26/01/2007

 

Qué cutre yá, ¿acuéi?

VENTE PA ESPAÑA MANIN


¡Quién fora sabiu! Anque numái fora pa tener sitiu acutáu na prensa del país, ya soltar la pollinada que pousieras ya te la publicaran. Socede-y esto asina a Gustavo Bueno.

La cousa ía que Gustavo Bueno paez ser que tien una fundación llamada DENAES. Dicha fundación, defende la indisolubilidá ya'l cultivu del patriotismu, ya l'afirmación d'España cumo Nación. Arriba España!!!

Nun actu bizarru ya escuru, nel Club de Prensa Asturiana, rindieron cultu a la bandera d'España ya tamién sintieron l'himnu español, el de: "Fraaaanco, fraaaanco, que tiene'l culo blanco porque su mujeeer, se lo lava con arieeeeel". Esto, anque paeza qu'ía por faltar, pongolo pa qu'esclariar que l'himnu d'España nun ía'l "Cara al Sol".


La nación Española... casí nada. Una nación hipotética, áu se fale castellán, se beillen seviyanas, seya un estáu católicu confesional cumo Dious manda, ya nun haiga bodas gais.

La cousa ía que, quien me conoz bien, sabe que you siempre vou al dellau de las minorias. Poro, eiquí nun vou ser menos, you con Gustavo Bueno. Porque claro, estos freakies son menos que la xente que pueda defender la nación asturiana ou la catalana ou la castellana ou una españa plurinacional. ¿Áu s'hai qu'apuntar Gustavo?

Conque, you sofito a Gustavo Bueno. Pero claro, you sou d'un sector digamos... heterodoxu. You sofito una España que fale asturianu, que seya de relixón Xaimista ya qu'haiga poligamia. Pero eso sí, todos españoles, cumo Xaime manda.

Home, you sei que Gustavo Bueno nun ta pol llabor d'un estáu plurinacional, cousa perfeutamente compatible ya tanxible, por outru lláu. ¿Exemplos? El Reinu Uníu de la Gran Bretaña ya Irlanda'l Norte (llámase asina). ¿Meyores exemplos? La República Helvética (Suiza p'andar por casa) ou Bélxica. Son estaos plurinacionales, modernos, desarrollaos, ya con presencia a nivel mundial en bien de cousas.

España nun ía un estáu plurinacional. L'asturianu nun esieste, el vascu ía un inventu, la gaita asturiana outru, ya la única nación aparte la española ía (tócate los... esos) la xitana. El pueblu romaní. La nación marxinal d'España, nun intentu d'esprestixar la conceición d'un estáu plurinacional. ¿Por qué Gustavo odia tanto la pluralidá del estáu español ya, n'especial, l'asturiana, cola llingua ya too?


Esa pregunta queda nel aire, pa que vos me la respondais!!!!



PISTA: A mou de pista despídome asina "Sabbath shaloom!"







Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 9:30 pm 8 comments

20/01/2007

 

Breve Nova!!!

A Conseyeiría dirixida por Valledor remite al xuzgao da localidá un documento escrito íntegramente na fala del Occidente.

Un pequeno paso prá fala, un gran paso prá oficialidá... Eu penso qu'esto é bono, y gustaríame pensar que nun é úa estratexa d'IX de cara ás eleccióis. Peró bono, hai que disfrutar un pouco da nova.... Anque nun sía namais que pol espolín que montaron os afines a la F$A, escandalizaos.

Y finalemente, a noticia salíu de LA NUEVA ESPAÑA. Presta como quien escribíu a noticia amosa a súa ignorancia pra cola lingua, de tal xeito qu'hasta resulta gracioso:

"Las hojas llevan el membrete oficial de la Dirección General de Justicia -Dirección General de Xusticia, Conseyería de Xusticia, Seguridá Pública y Relaciones Esteriores, Gobiernu del Principáu d'Asturies."

