30/06/2007

 

Esi color verde

POLIGONU INDUSTRIAL DE LA RODRIGA: ÁU DAMOS, ACERTAMOS


La Rodriga ía una d'esas aldeyas del Conceyu Salas que partenecen a la parte la Veiga'l Narcea. Ía zona fluvial ya ta cerca de la villa Corniana.

Resulta que la veiga La Rodriga ía una veiga amplia, llana, grande, solana, ya con esa tierra negra que deixan las crecidas del Ríu Narcea.

Pos bien, el Conceyu Salas creye qu'esi ía'l sitiu más idoneu pa facer un polígonu industrial. Ya digo you, ¿pa premiar el tradicional espíritu empresarial de la zona? ou seique, sicasí pa ¿fomentallu?

Nun sei. You sou de la opinión que de facellu habia que ponellu a la salida Corniana camín de Salas, eillí las tierras son llanas tamién, pero de peor calidá. Amai nun hai salmones (nesi tramu del Ríu Nonaya).

Ya finalmente, la xente Corniana camienta que polo menos el polígonu deixara pa la villa bayura no económicu anque "namái sía polos cafes que la xente que trabayará eillí gastará nos chigres de Corni".

Si ho, los coyones de... Scooby-Doo. La xente que venga trabayar dende Xixón... ¿qué vei dar la vuelta, metese en Corniana ya parar pa tomar un café? Colas autovías, la xente en seguida vei llantase en Xixón, Mieres, Uviéu, Gráu, Pravia ou Avilés... A Corniana, ¿a quéi?

Probinos. Vein quedar ensín veiga ya ensín porgüeyu.

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 8:38 pm 4 comments

20/06/2007

 

L'Asturianu, llingua al marxe

INCONSTITUCIONALIDÁ PA LA NUESA LLINGUA YÁ D'UNA VEZ, CUOÑU!!!



Agora yá nun solo nun veimos tener oficialidá, nin siquiera a desarrollar la Llei d'Usu, porque quieren quitánosla: Vein poné-y un recursu d'inconstitucionalidá. Tócate los maitos!

Ía un tema curiosu. La Izquierda $ocialdemócrata Asturiana (P$OE), sí, la que gobierna pa tolos asturianos, nun solo nun vei a nun contemplar la llingua del País cumo llingua Oficial, d'alcuerdo cono qu'asocez nel restu España, sinon que pa encima, un xuez quier declaranos la nuesa Llei d'Usu (que cumo pasóu col Plan de Normalización, nun se desendolcóu) ensinon que quier tornalla.

A dalgunos paece-ys una "Oficialidá Encubierta". Cuoñu. "Oficialidá Clandestina" diría you. Entós, claro, cumo ía l'Estatutu d'Autonomía quien tien que dicir si la llingua ía oficial ou non, una Llei nun nos val.

Conque digo you, agora que se vei camudar l'Estatutu, ou facer outru nuevu... ¿Nun podíamos intentar tracamundiar la Constitución pa torgar l'artículu 3 de la miesma, l'archiconocíu del tema llingüísticu?

Digo you. Cataluña tien un pesu mui grande nel Estáu. Ía una de las Comunidades más dinámicas en tolos aspeutos. Las opiniones de Cataluña (por identidá, demografía, puxu económicu ya políticu... etc) son sentidas en toda España ya Europa.

Asturias nun ía menos. Col nuesu Presidente Tini, ya'l sou fiel escudeiru "Llastra" ha facer valir el pesu identitariu, demográficu, económicu ya políticu... etc d'Asturias. Tenía que dir a Madrid a defender el nuesu estatutu ya intentar modificar la Constitución.





Quien lu vería!!! Diciendo eso de que "nós tolo que nun sía castellanu sofitámoslu, pero fasta la llende la oficialidá, porque supuen siempre obligatoriedá". A ver lo que dicían los probinos catalanes, Vascos, Gallegos, Valencianos, Navarros ya Baleares... En fin, la España económicamente más atrasada.

Porque Asturias ía la Tierra del Grandonismu. Eso ta claro. Poro, el nuesu Estatutu vei basase nel d'Aragón. Cumo la tresferencia de Sanidá. Cumo se feixera cola aragonesa. Asina nós vei!!!

