26/11/2006
¿Amigos de los castellanos?
Güéi llevanteime ya vienome a l'alcordanza un escritu de Jesús Neira, un paisanín mui mayor, que cuando yara nuevu defendía l'asturianu, pero feixose mayor ya tornouse ciegu, ya camudóu la xaqueta ya feixose "antibable", un términu mui compleixu, que nun vou agora a esplicar. Deixolu pa outra vede.
Cuando lu del congresu del RIDEA you coincidiera con él nel Auditoriu d'Uviéu. Sí amiguinos, you taba eillí, yara unu de las 27 personas que fora al Congresu del RIDEA, cuntando al guarda de seguridá ya a los ponentes. De los 27, 20 tenían más de 80 años (tou exaserando, claro. Realmente yaran 22 los que tenían más de 80 años).
Básicamente, esti probetín camudara'l sou discursu arguyendo que'l castellanu impunxerase n'Asturias cuando dos falantes de valles distintos d'Asturias, pa entendese ente ellos recurrían al castellanu, porque col asturianu nun s'entendían. Asina, fou a poucos imponiéndose'l castellanu.
Por supuesto, anque la teoría nun tién xacíu nengunu, yá que na realidá tol mundu sabe qu'eso nun ocurríu asina, nel Avance (quixe dicir La Nueva España) aplaudíuse la nueva. "¡Ai cuoñu, claro! El profesor Neira, cola sua nidia teoría mata la cuestión de la llingua".
Pero la mieu humilde esperiencia faime duldar...
En Salas cellebrase tolos años por San Pedru, una feiria de ganáu en Maicina. Nesa feiria, axúntanse tolos tratantes vaqueiros d'Asturias, ya munchos outros tratantes del restu del país. A mou d'exemplu, según la teoría de Neira, un tratante del Val.le de L.laviu falaría con outru d'Idarga d'esta miente:
"-¡Buenos días amigo! ¡Que ternera más lozana! ¿Cuánto me costaría adquirirla?
-Hola. Bueno... te la vendo por X.
-Ay... creo que es muy cara... no sé. He visto a otro tratante, el de Cá "X" de Gal.lineiru, y creo que su ganado me convendría más.
-Vaya... lo siento. Espero que otra vez las negociaciones lleguen a buen puerto. ¡Da recuerdos a tu familia!"
Esto ía un tratu según Neira. Pensái que los vaqueiros, nesta vida, hai duas cousas colas que nun xuegan: Nin colos cuartos nin col ganáu. Pa ellos eso ía sagráu. Cousas mui serias. Lo suficiente cumo pa nun facer el maula pol tema llingüísticu. Se pa tratar tienen que deprender l'árabe, deprendelu. El tratu ía lu primeiru.
Pueis non. En San Pedru y Maicina cuando los tratantes tratan fainlo toos nel vieyu romance asturianu. Na llingua'l país. ¿Seique porqu'amuesa confianza? ¿Seique porque los sous páis trataron tola vida nesa llingua? Nun sei, lo que teo claro ía que l'asturianu ía lo suficientemente aptu pa reallizar negocios. Ya serios. Senon, que-y entruguen a un vaqueiru...
Un tratu bien feichu ía una cousa mui guapa. Ía una cousa que a mín polo menos préstame:
-Ai ho, esa xata ¿qué?
-Cuoñu, xubiesti a San Pedru...
-Bah, pouco valdrá... tiesla muerta fame....
-Nun vei tar... cola vianda bona que tenemos n'Idarga... ¿Áu viesti una muxiega cumo esta? Amái esta trúxela pa mostralla, nun la vendo.
-¿Cuánto pides por ella?
-Mira, vou sete sinceiru... dábame'l (nome del tratante) "X", pero nun m'apetecía vendella.
-Eso dou-telu you ya "lu que l'outru daba ya "un poucu más".
- Tch... nun sei..., quería llevala a La Espina...
- Nada, redondiamos a "outra cantidá más alta".
-¡Tás fodiendome tol día! ¡Sos un pigarra! Bono anda, por ser tu...
-Áiii cuoñu, trai la manu...
Un tratu -mui cenciellu. Pero cola esencia d'un tratu. Ya se'l tratante fora de Pola Siero, yara lo miesmo solo que colos xiros dialeutales de la fala Siero.
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Las mious vivencias en Salas amósanme outras anéudotas qu'habían ser cuntadas Ya esto tamién fora verdá. You remembro las fiestas de San Lluís, l'añu que las recuperaran. Esi añu, coincidieran nesas fechas una parte de la mia familia emigrante. Familia que taba en Madrid, en L'Habana ya n'Uruguái. Toos asturianos de Salas ou descendientes. El conceyu de Salas ía de los que más tradición tien la emigración.
Esta xente, ente ellos nun falaban en Castellanu. Podiera ser qu'ente ellos nun s'entendieran, ya que'l mieu tíu José falaba yá (dempuéis de 70 años) cuasi cumo un cubanu, ya Ramón, el primu de mieu Buela ya del tíu José naciera nel Uruguái. Ya mieu tía Anxelita nunca llegara a falar bien castellanu, tal cumo se fala en Madrid.
El casu ía qu'ente los trés falaban cumo'l restu de la familia: No que you tou escribiendo. Pero nun yaran los únicos emigrantes. Los demás facían igual. Ya na mieu familia nun soumos muncho más raros falando que nel restu del Valle...
You, un guah.ucu, chocábame qu'un uruguayu falara asturianu, con esi acentu tan prestosu, pero qu'a la nuesa llingua armaba-y tan mal. Elegante, cultu, bien llantáu(cumo dicen los paisanos vieyos) paecía qu'esi home de mundu -ya cuartos- quería sonsañar la fala de los del pueblu, ya preguntara-y al primu Ramón, cumo yara que falaba cumo la xente'l pueblu, en vede falar col acentu del país au naciera, qu'emái yara la llingua na que los mayestros ya na Tele usaban. Esto me viniera a contestar, más ou menos, ya quedoume marcáu nel intre:
"-Ai, pequeñu. You normalmente, eillí nel Uruguái falo cumo uruguayu. Pero tu piensa que la mieu muyer ía d'eiquí. Ya los mieus páis tamien lo foran. Ya na casa siempre se falara asina. Por exemplu, tu cuando sales d'Asturias cola tou mamái, ¿nun sigues falando con ella cumo cuando tás eiquí? La mia mái siempre falara asina, ya a min préstabame la sua fala, tanto que falando asina vienme a l'alcordanza. Realmente, a tanta distancia ía lo que me queda d'Asturias, lo únicu que teo d'eiquí... El castellanu valierame -ya valme- pa vivir eillí. Ya pa dir a munchos llaos. Pero pa min, nel mieu coral, la mieu llingua ía la d'acá. Cumo la tuya. Por eso nun quiero perdella, ya por eso falo asina."
A partir d'esi día, la mieu conciencia llingüística camudara pa col asturianu....
Cuando lu del congresu del RIDEA you coincidiera con él nel Auditoriu d'Uviéu. Sí amiguinos, you taba eillí, yara unu de las 27 personas que fora al Congresu del RIDEA, cuntando al guarda de seguridá ya a los ponentes. De los 27, 20 tenían más de 80 años (tou exaserando, claro. Realmente yaran 22 los que tenían más de 80 años).
Básicamente, esti probetín camudara'l sou discursu arguyendo que'l castellanu impunxerase n'Asturias cuando dos falantes de valles distintos d'Asturias, pa entendese ente ellos recurrían al castellanu, porque col asturianu nun s'entendían. Asina, fou a poucos imponiéndose'l castellanu.
Por supuesto, anque la teoría nun tién xacíu nengunu, yá que na realidá tol mundu sabe qu'eso nun ocurríu asina, nel Avance (quixe dicir La Nueva España) aplaudíuse la nueva. "¡Ai cuoñu, claro! El profesor Neira, cola sua nidia teoría mata la cuestión de la llingua".
Pero la mieu humilde esperiencia faime duldar...
En Salas cellebrase tolos años por San Pedru, una feiria de ganáu en Maicina. Nesa feiria, axúntanse tolos tratantes vaqueiros d'Asturias, ya munchos outros tratantes del restu del país. A mou d'exemplu, según la teoría de Neira, un tratante del Val.le de L.laviu falaría con outru d'Idarga d'esta miente:
"-¡Buenos días amigo! ¡Que ternera más lozana! ¿Cuánto me costaría adquirirla?
-Hola. Bueno... te la vendo por X.
-Ay... creo que es muy cara... no sé. He visto a otro tratante, el de Cá "X" de Gal.lineiru, y creo que su ganado me convendría más.
-Vaya... lo siento. Espero que otra vez las negociaciones lleguen a buen puerto. ¡Da recuerdos a tu familia!"
Esto ía un tratu según Neira. Pensái que los vaqueiros, nesta vida, hai duas cousas colas que nun xuegan: Nin colos cuartos nin col ganáu. Pa ellos eso ía sagráu. Cousas mui serias. Lo suficiente cumo pa nun facer el maula pol tema llingüísticu. Se pa tratar tienen que deprender l'árabe, deprendelu. El tratu ía lu primeiru.
Pueis non. En San Pedru y Maicina cuando los tratantes tratan fainlo toos nel vieyu romance asturianu. Na llingua'l país. ¿Seique porqu'amuesa confianza? ¿Seique porque los sous páis trataron tola vida nesa llingua? Nun sei, lo que teo claro ía que l'asturianu ía lo suficientemente aptu pa reallizar negocios. Ya serios. Senon, que-y entruguen a un vaqueiru...
Un tratu bien feichu ía una cousa mui guapa. Ía una cousa que a mín polo menos préstame:
-Ai ho, esa xata ¿qué?
-Cuoñu, xubiesti a San Pedru...
-Bah, pouco valdrá... tiesla muerta fame....
-Nun vei tar... cola vianda bona que tenemos n'Idarga... ¿Áu viesti una muxiega cumo esta? Amái esta trúxela pa mostralla, nun la vendo.
-¿Cuánto pides por ella?
-Mira, vou sete sinceiru... dábame'l (nome del tratante) "X", pero nun m'apetecía vendella.
-Eso dou-telu you ya "lu que l'outru daba ya "un poucu más".
- Tch... nun sei..., quería llevala a La Espina...
- Nada, redondiamos a "outra cantidá más alta".