En Asturias, cuanto máis chocante sía a cultura larega pra ún, máis fino é ún. Esto é el que se chama "Feito Diferencial".

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 10:50 pm 6 comments
 

Reflesionuca


CATALANOFOBIA




Lin el Meruéndanu ía un rapacín, qu'usa la llingua llariega, ya anda detrás d'Eita<<. Cuando sal del sou pueblu, ya lu sienten falar, una de las entrugas que más-y atormenta ía la de "¿por qué falas n'asturianu?". Tamién na sua correspondiente versión "¿por qué te dióu preí?".

La rempuesta que suel amosar ía: "Cuoñu (esto you nun lu diz, piensalu), porque tamos n'Asturias, porque sou asturianu, ya préstame falar na mia llingua". Ya l'interlocutur primeiru quédase pensatible, dudosu, hasta da pena...

Eso socez dacuando. Outras veces dicen-y: "Oi tu falas muncho asturianu, nun sedrás cumo los catalanes..."

A mou de retruque Lín respuende: "Non, nun sou cumo los catalanes porque you nun sei falar catalán. You falo numái asturianu".

Ya entós ía cuando asoleya la palabra máxica (ou'l conceutu más bien): Catalán/Cataluña.

Cataluña ía una comunidá autónoma, nel sen del Reinu d'España dende'l 18 d'Avientu 1979. Pa siguir con númaros, 41 años antes, un Gloriosu Alzamientu NAZIonal, colas armas truxo la guerra, la destrucción ya la muerte.

Ya nos 40 años dende 1939 a 1979 Cataluña touvo que callar. Nun pudo falar na llingua d'ella, houbo falar na llingua foriana. Nun pudo decidir lo d'ella, todo-ylo decidían outros. La próspera ya democrática Cataluña taba ente l'esiliu ya cola cara ente'l soyáu ya la bota l'uniforme la Falanxe. ESA CATALUÑA SIGUEN DALGUNOS QUERIENDO.

Nel 1975 morre'l Fürher, el "Fiurexitu", ya nel 1979, Cataluña, del xeitu que siempre suel facer gala, esto ía, democráticamente, vuelve falar la sua llingua. Ya decidir por ella miesma. A ESTA CATALUÑA UNOS CUANTOS TIENEN-Y PÁNICU MORTAL.

Esto que tou poniendo... ía una síntesis de lo que se suel llamar las duas Españas. Siendo la Cataluñá d'ente 1939 al 1979 lo miesmo que la F$A quier p'Asturias, un país que calle, que fale'l dialeutu de fora, ya que seya sumisa.

Porque Cataluña asusta. Cataluña, una de la rexones más ricas d'Europa Oucidental (en términos absolutos peimeque solo tien más PIB The Great London, La Îlle de France ya Lombardía. Numái esas tres comunidades. Londres, París y Lombardía. Más rica que Baviera, que Portugal, que Irlanda, que la miesma Castiella... Cumo pa que'l partíu de la llingua castellana, el PP nun s'asuste compañeiros...

Ya que dicir de la tradición democrática de Cataluña. De Catalunya. Casi nada. Una fonda tradición que dende la Edá Media vien dandose. Catalunya touvo na Edá Media aventuras coloniales. Crearon el Regne Valènciá. Ya yá ehí se véu la tradición federalista de Cataluña, ya qu'en cuenta facer de Valencia una colonia que numái mirara pa Barcelona, dotola d'instituciones pa que touviera cierta autonomía.

Pero esto espeyase cuando n'épocas de cierta apertura política, cumo los políticos catalanes llenan los gobiernos. Claro, ¡cumo la dereichona más reaccionaria nun vei odiar Catalunya! Ya cada vuelta que Cataluña faiga pola llibertá, la fraternidá ya la igualdá del ser humano, vendrán las tropas centralistas dende Castiella a -mediante la fuercia- mandalla callar.

