27/04/2007

 

ALCUENTRU ASTURBLOGOSFERA

Pos nada neños. Esti domingu ía, na Escuela de Seronda, l'Alcuentru Asturbloger, Cursu ou actu, en realidá contuverniu astur-bloger, nel Antiguu Institutu Xovellanos de Xixón.

El Domingu entamara a las 16.00, yal Llunes de 9.30 a 14.00 (ya sedrá cuando you participe) ya llou pola tarde (nun remembro la houra).

Lo importante ía que nun me vein poner nin xampán nin caviar, cumo suxeriera cuando m'apuntara, pero bono, pasaréi ensin ello.

Too seya por amor al arte!!! Ya por vós, queríos lleutores, compañeiros ya amigos cibernéticos.

Vémonos en Xixón!!!

Labels:


24/04/2007

 

VÉMONOS EN XIXÓN, NA ESCUELA DE SERONDA!!!


14/04/2007

 

La Tercer Entrega "Llingua ya Medios de Comunicación"

EL P$O€ ENTE LA ESPADA YA LA PAREDE



Ya sigo nel tema llingüísticu, faciendo repasu. Análisis del panorama asturianista. Ya sigo con ÉL, col Alcalde. L'Alcalde d'Uviéu, Don Gabino de Lorenzo.


Non contento colas cartas que-ys echara a los sociatas asturianos, feixo un actu en Madrid... ENORME, cenciellamente. A min deixoume ablucáu. Inda nun sou creyemelo. Sieglas a parte, col prestixu qu'esti home tien n'Asturias, nesa cena, amosou el sou compromiso pa cola llingua d'Asturias, pero non cumo na puya d'Artistes pola Oficialidá, na que taba xente del arte ya del movimientu de reivindicación llinngüística.. non, nesti actu taba parte de l'alta nobleza d'Asturias, xente de negocios, inteleutuales, artistas... vaya, altu standing.






Ya ehí, el nuesu Gabinín, feixo gala ensin compleixos del sou compromisu llingüísticu. Si'l P$O€ pidiera al PP qu'esclariará la sou postura pa col idioma, Gabino nun pudo dexallo más nidiu: ente los casa. Dando la cara colos fuertes, non de xeitu cobarde, cumo'l gobiernu col xuiciu a la Pita ya los miembros de la Xunta pola Defensa de la Llingua Asturiana, por glayar al altu la lleva lo evidente.


La fiel ya obediente sucursal del Partido "Socialista Obrero" Español n'Asturias tien el miéu metíu nel cuerpu. Nel sou día apostou contra'l preceptu constitucional favoratible a la pluralidá llingüística española, que pretendía dar un marcu llegal ya cobertura a la bayurosa ayalga filolóxica ibérica. El nuesu PSOE siguíu eiquí apegáu a los cánones que la enciclopedia Álvarez elevaba a dogma.


Anguaño, oficialmente toos los partíos políticos asturianos sofitan la causa, dende'l Carlista fasta IX-BA-VERDES, pasando por UNIDÁ, UAS, PCPE-Asturies... salvo P$OE ya FALANGE, la miesma que fundara'l dictador Primo de Rivera, ya sofitara al dictador Paco Franco.


El PP d'Uviéu sofita la llingua, acolumbro que con un compromisu afitáu, normalizáu ya ensin dalu compleixu. El PP d'Asturias, tateixa inda, nun vei qu'esa podía ser la llave al Gobiernu del Principáu. Munchos asturianistas d'Uviéu vein sofitar a Gabino, que trabaya dende la sou ideoloxía yal sou partíu polo qu'ellos nagüen: la normalidá de la cultura asturiana nel día a día.





Por outru lláu, ya nel miesmu sen, a la F$A volvéu sali-y el tiru pola culata cola RTPA. "Camín de Cantares" programa d'Ambás, nel que fala de la música más tradicional ya de raigañu asturianu: la que la xente mayor remembra ya fai polas caleyas, ta teniendo un éxitu... espectacular dientro'l canal.


Podiéramos pensar qu'Ambás ía un sex-simbol. You personalmente camiento que non. Non. La fórmula ía cenciella: L'apueste pola llingua, pola xente, pol pueblu asturianu, polo más asturianu que pue haber: Una paisanina d'una aldeya cantando una muñeira. Llou hai tamién que dicir qu'el programa ta bien feichu, cuidáu.


Pos ehí tan los datos. un 25% de share ya nun lleva emitiendose muncho tiempu. 25% nuna houra mala ya medrando. Tou falando d'una cadena que malapenas algama un 4% de share...