-¡Tás fodiendome tol día! ¡Sos un pigarra! Bono anda, por ser tu...
-Áiii cuoñu, trai la manu...
Un tratu -mui cenciellu. Pero cola esencia d'un tratu. Ya se'l tratante fora de Pola Siero, yara lo miesmo solo que colos xiros dialeutales de la fala Siero.
<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
Las mious vivencias en Salas amósanme outras anéudotas qu'habían ser cuntadas Ya esto tamién fora verdá. You remembro las fiestas de San Lluís, l'añu que las recuperaran. Esi añu, coincidieran nesas fechas una parte de la mia familia emigrante. Familia que taba en Madrid, en L'Habana ya n'Uruguái. Toos asturianos de Salas ou descendientes. El conceyu de Salas ía de los que más tradición tien la emigración.
Esta xente, ente ellos nun falaban en Castellanu. Podiera ser qu'ente ellos nun s'entendieran, ya que'l mieu tíu José falaba yá (dempuéis de 70 años) cuasi cumo un cubanu, ya Ramón, el primu de mieu Buela ya del tíu José naciera nel Uruguái. Ya mieu tía Anxelita nunca llegara a falar bien castellanu, tal cumo se fala en Madrid.
El casu ía qu'ente los trés falaban cumo'l restu de la familia: No que you tou escribiendo. Pero nun yaran los únicos emigrantes. Los demás facían igual. Ya na mieu familia nun soumos muncho más raros falando que nel restu del Valle...
You, un guah.ucu, chocábame qu'un uruguayu falara asturianu, con esi acentu tan prestosu, pero qu'a la nuesa llingua armaba-y tan mal. Elegante, cultu, bien llantáu(cumo dicen los paisanos vieyos) paecía qu'esi home de mundu -ya cuartos- quería sonsañar la fala de los del pueblu, ya preguntara-y al primu Ramón, cumo yara que falaba cumo la xente'l pueblu, en vede falar col acentu del país au naciera, qu'emái yara la llingua na que los mayestros ya na Tele usaban. Esto me viniera a contestar, más ou menos, ya quedoume marcáu nel intre:
"-Ai, pequeñu. You normalmente, eillí nel Uruguái falo cumo uruguayu. Pero tu piensa que la mieu muyer ía d'eiquí. Ya los mieus páis tamien lo foran. Ya na casa siempre se falara asina. Por exemplu, tu cuando sales d'Asturias cola tou mamái, ¿nun sigues falando con ella cumo cuando tás eiquí? La mia mái siempre falara asina, ya a min préstabame la sua fala, tanto que falando asina vienme a l'alcordanza. Realmente, a tanta distancia ía lo que me queda d'Asturias, lo únicu que teo d'eiquí... El castellanu valierame -ya valme- pa vivir eillí. Ya pa dir a munchos llaos. Pero pa min, nel mieu coral, la mieu llingua ía la d'acá. Cumo la tuya. Por eso nun quiero perdella, ya por eso falo asina."
A partir d'esi día, la mieu conciencia llingüística camudara pa col asturianu....
# ¡Las cousas qu'acontecen nesti mundu! "Poro, la realidá soupera la ficción" Diestru @ 5:27 pm 4 comments
24/11/2006
MATRIX
Sí. La rede Matrix esieste. Tá mui vivable. Ía la que nos interrellaciona colos políticos. Polo menos en Salas. La que nos rixe.
Matrix yara una saga de películas de finales de los 90 ya entamos del 2000. Nella, las máquinas garraban a la especie humana cumo fonte d'enerxía, ya pa qu'estos nun morrieran creyabase un mundu nel que vivía, pero numái mentalmente. El cuerpu taba nel mundu real, ya la mente na realidá paralela.
En Salas pásanos un pouco someyáu. Nós vivímos nuna realidá distinta de la qu'un amañosu ouservador apercibiría.
Por exemplo. Entras nun chigre de Salas. Alcuentraste con un/a conceyal/a. Dices-y: "CagonRós, ostia, Fernando Alonso,Canela. El meyor. Campeón del Mundu, había que traelu pa que diera'l pregón nas fiestas... Ya llou, súbilu pall Visu." Ya'l munícipe en custión diríate too seriu que mui bon el rapaz, que lo tien mui mereciu, que esi ía'l resultáu del esfoutu nel llogru d'una meta... etc. (Un/ Mozu/a "Matrix")
Agora, hai xente rara ya bizarra cumo poda ser you. Estos freakies entrarían nel Chigre ya entrugarían a esi/a conceyal/a por, por dicir daquéi, " se por favor, se se podia facer el tema esi pola revisión de la toponimia del Conceyu Salas. Ou, se por favor ya nun ía muncha molestia, que sei you, por unos árboles qu'había nun espaciu públicu ya de sullape desapaecieran. ¿Áu foron a parar?" Nesti casu, el munícipe retrucaríate asina: "Ías un vagu, un maleante, nun ties outra cousa que fer, terrorista, los del asturianu siempre igual, etarra, llocu, fatu, tol día col miesmu cuentu, nun ties outra cousa a la que tar..." ya argumentos similares (Un mal ciudadanu cumo you, pero eso sí, nun lo diran delantre tuya*)
(* Verídicu)
You remembro cumo a fines del sieglu XX facíase na Plaza la Campa, en Salas un festival de música tradicional, que se feixera dellos años, trés peimique. Organizaballu la B.G.Cántara, de La Espina. Yaran malos, trabayaban sou la tradición del conceyu, paseando'l nome pol mundu ya además falaban n'asturianu.
El casu ía que'l primer añu truxeran a la B.G.Candás, con Hevia al frente. Yara l'añu 98, branu-agostu-, ya Hevia llanzara'l sou discu en Setiembre. La xente nun sabía quien yara Hevia nin quien yara la B.G.Candás. Pero inda güéi hai xente que quier volver velos tocar por Salas. Porque na plaza nun cabía nin una aguya, de llen que taba...
Esi acontecimientu marcara un antias ya un despuéis. Salas nun volviera ser igual dende aquella. Tu entrugas-y a dalguien de Salas sou música asturiana ya dizte que de lo meyor ía la B.G.Candás.
Ensin embargo, el festival morriera. Fora pol aciu del conceyu Salas, acabaran col festival ya cola B.G.Cántara, cumo tamién feixeran cola B.G. Cinco Villas. Ya güéi, los conceyales/as dicente qu'esi festival nun prestaba a la xente. Magar qu'inda la xente s'alcuerde de los grupos que toucaran nesas tardes tan prestosas.
Neso consieste la rede Matrix. La xente vive nuna realidá ya los políticos amuesan outra bien distinta. Yá fainte creer eso. Ya cuando veis a la ca'l conceyu a preguntar por que nunca faín nada con música'l país, por exemplo nas fiestas, dícente con tola cara que eso en Salas nun gusta.
Claro. Cumo cuando truxeran a Los Berrones. Outra nueiche máxica, de las que la xente remembra. Xente de tolas edades ya categorías. Ou cumo cuando viniera Llan de Cubel a las fiestas. Tamién outru fiascu. ¡Pos you nunca viera'l Faces con tanta xente...!
Por embargo, se presentas un concierto de música asturiana, en vede colos músicos que train, colos d'outru espectáculu... la xente sí se mosquea. Esto tamién pasara en Salas. Dicían qu diba venir Vitor Manuel. Cuando realmente traían al Conciertu d'Asturies (Vitor Manuel, Mari Luz Cristóbal Caunedo, Nuberu, Tejedor, ya outros más)... la xente picarase un pouco... non pola música, ensenon pola propaganda que feixera'l conceyu.
Eso tamien ía la Rede Matrix.
En fine, la rede matrix ía una cousa compleixa. Ía'l velu qu'esieste ente esa dinámica ya dilixente clás política que nos gobierna que véi las cousas con caleidoscopiu, ya nós, ciudadanos pamestos ya fatinos, probinos, que vivimos na nuesa realidá, pero que nun nos damos cuenta de lo que realmente socede... nun sabemos.
Matrix yara una saga de películas de finales de los 90 ya entamos del 2000. Nella, las máquinas garraban a la especie humana cumo fonte d'enerxía, ya pa qu'estos nun morrieran creyabase un mundu nel que vivía, pero numái mentalmente. El cuerpu taba nel mundu real, ya la mente na realidá paralela.
En Salas pásanos un pouco someyáu. Nós vivímos nuna realidá distinta de la qu'un amañosu ouservador apercibiría.
Por exemplo. Entras nun chigre de Salas. Alcuentraste con un/a conceyal/a. Dices-y: "CagonRós, ostia, Fernando Alonso,Canela. El meyor. Campeón del Mundu, había que traelu pa que diera'l pregón nas fiestas... Ya llou, súbilu pall Visu." Ya'l munícipe en custión diríate too seriu que mui bon el rapaz, que lo tien mui mereciu, que esi ía'l resultáu del esfoutu nel llogru d'una meta... etc. (Un/ Mozu/a "Matrix")
Agora, hai xente rara ya bizarra cumo poda ser you. Estos freakies entrarían nel Chigre ya entrugarían a esi/a conceyal/a por, por dicir daquéi, " se por favor, se se podia facer el tema esi pola revisión de la toponimia del Conceyu Salas. Ou, se por favor ya nun ía muncha molestia, que sei you, por unos árboles qu'había nun espaciu públicu ya de sullape desapaecieran. ¿Áu foron a parar?" Nesti casu, el munícipe retrucaríate asina: "Ías un vagu, un maleante, nun ties outra cousa que fer, terrorista, los del asturianu siempre igual, etarra, llocu, fatu, tol día col miesmu cuentu, nun ties outra cousa a la que tar..." ya argumentos similares (Un mal ciudadanu cumo you, pero eso sí, nun lo diran delantre tuya*)
(* Verídicu)
You remembro cumo a fines del sieglu XX facíase na Plaza la Campa, en Salas un festival de música tradicional, que se feixera dellos años, trés peimique. Organizaballu la B.G.Cántara, de La Espina. Yaran malos, trabayaban sou la tradición del conceyu, paseando'l nome pol mundu ya además falaban n'asturianu.
El casu ía que'l primer añu truxeran a la B.G.Candás, con Hevia al frente. Yara l'añu 98, branu-agostu-, ya Hevia llanzara'l sou discu en Setiembre. La xente nun sabía quien yara Hevia nin quien yara la B.G.Candás. Pero inda güéi hai xente que quier volver velos tocar por Salas. Porque na plaza nun cabía nin una aguya, de llen que taba...