Nun estrañe a naide que tengan tan bonos políticos ya nós tengamos a Tini, a Lastra, a Ovidio ya Javier Fernández. Esos dende'l Principáu, pa los sous conceyos outra vez de vuelta. Los políticos catalanes, se son del PSOE ou del PP, llegan a Madrid ou a Bruxelas. Los nacionalistas, se nun llegan, polo menos tratan a Madrid de tu a tu. Que nun ía tanto d'ideoloxía cumo pola calidá.

Poro, a min faime gracia cuando la mediocre F$A (compárenla vustedes col PSC) diz que cola oficialidá goñará'l nacionalismu más radical... h.ah.a. En Catalunya, nun hai nacionalismu porque'l catalán seya oficial. Hailo porque tienen unos políticos cumo Jordi Puyol, Josep Tarradellas, Artur Màs, Duran i Lleida, Carod i Rovira... etc.

Pero s'esos políticos que presentan xunto con Areces, cualisquiera d'esos, ganaríalu. De xuru xuráu. Ya bono, tamién pola parte del PSC tán bien servíos, con Maragall, Clòs, ou Montilla. Maragall, el ñetu de Joan Maragall, el poeta del "Visca Espanya". Una oda a España en Catalán.

Con tou esti panorama, you dixe-y al miou amigu Lín el Meruéndanu, que a min cuando me dicen lo de "ías cumo los catalanes" you retruco que "oxalá fora verdá... pero polo menos nun quiero ser cumo los guineanos, ou los Mayas, ou los Aztecas..."

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 6:10 pm 1 comments
 

Teunoloxía

POL DOMINIU .AST



La estaya'l mundiu los blogs n'asturianu vei pallantre. Esto nun ía cousa bona, porque fai que la llingua castellana tea menos blogs, ya entós los nuesos vecinos de Castiella enfadaranse. Bono. Ya tamien se vein enfadar dellos asturianos. Probes.

You munchas veces dígolo, se nun touviera blog n'asturianu tampouco lu tendría en castellanu. Tendríalu en eonaviegu, na fala. Pero cumo ía mieu, teolu n'asturianu.

Agora asoleyouse una iniciativa pa facer un dominiu pa la llingua asturiana. Asina, se prosperase, esti blog miou poudiera ser www.munduxaime.blogspot.ast, en vez de www.munduxaime.blogspot.es, pero cumo nun ía asina, en blogspot numái furrula'l ".com". Se daquién s'entera dalgo que me lo esplique.

Bono, la iniciativa ta bien. Nós sofitamosla, claro, col culu nel aire. Esto, ía mui fácil d'algamar con perras, pero cumo nun se mueya l'alministración, qu'ía quien s'ha moyar nestos casos... pues nada. A intentallo. Porque la cousa cuesta una pasta... pero bono, mentes haiga salú...

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 12:39 am 3 comments

12/01/2007

 

Ya esto ocurréu en dalgún llugar de la Mancomunidá Vaquera...


Esta hestoria socedéu en serio. Nun ía chanciu nengún, esto pasóu de verdá.

Resulta que esieste una Mancomunidá Vaqueira, qu'ía un mancomunidá formada por dellos conceyos del oucidente astur: Tinéu, Valdés, Salas, Cuideiru ya Ayande. L'oxetivu d'esta mancomunidá ía fomentar el turismu nuna comarca de fuerte tradición ganadera, esto ía, diversificar actividades productivas, cousa que valdría pa que los campesinos que s'adauten pior a la política económica del mediu Rural (la PAC, conxuntu directrices comunitarias, impuestas a los estaos miembros de la UE dende Bruxelas) tean más recursos económicos, ya converxa meyor el campu asturianu.

Conque con esi enfotu, llegan fondos LEADER y PRODER a estos conceyos, ya constituín esi amestu. Ya los fondos vein destinaos a duas cousas:

-Proyeutos empresariales rurales ya souvenciones: Por exemplu, montar una fábrica de dulce figu. Ou criar ouveyas xaldas. Ou llimiagos pa xintar ("escargots"). Ou iguar una casina vieya pa turismu rural. Cousas d'esas.

