros d'un partíu pa ver cual yera más asturianu), grandonismu (nun necesitamos xuntanos con naide... pa siguir fora de la Xunta Xeneral) son el pan nuesu de cada día.Conque nun estrañe que la cousa nun cuaye na política.
Pola mia parte, cumo veo que pa las prósimas eleiciones nun se puenen d'alcuerdo pa xuntase (dalgo polo que la masa asturianista clama nesta vispora del Día de la Nación), pues yá vei siendo hora d'entamar a trabayar por camudar un proyeutu políticu que nun val, creo que cumo munchos más asturianistas votarei en blancu ou a una opción non asturianista.
Una opción asturianista qu'ilusione a la xente, ya anime a que participe dientro d'ella.
El con tiempu avisa...
Labels: Actualidá
# ¡Las cousas qu'acontecen nesti mundu! "Poro, la realidá soupera la ficción" Diestru @ 11:26 am 2 comments
![](http://www.alianzo.com/ranking-blogs/boton.php?url="htpp://www.munduxaime.blogspot.com")