Esi acontecimientu marcara un antias ya un despuéis. Salas nun volviera ser igual dende aquella. Tu entrugas-y a dalguien de Salas sou música asturiana ya dizte que de lo meyor ía la B.G.Candás.
Ensin embargo, el festival morriera. Fora pol aciu del conceyu Salas, acabaran col festival ya cola B.G.Cántara, cumo tamién feixeran cola B.G. Cinco Villas. Ya güéi, los conceyales/as dicente qu'esi festival nun prestaba a la xente. Magar qu'inda la xente s'alcuerde de los grupos que toucaran nesas tardes tan prestosas.
Neso consieste la rede Matrix. La xente vive nuna realidá ya los políticos amuesan outra bien distinta. Yá fainte creer eso. Ya cuando veis a la ca'l conceyu a preguntar por que nunca faín nada con música'l país, por exemplo nas fiestas, dícente con tola cara que eso en Salas nun gusta.
Claro. Cumo cuando truxeran a Los Berrones. Outra nueiche máxica, de las que la xente remembra. Xente de tolas edades ya categorías. Ou cumo cuando viniera Llan de Cubel a las fiestas. Tamién outru fiascu. ¡Pos you nunca viera'l Faces con tanta xente...!
Por embargo, se presentas un concierto de música asturiana, en vede colos músicos que train, colos d'outru espectáculu... la xente sí se mosquea. Esto tamién pasara en Salas. Dicían qu diba venir Vitor Manuel. Cuando realmente traían al Conciertu d'Asturies (Vitor Manuel, Mari Luz Cristóbal Caunedo, Nuberu, Tejedor, ya outros más)... la xente picarase un pouco... non pola música, ensenon pola propaganda que feixera'l conceyu.
Eso tamien ía la Rede Matrix.
En fine, la rede matrix ía una cousa compleixa. Ía'l velu qu'esieste ente esa dinámica ya dilixente clás política que nos gobierna que véi las cousas con caleidoscopiu, ya nós, ciudadanos pamestos ya fatinos, probinos, que vivimos na nuesa realidá, pero que nun nos damos cuenta de lo que realmente socede... nun sabemos.
Labels: SaLaS
# ¡Las cousas qu'acontecen nesti mundu! "Poro, la realidá soupera la ficción" Diestru @ 9:12 pm 4 comments
Ilexa de San Andrés
La Ilexa Vieya de San Andrés (Sancto Andrea de Campo, nas crónicas medievales) ta nun estau de ruina. Home, ía una ruina guapa, pintoresca, de postal... pero ruina al fin ya'l cabu.
Nel Conceyu Salas, antes d'otorgar a Salas la carta foral que tresformaba a la aldeyina en Pola, San Andrés yara un centru de cierta importancia mercantil.
Dende que la xente vivía nel Castru de las Cogollas (Llinares, Sl), fasta la década de 1930 (saquéu de la Ilexa de San Andrés, non por fuercias afines a la república, senon paez ser que tolo contrariu), nel Campu San Andrés vendíase'l llinu que-y diou nome a la parroquia de Llinares (au partenez San Andrés); ya al coutu homónimu de Salas, cuya cabecera venía a ser esi mercáu.
Venceyáu a la actividá comercial, naz la milenaria Ilexa, fundada pola Orde del Temple, que exercía'l sou papel de banqueiros, que tan mala suerte-ys truxo. Claro, mercáu, cruz de caminos, tierra fértil, xente candial...
Güéi esa Ilexa ta na ruina. Una cousa curiosa, yá que la parroquia de Llinares (d'áu soumos) miedra en vecinos. Muncha xente merca casa ya restaurala. Xente atraída pol aire medieval del Pueblu, ou por esi color que tien la seronda en Llinares que nun lu hai e nengún outru llau. Ou seique pol verde, ya esa vexetación tan de nuesu. Ou pol aire llimpiu. Ou pola tonificante humedá ya l'augua que tanta tenemos...
Pero la vetusta Ilexa nel suelu. Ya lo qu'ía inda peor: Tán llevando las piedras, ya cumo sigan asina vein baltiar las murias. La hestoria fora la siguiente. Nos años 20 ou 30 del sieglu XX, la Ilexa queimara, ya xente del Arzobispáu ya outros lladrones anónimos, llevaran los xantos , dalgunos yaran d'incalculable valor.
Ía una pena ensambre pa la xente que soumos d'eillí vela asina. Yá más cuando sabemos que naide vei aidar pa reconstruir la Ilexa que fora una de las piedras angulares d'esi pasau medieval. Yá qu'esa Ilexa nun roubou al pueblu tanto cumo lo feixera'l Monesteriu de Corniana ou el Monesteriu de Llinares, ou los Condes de Maeza, a los que dica nos años 50 del pasáu sieglu inda pagaban fouros la xente'l valle al apoderáu'l Conde.
La Ilexa de San Andrés cumo patrimoniu'l pueblu Llinares había que rehabilitalla, ya nun tenella pa tirar nella la basoria nin roubar las piedras. Ya cumo parte de la Ilexa, la propia Ilexa d'Asturias, que tanto sacou del pueblu n'outras dóminas, había qu'apurrir cuartos pa ello, cumo persona xurídica qu'ha ser, a lo menos nun estáu de dereichu modernu.
Labels: SaLaS
# ¡Las cousas qu'acontecen nesti mundu! "Poro, la realidá soupera la ficción" Diestru @ 5:58 pm 4 comments
19/11/2006
Mani 18 payares 2006
Esti 18 payares fou la mani a favor de la Oficialidá qu'entamóu'l CAO. You tuve eillí sofitando la causa. Houbo muncha xente, muncha folixa ya bon rollu, munchos demócratas, ya cumo siempre, you saquéi las mias conclusiones, que nun son las oficiales, pero tamién son parte de la coleutividá social asturiana. Vamos apurrir las nuesas vivencias:
-Gustavo Bueno, el filósofu rioxanu, sabe un montón sou filosofía materialista. Pero, cousa rara, nun algame decatase de la realidá fenoménica d'Asturias, dempuéis de 46 años predicando ya viviendo n'Asturias. Asina, mentes tien por vezu asociar "reivindicación llingüística" con "metralletas", you constatei (ya nun sei se la xente qu'acudíu tamién lo feixera asina) que las únicas metralletas qu'usa'l movimientu de reivindicación llingüística son las gaitas. Un exércitu, pero de gaiteiros. Eso sí, hai gaitas con trés roncones que someyan antiaereos, pero llonxe, nun matan a naide, senón tolo contrariu.
-La prensa del aparatu colonial asturianu, LNE, apurre una crónica d'unos colgaos de Galicia, los de los dichosos mapas illegales. La mani apaez na seición de "Sociedad y Cultura", pero you, aplicando complicadísimas ecuaciones de llóxica matemática avanzada, lleguéi a la siguiente conclusión. Se una mani tien siempre un componente políticu, pol feichu ser una manifestación dirixida a las fuercias políticas; se'l motivu de la mani ía por mor de la identidá llingüística d'un territoriu; ya inda más, cuando tien que ver sou'l 30% del actual pautu de gobiernu; entós, ¿nun cabría meyor asitiala na seición de política asturiana, na seición "Asturias"? ¿Por qué falan tan pouco d'esa manifestación ya l'arrequexan nesa seición, "más informal"? ¿Descuidu? ¿Prexuícios? ¿Inorancia a la houra de tratar la información Asturiana?
-Dicía que presta ver un movimientu cívicu tan maduru. Espeya la mayoría d'edá de la defensa llingüística, ya afítala dafechu nun llugar cimeiru de la hestoria democrática asturiana. Un movimientu con más de 30 años, pacíficu, plural, dialogante, con una parte folixera, atractivu... ya marcadamente asturianu. Esto ía, irradia asturianismu, ía asturianu por enrriba too. Ya cada vegada caltre más na sociedá, reune a más xente ya más coleutivos tan heteroxeneos, non solo pola defensa d'una causa tan noble cumo ía una llingua minoritaria, senón polas formas que gasta.
Con too esto, vou apurrivos una conclusión científico-filosófica, qu'ía lo que se fai nestos casos. Polo menos ía lo que fain los autodenomaos "bienpensantes". Asina, se G.Bueno define nel sou "Zapatero y el pensamiento Alicia" la sua opinión de la política española you nun vou ser menos:
Pa min el movimientu de recuperación llingüística ía cumo'l Coyote, ya la F$A, cumo'l Cuerrecaminos. El Coyote, trabayador cumo'l que más, estratega cumo Rommel, llucha numái que pola noble causa de xintar. Nosoutros, trabayando, gastando'l nuesu tiempu llibre, por una causa de dereichos que nos pertenecen. La F$A, el Cuerrecaminos, nun fai nada. El Cuerrecaminos, nun fai nada, numái cuerre. Pa un cuerrecaminos, eso ía cumo tar nun sofá tocandose los tolanos. Ya siempre se sal cola suya ya burllase del coyote, un trabayador, un proletariu, nuna actitú aburguesada. Cumo la F$A, dende'l poder que pruye de la poltrona. Nun fai nada, ta anquilosada nos valores de la España del Franquismu, de "la España una, grande y libre", ya rise de nós cada vegada que facemos acopio de los nuesos dereichos cumo ciudadanos. A esti pensamientu llamolu you "el pensamientu Coyote-Cuerrecaminos". Ya vou asoleyar un llibru con unos amigos de Mieres ya Ayer que se vei llamar "Areces ya'l pensamientu Coyote-Cuerrecaminos".
A Laura, Vitor, Xuanu, Pablo'l Mineiru, ya tolos que touvieron na mani. ¡¡¡YÁ, YÁ, YÁ, OFICIALIDÁ!!!
-Gustavo Bueno, el filósofu rioxanu, sabe un montón sou filosofía materialista. Pero, cousa rara, nun algame decatase de la realidá fenoménica d'Asturias, dempuéis de 46 años predicando ya viviendo n'Asturias. Asina, mentes tien por vezu asociar "reivindicación llingüística" con "metralletas", you constatei (ya nun sei se la xente qu'acudíu tamién lo feixera asina) que las únicas metralletas qu'usa'l movimientu de reivindicación llingüística son las gaitas. Un exércitu, pero de gaiteiros. Eso sí, hai gaitas con trés roncones que someyan antiaereos, pero llonxe, nun matan a naide, senón tolo contrariu.