-Meyorar infraestructuras, carreteras, servicios.. etc.

A la comarca buscase-y dalgo que-y dea consistencia, dalgo que xuna a esos cinco conceyos. Ya'l finxu común ía lo vaqueiro. La etnia vaquera del Oucidente d'Asturias. ¡Manteiga!

Conque organízanse mercaos vaqueiros, xornadas gastronómicas vaqueras, amuesas de folclor vaqueiru, rutas polas brañas... Ya se se vende lo vaqueiro digo you qu'había que mirar polas brañas, ¿acuéi?

Pos non. Nas brañas lo que faín ía espropiar tarrén vecinal, que por mor de la costume ía de la brañas ou de la parroquía -de xeitu bastante irregular, numái hai que ver los pleitos, soutoo'l de la sierra Boudenaya-, ya los conceyos llantan aeroxeneradores, esfaciendo las brañas, ya las vistas.

Ía curiosu cumo detrás de cada parque eólicu col tiempu sal dalguna irregularidá a la vista'l públicu. En Salas camudose un proyeutu ya ¡casualidá, cuoñu! dempuéis d'espropiar a mediu conceyu la Sierra Boudenaya, llantan un Molín de vientu nun Bardayu d'un conocíu conceyal. Ya cuntalu con tola cara. Lo qu'a min me choca ía ¿cúmo nun-y espropiarían a él tamién?

La xente nun-y fai muncha gracia'l tema los molinos ya yá houbo quien se queixara. Pero por supuesto, "Los de siempre" tán organizaos. La estructura caciquil respuende pola prensa. Un conocíu periodista argumenta, con tola cara'l mundu "qu'anque-y fadían la vista, agora tase meyor porque esto ía progresu, ya los ecoloxistas nun miran más alló de la sua visera".

A esti fatu integral you respondería-y -se touviera un res de gracia ya pacencia, ya quien me conoz sabe que teo d'eso muncho- qu'estrociar una sierra ensin cuntar col pueblu ía retrotaese nel tiempu un sieglu ou dos. Qu'a Asturias nun-y fai falta producir enerxía. Que se se contamina, que las empresas puengan filtros nas chimeneas, ou que nun traigan cianuru al conceyu. Que-y veiga llamar al Mittal ya-y diga que lo que fai nun ía progresu, ya que nun vei más alló del tupe. Que los aeroxeneradores puen tar mar adientru, cumo la peli d'Amenabar. En Gran Bretaña creyaron un arrecife artificial con molinos de vientu. Nun hai nin contaminación acústica nin visual, anque nun creo qu'entienda esti home esos conceutos. Que nun se pue andar pol mundiu de llistu, pa qu'outros s'enriquezan ya-y tiren a él un güesu debaxo la mesa pa que lu ruque.

Conque los molinos proliferan nas nuesas brañas, ya hailos que-ys presta... H.e h.e... Pero claro, hai intereses detrás económicos. Esto carrula asina. Ya las carreteras feichas una mierda. Ya dicen que van arreglallas. Nun se lo cree naide, por supuesto.

Prestaríame saber pa esta xente qu'ía'l progresu del que tanto falan. Qu'entenderán por progresu, ¿progresu personal seique? Nun sei. Pero nun me gusta.