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 6:29 pm 1 comments

15/06/2007

 

Outra gran deceición

YA ESTO ÍA LO QUE HAI!

Que cumo lo veo??? Con noxu de ser asturianu.

Con noxu de qu'un partíu cumo la F$A gane las eleiciones, dempues de que gobernara Asturias dende la transición prauticamente, llevandola de la cabeza al vagón de cola. Cada día pintamos menos.

Asturias perde pesu por mor de la sua población. Cada vez hai menos asturianos. Eso alegrame. Total, ¿pa qué?

Lo bono ía la oposición qu'hai n'Asturias. Perde las eleiciones por tuntos numái, ya ¿qué faen? El sou candidatu, secular perdedor (ía secular porque perdéu las eleiciones en dos sieglos, nel XX ya nel XXI, ya si llegara al XXII tamién las diba perder), marcha de vacaciones, ensin dar esplicaciones de los resultaos eleutorales a la República Dominicana. Vien, sigui enzurriscau con que'l sou partíu ganóu, ya cumo si nada. Mentes, el PP perde dellos conceyos emblemáticos de sou: Villaviciosa, Noreña, Pravia, Navia... Pero pa Ofidio too ía gayola ya allegría...

Asturias, esa realidá máxica, perde xente. Pero veimos construyir (ya digo you, ¿pa quién, pa los xabalinos?) tol centru de "la Región" -zuna de la RTPA cola "Región". Nun dicen nin autonomía, nin comunidá, nin Asturias, "Región". Ya pa enriba, Caliao, pa tener augua. Ya digo you, ¿pa qué? ¿Pa los campos de golfos?

Los Campos de Golfos. Probinos. Vei venir la xente a xugar golf a Asturias. Ide, ide al Campu Golfos del Visu, en Salas... pa que veais!

Pero nun s'esmolezan. Ofidio, cola tranquilidá que lu carauteriza, dempués de perder las terceras eleiciones nas que se presenta (you yá plantegome: Esiesti Ofidio, ou imaxinamosnoslu nós, los asturianos, nel nuesu maxín, ya nun somos ver nada meyor, qu'Ofidio?) llega ya tiende (cumo Rajoy a ZP colo d'ETA) la manu a Areces: "Que tean tranquilos, que si IX incordia a la F$A nós pautamos con ellos... (ou polo menos sofitamos las cousas nas que IX pueda condicionar el pautu de gobiernu -Llease Caliao, Serín, Oficialidá ya parapléxicos de Llangreu, si vien al casu)

Qué aliviu!!! Si la campaña eleutoral fixenonla en clave española, la sua política regional, tamién. Anque sobrepasen el ridículu con creces. Pero en fin. Mentes, Asturias sigui na cola no que siempre touvo, ya incrementa los ratios (negativos siempre) pa tar más na cola.

Ya l'asturianu mediu? Eso ía lo meyor. Porque l'asturianu mediu sigui camentando qu'Asturias ía xunta Cataluña ya Madrid, una rexón puntera. Poro, hai que ser consecuentes, dende Asturias non al separatismu, colo que la llingua representa. Non.

Ya la noticia que más moleición da: Alonse vei perder el mundial, porque la sou escudería inglesa (que-y paga) sofita enforma a Hamilton, que ¡casualidá! ía tamién inglés. Prietu (pensarán vustedes) pero inglés. Paez que fuera d'esta cloaca la xente aidase... pero a nós eso cuestanos muncho entendello. ¿Cumo nun nos vei costar, si somos la patria de la solidaridá internacional, que faenos francer lo más nuesu siempres?

# ¡Las cousas qu'acontecen nesti mundu! "Poro, la realidá soupera la ficción" Diestru @ 9:08 am 2 comments

02/06/2007

 

Vei p'Asturias manin!!!

Qué malos somos los Españoles non castellanofalantes!!!



Cuoñu vi la lluz!!! Non, miento la lluz, non la verdá, la sacra, inmaculada ya nidia verdá. Más de cinco sieglos (dende 1492), ya inda sigue habiendo malos españoles:

-Unos falan asturianu, gallegu, catalán, vascu...
-Outros son xudíos, musulmanes, budistas, protestantes... ou inclusive ateos.
-Agora hailos hasta negros ya chinos...