-La prensa del aparatu colonial asturianu, LNE, apurre una crónica d'unos colgaos de Galicia, los de los dichosos mapas illegales. La mani apaez na seición de "Sociedad y Cultura", pero you, aplicando complicadísimas ecuaciones de llóxica matemática avanzada, lleguéi a la siguiente conclusión. Se una mani tien siempre un componente políticu, pol feichu ser una manifestación dirixida a las fuercias políticas; se'l motivu de la mani ía por mor de la identidá llingüística d'un territoriu; ya inda más, cuando tien que ver sou'l 30% del actual pautu de gobiernu; entós, ¿nun cabría meyor asitiala na seición de política asturiana, na seición "Asturias"? ¿Por qué falan tan pouco d'esa manifestación ya l'arrequexan nesa seición, "más informal"? ¿Descuidu? ¿Prexuícios? ¿Inorancia a la houra de tratar la información Asturiana?
-Dicía que presta ver un movimientu cívicu tan maduru. Espeya la mayoría d'edá de la defensa llingüística, ya afítala dafechu nun llugar cimeiru de la hestoria democrática asturiana. Un movimientu con más de 30 años, pacíficu, plural, dialogante, con una parte folixera, atractivu... ya marcadamente asturianu. Esto ía, irradia asturianismu, ía asturianu por enrriba too. Ya cada vegada caltre más na sociedá, reune a más xente ya más coleutivos tan heteroxeneos, non solo pola defensa d'una causa tan noble cumo ía una llingua minoritaria, senón polas formas que gasta.
Con too esto, vou apurrivos una conclusión científico-filosófica, qu'ía lo que se fai nestos casos. Polo menos ía lo que fain los autodenomaos "bienpensantes". Asina, se G.Bueno define nel sou "Zapatero y el pensamiento Alicia" la sua opinión de la política española you nun vou ser menos:
Pa min el movimientu de recuperación llingüística ía cumo'l Coyote, ya la F$A, cumo'l Cuerrecaminos. El Coyote, trabayador cumo'l que más, estratega cumo Rommel, llucha numái que pola noble causa de xintar. Nosoutros, trabayando, gastando'l nuesu tiempu llibre, por una causa de dereichos que nos pertenecen. La F$A, el Cuerrecaminos, nun fai nada. El Cuerrecaminos, nun fai nada, numái cuerre. Pa un cuerrecaminos, eso ía cumo tar nun sofá tocandose los tolanos. Ya siempre se sal cola suya ya burllase del coyote, un trabayador, un proletariu, nuna actitú aburguesada. Cumo la F$A, dende'l poder que pruye de la poltrona. Nun fai nada, ta anquilosada nos valores de la España del Franquismu, de "la España una, grande y libre", ya rise de nós cada vegada que facemos acopio de los nuesos dereichos cumo ciudadanos. A esti pensamientu llamolu you "el pensamientu Coyote-Cuerrecaminos". Ya vou asoleyar un llibru con unos amigos de Mieres ya Ayer que se vei llamar "Areces ya'l pensamientu Coyote-Cuerrecaminos".
A Laura, Vitor, Xuanu, Pablo'l Mineiru, ya tolos que touvieron na mani. ¡¡¡YÁ, YÁ, YÁ, OFICIALIDÁ!!!
Labels: Cousas de la vida
# ¡Las cousas qu'acontecen nesti mundu! "Poro, la realidá soupera la ficción" Diestru @ 1:02 pm 4 comments
14/11/2006
Faciendo Amigos
Güéi llevanteime cumo cualisquier outru día ya punxe'l radiu. Cumo tolos días cuando me llevanto, puengo'l programa "Alboraes", de la emisora Radio Sele. Ía un programa que ta muncho bien feichu, ya, poro, sientolu mentes me llevanto ya me ducho ya m'axeito; ya grábolu pa llou volver sintilu pa illustrame bien ya empapáme d'actualidá pal restu del día, pa "tar na onda".
Güéi entereime nesi mediu, qu'Areces inauguróu una campaña publicitaria feicha por Migoya, na que Yogui ya Bubu fain turismu por Asturias (nun ía chanciu, ía verídicu); ya a los asturianos vei costanos ¡5 MILLONES D'EUROS! (tamién ía en serio). Ya mentes, pa fora, Asturias proyeuta- por mediu de la F$A- la sua política esterior a la confrontación internacional.
No tocante a lo estrictamente pecuniariu, a min prestaríame saber áu van dir a parar los cuartos esos. De xuru una parte de dereichos d'autor a la Hanna-Barbera, outra a tapecer las deldas de la RTPA (los gastos d'esa TV nun tienen fondu), outra pa pagar a la empresa que feixo entamu d'esa estaya, ya outra en comisiones varias.... Maraviyousa la Inxeneiría Publicitaria del Principáu d'Asturias. Podía salir Yogui, pa promocionar los premios principiegos recoyendo un galardón de la manu de S.A.R. el Borbón.
Ya agora esplico'l tema esi de la problemática xeoestratéxica na que ta soumorguíu'l Principáu. Esiesten trés frentes conflictivos:
-La Rexón Murciana (Región de Murcia, con rangu de Comunidá Autónoma).
-La Comunidá Gallega (Comunidade Galega, tamién comunidá Autónoma).
-Castiella ya Llión (Castilla y León. Anque tapecíu pola confusa denominación de C.A., baixo esas sieglas escuéndese la nación imperial qu'ía l'auténticu xermen del Reinu d'España -ya non Cuadonga, cumo se suel dicir).
Vou esplicar agora una por una l'abegosa coyuntura:
COLA REXÓN DE MURCIA
La problemática con Murcia, rexón de calter típicamente Mediterraneu, ya que s'alcuentra nas "antípodas" (no que se refier a la península ibérica) vien dada por una campaña publicitaria. Si señor, por una campaña publicitaria, cumo la de Migoya. Pero ensin Bubu ni Yogui. Nin cuesta 5 millones de Euros. Numái cuesta 6o0.000 €. Siempre lo digo, n'Asturias nun hai crisis económica, sobranos los cuartos. La crisis ía moral ya política.
Paez ser que Murcia copiou un logu d'una campaña publicitaria d'Asturias, na que apaez el ventanu prerrománicu, los cumales, los montes ya la viesca ya la playa, la campaña d'Asturias Paraísu Natural.
La reacción del gobiernu del Principau nun se feixo esperar; Yogui ya Bubu vein dar una imaxe seria d'Asturias pa tol mundu, nuna campaña d'Escandalu, munchu más costosa ya moderna que la de Paraísu Natural.
Llou, Migoya púnxose fecha un rabiscu col sou homólogu murcianu que copiou una imaxe d'Asturias que caltríu por años, d'un eficaz xeitu. Pero claro, las cousas asturianas, ya lo diz Gracia Noriega, son cousas de rango inferior, cumo los cuélebres respeuto a los dragones, ya asina nós nun rexistraramos polo visto la nuesa campaña turística antigua. ¡Cousas de la vida, amiguinos!
COLA COMUNIDÁ GALLEGA
Galicia. Un pequeñu sector del galleguismu feixo un mapa -que la Xunta Gallega declarou illegal en sou día- nel que garra tierras que nun pertenecen a la Comunidade Galega, definida pol sou estatutu d'Autonomía. Las inxerencias fechas por Galicia n'outros territorios non gallegos, cumo los 18 conceyos Asturianos más oucidentales más Degaña, nun tienen en nengún casu FUERZA VINCULANTE. Cumo se meten toul Principáu nel mapa esi, lo mesmo dea.
Lo que pasa ía que tolo que venga de Galicia hai un miéu enorme. You nun sei porquéi. La Hestoria diznos que, magar de Franco ya las tropas gallegas d'Aranda, nunca Galicia invadíu Asturias, nin impuso la sua llingua, relixón...etc. ¿Por qué entós se fomenta esi odiu ente Asturias ya Galicia? ¿Por una engarradiella ente dos partíos minoritarios -unu gallegu ya outru asturianu- de cuatru freakies?
You más bien pienso que la problemática de Galicia ta dientro de las suas llendes actuales ya la d'Asturias, nas suas tamién. Ya colos gallegos, bona vecindá, de xeitu recíprocu. Ente nós lo demás ía PURA INORANCIA.
CASTIELLA YA LLIÓN
Una vegada más delata-ys el nomatu. Quiero dicir, ¿porque la llaman Castiella ya Llión cuando quieren dicir Castiella? Nun me malinterpretéis, nun teo nada escontra la Castiella campesina nin proletaria, escontra'l pueblu llanu. Pero ¿que nación impuso ya impón, colonizóu ya coloniza más tarrenos que Castiella?
Castiella sometéu, ente outros pueblos a Incas, Asturianos, Gallegos, Llioneses (güéi Llión ta cuasi asimiláu),Aztecas, Aymarás, Quetchuas, Marroquíes, Catalanes, guineanos... etc, aculturizandolos de xeitu xabaz. Anguaño, en Venezuela, el día 12 d'Ochobre cellebrase'l día de la Resistencia Indíxena...
Pues tamién nel sieglu XXI, en plena Europa de la Converxencia fasta la Unidá, Castiella quier medrar más a costa de pueblos pacíficos ya enfermos, nesti casu, a costa d'Asturias.
Dempués d'anexonase impunemente parte de Somiedu (las fontes del Sil), ya inda llou tomalo a guasa llantando una señal qu'afita qu'esas tierras siempre foron Castellanas, agora quieren parte Caso, pidin las Fontes del Nalón. Ya nesto de garrar Tarrén, la recia Castiella ía la tierra -nación- secularmente más apta.
Un gobiernu normal, responsable ya trabayador, que nun se prodigara en inauguraciones ya espichas preí; que touviera una idega pal desarrollu d'Asturias ya un conceutu d'Asturias resolvería esto nun plis plas. Pero yá se conoz la hestoria. Esti gobiernu gasta perras a lo tonto, dilapida la riqueza d'Asturias con campañas cumo la del Osu Yogui; ía incapaz de ciarrar l'inexistente conflictu con Galicia oficializando el gallego-asturianu ya l'asturianu nel sou casu, ya afayando'l sistema escolar d'un xeitu que los guah.es deprendan la hestoria ya la cultura asturiana. Lo que de verdá ía más sangrín, esti gobiernu ante Castiella CÁGASE NOS PANTALONES. Con Castiella hai miéu escénicu, Valladolid ía cumo'l Bernabéu. La F$A ya'l PP (Partidos castellanistas, al menos n'Asturias) fomentan el castellanismu:
-Torgando una ya outra vede la oficialidá del asturianu, marxinando en conclusión la cultura popular asturiana.