Conque'l progre esi, ta tamién a favor de las canteras en Llinares, Camuñu ya Santuyanu, anque tol pueblu ta encontra dafeicho. Ya polas bonas, nun-y fain casu. Ya polas templadas tampouco... Colo que'l presidente de l'asociación vecinal de Camuñu tascouse cola Voz del Cacique. Esti ía un home tranquilón, bastante mahu, calláu, que feixo una casa bastante guapa en Camuñu, ya agora quieren poné-y una cantera nel patiu. El titular de la esplotación sedría Ubaldo, el dueñu n'Uviéu de la cafeteiría La Paloma. Pero quién da la cara colo del progresu ía l'outru fatu oficial:

-Que se da puestos de trabayu (mentira, una cantera da poucos puestos de trabayu, ía más, nesti casu mataría esplotaciones ganaderas, semas, montes que dan trabayu a maderistas ya traín cazadores, casas rurales...)
-Que s'Ubaldo tien bonas intenciones (Enriquecese por derriba de tolas cousas, al preciu que seya).

Ya, finalmente, l'home esi de Camuñu llamóulu "sinvergüenza" ou dalgo asina. Nada del outru mundu. Ya ésti, claro, ofendéuse. Pero las cousas son cumo son.

Ya lo más sangrín de too, ía que llaman a la xente que protesta "radicales". Hai que tener sangre fría pa dicir eso...

Pero volvamos a la elleutricidá. Asturias produz más de la qu'usa. Tién escedente. ¡Ya inda llantan más aeroxeneradores! Ya you entrugo ¿Pa qué?

A min prestaríame que se se quier producir inda más corriente, se faiga una "gran autopista" que la saque pa Madrid, Euskadi, Europa... ya se venda, ya lo que se saque, que tribute nuna axencia tributaria asturiana propia, a semeyanza del Conciertu Económicu Vascu... Diba a tar eso bien.

Pero claro las cousas nun son tan fáciles: Tamos n'Asturias. Tamos n'Asturias ya pa facer eso se nun estrozamos un parque natural nun quedamos a gusto. Conque nun se pue sacar al vies de la carretera ou vía Cantabria. Non. Lada-Velilla. ¡Tócate los maichos Pachín!


Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 9:13 pm 1 comments

05/01/2007

 

A TOMAR POR CULU POR LLISTOS

(Música de circu: Parabarabarabarabarabara barabarabaraba ba ba...etc)



L'OUCIDENTE PERDE PA ESTAS ELLEICIONES UN DIPUTÁU NA XUNTA XENERAL


Sí amiguinos si. Esti añu la política de los alcaldes del Oucidente d'Asturias ta escomencipiando a dar los sous frutos: Perda población.

Dende fai bien d'años, l'oucidente perde xente. En realidá, tola vida perdéu xente, pero renovabase. Esto ía nacía abondos guah.es cumo pa que los que marcharan nun despoblaran los pueblos. Falo de la época de mious buelos (De feicho, ellos marcharan tamién).

Cuando mious páis, l'oucidente perdéu sensiblemente más xente, ya recuperouse mal, pero inda quedaba xente cumo pa que volviera a abrise casas. Muncha xente de la que marchara tamién tornóu pal pueblu (ente ellos mious páis).

Agora la mia xeneración. Cumo'l cantar d'Ulan Bator, grupu de rock de Salas. Esta xente marchóu ya nun vei tornar. ¿Razones? Home podía dar munchas, todas ellas socedieronme a min ou a dalgún amigu de la infancia, son mui cercanas, granibles cuasi, asina que deprimiríame. Numái vou apurrir una que diz ella muncho por si sola:

-Nula Conciencia territorial de la xente de Salas, ineficacia de la Mancomunidá Vaqueira, ya falta de política territorial del Conceyu Salas.

Ía cumo un araz. Ta too ello rellacionáu, tamién ía verdá. En realidá con esa premisa, xebrada en trés idegas, ya se desprenden las demás causas de la perda xente en Salas. Home, podíamos dir más llonxe, sacar numái una factor, tornar al caciquismu del Conceyu, pero sedría inxusto, ía nesti casu la xente la mayor culpable.

