28/05/2007

 

Continuidá? Si, pero meyor

Balance de las eleiciones
Pues por fin las eleiciones acabaronse. Yera hora. You touve hasta nerviosu. Pero en fin. PP ya P$OE cada vuelta tienen más votos, el sistema bipartidista vei axeitando'l panorama eleutoral asturianu.
Tamién se víu la Campaña de los partíos: Refleixu de lo que vein ser estos 4 años n'Asturias: Mentes que PP ya P$OE feixenon campaña en clave estatal, solo IX (de las fuercias elexidas na Xunta Xeneral, el nuesu parllamentu) rascóu dalgo, con cuatro escaños. Anque en votos baxóu. Pero polo menos tenemos una pica en flandes, un partíu que podrá tase ou non d'alcuerdu con él, pero tien un compromisu pa con Asturias verdaderu. Fou, yá digo, la única fuercia que feixo eleuta que feixo campaña en clave asturiana. A ver agora nestos cuatro años cumo faen.
Llou tan los de la banda'l zorocotroque. P$OE ya PP, que treslladarón las inquietudes de Rajoy ya Zapatero a Asturias, esqueiciendo problemas de nós. Feixenon campaña cumo si fora unas eleiciones estatales. Pero'l pueblu falóu; ya eso ía lo que paez que quier: Obviar los problemas llariegos ya facer de nós, na política llariega De Juana Chaos, el Prestige, Iraq, Al-Qaeda, que si Cataluña aprovóu un estatutu que-ys beneficia, que si Andalucía tamién, que si en realidá toos menos nós...
Nós... nós veise que tamos bien. La sidra nun nos la quitan d'esta, asina que nada. Colas nuesas cousinas.
Por embargu, Asturias esi bastión socialista. N'Asturias quien se presente pol P$OE tien yá un 30 % de votu aseguráu. Cumo si se presenta un caradura cumo Areces, col sou ensamu de personaxes del hampa ya la corrupción. En fin, somos Asturias, non Navarra nin Catalunya. Nin siquiera Andalucía.
Pero esti añu'l PP, esos que dan tanto miéu sacanon más votos que'l P$OE... Dalgo vei mal n'Asturias... pa qu'un ser cumo Ofidio saque más votos qu'el nuesu P$OE... Dalgo vei mui mal. Eso sí, si Ofidio fora llistu facía un programa más asturianista, amestando votos de la UAS ya del Asturianismu, ya ganaba las eleiciones... de xeitu más ampliu.
UAS... UAS acabouse. Ou se renuevan dende arriba pa baxo ya con una bona inversión en cuartos ya trabayu... ou eso muerre. Xuan Xosé ya Sergio Marqués valía-ys pasar a un segundu planu. Víuse nestas eleiciones. Esperemos que pa las siguientes, neto IX-BA-Verdes, renuevense ya meyoren, ya rasquen dalgo... cuanto más saquen dambos, meyor.
Llou tan los milenta partíos d'Izquierda ya asturianismu. Son peimeque 4. ¿Diferencias ente ellos? Personales siempre. Nun rascanon nada. Nin vein rascar cumo la cousa siga asina. En realidá quita-y votos a IX ya UAS. Si pautanan con dalguna d'estas fuercias, entraban na Xunta Xeneral. Faigan los sous cálculos. Pero non, conos sous argumentos políticos pueriles, personalistas, ultrapuristas, ya en definitiva mediocres, quedanse fora del espaciu políticu activu, d'apousar el culu nun escañu nel nuesu parllamentu. Non por ideoloxía, sinon por, cumo ía de dominiu públicu, motivos personales ente los cabezaleiros.
En fin, oxalá deprendieramos, pero en fin. Espero que pa 2011 la cousa meyore, ya progresemos nesi sen. De momento, you sou obtimista. P$OE, el partíu cola conceición asturiana más probetaya perdéu un escañu nel sou feudu por antonomasia. El PP por tontorolos quedan fora. Cuido que reflexonen. Pol sou bien. Ya IX-BA-Verdes caltienen la representación nel parllamentu'l país, col sou nidiu discursu de país tamién. Nun ía lo meyor que podía pasanos, pero pa min ía meyor qu'en 2003.
Cumo diz un conocíu columnista de LNE, galleguista pa más señas: ¡Haxa Salú!
Resultaos de las eleiciones http://www.eleccionesasturias2007.es/do/res/es/30337.html

Labels:


16/05/2007

 

Xaréu d'eleiciones

Tou yá de campaña eleutoral de F$A ya de PP!!! Asina que you, cumo esto ta abiertu pa tol mundiu, asoleyo eiquí pa estas eleiciones al... ¡PARTÍU XAIMISTA! Ésti partíu tien dellas propuestas:

-Oficialidá, non del asturianu, sinon d'una nueva llingua, amesto ente vascu, celta, asturianu ya rusu (pol sou alfabetu, cirílicu (tamién tamos abiertos al alfabetu griegu))

-Cumo l'asturianu entós vei morrer, veimos face-y un museín, en Mieres.