You yera antias ún dellos. Digo d'esi tipu d'españoles. Agora vi'l documental "Ciudadanos de Segunda", de TeleMadrid. Tou rehabilitáu. Tenían que castigar a tolos malos españoles con esi documental.


Bono, val, esplico'l documental.

"Ciudadanos de Segunda" ía un documental totalmente perniciosu ya maliciosu que feixo TeleMadrid sou la situación llingüística en Cataluña. Resulta qu'en Cataluña... ¡fálase Catalán! Cuoñu!!!


Pero veimos ver. Con cual dreichu vei una televisión autonómica pagada por una CA, a dicir en Cataluña que tienen que falar ou que nun tienen que falar. ¿Qué vein cuntar de Cataluña, que siempre fou un bastión demócrata n'España?



Pero veimos ver. ¿Qué pensarían si la TV3 fai un documental diciendo qu'en Madrid fálase castellanu, ya qu'un home de Tarrega nun pue escolarizar a la sou fiya en Madrid, na sua llingua materna: el catalán?



Na TV madrilana dicen que los hispanoamericanos tienen problemas en Cataluña por mor de la llingua; ya qu'en Cataluña estudianse los paises catalanes... Cuoñu, ¡el mercáu de llingua Catalana!



Porque la TV Madrilana nun fala de lo de siempre. De lo qu'hai que falar. De que n'Arxentina gobierna una panda de mafiosos. Que por munchu castellanu que falen... la cousa vei siguir gafa. Que nos países catalanes esiesti un compromisu social, económicu ya políticu mui desarrolláu ya mui bono en definitiva. En realidá ía un modelu a nivel europeu.



Pero en fin, si la xente fala catalán... depréndese catalán. Si ties que dir a trabayar a Dinamarca... deprendese danés... ou llamas a la TV Madrilana.



En fin, el documental ía demasiao perniciosu, ía mui mui parcialón pa colo Castellanu, que, cuoñu, coíncide col aria cultural Madrilana... Que vengan p'Asturias!!!

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 4:52 pm 2 comments

01/06/2007

 

Ngociacião

AGORA'L PAUTU DEL QUE SALDRÁ'L GOBIERNIN


La segunda parte de las eleiciones 2007: Los pautos de gobiernu. Anque antias de falar d'eso, una cousiquina: El votu emigrante. ¿Cúmo con too lo qu'IX-BA feixo pola nuesa emigración... naide pue negar que meyoranon muncho las suas condiciones. Anque bono, tamién ía innegable lo que la F$A feixo pola miesma... unviando al esterior 18.000 mozos al añu. en fin...

Bono. Resultaos finales: F$A gana con 21 escaños; PP, con 20; IX-BA-Verdes con 4 son la llave.

Por definición, IX vei pautar cola F$A. Los de la F$A sábenlo. Ía lo que tien la izquierda en política: ía mui dogmática.

Pero bono, en fin, la cousa ta bien. La F$A tien menos pesu esta vuelta na Xunta Xeneral. Ya eso siempre ía bono. Esta negociación pue tar bien. Ía una pena qu'outros partíos nun tean ehí faciendo lo propiu, pero hai lo qu'hai.

Agora ía'l braeru momentu d'IX. A ver si agora condiciona de verdá las políticas socialistas de cercu (nunca meyor dichu). Las políticas de "Oficialidá non!", de "Caliao sí"... etc.

Porque necesitanlos pa gobernar. A IX. En minoría la F$A diba pasallas... duras. Penosas. Pero con cuatro secuaces más que voten siempre con ellos, pues manteiga.

IX precisa medrar, eso ta cantáu. Ya ésti ía'l sou momentu. El de facello bien. El de condicionar dalgo la política d'Asturias. El de pone-y llende a l'autocracia $ocial$ta.

Creo que ganas tienenlas, ya dalgo meyor: más esperiencia qu'en 2003. Esperemos qu'asina seya, ya veanse non solo avances, sinon d'esta llogros.

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 10:46 am 1 comments

This page is powered by Blogger. Isn't yours?