El nuesu conceyu perdéu nel sieglu XX sobre 10.000 personas, d'un total d'unas 18.000 (dalgo menos). Una perda constante, se bien taba mui bien pobláu. Anguaño cuanta xente pue tener el conceyu ¿unas 7.000 personas? Digo viviendo tola selmana. Non fines de selmana nin durante'l Visu nin Nueiche Bona. Esos días arimamosnos a cifras bastante altas (mui altas).

En fin. ¿Por óu entamamos? Venga, vei la Conciencia territorial de la xente. Parez mentira. Esto nun solo ía en Salas. ía cousa de toda Asturias. En realidá, Salas ía un conceyu más (ente cominas, claro) d'Asturias. Lo de Salas pue aplicase a 70 conceyos d'Asturias polo menos. Pero ía verdá. La xente d'Asturias nun tien un res conciencia d'Asturias. De nada. You podía falar dalgo más, pero cumo Xuan Bello s'espresa meyor que you vou reproducir un escritu d'él nel diariu LES NOTICIES (7/1/2007):

"(...) L'espediente, como ye normal taba en Catalán y los directores del centru asturianu dixeron que nun entendieron un vierbu de lo que-yos mandaren (...) La carta abochorna (...) Nun se pue ser tan burro nin tan insensible.

La insensibilidá hacia la propia llingua y hacia la propia cultura apareya la insensibilidá hacia les llingües y les cultures ayenes (...)"

Suficiente. Pa saber más acabar de lleer l'artículu en LES NOTICIES.

Por outru lláu, la Comarca Vaqueira. Al final nun supuso esi revulsivu col que se cuntaba. Bono, cumo las minas d'ouru. Güéi, 5 Xineiru 2007 acabo llegar a Salas dende Samartín de Lluiña, Cuideiru, vía l'altu Gal.lineiru (polas brañas). Esto ía, acabo cruzar las brañas que xebran la villa Salas cola Marina. Tremendas vistas... llenas d'Aeroxeneradores. Dende la parte Maeza (Sl) vense peor, pero dende tol Conceyu Cuideiru güeyanse bien. Demasiáo. Cargaronse las brañas del Conceyu Cuideiru, "la montaña". Agora habrá que mirar se tamien fain lo miemo cola costa. Esperemos que l'alcalde ya quien correspuenda nun seya tan sinvergüenza... Porque al final la Mancomunidá Val.le d'Ese entecabos (Vaqueira) numái que valéu pa que destrozar las brañas ya pa que cuatro s'aproveicharan. Pa más nada. Ya pa que viaxara preí dalgún.


Ya por último, la falta d'un programa políticu de nenguna fuercia que recueya lo que Salas habría que ser, los problemas a los que s'enfrenta ya las soluciones. Un modelu de desarrollu pa Salas (Pero se p'Asturias nun lu hai...).

Resulta que Salas ía ún de los conceyos más ricos d'Asturias (cola renta per cápita más alta, menos tasa paru, ya dalgún ratio económicu más alto. Cumo la tasa d'actividá comercial, ou la industrial, ou la produción de lleichi ya cabaña ganadera). "La hostia, vamos".

Ya l'alcalde Salas vei pol mundiu sacando peichu. Diciendo que l'actual sistema de financiación de conceyos cuesta-y a Salas (cumo Gabino n'Uviéu, outru bocazas, a cual más). Pero ¿¿¿cuántos mozos de Salas quedan nel Conceyu del miou tiempu??? Cuanta xente a los 18 años tien que marchar. Cuantos paraos colan de Salas. Claro que la economía vei bien. De puta madre, se la xente marcha... a tope. El modelu d'Aragón. Nun hai paru, pero hai desiertos. En Salas llantamos "molinos".

Dalgún día falarei tamien del outru, de Gabino. Pero rabio col alcalde cuando diz eso. Lo que ta claro ía qu'esti sistema nun furrula. Asina que convenía camudallu por outru más acorde cola coyuntura de güei, ya que tea feichu pa los ciudadanos ya mozos del conceyu, ya en xeneral pa tolos conceyos de la parte rural Asturiana. De momento, esti añu yá perdimos puxu n'Uviéu... (pero a la xente interesa-y desgraciadamente más los últimos fichaxes del Madrid qu'esto. Una pena)

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 3:40 pm 3 comments

03/01/2007

 

Pos Entamamos bien esti añu...