-Nun contestando a las provocaciones anexionistas de Valladolid.
-Capitulando ante'l tarrén perdíu en Somiedu que siempre fou ya ía por dereichu Asturianu.
-Inorando al pueblu, nun faciendo política social, marxinando la etnia vaquera, fadiando las Brañas d'hibiernu colos campos d'aeroxeneradores; ya capitulando nas de branu, cediendo los praos a Castiella (esti gobiernu asturianu siempre vei colos ricos, non colos probes).
-Nun aplicando'l miesmu criteriu qu'aplica Valladolid pa roubanos territoriu, qu'ía'l d'Auguas vertientes. Asina, Sayambre parteneznos con tolas de la llei a nós.
-Permitiendo a "intelectuales" Castellanistas, cumo Gustavo Bueno, Gracia Noriega, Esteban Graciet... etc etc etc soltar la llingua a pacer ya, yá non desmentillos, ensenón que los aplauden.
Ya en definitiva, ensín una idega clara ya un proyeutu claro pa Asturias. Más alló, Areces creóu una Policía Autonómica. Esto diz muncho d'Areces ya de la F$A. Cuando atacan ya reprimen l'Asturianismu nuna concentración na qu'hai DIEZ CIUDADANOS (esto ía, personas lluichando ya defendiendo los sous dereichos) sacan pechu ya ía cumo los abusones de la escuela, que te sacan 3 años con sous 3 cabezas, ya vein contra ti. Pero contra Castiella, la F$A, POR CUENTA DEFENDER ASTURIAS, CÁGASE NOS PANTALONES, YA ASOLEYAN LA SUA BRAERA CARA, la de secuaces del poder central castellanu.
Güéi entereime nesi mediu, qu'Areces inauguróu una campaña publicitaria feicha por Migoya, na que Yogui ya Bubu fain turismu por Asturias (nun ía chanciu, ía verídicu); ya a los asturianos vei costanos ¡5 MILLONES D'EUROS! (tamién ía en serio). Ya mentes, pa fora, Asturias proyeuta- por mediu de la F$A- la sua política esterior a la confrontación internacional.
No tocante a lo estrictamente pecuniariu, a min prestaríame saber áu van dir a parar los cuartos esos. De xuru una parte de dereichos d'autor a la Hanna-Barbera, outra a tapecer las deldas de la RTPA (los gastos d'esa TV nun tienen fondu), outra pa pagar a la empresa que feixo entamu d'esa estaya, ya outra en comisiones varias.... Maraviyousa la Inxeneiría Publicitaria del Principáu d'Asturias. Podía salir Yogui, pa promocionar los premios principiegos recoyendo un galardón de la manu de S.A.R. el Borbón.
Ya agora esplico'l tema esi de la problemática xeoestratéxica na que ta soumorguíu'l Principáu. Esiesten trés frentes conflictivos:
-La Rexón Murciana (Región de Murcia, con rangu de Comunidá Autónoma).
-La Comunidá Gallega (Comunidade Galega, tamién comunidá Autónoma).
-Castiella ya Llión (Castilla y León. Anque tapecíu pola confusa denominación de C.A., baixo esas sieglas escuéndese la nación imperial qu'ía l'auténticu xermen del Reinu d'España -ya non Cuadonga, cumo se suel dicir).
Vou esplicar agora una por una l'abegosa coyuntura:
COLA REXÓN DE MURCIA
La problemática con Murcia, rexón de calter típicamente Mediterraneu, ya que s'alcuentra nas "antípodas" (no que se refier a la península ibérica) vien dada por una campaña publicitaria. Si señor, por una campaña publicitaria, cumo la de Migoya. Pero ensin Bubu ni Yogui. Nin cuesta 5 millones de Euros. Numái cuesta 6o0.000 €. Siempre lo digo, n'Asturias nun hai crisis económica, sobranos los cuartos. La crisis ía moral ya política.
Paez ser que Murcia copiou un logu d'una campaña publicitaria d'Asturias, na que apaez el ventanu prerrománicu, los cumales, los montes ya la viesca ya la playa, la campaña d'Asturias Paraísu Natural.
La reacción del gobiernu del Principau nun se feixo esperar; Yogui ya Bubu vein dar una imaxe seria d'Asturias pa tol mundu, nuna campaña d'Escandalu, munchu más costosa ya moderna que la de Paraísu Natural.
Llou, Migoya púnxose fecha un rabiscu col sou homólogu murcianu que copiou una imaxe d'Asturias que caltríu por años, d'un eficaz xeitu. Pero claro, las cousas asturianas, ya lo diz Gracia Noriega, son cousas de rango inferior, cumo los cuélebres respeuto a los dragones, ya asina nós nun rexistraramos polo visto la nuesa campaña turística antigua. ¡Cousas de la vida, amiguinos!
COLA COMUNIDÁ GALLEGA
Galicia. Un pequeñu sector del galleguismu feixo un mapa -que la Xunta Gallega declarou illegal en sou día- nel que garra tierras que nun pertenecen a la Comunidade Galega, definida pol sou estatutu d'Autonomía. Las inxerencias fechas por Galicia n'outros territorios non gallegos, cumo los 18 conceyos Asturianos más oucidentales más Degaña, nun tienen en nengún casu FUERZA VINCULANTE. Cumo se meten toul Principáu nel mapa esi, lo mesmo dea.
Lo que pasa ía que tolo que venga de Galicia hai un miéu enorme. You nun sei porquéi. La Hestoria diznos que, magar de Franco ya las tropas gallegas d'Aranda, nunca Galicia invadíu Asturias, nin impuso la sua llingua, relixón...etc. ¿Por qué entós se fomenta esi odiu ente Asturias ya Galicia? ¿Por una engarradiella ente dos partíos minoritarios -unu gallegu ya outru asturianu- de cuatru freakies?
You más bien pienso que la problemática de Galicia ta dientro de las suas llendes actuales ya la d'Asturias, nas suas tamién. Ya colos gallegos, bona vecindá, de xeitu recíprocu. Ente nós lo demás ía PURA INORANCIA.
CASTIELLA YA LLIÓN
Una vegada más delata-ys el nomatu. Quiero dicir, ¿porque la llaman Castiella ya Llión cuando quieren dicir Castiella? Nun me malinterpretéis, nun teo nada escontra la Castiella campesina nin proletaria, escontra'l pueblu llanu. Pero ¿que nación impuso ya impón, colonizóu ya coloniza más tarrenos que Castiella?
Castiella sometéu, ente outros pueblos a Incas, Asturianos, Gallegos, Llioneses (güéi Llión ta cuasi asimiláu),Aztecas, Aymarás, Quetchuas, Marroquíes, Catalanes, guineanos... etc, aculturizandolos de xeitu xabaz. Anguaño, en Venezuela, el día 12 d'Ochobre cellebrase'l día de la Resistencia Indíxena...
Pues tamién nel sieglu XXI, en plena Europa de la Converxencia fasta la Unidá, Castiella quier medrar más a costa de pueblos pacíficos ya enfermos, nesti casu, a costa d'Asturias.
Dempués d'anexonase impunemente parte de Somiedu (las fontes del Sil), ya inda llou tomalo a guasa llantando una señal qu'afita qu'esas tierras siempre foron Castellanas, agora quieren parte Caso, pidin las Fontes del Nalón. Ya nesto de garrar Tarrén, la recia Castiella ía la tierra -nación- secularmente más apta.
Un gobiernu normal, responsable ya trabayador, que nun se prodigara en inauguraciones ya espichas preí; que touviera una idega pal desarrollu d'Asturias ya un conceutu d'Asturias resolvería esto nun plis plas. Pero yá se conoz la hestoria. Esti gobiernu gasta perras a lo tonto, dilapida la riqueza d'Asturias con campañas cumo la del Osu Yogui; ía incapaz de ciarrar l'inexistente conflictu con Galicia oficializando el gallego-asturianu ya l'asturianu nel sou casu, ya afayando'l sistema escolar d'un xeitu que los guah.es deprendan la hestoria ya la cultura asturiana. Lo que de verdá ía más sangrín, esti gobiernu ante Castiella CÁGASE NOS PANTALONES. Con Castiella hai miéu escénicu, Valladolid ía cumo'l Bernabéu. La F$A ya'l PP (Partidos castellanistas, al menos n'Asturias) fomentan el castellanismu:
-Torgando una ya outra vede la oficialidá del asturianu, marxinando en conclusión la cultura popular asturiana.
-Nun contestando a las provocaciones anexionistas de Valladolid.
-Capitulando ante'l tarrén perdíu en Somiedu que siempre fou ya ía por dereichu Asturianu.
-Inorando al pueblu, nun faciendo política social, marxinando la etnia vaquera, fadiando las Brañas d'hibiernu colos campos d'aeroxeneradores; ya capitulando nas de branu, cediendo los praos a Castiella (esti gobiernu asturianu siempre vei colos ricos, non colos probes).
-Nun aplicando'l miesmu criteriu qu'aplica Valladolid pa roubanos territoriu, qu'ía'l d'Auguas vertientes. Asina, Sayambre parteneznos con tolas de la llei a nós.
-Permitiendo a "intelectuales" Castellanistas, cumo Gustavo Bueno, Gracia Noriega, Esteban Graciet... etc etc etc soltar la llingua a pacer ya, yá non desmentillos, ensenón que los aplauden.
Ya en definitiva, ensín una idega clara ya un proyeutu claro pa Asturias. Más alló, Areces creóu una Policía Autonómica. Esto diz muncho d'Areces ya de la F$A. Cuando atacan ya reprimen l'Asturianismu nuna concentración na qu'hai DIEZ CIUDADANOS (esto ía, personas lluichando ya defendiendo los sous dereichos) sacan pechu ya ía cumo los abusones de la escuela, que te sacan 3 años con sous 3 cabezas, ya vein contra ti. Pero contra Castiella, la F$A, POR CUENTA DEFENDER ASTURIAS, CÁGASE NOS PANTALONES, YA ASOLEYAN LA SUA BRAERA CARA, la de secuaces del poder central castellanu.