-Cambiar a la guardia Civil ya los homes de Tini de la policía Autonómica por caballeros Jedai ya Policia Llingüística, pal que fale mal la nuesa nueva llingua.

-Patrocinar el consumu de sidra ya cerveza, pa lluchar contra las drogas de diseñu (ente ellas el vinu Cangas). Pa ellos, xunto a tolos grifos de tolas casas d'Asturias veimos poner outru con sidra ya cerveza.

-Eso del ecoloxismu, mira, pa quien lo quiera. Ía tener poucas miras de futuru ya lluchar contra'l progresu, ineludible. Una bona midida diba ser, non solo yá caltener los oucalitos nel Principáu, sinon introducir Koalas pa que vivan nellos, introduciendo un ecosistema que n'Australia furrula. Los koalas, cumo cuando sueltan las culiebras los del seprona, tiramoslos dende un avión. Los que sobrevivan, vein ser los xeneticamente más fuertes.

-Asitiar la capitalidá d'Asturias non n'Uvieu, qu'ía un costapindeiru, sinon en Corniana, qu'ía llanu. Asina nin pa min nin pa vos, nin Salas nin n'Uviéu, na metá (Gráu ía muncho borrinosu, siempre pizarrosu...)

-Instaurar un "Día del Líder" a la selmana. Sobra dicir quien ía'l líder; ya nesi día dos botellas de sidra por persona mayor de 8 años.

-Canonizar a don Eduardo Martínez Torner. Si España tien a Cervantes, nós a Torner. De intocable.

-Los coches, pol aire. Las ruedas ya las carreteras contaminan ya frenan el desarrollu económicu. Asina matamos dos páxaros d'un tiru, non contaminamos ya fomentamos la Industria Aeroespacial.

-Patrocinar asinamiesmo los viaxes al comos, dir camín del espaciu ya establecer contautos con outras culturas.

-Desixir el dereichu ya reivindicación asturiana a ser un islla. Ía más, iniciar las obras pa tresformar el Principáu nuna Islla. Vei llamase "l'Alonsina".

-Relixón obligatoria nas escuelas: El Xaimismu.

-Traxes típicos. Pa los homes l'escoces, pero con colores chillones. Pa las muyeres, el traxe típicu de Lawrence d'Arabia. Por debaxo, de bailarina árabe.

-Si ganamos las eleiciones, veimos resucitar a Bob Marley ya a Elvis Presley pa qu'actuen pa toos vosotros, queridos votantes.

-Ya pa los guah.es pequenos, un revoltijo, cumo'l Día Reis en Salas.


A ver quien s'anima a votanos!!!

Labels:


08/05/2007

 

Habemus Infanta

SO FÍA DE LETIZZZIA YA FELIPÓN VEI LLAMASE SOFÍA

¡Cumo presta cuando Dious bendiz un matrimoniu con un guah.e! Tal ía'l casu de Letizzzia ya Felipón, de Cá'l Borbón, de la Zarzuela, en Madrid.

Los Borbones son una entrañable familia de Madrid, cuyos paisanos vienen dedicándose al oficiu de monarca dende qu'una guerra nel sieglu XVIII colocáralos n'España. Pouco dempués, unos 80 años llou, guillotinaran na sua patria d'orixe, Francia, al cabeiru nesi país. En Francia conocíanlos yá de vieyo.

You tenía sentío que la cara la xente tien que ver siempres con un animal, nun remembro cumo se llamaba esa disparatada teoría. Pues los Borbones, col sou comportamientu (basal ya psicosomáticu) tienen que ver colas ratas, porque:

-Cuando socede dalgo malo pal estáu, son los primeiros n'abandonar el barcu: véase la Francesada, la crisis de los años 20, las guerras carlistas, l'Imperiu americanu perdío...etc.
-Ya finalmente, tienen descendencia asgaya. Ya yá sabemos quien paga los pañales...