¿Qué vos paez too esto? You sou postivu pa cola llingua. Asturias nun ía un país con aspiraciones nacionalistas cumo lo ía Euskadi ou Córcega. Nunca lo fou, anque la xente del P$OE asturianu tea enfotada nello. Asturias ía un país tranquilín, arrequeixáu nel norte del Reinu d'España. Lo cual nun quita que seya un país con una identidá coleutiva... enorme ya de gran personalidá dientro del conxuntu español, podiendo dicir que seya la que tea una más marcada personalidá, ente tolas autonomías... Porque non solo puxa neso l'idioma. Idioma, Música, Tradiciones, Historia, Mitoloxía, Lliteratura Oral, Carauter de la xente, Costumes...



L'Asturianu mediu quier vivir cumo asturianu, n'Asturias, ya lo qu'el P$OE ou'l partíu que gobierne tien que facer ía asoleyar un proyeutu políticu qu'ilusione, que pruya trabayu pa los asturianos, que beneficie a Asturias ya al pueblu asturianu ya solvente esa crisis, non tanto económica, cumo moral, espiritual ya cívica en xeneral


PUXA ASTURIAS!!!

Labels:


09/04/2007

 

Continuación de Llingua ya Medios de Comunicación



Bono. Siguimos falando de Llingua.

¿Nun s'entrugan, señoras/es, cumo l'asturianu touvo, prauticamente dende l'entamu d'emisiones de la RPA na parrilla? Ellos respuenden que pola facilidá pa emitir n'Asturianu nesi formatu (???) ya porque yá había medios qu'emitían nesta llingua (ya por cierto, con ésitu).

RADIO SELE. Lleva una montonera d'años con humildá ya dedicación, con ilusión ya trabayu radiando dende Asturias, p'Asturias ya pal Mundu na llingua llariega. Callandín, pasin ente pasu... pero firme. Los amiguinos del P$O€ n'Asturias quieren trancalla, ya quitá-y ya denega-y la sua llicencia, pa da-yla a dalgún cliente de sou, con más cuartos ya que diga lo qu'ellos quieren.


Nesa Radio, MunduXaime fora collaborador. Nós unviabamos del material ya ellos, en dellos espacios vacios, cuntaban las nuesas hestorias. Cumo siempre feixenon, trabayar en comuña, cumo bonos asturianos polo de toos, pol idioma.


Poro, veome na necesidá moral d'anunciar (tarde, mal ya nunca):


"Apartir del próximu 1 d’abril 2007 los toos SMS van tener regalu. Manda un mensaxe cola palabra SELE y un espaciu al 5377 y entraras nel sortéu d'un montón de premios que sortearemos l'últimu vienres de cada mes. Ya sabes SELE espaciu al 5377 .El to mensaxe va tener regalu, cuantos más mandes mas posibilidaes.El coste ye de 0,90 €"

Nós collaboramos. A ver si hai suerte.


Ya siguimos un pouco col repasu esti que tamos dando. La Escuela de Seronda esti añu llega mui ceo, pa finales d'Abril, ya con ella l'Alcuentru de la Blogosfera Asturiana. El mundu de los Blogs, qu'ía outru mediu de comunicación medra. Pue dicise ensin miéu a meter la pezuña que la llingua tien un sitiu oficial acutau na rede, cumo-y houbiera corresponder nel restu requeixos del mundu mundial. Pero bono. Nós eilli taremos.


Ya pa dir finando, falar de la nueva bruxa asturiana, la muyer qu'echa las cartas dende'l PP: Gabino de Lorenzo!!!


Ya vein trés. La primera paecia chanciu. La segunda mui bona. La tercera demoletora. Mui, mui prestosa. La dedicatoria final a Areces... prestosa pol alma.




Home, había qu'esclariar dalgunas cousas. El P$O€ sofita la llingua. D'esti mou:


-Guardalla con cuidadín ya entera enterita (too, vamos, fasta la última palabra, espresión, xiru, acentu...) nun arcón, pechallu con llave, tirar la Llave al Nonaya (pero que la lleve'l ríu) ya llou tirar l'arcón al Nonaya (pero que tamién lu lleve). Ya llou facer un museín pa la llingua... en Mieres, por eso que cuando falas n'asturianu n'Uviéu dicente si vies de Mieres... Non, sou de Salas... ah! eso ta pa contra Tapia. Non, eiquí al lláu, a pouco más de media houra....


...Daquién s'entruga inda cumo la llingua nun ía oficial n'Asturias, cuando nun se sabe n'Uviéu unde ta Salas, patria del home que-ys llantara esa guapa Universidá???

Labels:


07/04/2007

 

Nun ruempan la Cadena!!!