Labels: Actualidá
# ¡Las cousas qu'acontecen nesti mundu! "Poro, la realidá soupera la ficción" Diestru @ 3:29 pm 1 comments
11/11/2006
EL DELFÍN DE MIERES
El Delfín de Mieres
Güei sal nel Avance (meca non, en La Nueva España, dende'l Gloriosu Alzamientu -non l'Arecil), que na Cái Ferraz, la Watch Tower de los testigos de ZP, la secta más destructiva d'Asturias, que n'España cola reforma de los estatutos d'Autonomía vei haber dos tipos de C.A:
-Las de Primera División: Euskadi (País Vascu) ya Nafarroa Foru Komunitatea/ Comunidad Foral de Navarra (Navarra), a las que se vein xuntar Catalunya (Cataluña) ya Andalucía (Andalucía).
-Las de Segunda División: Las outras demás.
Esto too fou idega de Pedro Solbes. Buo, esto que tou falando nun ía numái que las autonomías de primera división fixen nos sous estatutos la cuantía que'l Gobiernu Central ha invertir nellas (nel casu de Cataluña ya Andalucía); nos casos de vasconavarros, sigui en vigor el Conciertu Ecónomicu, tan llucrativu [esto ía, ellos recueyen lo que pruyen, alministranlo cumo-ys paeza -xeneralmente meyor que'l restu- ya llou cuadran con Madrid las cuentas].
Asturias cumo nun podía ser d'outra miente (a min nun me choca un res) ta ente las autonomías de segunda división, ya gracias que nun hai una segunda B...
Asina, las mayores espeutativas d'autogobiernu d'Areces constituyense nun fiascu. Nun fracasu. Veimos siguir tando a la cola. Cito testualmente de LNE (música de NO-DO, por favor):
"Los responsables de la Federación Socialista Asturiana (FSA) aseguraron ayer que no han recibido ninguna directriz desde la dirección federal del partido en el sentido de que los estatutos dejen de cuantificar las inversiones del Estado. El criterio de la FSA permanece, por tanto, invariable y, tal y como aseguró el secretario general de los socialistas, Javier Fernández, durante el último comité regional del PSOE, lo importante es que Asturias no se descuelgue de otras regiones y fije sus criterios para el reparto de los Presupuestos Generales." LNE, 11/11/2006
Nin siquiera cuentan con Asturias, cola población Asturiana. Soumos cumo la Guinea Ecuatorial, una colonia con un gobiernu puestu por Madrid... Cimblame la cadarma, rapaces!!!
Amái de too eso, presta saber lo nidio que ta el sou criteriu pa cuantificar las inversiones estatales. Home, ía qu'Asturias nun ía nin una Islla, nin ía grande, nin mui poblada... ¿Que podemos dicir en Madrid entós? ¿Cumo nun se-ys ocurrirá argumentar el coste de facer un km d'Autopista n'Asturias, en comparanza col km d'Autopista de Castiella, por exemplu? ¿En seriu, cumo nos gobiernan tales personaxes? ¿Cumo ía qu'esto acontez nun país au se cellebran eleiciones democráticas?¿ Cumo nun se-ys cai la cara vergoña ya dimiten?
Anque bono, nun too diba ser malo. Non, llonxe d'ello:
"Del Estatuto también habló ayer Javier Fernánde durante la presentación de Paloma Sainz como candidata socialista a la Alcaldía de Oviedo. En concreto, del asturiano. El líder de la FSA ofreció un consenso para «dignificar, favorecer» el bable y «quitarle el estigma de habla inculta». «No aceptamos que la defensa de la lengua la monopolicen otros. Nuestra asturianía no se va a juzgar por este asunto», apostilló Fernández." (opus cit.)
Si señores esto ía un políticu. Burru cumo un aráu, pero bon políticu. S'amás de ser bon políticu llegara ser igual de llistu...
Ufierta un consensu. ¿Pero nun esieste yá'l CAO? ¿Qué conceutu tien esti home de lo qu'ía un consensu? ¿Qué defensa fain ellos? ¿Quién monopoliza la defensa del asturianu? Lo qu'ía inda más preocupante, ¿por qué-y pon Javier Fernández esi "estigma de habla inculta"?
You dígolu munchas vedes, el problema d'Asturias nun por mor de la crisis económica. Ía una crisis política ya moral. ¿Cumo dalquién pode dicir esto ya la oposición aplaudillu? S'el PSC, ou el PSPV (autonomías de primera) diz esto, el sou secretariu xeneral al día siguiente tien que dimitir. ¿Cumo, entós, eiqui dicen que defenden la llingua asturiana cuando:
"La «pita» de la llingua, absuelta de una falta contra el orden público
Pola de Siero, Luján PALACIOS La «pita» de la llingua es inocente. Así lo dictamina una sentencia del Juzgado de primera instancia número tres de Siero, que absuelve a los seis militantes de la Xunta Pola Defensa de la Llingua Asturiana encausados por los altercados ocurridos en la inauguración, en junio, de un centro de salud en Lugones a la que acudió el presidente del Principado, Vicente Álvarez Areces, y en la que los asturianistas exhibieron pancartas y lanzaron proclamas a favor de la oficialidad. El fallo determina que «los hechos declarados probados» no son constitutivos de la falta contra el orden público prevista y penada en el artículo 633 del Código Penal». La Xunta Pola Defensa de la Llingua celebró ayer la sentencia y aseguró que «el Gobierno asturiano está intentando reprimir el ejercicio del derecho a la crítica política y a la libertad de expresión». Además, denunció que el Ejecutivo regional «criminaliza la reivindicación lingüística» y «trata como delincuentes a personas que trabajan en la defensa del asturiano». (LNE, 11/11/2006)" ?
Ya esto ía de lo que you falo. Esta xente de la F$A señorean Asturias impunemente, cumo se fora la sua finca, ensin cuntar pa nada cola ciudadanía. Ya you digo qu'esta ía una crisis más fuerte, a min dame más miéu que nenguna outra...
Güei sal nel Avance (meca non, en La Nueva España, dende'l Gloriosu Alzamientu -non l'Arecil), que na Cái Ferraz, la Watch Tower de los testigos de ZP, la secta más destructiva d'Asturias, que n'España cola reforma de los estatutos d'Autonomía vei haber dos tipos de C.A:
-Las de Primera División: Euskadi (País Vascu) ya Nafarroa Foru Komunitatea/ Comunidad Foral de Navarra (Navarra), a las que se vein xuntar Catalunya (Cataluña) ya Andalucía (Andalucía).
-Las de Segunda División: Las outras demás.
Esto too fou idega de Pedro Solbes. Buo, esto que tou falando nun ía numái que las autonomías de primera división fixen nos sous estatutos la cuantía que'l Gobiernu Central ha invertir nellas (nel casu de Cataluña ya Andalucía); nos casos de vasconavarros, sigui en vigor el Conciertu Ecónomicu, tan llucrativu [esto ía, ellos recueyen lo que pruyen, alministranlo cumo-ys paeza -xeneralmente meyor que'l restu- ya llou cuadran con Madrid las cuentas].
Asturias cumo nun podía ser d'outra miente (a min nun me choca un res) ta ente las autonomías de segunda división, ya gracias que nun hai una segunda B...
Asina, las mayores espeutativas d'autogobiernu d'Areces constituyense nun fiascu. Nun fracasu. Veimos siguir tando a la cola. Cito testualmente de LNE (música de NO-DO, por favor):
"Los responsables de la Federación Socialista Asturiana (FSA) aseguraron ayer que no han recibido ninguna directriz desde la dirección federal del partido en el sentido de que los estatutos dejen de cuantificar las inversiones del Estado. El criterio de la FSA permanece, por tanto, invariable y, tal y como aseguró el secretario general de los socialistas, Javier Fernández, durante el último comité regional del PSOE, lo importante es que Asturias no se descuelgue de otras regiones y fije sus criterios para el reparto de los Presupuestos Generales." LNE, 11/11/2006
Nin siquiera cuentan con Asturias, cola población Asturiana. Soumos cumo la Guinea Ecuatorial, una colonia con un gobiernu puestu por Madrid... Cimblame la cadarma, rapaces!!!
Amái de too eso, presta saber lo nidio que ta el sou criteriu pa cuantificar las inversiones estatales. Home, ía qu'Asturias nun ía nin una Islla, nin ía grande, nin mui poblada... ¿Que podemos dicir en Madrid entós? ¿Cumo nun se-ys ocurrirá argumentar el coste de facer un km d'Autopista n'Asturias, en comparanza col km d'Autopista de Castiella, por exemplu? ¿En seriu, cumo nos gobiernan tales personaxes? ¿Cumo ía qu'esto acontez nun país au se cellebran eleiciones democráticas?¿ Cumo nun se-ys cai la cara vergoña ya dimiten?
Anque bono, nun too diba ser malo. Non, llonxe d'ello:
"Del Estatuto también habló ayer Javier Fernánde durante la presentación de Paloma Sainz como candidata socialista a la Alcaldía de Oviedo. En concreto, del asturiano. El líder de la FSA ofreció un consenso para «dignificar, favorecer» el bable y «quitarle el estigma de habla inculta». «No aceptamos que la defensa de la lengua la monopolicen otros. Nuestra asturianía no se va a juzgar por este asunto», apostilló Fernández." (opus cit.)
Si señores esto ía un políticu. Burru cumo un aráu, pero bon políticu. S'amás de ser bon políticu llegara ser igual de llistu...
Ufierta un consensu. ¿Pero nun esieste yá'l CAO? ¿Qué conceutu tien esti home de lo qu'ía un consensu? ¿Qué defensa fain ellos? ¿Quién monopoliza la defensa del asturianu? Lo qu'ía inda más preocupante, ¿por qué-y pon Javier Fernández esi "estigma de habla inculta"?