A la mena la rapiega, seliquín entramos nel 2007 ya hai dalgunas cousas que dende'l día 1 de Xineiru yá nós camudaron.

Por exemplu. La sousidiaria Asturias agora tien 2 nuevos competidores: Bulgaria ya Romanía. Home dos nuevos países pa chupar del teitu... ya con más sede que nós. Bono, áu caben Bulgaria ya Romanía habrá caber tamién la pequeña Asturias. Había que llevar sindicalistas del SOMA pa que-ys alministraran los Fondos Europeos ya nós entós seique poudieramos prescindir d'ellos...

Anque haiga dos nuevos socios, el númaru llinguas de la UE incrementose en trés: Bulgaru, romanu ya gaélicu irlandés. Esto fai peligrar la sacrosanta unidá de la Unión, ya que munchas llinguas aprobez una sociedá. Con munchu númaru d'ellas esieste (según dellos intelectuales con sitiu acutau nesi observatoriu privilexiáu, LNE) munchos problemas políticos ya probitú cultural. Poro, l'asturianu nunca vei ser llingua oficial de la UE. Amás Eslovenia torna la sua vieya moneda pol Euru. Eslovenia ía de grande ya de xente más ou menos cumo Asturias (ratios mui similares, los más paecíos dentro de los estaos de la UE) ya la sua llingua ía oficial na UE, n'Eslovenia, ya pa enriba emiten Euros propios. Chocante!!!

Tornando a la realidá máxica ya fabulosa d'Asturias, más cousas. El PPdAst, partíu políticu asitiau na dereichona dientro l'estáu Español, decátase que p'Asturias hai yá una fuercia política inda más averada a la dereicha. Non, nun tou falando de la Falanxe. Falo de la F$A, la de Lastra, Areces, Migoya ya Fernández.

Por cierto. Areces asoleyóu Blog. Llámase "CONSTRUYENDO ASTURIAS" (manda coyones el títulu), ya diz qu'esi ía un espaciu pa la llibertá (anque llou los comentarios pasen censura previa), ya deixa perllas cumo esta:

"Quizás la palabra leyenda urbana no sea políticamente la más correcta - y he aquí donde he de pedir mis más sinceras disculpas a todos aquellos asturianos que se hayan sentido ofendidos con la expresión-, pero de alguna manera, todo este bulo, esta sobredimensión del fenomemo migratorio que están explotando de manera simplista y manipuladora tanto la derecha como el nacionalismo radical astur, debe de comprenderse que carece de cualquier base, de cualquier dato mesurable."


Tócate'l tema. Culpa de la mayor metida de pata de tola llexislatura del PPdAst ya del "nacionalismo radical astur" (¿¿¿???). Esta reflexión ¿d'au la sacaría? Del país de la gominola, de villachipigüai, de la cai llimón faciendo esquina con Piruleta square.

Siempre que dalguién peca de gallu acaba nuna pota faciendo caldu. Venga, que de muncho columpiase, cayóu al soyau. Ya agora los simplistas ya manipuladores, tanto de dereicha cumo del nacionalismu radical astur (¿¿¿???) vein xuntase -non a manipular- pero de xuru a simplificar ya arimar posturas. Hala, por bocazas.

Asina, "Reinerio Álvarez Saavedra afirma qu’hai que dir a una redacción “más ambiciosa” del artículu cuartu del Estatutu" según el diariu asturies.com. El PPdAst entama un procesu diálogu col CAO. Anque seique nun lleguen a bon puertu, dialogar ya conversar siempre ía bono. Munchos votantes d'IX plantegaranse da-y el votu a esi partíu, ya que siempre vei pautar cola F$A, que ta mui llonxe de los postulaos de la coalición d'izquierda plural IX-BA. Con dellos votos d'IX, ya dellos de la F$A, el PPdAst podría facese col gobiernu d'Asturias. Cumo la izquierda nun lo remedie, esti añu, 2007 d'eleiciones, entós al gobiernu d'anguaño alón.