Pero lo que más me fode d'esto ía que la prensa presentalos siempre cumo una familia candial ya entrañable, meritoria ya humilde... ya nada más allongáu. Son reis dende que ñacen dicó morran, ya sábenlo. Ya cumo talos, puértanse. Ya faen bien. You detéstolos (a los periodistas... ya a los Borbones).

Pero queridos, nun me tengan por republicanu, eso fonon nos sous tiempos mious buelos ya bisbuelos. You sou un mozu modernu ya dinámicu (esto últimu ía chancia).

Non, non señor. Nun seréi you quien faiga francer la Institución Monárquica que punxera Franco, ya deixara atada ya bien atada. Nin pretendo tornar a la llegalidá de la Segunda República. Dious me llibre!!!

Lo que pretendo ía renovar la Institución Franquista de la Monarquía, facella más... actual.
En definitiva, el departamentu d'Estadística de Mundu Xaime propón afitar na poltrona a Don Julio Iglesias, el cantante.¿Por qué? Por dellas razones, a saber:





  1. Porque sabe vivir cumo un rei: adautaríase ceo.
  2. Porque tien orixe humilde de verdá: ía Gallegu.
  3. Porque cumo Franco, salme de la güevada.
  4. Porque en Iberuamérica tien tirón. ¿Por que non una Comunidá Hispánica, cumo cola Commonwealth nos países anglófonos? Con España, Portugal, Andorra, Guinea Ecuatorial, toda Iberuamérica (Brasil incluyío), Sah.ara, Marruecos, (seique Arxelia ya Israel), ya Filipinas ya antiguos territorios Oceánicos (Palaos, Marianas, Guam...), ya Asturias, Estáu Llibre Asociáu, cumo Eire.
  5. Precísamente, los sous fiyos son medio filipinos, un nexo d'unión pa col Imperiu.
  6. ¿Nun prestaría vellu entrar dende Miami, en plan exiliáu, cumo se fora'l fíu pródigu? Cumo Amadeo de Saboya, el rei deseáu.
  7. El públicu femenín d'época agradecería esti xestu.

You por too eso ya porque asina nun volvería cantar, poníalu de Rei. Total...

Labels:


01/05/2007

 

Vein siguir las cousas cumo tan... sinon peores!!!

LA PRECAMPAÑA ESPAÑA



Bono, cumo se nota l'airón de las eleiciones.... ía intreyible. La repentina conversión al asturianismu de la F$A, col sou slogan: CREEMOS EN ASTURIAS. ¿De qué ho? Home... que yá nos conocemos. Nin n'Asturias, nin no asturianu.

Nun creen nel Idioma.
Nun creen nos asturianos.

Nun creen en definitiva nel País... Yá vein llantanos l'estatutu d'autonomía d'Aragón enriba!!!!! (Prometo falar más d'esto)



Turismu. La solución definitiva. 1300 años d'Asturias cumo país pa que llegue Areces ya Migoya cola sou campaña de Yogui ya Bubu vendiendo Asturias. Pa mexar ya nun echar gota. Pero ía lo qu'hai. Prefiero por agora nun profundizar.



Llou tan los de la Dereichona tiraos al monte. Ovidio Sánchez, camiento que tien una intelixencia mui llimitada. Gabino, n'Uviéu, escribíu de tu a tu a Areces ya Trevin dellas cartas n'asturianu ya un crack. A los del P$O€ feixo-ys el culu pesicola. Pidieron lo primeiru esplicaciones, a ver si'l PP sofitaba la oficialidá. Que se definiera, nuna palabra. Pos non. Enzurriscáu. You pienso que si'l PP se mostrara favoratible a lo que se mostróu nel sou día en Galicia (vean que nun ía cousa llonxana, nin rara, nin estraña) ganaba las Eleiciones nesti feudu del P$O€ qu'ía Asturias. Qu'esti añu nun ta Villa...



Fíxense cumo a Ovidio sacanlu nos carteles cou Gabino. Tien la marca del fracasu'l probin. En fin.



Pueis eso ía, los dos grandes partíos asturianos, PP ya P$O€. El problema ía qu'en realidá, esto nun ía chanciu, ía un pouco'l nuesu futuru, el Principáu vei ser la Guinea Española del sieglu XXI!!!

Labels:


This page is powered by Blogger. Isn't yours?