L'ASUNTU'L MEME

Guapa la iniciativa'l MEME, que salíu del blog PINGARATES. A nós, pasaronoslu'l miesmu blog ESPELEOASTUR ya GONZÁLEZ Y GONZÁLEZ, a los dos blogs unviamos-ys las gracias ya un abrazu.
Bono, pues veimos completallu:
Bono la mia rempuesta vei ser: LAS PARTITURAS DE CANTU GREGORIANU, préstanme abondo, colas puntas ya eso, ya llou las illustraciones que traen... las vieyas claro
Pero cumo numái ha ser una la páxina imprescindible: EL BUSCADOR DE GOOGLE. Ehí tópolo too.
Difícil elleición... Veimos a ello.
You paso-ylu a:
  1. -Un flog www.fotolog.com/filologuina. Ta habiendo bien de flogs na rede na nuesa llingua. Ésti ía un dellos. Pertenez a, cumo'l sou nome indica, una filóloga moza, que dientro d'unos añinos, sedrá la nueva Ana Cano, polo menos.
  1. -Un blog que ta entamando na xera http://dexixonalondon.blogspot.com/. La llingua Asturiana al outru lláu del canal.
  1. -Un blog vieyu, pa que cola xida'l MEME, torne a la palestra asturies.gugara.com/soibabayuynuntrabayu/

GRACIAS A:

ESPELEOASTUR, GONZALEZ Y GONZALEZ, PINGARATES ya ZARRUQUINA (fotolog)

05/04/2007

 

A ver que piensan los llingüistas d'esto



¿ÁU TAN AGORA?

Bono. Nestas selmanas de p'atrás fixose un Congresu sobro la Llingua Castellana en Medellín, Colombia. Acudieron miembros de las Academias de la Llingua Española (Castellanu préstame más) de tol mundiu, fasta la RAE, qu'ía Española ya Real, cumo Dious manda.

Conque eso paecía una reunión de Pacones del SOMA, pero falando castellanu bien, anque, mira tu, cadún falaba un castellanu de cada xeitu: Veimos, toos falaban dialeutos distintos. Resultáu: LA DIVERSIDÁ DIALEUTAL DEL CASTELLANU PRESTA, PRUI YA MOLA UN GÜEVU.

Ya you retrucome -nun sou durmir- que a too esto que pensaran los ilustres asturianos, los bienpensantes que dicen que "los bables... etc". Por cierto. L'outru día cruceime xunta Jesús Neira ya "muller" delantre l'ALLA, nun sabía si por mor de la coincidencia rime, ou emburrialu pa dientro. Probe. Al final ríme. Nun me veu...




Bono, pos eiquì n'Asturias entós la bayura dialeutal (you nun entiendo muncho nun se crean; polo que siento a tolos mious amigos filólogos) ía especialmente grande. Meca, entós... LA DIVERSIDÁ DIALEUTAL (YA IDIOMÁTICA) D'ASTURIAS TIEN QUE SER LA MONDA LIRONDA!!!

Albidro que si. Aldovino tamién que dempues de tol meritoriu trabayu de l'Academia de la Llingua Asturiana creando una norma, ente outras munchas cousas, s'ocupe agora de los dialeutos pa que la xente del Oucidente del País pueda estudiar asturianu potente, ya escribir bien, ya que nun se xunten màs de dos rapaces ya nun se puengan d'acuerde al escribir.

La Oficina de Política Llingüística, a lo miesmo que l'ALLA, medra, frutu d'ello ía l'asoleyamiento de la sua páxina Web. Ya con ella, el bon facer de la Xunta Asesora de la Toponimia, muerganu que s'ocupa d'iguar ou axeitar correutamente'l nome de los pueblos, aldeyas, brañas, villas, ciudades...etc, cumo tienen que tar n'Asturias, pol sou nome.

Ya, más noticias bonas. El diariu LES NOTICIES sal tamién agora n'edición dixital, el miesmo que falou nun artículu del restu d'AsturBlogs (han tamién tener publicidá). Norabona por ser el primer diariu n'Asturianu en munchos años, ya llevar 10 años dando guerra.

Outra cousa que presta escuichar ía a los editores lliterarios, que dicen que l'asturianu si tien futuru, tien mercáu ya prui cuartos... ¿Áu ta Ovi Sanchez, esmintiendo eso, cola sua cara coruxa? Anque Gabino de Lorenzo anda preí echando las Cartas, cumo las bruxas xitanas, a los políticos del Gobiernu de Madrí n'Asturias... amái de puyar con bien de perras na souasta pro-oficialidá... cumo outros 2 conceyales (unu futuru) del PP d'Uviéu.