You dígolu munchas vedes, el problema d'Asturias nun por mor de la crisis económica. Ía una crisis política ya moral. ¿Cumo dalquién pode dicir esto ya la oposición aplaudillu? S'el PSC, ou el PSPV (autonomías de primera) diz esto, el sou secretariu xeneral al día siguiente tien que dimitir. ¿Cumo, entós, eiqui dicen que defenden la llingua asturiana cuando:
"La «pita» de la llingua, absuelta de una falta contra el orden público
Pola de Siero, Luján PALACIOS La «pita» de la llingua es inocente. Así lo dictamina una sentencia del Juzgado de primera instancia número tres de Siero, que absuelve a los seis militantes de la Xunta Pola Defensa de la Llingua Asturiana encausados por los altercados ocurridos en la inauguración, en junio, de un centro de salud en Lugones a la que acudió el presidente del Principado, Vicente Álvarez Areces, y en la que los asturianistas exhibieron pancartas y lanzaron proclamas a favor de la oficialidad. El fallo determina que «los hechos declarados probados» no son constitutivos de la falta contra el orden público prevista y penada en el artículo 633 del Código Penal». La Xunta Pola Defensa de la Llingua celebró ayer la sentencia y aseguró que «el Gobierno asturiano está intentando reprimir el ejercicio del derecho a la crítica política y a la libertad de expresión». Además, denunció que el Ejecutivo regional «criminaliza la reivindicación lingüística» y «trata como delincuentes a personas que trabajan en la defensa del asturiano». (LNE, 11/11/2006)" ?
Ya esto ía de lo que you falo. Esta xente de la F$A señorean Asturias impunemente, cumo se fora la sua finca, ensin cuntar pa nada cola ciudadanía. Ya you digo qu'esta ía una crisis más fuerte, a min dame más miéu que nenguna outra...
Labels: Actualidá
# ¡Las cousas qu'acontecen nesti mundu! "Poro, la realidá soupera la ficción" Diestru @ 3:58 pm 7 comments
04/11/2006
Las Cousas de Salas
MunduXaime
Barriu Ponteu, Salas. Rapidín.
Esti Sábadu tuve que dir a Salas a fer recaos ya quedeime na casa'l Coordinador d'esta revista variedades. Esti home vive na Cái La Pola, na Marchosa Salas. Pero, ¡ai amiguinos!, esieste outra Salas, la Salas Castiza. La de la xente qu'ía de Salas-Salas, qu'ía l'equivalente a xente del Uvieín de tola vida. Ía la Salas alta, la Salas rural, los barrios de Ponteu, Doñalir (non "Doña Lir"), la Cardina ya El Burgu. Veimos, los que la Casa'l Conceyu quier recalificar pa contruyir modernos edificios ya outras infraestructuras. La recta Salas nun se contrúi de momento, por que nun hai sitiu. Ía qu'hai praos con escayos, ya los escayos nun se puein quitar.
Estos barrios de Salas caltienen esi rusticismu d'aldeya, que contrasta cola parte baxa de la villa, qu'ía cumo cualisquier outra villa del Oucidente Asturianu. Ía la Salas de Pinón de la Freita, del fallíu intentu de la Minería, de la Caleya Vieya de La Espina (ya del Oucidente, de Galicia)... Ía la Salas de verdá. La que si que se caltién inmutable de vei años. Lo que toos conociemos (de tolas xeneraciones) igual. You teo fotos de la mia buela Nélida ya de mia bisbuela nesa parte Salas. Ya sigui igual que nos años 20. Casique un sieglu.
Salas nun tien costa. Eso ía un feichu probáu, asina que nun la busquéis. Pero se qu'hai rigu. El rigu Nonaya, que-y da xeitu ya xacíu a esi valle del Conceyu conocíu cumo "Valle de los Piteiros", que vei dende la antigua Pola Salas fasta la Villa Corniana, áu empata col Narcea. Ya ñaz en Boudenaya (Fonte del Nonaya). Por cierto, recomiendo cumo ruta que veigais dende Salas pol Rigu Nonaya p'arriba, pola Mina, pol camín de Santiagu, ya que veyais la biesca Salas, qu'ía mui guapa.
Buo, pos colo del Rigu, cumo Costa yá ta nidiu que nun hai, el conceyu Salas quier construyir la veiga'l Nonaya, al sou pasu por Salas. Pa ello, primeiru hai que tener el rigu feichu una llaceria. Llou, llimpiallu, ya aproveichando lo guapo que ta, suxerir construyir, ya tirar lo qu'ía'l centru Salas, el Salas auténticu, ya guapamente conserváu, el Salas ensembre.
Eso ía lo que feixeron en Ponteu güéi. Llimpiaron un xardín ya feixeron una plazuelina. Inaguraronlla bien. Fou un actu del P$OE salense mui familiar. Taba tola familia Socialista.
Pero, mious neninos, eiquí nun acaba la cousa. Tán acabando con tolas güertas de Ponteu, espropiandolas pa da-y a la formigonera. Agora, nuna güerta d'esas vein facer un anfiteatru (un auditoriu). Cumo lu llaman los veicinos un Circu. Pa que vengan a cantar el Fari, Chiquetete, Junco, Camilo Sesto... ya outros infraseres pol estilu. Ya una de las espropiadas, amái de quitá-y la güerta, zarran-y una ventana col "Circu". Asina que nada, nun vei poder vellu, veir tener que mercar la entrada cumo tou fiyu de veicín, nunca meyor dichu.
Pero increyible la inauguración, numái faltaba Areces, la RTPA, ya la Pita... Pa outra....
Por outru llau, hai xente bastante disconforme col PSOE salense. Más que xente, personas. Un coleutivu personas mui grande. Nun son personas físicas, senon tolas (ou cásique) las personas xurídicas del conceyu. Las Asociaciones ensín fines llucrativos. Vou numái nomar dalguna, cola que you tea rellación por formar parte ou por collaborar davezu:
AMISALAS, AMIGOS DEL CAMÍN DE SANTIAGU, LOS PICOS, XUNTA POLA DEFENSA DE LA LLINGUA ASTURIANA- XUNTA CONCEYU SALAS, L'AYARÓN...
Nun conozo más. Con dalguna asociación ya poudieron. Por exemplu Cántara ou Las Cinco Villas. Pero colas que quedan vein tenello más duru... ya nun tou falando de las asociaciones de Xubilaos....
Labels: SaLaS
# ¡Las cousas qu'acontecen nesti mundu! "Poro, la realidá soupera la ficción" Diestru @ 7:05 pm 5 comments
01/11/2006
¿A qué vos suena esto?
El tema de la vecindá ía un tema bastante importante, nun vos creáis que non. Polonia por exemplu perdeu dellas oportunidades de medrar ya de desendolcase pola sua mala vecindá.
A Asturias puei pasai lu miesmu con dalgún outru veicín (aparte de Castiella, claro). Imáxinai lo peligrosu d'un discursu de medias verdades, ya cumo se puei componer. Imaxinái, imaxinái:
Imaxinade qu'un home/muyer arrel.louriáu/ada garra las riendas del Conceyu Salas. Ya que-y da por espandese a costa d'un veicín someyáu col que siempre houbo bona vecindá. Güéi tocou-y a Pravia.
Primeiru de too hai que crear unos mitos, dalgo que diferencie a Salas del restu. Asina, esta pequena hestoria, un pequenu discursu:
"Los homones son, según la tradición, quien moraba la tierra de Salas (áu las parroquias de San Vicente, Villamar, Santa María Salas (la Pola) ya Godán. L.lou cheganon los salenses ya nuna l.luita feroz derrotan-ys ya fundan la vil.la Salas (esta llenda ía verdá). La hestoria de los homones ía paecía a la de los firborgs n'Irlanda. L.lou, los Salenses son un pueblu harmanu a los irlandeses, que cumo son Celtas nós tamién. Cocretamente nós soumos pésicos, una raza distinta.
La l.lingua nuesa tamién ía especial. Nós falamos asturianu, el dialeutu oucidental. Esti, xébrase en cuatru soudialeutos. Bien. Nuna pequena parte del conceyu fálase cumo en Tinéu, Valdés, Cangas, parte Ayande ya parte Navia. Más en concretu, cumo se fala nas Vil.las de L.luarca, Tinéu, Navelgas, Cangas, La Puela, Trevías, La Espina, Veiga... Que concentran la mayoría de la población del oucidente. Antoncias, nós por mor d'algamar un mayor mercáu comercial veimos usar esi dialeutu. Chamaremos a esa corriente "reintegracionaliega". ¿A que vos suena?
Inda, más. Se na l.lingua nós someyamosnos a la parte alta del conceyu Pravia (ía dicir, nós nun tenemos neutru materia ya nós dicimos "curredor" por cuenta "correor" yá tá armada. Porque en Pravia hai una parte (L'Auteda) que nun tien neutru materia ya diz "curredor", ya outra (los valles baxos, los rañegos) que dicin "correor" ya tienen neutru materia.
Amái, el tema compíicase cuando dellas parroquias del conceyu de los Cuervos patenecieron a la Puerta l'Oucidente fasta 1926-1927. Tou falando de Corduveiru, Folgueras ya parte de Villavaler ( fasta Llomparti, peimeque fora de Salas, pero las tierras altas; el valle siempre fou Pravianu).
Estas tierras, cumo Salas, tienen población vaquera, qu'ía la población de Salas, ía que nós tenemos l'elementu pésicu (ya analóxicamente "vaqueiru" qu'ía la castra pésica más pura n'actualidá, nu sangre. Bien, anque la xente d'esa parte Pravia nun fale salense bonu (falan un deriváu ensin la l.l ya ensin outras cousas más nuesas), tienen rasgos comunes cumo'l caltenimientu de la -d de corredor (curredor) ya la perda del neutru materia.
Ta tamien la coyuntura ya la tendencia política dambos territorios. Salas ía tradicionalmente una tierra d'izquierdas (esto hai qu'entecomillalu). Pravia, más reaccionaria ya conservadora, de derechas. Gran parte de la izquierda praviana ya de l'asturianismu pravianu ta relacionada col conceyu Salas (ya esto na vida real ía verdá, pero nun vou entrar en detayes).
Poro, las tierras pravianas de Folgueras, Corduveiru, Villavaler, Inclán, Arangu, Sandamías ya Courias ya Quinzanas han conformar el quintu coutu del Conceyu Salas: "L'Arangu-Narcea"."