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 4:08 pm 0 comments
 

Toi Fuerte!!!

Agora tuteome con Areces!!! Si nenos, cumo tien blog, you escribo-y. Creía qu'esti comentariu nun me lu diba espublizar, pero nada, diou-y una venada ya púnxomelu. A ver que me contesta se me contesta. El comentariu ta en Castellán.



"Señor Presidente del Principáu d'Asturies.

Feliz 2007 ante todo.

Este año empieza mal. La asociación cívica (esto es, cívica de ciudadanos, de votantes de personas... no nunca de terroristas ni gente de mala calaña, no de fundamentalistas, vaya) Xunta Pola Defensa de la Llingua Asturiana, organización que solamente defiende una situación en Asturias donde el patrimonio lingüístico de la autonomía sea igual en todo al del Estado, esto es, que la lengua asturiana (asturiano) tenga el mismo estatus jurídico que el Castellano, común a toda España. y algo que su partido defiende para el resto de lenguas de España (Catalán, Vasco, Gallego), gobierne el partido que gobierne, como si es el PP, el PSOE o IX, le ha agraciado a usted con el "Madreñazu" que "premia" a quien "destacare vergonzosamente pola so actitú contraria y irrespetuosa pa colos derechos llingüísticos de les persones falantes d'asturianu".

Bueno, esto solo es una anécdota que seguro rectificarían si usted (o su partido) tomase otra determinación más acorde con el sistema constitucional español para con el idioma. Es decir, aplicando el artículo 3.2 de la C.Esp. como se hizo en Galicia. Sencillamente. ¿Es esto nacionalismo? Fíjese, hablamos de Constitución, defensa de la constitución y aplicación en su caso para Asturias.

Bien. Parece que dentro del PP están empezando a despertarse ciertas sensibilidades "pro-oficialistes". Dese cuenta que con los votantes prollingua, que son una minoría, y dieron su apoyo a IX, y gobiernan como socios suyos, el PP ganaría limpiamente las elecciones. Esto es, ustedes fuera del Gobiernu.

Con esto, como humilde ciudadano asturiano quisiera (no me malinterprete, con todos mis respetos, faltaría más) y con su deber como representante mío (que lo es, es el presidente de mi C.A.), quisiera que me aclarase lo siguiente (p.ej. en su siguiente entrada):

-¿Constituye el PP una amenaza en Asturias separatista por tener conocidos nacionalistas en sus filas sensibles con el idioma de Asturies?

-¿Su partido va a seguir con un modelo lingüístico propio para Asturies, heredado de la enciclopedia Álvarez, donde el asturiano sea motivo de desprecio y su uso sea simpliemente literario?

-¿Hay de verdad en Asturias nacionalistas? Es decir, gente que quiera separar Asturias del resto de España? ¿Cuantos son? Mi abuela de 90 años hablante patrimonial de Asturiano por nacer en un pueblo de montaña, ¿Constituye una amenaza separatista para la Xunta Xeneral?

-¿Es motivo de orgullo no conocer la lengua de Asturies, nos hace mejor ciudadanos, más asturianos?-Finalemente, cuentenos (esto es ya más personal) su relación o alguna anécdota de usted con el asturiano. O si conoce algún caso traumático producido por el uso de la nuesa llingua.

Atentamente, munchas gracias UN VOTANTE"

Labels:


# ¡Las cousas qu'acontecen nesti mundu! "Poro, la realidá soupera la ficción" Diestru @ 10:41 am 3 comments

This page is powered by Blogger. Isn't yours?