Finalmente, los políticos del P$O€ paez que col tema la llingua tean tragando un garbanzu crudu. Llean sinon:
"Que el Asturiano es una lengua no es algo que yo pueda considerar o no, pues académicamente está reconocida como tal. Creo que la lengua asturiana es parte de nuestro patrimonio cultural y debe ser protegida. El parlamento asturiano aprobó hace poco más de un año el Plan para la Normalización Social del Asturiano con unos objetivos que suscribo:

-Preservar nuestro patrimonio lingüístico en toda su diversidad.
- Fomentar el uso, difusión y enseñanza del asturiano
- Consolidar el respeto y la tolerancia lingüística




En este sentido el Ayuntamiento de Gijón ha adoptado importantes medidas como la creación de una Oficina Municipal de la LLingüa, o la recuperación de la toponimia tradicional del concejo. Además estamos estudiando otras medidas de fomento del Asturiano en nuestra ciudad. Sin embargo el uso del Asturiano no está generalizado en nuestra Comunidad, por esa razón creemos que no debemos hacer oficial mediante leyes lo que no es una realidad en la calle. La oficialidad implica inevitablemente un cierto grado de obligatoriedad, al menos para determinados colectivos como los funcionarios, y no creemos que mediante leyes se deba imponer a una parte de los asturianos una lengua que desconocen o rechazan. Por el contrario nos parece mucho más interesante seguir buscando fórmulas que permiten a quienes lo deseen conocer y emplear el Asturiano. Creo que la tolerancia lingüística supone tanto respetar a quienes desean hablar una lengua como a quienes no pueden o no quieren expresarse en ella. Espero que como defensor de la libertad lingüística que eres puedas estar de acuerdo conmigo en este punto. Aunque es evidente que en ocasiones resulta difícil conseguir ambos objetivos simultáneamente."


El yá famosu cliché de la obligatoriedá reduzse a funcionarios... ¿Pero nun son los primeiros a los que se-ys deniega l'usu n'Alministración de la nuestra llingua?

Labels:


02/04/2007

 

L'Ayalga nuesa


Ún de las mayores ayalgas que guarda Asturias ía la sou música. En tolos palos. Dende la gaita al rock'nd roll. Ía chocante cumo un país tan probe espiritualmente cumo Asturias agospie una bayura musical tan afitada.


Con Torner, nos tiempos de Franco, la cousa punxerase gafa, ya qu'esti home touviera que salir por patas pal Reinu Uníu, por mor de la sou filiación ideolóxica. Bien ía que deixaranos un cancioneiru que pa los músicos asturianos equival a la Biblia pa los cristianos, la Torah pa los xudíos, el Corán pa los musulmanes ou'l Manifiestu Comunista pa los partidarios de Marx. Digo que se punxera gafa porque Don Eduardo deixara un trabayu ensin finar, inda nun desendolcara tol sou llabor.


Ía increyible, cumo tras los 40 años de la pizarrosa nueiche franquista, áu la "Sección Femenina" fora dogma de fe na materia musical, al llegar la democracia yal "Surdimientu", la música nuesa de reigañu llegara con tala vitalidá. Güei, xente cumo Xuacu Amieva, Ambás ,Pedro Pangua, l'Andecha Folclor d'Uviéu... que se you, puengome a fer una llista ya sedría mui llongona.


Frutu de tou esti trabayu son llogros cumo'l fenómenu Folc, el fenómenu Hevia, el fenómenu de la Gaita... Ou la Fiesta de la Gaita d'esti fin de selmana pasáu en Villaviciosa. A parte d'acoyer una fase de la "Liga Galega de Bandas de Gaitas", que la BG Villaviciosa- El Gaitero ganóu meritoriamente (fou campeona nos dos últimos años), las bandas de gaitas asturianas "BG Villa de Xixón", ya "Tayuela de Mecer" -banda d'asturianos na Diáspora, concretamente llantada la sou séi en Madrid, algamaron bonos puestos na clasificación.


Ya nel St Patrick's Festival de Nueva York, houbo un reconocimientu a las Bandas de Corvera, Lluanco ya Villa de Xixón, que de xuru nun fou gratuítu...


Presta ver cumo la música Asturiana ta reconocida a nivel mundial. Ya cumo cuando digo la fras anterior, arízanseme los pelos de tol cuerpu, pero ía verdá. Choca dalgo que seya asturianu tea tala proyeición. Ya inda más, cuanto más asturianu, más proyeición.


Incluso colos Premios Principiegos socede lo miesmo. A más Asturianismu nellos(cuidáu, nun digo "asturianidá"), más prestosos ou llevadeiros son.


Siempre penséi que n'Asturias, la llingua ya las idegas tenían que mirar lo bono de la recuperación nel campu la música: El bon Facer, yal trabayu humilde día a día.

This page is powered by Blogger. Isn't yours?