L.lou hai que falsear cuatru cousinas que se paezan ente las duas tierras, la zona "invasora" ya la zona "invadida":
"Amái, esta xente a parte la l.lingua, ya la raza, ía una cultura típicamente agraria, con emplazamientos industriales a "pie corte". El.los tienen "Limpac plastic", la única industria praviana. Cumo Salas cola Danone ou La Espina cola Cerámica. Poro, la sua economía ya'l sou xeitu vida ía vaqueiru, ya Salense"
Ya finalmente, atacar:
"Si, rapaces, Salas son los cuatru antiguos coutos: Llinares (Maeza), Soutu los Infantes (Salas), Las Dorigas (Corniana) ya L.laviu (La Espina); más agora L'Arangu-Narcea, cuya capitalidá nun ta inda mui definida. Ya la población d'esti últimu veimos referinos a el.la cumo "Arrayanos", "estimeiros" ou "Arangunarceyanos". Ya'l sou dialeutu (que conforma la l.lingua Salense) sedrá definíu unilateralmente dende la vil.la Salas (por exemplu) cumo "arangunarceyanu"."
Ya agora, unos testimoninos, pa ciarrar:
"Si, ía verdá. You cuando vou a outras partes del Conceyu Pravia falo n'Asturianu estandard. Pero cuando vou al Arangu-Narcea falo cumo en Salas ya la xente entiendeme"
"Nun chigre en Veigafriosa entréi ya punxeme a falar con unos amigos del pueblu. Falabamos n'Asturianu estandard. Ya díxome la chigrera "Cuatro salenses ya falando cumo nas Cuencas". Ouviamente camudamos el rexistru ya entamamos a falar cumo se fala a 2 km, na Aldeya de Prada (Co de Sl)."
"Ía alucinante. La frontera cultural ente Salas ya Pravia nun ta nada bien definida. Andando por Pravia ía impresionante la nitidez cola que chega la señal de TeleNarcea (la canal qu'emite dende Salas, concretamente dende Corniana). La señal chega muito bien fasta la vil.la Pravia".
"Entrei nuna fiesta prau nu Arangu-Narcea. La cultura de la fiesta Prau ya los chigres adentrase cuasi fasta la vil.la Pravia. La situación yara la miesma que en cualisquiera xira salense. Primeiru sou la 1 los vieyos vein a Misa. L.lou sacan el Santu en procesión. Chega, dempuéis, el vermú. Ya la xente vei a la barra a tomalu. A la houra xintar, la xente xinta en familia nu práu, a vedes ente varias familias, cumo se fai en Salas. Pero hai, nun acaba la cousa. Esta xente amái, suelen dempuéis de comer, revolcase pol práu, ya más sero, cola orquesta dir a la barra "a chumar" ou a beil.lar delantre l'escenariu la orquesta. Todas estas costumes vense tamién, anque con muita más vitalidá, en Salas"
"Ía común ente las fasteras más cercanas a Corniana (Lluercis/ L.luerces, Ripollis/ Repol.les...) ver a la xente en Corniana, facienlo las suas compras ou simplemente tomando polos chigres un caféi."
Voilà! Ehí teneis. Una parte Pravia ía Salense, fou usurpada, ya anque el.los nun lo seipan l.levanlo nu sangre. Hai que-ys lu predicar... Ya al restu pravianos desixi-ys que nós pidan perdón!!!!
A Asturias puei pasai lu miesmu con dalgún outru veicín (aparte de Castiella, claro). Imáxinai lo peligrosu d'un discursu de medias verdades, ya cumo se puei componer. Imaxinái, imaxinái:
Imaxinade qu'un home/muyer arrel.louriáu/ada garra las riendas del Conceyu Salas. Ya que-y da por espandese a costa d'un veicín someyáu col que siempre houbo bona vecindá. Güéi tocou-y a Pravia.
Primeiru de too hai que crear unos mitos, dalgo que diferencie a Salas del restu. Asina, esta pequena hestoria, un pequenu discursu:
"Los homones son, según la tradición, quien moraba la tierra de Salas (áu las parroquias de San Vicente, Villamar, Santa María Salas (la Pola) ya Godán. L.lou cheganon los salenses ya nuna l.luita feroz derrotan-ys ya fundan la vil.la Salas (esta llenda ía verdá). La hestoria de los homones ía paecía a la de los firborgs n'Irlanda. L.lou, los Salenses son un pueblu harmanu a los irlandeses, que cumo son Celtas nós tamién. Cocretamente nós soumos pésicos, una raza distinta.
La l.lingua nuesa tamién ía especial. Nós falamos asturianu, el dialeutu oucidental. Esti, xébrase en cuatru soudialeutos. Bien. Nuna pequena parte del conceyu fálase cumo en Tinéu, Valdés, Cangas, parte Ayande ya parte Navia. Más en concretu, cumo se fala nas Vil.las de L.luarca, Tinéu, Navelgas, Cangas, La Puela, Trevías, La Espina, Veiga... Que concentran la mayoría de la población del oucidente. Antoncias, nós por mor d'algamar un mayor mercáu comercial veimos usar esi dialeutu. Chamaremos a esa corriente "reintegracionaliega". ¿A que vos suena?
Inda, más. Se na l.lingua nós someyamosnos a la parte alta del conceyu Pravia (ía dicir, nós nun tenemos neutru materia ya nós dicimos "curredor" por cuenta "correor" yá tá armada. Porque en Pravia hai una parte (L'Auteda) que nun tien neutru materia ya diz "curredor", ya outra (los valles baxos, los rañegos) que dicin "correor" ya tienen neutru materia.
Amái, el tema compíicase cuando dellas parroquias del conceyu de los Cuervos patenecieron a la Puerta l'Oucidente fasta 1926-1927. Tou falando de Corduveiru, Folgueras ya parte de Villavaler ( fasta Llomparti, peimeque fora de Salas, pero las tierras altas; el valle siempre fou Pravianu).
Estas tierras, cumo Salas, tienen población vaquera, qu'ía la población de Salas, ía que nós tenemos l'elementu pésicu (ya analóxicamente "vaqueiru" qu'ía la castra pésica más pura n'actualidá, nu sangre. Bien, anque la xente d'esa parte Pravia nun fale salense bonu (falan un deriváu ensin la l.l ya ensin outras cousas más nuesas), tienen rasgos comunes cumo'l caltenimientu de la -d de corredor (curredor) ya la perda del neutru materia.
Ta tamien la coyuntura ya la tendencia política dambos territorios. Salas ía tradicionalmente una tierra d'izquierdas (esto hai qu'entecomillalu). Pravia, más reaccionaria ya conservadora, de derechas. Gran parte de la izquierda praviana ya de l'asturianismu pravianu ta relacionada col conceyu Salas (ya esto na vida real ía verdá, pero nun vou entrar en detayes).
Poro, las tierras pravianas de Folgueras, Corduveiru, Villavaler, Inclán, Arangu, Sandamías ya Courias ya Quinzanas han conformar el quintu coutu del Conceyu Salas: "L'Arangu-Narcea"."
L.lou hai que falsear cuatru cousinas que se paezan ente las duas tierras, la zona "invasora" ya la zona "invadida":
"Amái, esta xente a parte la l.lingua, ya la raza, ía una cultura típicamente agraria, con emplazamientos industriales a "pie corte". El.los tienen "Limpac plastic", la única industria praviana. Cumo Salas cola Danone ou La Espina cola Cerámica. Poro, la sua economía ya'l sou xeitu vida ía vaqueiru, ya Salense"
Ya finalmente, atacar:
"Si, rapaces, Salas son los cuatru antiguos coutos: Llinares (Maeza), Soutu los Infantes (Salas), Las Dorigas (Corniana) ya L.laviu (La Espina); más agora L'Arangu-Narcea, cuya capitalidá nun ta inda mui definida. Ya la población d'esti últimu veimos referinos a el.la cumo "Arrayanos", "estimeiros" ou "Arangunarceyanos". Ya'l sou dialeutu (que conforma la l.lingua Salense) sedrá definíu unilateralmente dende la vil.la Salas (por exemplu) cumo "arangunarceyanu"."
Ya agora, unos testimoninos, pa ciarrar:
"Si, ía verdá. You cuando vou a outras partes del Conceyu Pravia falo n'Asturianu estandard. Pero cuando vou al Arangu-Narcea falo cumo en Salas ya la xente entiendeme"
"Nun chigre en Veigafriosa entréi ya punxeme a falar con unos amigos del pueblu. Falabamos n'Asturianu estandard. Ya díxome la chigrera "Cuatro salenses ya falando cumo nas Cuencas". Ouviamente camudamos el rexistru ya entamamos a falar cumo se fala a 2 km, na Aldeya de Prada (Co de Sl)."
"Ía alucinante. La frontera cultural ente Salas ya Pravia nun ta nada bien definida. Andando por Pravia ía impresionante la nitidez cola que chega la señal de TeleNarcea (la canal qu'emite dende Salas, concretamente dende Corniana). La señal chega muito bien fasta la vil.la Pravia".
"Entrei nuna fiesta prau nu Arangu-Narcea. La cultura de la fiesta Prau ya los chigres adentrase cuasi fasta la vil.la Pravia. La situación yara la miesma que en cualisquiera xira salense. Primeiru sou la 1 los vieyos vein a Misa. L.lou sacan el Santu en procesión. Chega, dempuéis, el vermú. Ya la xente vei a la barra a tomalu. A la houra xintar, la xente xinta en familia nu práu, a vedes ente varias familias, cumo se fai en Salas. Pero hai, nun acaba la cousa. Esta xente amái, suelen dempuéis de comer, revolcase pol práu, ya más sero, cola orquesta dir a la barra "a chumar" ou a beil.lar delantre l'escenariu la orquesta. Todas estas costumes vense tamién, anque con muita más vitalidá, en Salas"
"Ía común ente las fasteras más cercanas a Corniana (Lluercis/ L.luerces, Ripollis/ Repol.les...) ver a la xente en Corniana, facienlo las suas compras ou simplemente tomando polos chigres un caféi."
Voilà! Ehí teneis. Una parte Pravia ía Salense, fou usurpada, ya anque el.los nun lo seipan l.levanlo nu sangre. Hai que-ys lu predicar... Ya al restu pravianos desixi-ys que nós pidan perdón!!!!
Labels: Arango-Narcea
# ¡Las cousas qu'acontecen nesti mundu! "Poro, la realidá soupera la ficción" Diestru @ 1:27 pm 7 comments
![](http://www.alianzo.com/ranking-blogs/boton.php?url="htpp://www.munduxaime.blogspot.com")
